ՊԱՏՄՈՒԹՅԱՆ ԱՅՍ ՕՐԸ (8 ՀՈՒԼԻՍԻ). Ալաշ­կեր­տի օպե­րա­ցիա, «Ոս­... ՀԱՍԱՐԱԿՈՒԹՅՈՒՆ
«Փոր­ձում ենք դժվա­րու­թյուն­նե­րը վե­րա­ծել հնա­րա­վո­րու­թ... ՀԱՍԱՐԱԿՈՒԹՅՈՒՆ
Հստա­կեց­վում է մար­տա­կան հեր­թա­պա­հու­թյուն իրա­կա­նաց­նո... ՀԱՍԱՐԱԿՈՒԹՅՈՒՆ
Երեք տարր, որ դրե­ցին առա­ջա­ցած խնդիր­նե­րի սկիզ­բը ՀԱՐՑԱԶՐՈՒՅՑ
Եր՞բ Հա­յաս­տա­նում հե­տաքն­նու­թյուն կանց­կաց­վի՝ պար­զե­լո... ՎԵՐԼՈՒԾԱԿԱՆ
Երևան, 09.Հուլիս,
00
:
00
:
00
Փոխարժեք
478.65
$
560.79
Վերաքննիչ դատարանը Գագիկ Ծառուկյանին կալանավորելու որոշում չի կայացրել. Երեմ Սարգսյան Ucom-ի հայտարարությունը լայն տարածում է գտել եվրոպական մամուլում Ձեր ճակատագիրը գրված է Ձեր ծննդյան տարեթվի վերջին թվում Արթուր Վանեցյանի դիտարկմամբ՝ եկել է քաղաքական քայլերի մեջ հստակություն մտցնելու պահը Անցած տարի ասացիք՝ ՏՄՊՊՀ նկատմամբ վստահությունը պետք է բարձրանա․ ի՞նչ եք արել դրա համար Գագիկ Ծառուկյանի գործով վերաքննիչի բողոքը կդառնա բեկումնային 60 կմ/ժ առավելագույն արագություն Երեւանի բոլո՞ր ճանապարհներին․ երթեւեկության փոփոխություն Իմ սիրելի՛ հայրենակիցներ, ես ցավում եմ, որ որոշ շրջանակների հաջողվեց իմ խոսքերը անբարո ձեւով խեղաթյուրել. Նաիրա Զոհրաբյան Պարետի նոր որոշումը. ովքե՞ր կարող են բաց տարածքում դիմակ չկրել Մենք հիմա քաղաքական հարցեր ենք քննարկում, իսկ մարդիկ էնտեղ մահանում են. Արարատ Միրզոյան ՊԱՏՄՈՒԹՅԱՆ ԱՅՍ ՕՐԸ (8 ՀՈՒԼԻՍԻ). Ալաշ­կեր­տի օպե­րա­ցիա, «Ոս­կե ծի­րան», պայ­քար՝ «Զվարթ­նո­ցի» հին շեն­քը պահ­պա­նե­լու հա­մար Մխիթար Հայրապետյանն ընտրվել է Հայաստան-Իրան բարեկամական խմբի ղեկավար «Փոր­ձում ենք դժվա­րու­թյուն­նե­րը վե­րա­ծել հնա­րա­վո­րու­թյան». վե­րա­կանգ­նե­լով տա­վու­շյան ձե­ռա­գոր­ծի բազ­մա­դա­րյա ավան­դույթ­նե­րը

Կառավարությունը ձախողել է համավարակի դեմ պայքարը

Past.am

Հայաստանը գտնվում է ճգնաժամային փուլում։ Կորոնավիրուսի տարածման ինտենսիվ տեմպը չի դադարում, իսկ առողջապահական համակարգն աշխատում է ուժերի լարվածության պայմաններում։ Եվ հանրապետությունում կորոնավիրուսի հետ կապված իրավիճակը բացասական ազդեցություն է ունենում տնտեսական միջավայրի և հանրության բարոյահոգեբանական մթնոլորտի վրա։

Իրավիճակի առանձնահատկությունն այն է, որ յուրաքանչյուր կառավարություն երկրի համար միջազգային և ներքին բարենպաստ պայմաններում կարող է արդյունքներ գրանցել, դրա համար հատուկ ջանքեր չեն պահանջվում, սակայն հատուկ ջանքեր և եռանդ է պահանջվում ճգնաժամային պայմաններում կառավարում իրականացնելու և արդյունքեր գրանցելու համար։

Իսկ ինչպես ցույց է տալիս ժամանակը, Փաշինյանի կառավարությունը միայն բարենպաստ պայմաններում աշխատող կամ այսպես ասած «լեն օրերի» կառավարություն է, որը ճգնաժամային իրավիճակներում ի վիճակի չէ արդյունավետ կառավարում իրականացնել։

Եթե խոսենք փաստերով, ապա ճգնաժամային ու ֆորսմաժորային իրավիճակներում անհրաժեշտ էր համախմբել հանրությանը, որպեսզի ողջ հասարակությունը հետևեր այն օրակարգին ինչն առաջ են տանում իշխանությունները երկիրը ստեղծված իրավիճակից դուրս հանելու համար։

Սակայն ի սկզբանե իշխանությունները անլուրջ վերաբերմունք ունեին համաճարակի հետ կապած և զբաղված էին ապրիլի 5-ի հանրաքվեի քարոզչությամբ։ Նրանք իրենց քաղաքականապես վստահ էին զգում և շարունակում էին ցեխ շպրտել իրենց քաղաքական մրցակիցների հասցեին։

Իշխանություններին թվում էր, թե այս անգամ էլ հանրությանը սևերի ու սպիտակների, հեղափոխականների ու հակահեղափոխականների բաժանելով՝ կարող են հաջողության հասնել, ինչպես որ կատարել են այս երկու տարիների ընթացքում։

Բայց արդեն ճգնաժամով պայմանավորված քաղաքական եղանակի փոփոխություն է տեղի ունեցել։ Եվ իշխանությունների անլրջությունն ու ընդդիմության հետ համագործակցելու խողովակների բացակայությունը ստեղծեցին մի իրավիճակ, երբ չկա կորոնավիրուսային ճգնաժամի դեմ պայքարի միասնական տեսլական։

Իսկ երբ իշխանությունները սկսել են քիչ-քիչ սթափվել, ապա հանրությունը շարունակում է լուրջ չընդունել նրանց գործելակերպը, քանի որ կառավարությունն ի վիճակի չէ կառավարման պրոֆեսիոնալ որակներ դրսևորել։

Երկու ամիս է, ինչ Հայաստանը գտնվում է արտակարգ դրության ռեժիմում և պարետատունը իրավիճակը հսկողության տակ պահելու նպատակով սահմանափակումներ կիրառելու վերաբերյալ տարբեր որոշումներ է ընդունում, բայց վարակի տարածման տեմպը շարունակում է մնալ անվերահսկելի։

Ու այնպես չէ, որ վարակի դեմ արդյունավետ պայքարը կառավարության ուժերից վեր է, քանի որ կա գրանցված վարակի դեմ արդյունավետ պայքարի փորձ։ Օրինակ՝ հարևան Վրաստանում հնարավոր եղավ հաջող պայքար տանել կորոնավիրուսի տարածման դեմ, և դա է պատճառը, որ Վրաստանի իշխանությունները մտադիր են արդեն հուլիսի 1-ից թույլատրել զբոսաշրջիկների մուտքը երկիր, իսկ մենք դեռևս վարակի պիկին տանող ճանապարհին ենք։

Ըստ էության ստացվում է, որ մեր կառավարությունը ձախողել է համավարակի դեմ պայքարը։ Ուստի պատահական չէ, որ այդ մասին կառավարության նիստի ժամանակ անուղղակիորեն խոստովանեց նաև վարչապետ Փաշինյանը՝ հայտարարելով, թե կորոնավիրուսի հետ կապված գործերը լավ չեն և իրավիճակն ավելի լուրջ է, քան կարելի է պատկերացնել։

Արթուր Կարապետյան

 

 

 

 

 

 

 

website by Sargssyan