ՊԱՏՄՈՒԹՅԱՆ ԱՅՍ ՕՐԸ (27 ՄԱՅԻՍԻ). Բախումներ Երևանում խորհրդային զինվորների և ազատամարտիկների միջև
ՀԱՍԱՐԱԿՈՒԹՅՈՒՆՏՈՆԵՐ
Ռուսաստան՝ Սանկտ Պետերբուրգի օր, Նիգերիա՝ Երեխաների օր։
ՀԱՅ-ՀԱՅԱՍՏԱՆ
1441- Կիրակոս Ա Վիրապեցին ընտրվել է Ամենայն հայոց կաթողիկոս։
1661 - ծնվել է բանաստեղծ Նաղաշ Հովնաթանը։
1882 -ծնվել է բոլշևիկ, հեղափոխական Սիմոն Տեր-Պետրոսյանը (Կամո)։ 1891 -վախճանվել է գրող, երգիծաբան Հակոբ Պարոնյանը։ 1898 -ծնվել է դերասանուհի Ռուզաննա Վարդանյանը։
1907 - վախճանվել է ազգային-ազատագրական պայքարի հերոս Գևորգ Չաուշը (Ղազարյան)։
1918-տեղի է ունեցել Ապարանի հերոսամարտը։
1927- ծնվել է ճանաչված կինոռեժիսոր, դերասան և սցենարիստ Ֆրունզե Դովլաթյանը։
1932 -ծնվել է ճարտարապետ Լիա Սաֆարյանը։ 1937- վախճանվել է գրող, արձակագիր Ատրպետը՝ «Տժվժիկի» հեղինակը։
1970-վախճանվել է դերասանուհի Օլգա Գուլազյանը։
1990 - Երևանի «Սասունցի Դավիթ» երկաթուղային կայարանում առավոտյան խորհրդային զինվորների և ազատամարտիկների բախումից զոհվել են ազատամարտիկներ Արսեն Հարությունյանը, Գարեգին Կարապետյանը, Սամսոն Հարությունյանը, Վազգեն Վարդանյանը, Խաչիկ Մալխասյանը և Էդիկ Պետրոսյանը, որից հետո խորհրդային բանակն իր անօրեն գործողությունները շարունակել է Էրեբունի խճուղում։
1992-Հայաստանը դիվանագիտական հարաբերություններ է հաստատել Ուրուգվայի հետ։
1993-Հայաստանը դիվանագիտական հարաբերություններ է հաստատել Մալթայի հետ։
1998 -վախճանվել է կոմպոզիտոր Ղազարոս Սարյանը։
2000- Դրաստամատ Կանայանը վերահուղարկավորվել է Ապարանի հերոսամարտի հուշահամալիրում։
2002- Հայաստանը, Լեռնային Ղարաբաղը, ինչպես նաև 45 երկրների հայկական սփյուռքը ներկայացնող մոտ երեք հազար պատվիրակների մասնակցությամբ Երևանում իր աշխատանքն է սկսել Հայաստան - Սփյուռք երկրորդ խորհրդաժողովը
2004-ամերիկահայ մեծահարուստ Քըրք Քըրքորյանին և աշխարհահռչակ երգիչ Շառլ Ազնավուրին Հայաստանի նախագահի հրամանագրով շնորհվել է «Հայաստանի Ազգային հերոս» բարձրագույն կոչումը:
2008-Ֆրանսիան մոտ 25 միլիոն եվրո է հատկացրել Երևանի ջրամատակարարման համակարգի բարելավման և մաքրման համար:
2018-«Շիրակ» ֆուտբոլային ակումբի երկրպագուները փակել են Գյումրի-Երևան ճանապարհը՝ պահանջելով Ռուբեն Հայրապետյանի հրաժարականը։
ԱՇԽԱՐՀ
1332 -ծնվել է թունիսցի մուսուլման պատմաբան, փիլիսոփա Իբն Խալդուն։
1525 -վախճանվել է գերմանացի հումանիստ և տեսաբան, գյուղացիական ապստամբության ղեկավար Թոմաս Մյունցերը։
1679 -Անգլիայում ընդունվել է Habeas Corpus Act-ը՝ անհատի իրավունքների պահպանումը երաշխավորող օրենքը։
1703 - Պետրոս Մեծ ցարը հիմնադրել է Սանկտ Պետերբուրգը։
1794 -Ռուսաստանի կայսրուհի Եկատերինա 2-րդը հաստատել է Հաջիբում նոր քաղաք-նավահանգիստ ստեղծելու որոշումը, փաստացի հաստատվել է Օդեսա քաղաքի գլխավոր հատակագիծը։
1831 -Նոր Մեքսիկայում «Վայրի արևմուտքի» հետազոտող Ջորջ Սմիթը սպանվել է իր հնդկացի ուղեկցորդների կողմից։
1840 - վախճանվել է իտալացի վիրտուոզ ջութակահար Նիկոլո Պագանինին։
1844 -ուղարկվել է առաջին հաղորդագրությունը Մորզեի մեթոդով։
1877 -ծնվել է ամերիկացի պարուհի Այսեդորա Դունկանը։
1883 - Ռուսաստանում թագադրվում է Ալեքսանդր 3-րդ ցարը:
1887 -ծնվել է լեհական ծագումով ամերիկացի ֆիզիկոս և քիմիկոս Կազիմիր Ֆայանսը։
1894-ծնվել է խորհրդային և ռուսական թատրոնի ու կինոյի դերասանուհի Վերա Օռլովան։
1895 -անգլիացի գյուտարար Բիրտ Ակրեսը արտոնագրել է կինոպրոյեկտորը։
1905 -սկսվել է Ցուսիմյան ճակատամարտը, որի ժամանակ ռուսական նավատորմը ջախջախիչ պարտություն է կրել ճապոնական կայսերական նավատորմի կողմից։
1910 -վախճանվել է գերմանացի մանրէաբան Ռոբերտ Կոխը։
1912 -ծնվել է ամերիկացի գրող Ջոն Չիվերը:
1916 -ԱՄՆ-ի նախագահ Վուդրո Վիլսոնը կոչ է արել պատերազմից հետո ստեղծել Ազգերի լիգա։
1921 -Աֆղանստանը դարձել է անկախ պետություն։
1930 -Ռիչարդ Դրյուն արտոնագրել է «թափանցիկ կպչուն ցելոֆանային ժապավենը»՝ սկոտչը, որը պետք է օգտագործվեր ավտոմեքենաների ներկման ժամանակ ապակիները ներկից պահպանելու համար։
1937- շահագործման է հանձնվել Սան Ֆրանցիսկոյի Ոսկե դարպասներ կամուրջը։
1941- Մեծ Բրիտանիայի թագավորական ռազմածովային ուժերը խորտակել են գերմանական «Բիսմարկ» նավը։
1960 - Թուրքիայում տեղի է ունեցել ռազմական հեղաշրջում։
1964- վախճանվել է Հնդկաստանի ազգային ազատագրական պայքարի առաջնորդ Ջավահարլալ Ներուն։ - Կոլումբիայում սկսվել է քաղաքացիական պատերազմ։
1971 -103 հազար հանդիսատեսի ներկայությամբ կայացել է ֆուտբոլային հանրահայտ դարպասապահ Լև Յաշինի հրաժեշտի խաղը։
1994- քսանհինգ տարվա վտարումից հետո Ռուսաստան է վերադարձել Ալեքսանդր Սոլժենիցինը։
Ի ՄԻ ԲԵՐԵՑ Կ. ԽԱՉԻԿՅԱՆԸ