«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 12.Հուլիս,
00
:
00
:
00
Փոխարժեք
478.65
$
560.79
Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից Հուլիսի 1-ից սպանդանոցային մորթը հավաստող փաստաթուղթը պարտադիր է տնտեսվարողի համար Լուկաս Սելարայանի գեղեցիկ գոլը ՄԼՍ-ում (տեսանյութ) Կորոնավիրուսի «վարակիչության աստիճանը» բարձրացել է Եթե արտակարգ դրությունը շարունակվի հանրային սննդի ոլորտում գործազրկությունը կհասնի 40 տոկոսի. Աշոտ Բարսեղյան Սկսվել է Վարդավառին նախորդող պահքի շաբաթը Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց հետո Լուսինե Թովմասյանը ցույց է տվել դստեր հետ էքստրեմալ հանգիստը Նոր մանրամասներ Երևանում կեղծ ռումբի տեղադրման ահազանգի մասին․ Ոստիկանություն է հրավիրվել Մանվել Գրիգորյանի փաստաբանը Նորաթուխ սփյուռքահայությունը «Նիկոլ-արևին» հեռվից է նայում, գիտեն՝ կայրի, եթե շատ մոտենան. Գագիկ Համբարյան Դուրս եկեք Ձեր առանձնասենյակից և շրջեք մարզերում․ Աշնանացանի ժամանակն է․ պատգամավորը՝ նախարարին Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա Քանի՞ սպանդանոց կա Հայաստանում այս պահին «Սույն երիտասարդը և իր քայլիստ գործընկերների 90 տոկոսն ուղղակի դիլետանտներ են․ Գագիկ Համբարյան Երեկոյան ժամերին սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ուժեղ քամիներ ՏԵՍԱՆՅՈՒԹ. Քաղաքացիները կո՞ղմ են արտակարգ դրության երկարաձգմանը. հարցում Արամ Վարդանյանը տեղափոխվել է «Արմավիր» քրեակատարողական հիմնարկ Կարիք չկա մարդկանց սադիստաբար պարտադրել փակել քիթն ու բերանը տնեցիների շրջապատում․«Իմ քայլի» նախկին պատգամավոր Ոստիկաններն օրենք են խախտում՝ դիմակ չկրելով Ռոբերտ Քոչարյանը հրապարակել է վերջին շրջանում իր ընթերցած գրքերի ցանկը

«Ան­հա­տը ցան­կա­ցած աշ­խա­տան­քի մեջ սի­րո մաս­նիկ է դնում»

«Մաքրամեն հանգույցներով հյուսքի տեխնիկա է, որը շատ հին պատմություն ունի, դեռ նախամարդուց սկսած, երբ փորձել են կապել առաջին հանգույցները, կամ, ավելի ճիշտ, երբ նախամարդը փորձել է խոտի տերևները կամ որսի մորթին իրեն հարմարեցնել պաշտպանվելու համար: 

Այսպես ստեղծվել են առաջին հանգույցները, որոնք ժամանակի ընթացքում ավելացել են կենցաղի անհրաժեշտությունից ելնելով և դարերի ընթացքում բազմազան են դարձել, մարդիկ սկսել են ստեղծագործաբար մոտենալ դրանց, և այսպես մաքրամեն հասել է մինչև մեր օրեր»,-այսպես ենք սկսում Գեղանուշ Թովմասյանի հետ զրույցը: 

Նա ներկայացնում է մաքրամեի պատմությունը, թե ինչպես սկսեց հետաքրքրվել թելերի աշխարհով, անդրադառնում այն հանգամանքին, որ ծանր տարիներին մաքրամեն օգնեց հոգալ ընտանիքի տարրական կարիքները:

 

Տիկին Գեղանուշը նշում է՝ մաքրամեի զարգացման մեջ կարևոր է եղել նավաստիների ներդրումը: «Ամիսներ շարունակ գտնվելով նավերի վրա, նավարկելով տարբեր երկրներ և իրենց մոտ պարաններ ունենալով` ձանձրույթը փարատելու համար դրանցով տարբեր նախշեր, հանգույցների տեսակներ են ստեղծել: Հիմա 500-ից ավելի հանգույց է հաշվվում: Կենցաղի մեջ եղած ամեն սովորական հանգույցը կիրառվում է նաև մաքրամեում»,-«Փաստի» հետ զրույցում ասում է մեր զրուցակիցը:

Առհասարակ թելի նկատմամբ հետաքրքրությունը նրա մոտ առաջացել է դեռ մանկուց: «Հիշում եմ՝ 7-8 տարեկան էի, և որքան էլ մանկավարժ ծնողներս առաջնահերթ էին համարում կրթությունը, դասերը, այնուամենայնիվ, փորձում էի տատիկիս հետ տնային գործերն ավարտելուց հետո ինչ-որ ազատ ժամանակահատված գտնել, որպեսզի գնայի և հորաքրոջս հետ գորգ գործել սովորեի: 

Ինձ հրապուրում էր թելերի հետ աշխատանքը, հայկական նախշերը: Թելի նկատմամբ սերը միշտ մնացել է ինձ հետ: Հետագայում` ավելի հասուն տարիքում կրթությանս զուգահեռ փորձել եմ ամեն ինչ՝ հելունագործություն, շյուղագործություն և այլն: Իսկ մաքրամեի հանդեպ իմ հետաքրքրությունն առաջացավ, երբ տեսա մորաքրոջս հարևանի աշխատանքները: 

Նա արտասահմանից եկած կին էր, շատ գեղեցիկ ստեղծագործական մտքով, հրաշալի աշխատանքներ ուներ, որոնք այն ժամանակ՝ 1970-1980ական թվականներին, վաճառում էր ժամանակի վերնախավին: Այդ ժամանակ Խորհրդային Միությունում չկար անհատ ձեռներեցություն, պետական հաստատություններ էին, իսկ նա կարողանում էր իր տանը պատրաստել և վաճառել նման աշխատանքներ, իհարկե, գաղտնի ձևով:

 Լինելով մաթեմատիկական մտածողության տեր մարդ, ինձ հրապուրում էին երկրաչափական նախշերը, և, մաքրամեի մեջ տեսնելով դրանք, որոշեցի՝ պետք է անպայման մաքրամե սովորեմ: Այդ պրոցեսի սկիզբը դրվեց այն ժամանակ, երբ ծնվեց առաջնեկս, և երեք տարի ֆիզարձակուրդում մնացի: Այդ ընթացքում էլ ավելի խորացա ստեղծագործական աշխատանքի մեջ: 

Երբ եկան ծանր տարիները, փակվեցին գիտահետազոտական ինստիտուտները, իսկ ես աշխատում էի Աշտարակի ռադիոֆիզիկայի ինստիտուտում, տանը սկսեցի մաքրամեի աշխատանքներ պատրաստել և նաև խմբակներ ստեղծել ու փոխանցել իմ փորձառությունը: 90-ականներին, երբ կյանքը պարալիզացվել էր, կարողացել եմ իմ դասապրոցեսների և աշխատանքի շնորհիվ ընտանիքիս ամենատարրական հոգսերը հոգալ»,-ասում է տիկին Գեղանուշը: 

Կարծում է՝ ձեռքի աշխատանքը միշտ կգնահատվի: «Այդ մասին է վկայում նաև այն փաստը, որ ամռան ամիսներին Վերնիսաժը բավական մարդաշատ է լինում, զբոսաշրջիկները ցանկանում են ձեռք բերել ձեռքի աշխատանքներ: Ի վերջո, մեզանից յուրաքանչյուրը ցանկանում է ունենալ յուրօրինակ աշխատանք, և շատ բարձր է գնահատվում հատկապես մարդու ձեռքի աշխատանքով ստեղծված իրը, որովհետև դրա մեջ կա ստեղծագործական միտք, էներգիա, սեր: 

Երբ անհատը ցանկացած տեսակի աշխատանք է կատարում, նրա մեջ սիրո մասնիկ է դնում: Հիմա մաքրամեն շատ տարածված է աշխարհում, որքան էլ ժամանակի ընթացքում մի քիչ անտեսել են, հետո սկսել է զարգանալ ու տարածվել: Վերջին 2-3 տարում Եվրոպայում շատ մեծ հետաքրքրություն կա մաքրամեի հանդեպ: Առհասարակ, ձեռքի անհատական աշխատանքները բավական թանկ են գնահատվում»,-նշում է նա:

 

Գաղտնիք չէ՝ ձեռքի աշխատանքները նաև գումար վաստակելու միջոց են և շահագրգռություն՝ անընդհատ նոր գործեր ստեղծելու համար: Տիկին Գեղանուշը դա փաստում է սեփական օրինակով: «Երբ ամենասկզբում սկսեցի մաքրամեով զբաղվել, ինձ դա ուղղակի հաճելի էր, սիրում էի ինքս կրել իմ աշխատանքները: 

Հագուստիս մեջ երկար տարիներ եղել են տարբեր դետալներ, կրել եմ աքսեսուարներ, մարդկանց նվիրել եմ իմ աշխատանքներից: Իմ օրինակով ապացուցել եմ՝ հնարավոր է ձեռքի աշխատանքներ պատրաստել ու վաճառել, իմ շատ աշխատանքներ հայտնվել են արտասահմանում: Բացի դա, երկար տարիներ դասավանդել եմ Արաբկիրի Հայորդաց տանը, «Օրրան» հաստատությունում: 

Մեր երեխաների աշխատանքները վաճառվում էին, և ստացված գումարը կա՛մ խմբին էր բաժին հասնում, կա՛մ էլ երեխաներն անհատապես էին գումար ստանում, և դա օգնություն էր նրանց ընտանիքներին: Դասապրոցեսները երեխաներին սովորեցրեցին, որ ձեռքի աշխատանքները կարող են նրանց նաև ֆինանսական միջոցներով ապահովել, օգնել թեթևացնել իրենց ընտանիքի հոգսը: Այժմ, երբ կյանքը տեղափոխվել է վիրտուալ տիրույթ, և տանը զբաղվածություն ապահովելու հանրային խնդիր կա, իմ «Ձեռամբ. Handmade» ֆեյսբուքյան և YouTube-ի էջերում սկսել եմ մաքրամեի օնլայն դասընթաց, որն արդեն ընդունվել ու մեծ արձագանք է գտել հետևորդների շրջանում»,-եզրափակում է Գեղանուշ Թովմասյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan