«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 13.Հուլիս,
00
:
00
:
00
Փոխարժեք
478.65
$
560.79
Վաղը` հուլիսի 13-ին ժամը 11:00-ին ավտոերթ Խոր Վիրապ-Երևան․ Նարեկ Մալյան/տեսանյութ/ Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից Հուլիսի 1-ից սպանդանոցային մորթը հավաստող փաստաթուղթը պարտադիր է տնտեսվարողի համար Լուկաս Սելարայանի գեղեցիկ գոլը ՄԼՍ-ում (տեսանյութ) Կորոնավիրուսի «վարակիչության աստիճանը» բարձրացել է Եթե արտակարգ դրությունը շարունակվի հանրային սննդի ոլորտում գործազրկությունը կհասնի 40 տոկոսի. Աշոտ Բարսեղյան Սկսվել է Վարդավառին նախորդող պահքի շաբաթը Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց հետո Լուսինե Թովմասյանը ցույց է տվել դստեր հետ էքստրեմալ հանգիստը Նոր մանրամասներ Երևանում կեղծ ռումբի տեղադրման ահազանգի մասին․ Ոստիկանություն է հրավիրվել Մանվել Գրիգորյանի փաստաբանը Նորաթուխ սփյուռքահայությունը «Նիկոլ-արևին» հեռվից է նայում, գիտեն՝ կայրի, եթե շատ մոտենան. Գագիկ Համբարյան Դուրս եկեք Ձեր առանձնասենյակից և շրջեք մարզերում․ Աշնանացանի ժամանակն է․ պատգամավորը՝ նախարարին Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա Քանի՞ սպանդանոց կա Հայաստանում այս պահին «Սույն երիտասարդը և իր քայլիստ գործընկերների 90 տոկոսն ուղղակի դիլետանտներ են․ Գագիկ Համբարյան Երեկոյան ժամերին սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ուժեղ քամիներ ՏԵՍԱՆՅՈՒԹ. Քաղաքացիները կո՞ղմ են արտակարգ դրության երկարաձգմանը. հարցում Արամ Վարդանյանը տեղափոխվել է «Արմավիր» քրեակատարողական հիմնարկ Կարիք չկա մարդկանց սադիստաբար պարտադրել փակել քիթն ու բերանը տնեցիների շրջապատում․«Իմ քայլի» նախկին պատգամավոր Ոստիկաններն օրենք են խախտում՝ դիմակ չկրելով

«Անկախության տարիներին ավելի համախմբված էինք, հիմա հակառակը՝ կղզիացել ենք»

Ակնհայտ է՝ համավարակի առկայությունը և տարածումը շատ բան է փոխել մեր իրականության մեջ: Խորքային փոփոխություններն իրենց զգացնել կտան շատ ավելի ուշ, քանի որ ներկայումս ուղղակի ապրում ենք տվյալ իրականության մեջ՝ փորձելով դիմագրավել առօրեական խնդիրներին, պահպանել լավատեսությունն ու զգոնությունը: Բնական է, որ այս իրավիճակն իր ազդեցությունը կունենա նաև մշակութային կենտրոնների, դերասանների, երաժիշտների և առհասարակ բոլոր ստեղծագործողների գործունեության վրա:

Պատանի հանդիսատեսի թատրոնի դերասանուհի, վաստակավոր արտիստուհի Արև Սանթրոսյանը նշում է՝ հաճախ է մտածում այն մասին, թե ստեղծված իրավիճակն ինչ ազդեցություն կունենա թատրոնների գործունեության վրա: 

«Լավատեսական լուծում չեմ կարողանում գտնել, մտածում եմ, որ իսկապես հանդիսատեսի հոսքը շատ կպակասի, որովհետև, բացի նրանից, որ մարդկանց մեջ վախ կլինի, թույլ չեն տրվի հանդիսատեսի ներկայությամբ մասսայական ցուցադրություններ, ներկայացումներ, կարծում եմ, որ մեր հանդիսատեսը կկանգնի նաև ֆինանսական դժվարությունների առաջ: 

Ամեն դեպքում պատկերացնում եմ, որ ուղիղ մեկ տարի չենք կարողանալու նորմալ ներկայացումներ խաղալ, չենք կարողանալու մեր սիրելի հանդիսատեսին բերել թատրոն: Մտածում եմ՝ ինչ անենք, ոնց անենք: Ամենավատը թատրոնների վիճակն է: 

Այնքան լավն էր դարձել հանդիսատեսը: Ամեն ինչ խառնվեց իրար, լավ լուծումներ չեմ տեսնում, այդ հարցում դարձել եմ փոքր-ինչ վատատես: Գուցե մեկ տարի հետո նորից մեր թատրոնների դռները բացվեն: Նույն խնդիրը կա նաև կինոթատրոնների, համերգասրահների հետ կապված: 

Պատանի հանդիսատեսի թատրոնում ներկայացում էինք բեմադրել Նար-Դոսի չորս նովելների հիման վրա, 23 հոգի միայն գործող անձինք էին, շատ գեղեցիկ ներկայացում էր ստացվել, պետք է այն հանձնեինք գեղարվեստական խորհրդին, նույն օրը սկսվեց արտակարգ դրությունը»,-«Փաստի» հետ զրույցում ասում է դերասանուհին:

Միևնույն ժամանակ կարծում է, որ այս պարտադրված պարապուրդը չի ազդի դերասանների մասնագիտական որակների վրա: 

«Դերասանի մասնագիտությունն է դերեր խաղալ հանդիսատեսի առաջ: Նրանք ավելի շատ էներգիայով, զգացմունքներով, շատ կարոտած, շատ ավելի բարձր որակով և մակարդակով հանդես կգան: Ես այդ հարցում կասկածներ չունեմ: 

Դերասանները մեծ թափով, էներգիայով կանցնեն աշխատանքի, հիմա տխրում ենք, կարոտում բեմը: Լավ կլինի, պետք է լավատեսորեն տրամադրվել, վստահ լինել, որ հանդիսատեսը կվերադառնա թատրոն, իսկ դրանք էլ կսկսեն գործել ամենաբարձր մակարդակով»,-նշում է մեր զրուցակիցը:

Այս օրերին մեր ազատ ժամանակը որևէ կերպ կազմակերպելու խնդիր ունենք: Դերասանուհին նշում է՝ տպավորություն է, որ այս 2-3 ամսում տարբեր փուլեր անցանք: «Սկզբում չէինք հասկանում, պատկերացնում՝ ինչ է կատարվում, ժխտում էինք իրականությունը, ասում՝ սա չի կարող լինել: 

Մի տեսակ սթրես տարանք, բայց հետո հարմարվեցինք, սկսեցինք կոնկրետ ինչ-որ գործունեությամբ զբաղվել: 

Օրինակ՝ ես չեմ դադարեցրել գործունեությունս: Շատ լավ թատերական խումբ ունեմ Մալաթիայի հայորդաց տանը, որն, ի դեպ, 25 տարի է՝ գործում է: Երեխաների հետ օնլայն տարբերակով նաև անհատական դասեր անցկացրեցի, որպեսզի նրանք ֆորմայի մեջ լինեն, համարյա պատրաստեցինք բեմադրությունը: 

Այսինքն, ես պարապուրդի մեջ չեմ եղել, միշտ էլ ինչ-որ ստեղծագործական պրոցես ենք ունեցել: Պետք է առհասարակ լավատեսորեն տրամադրվել, սա լավ առիթ է, որ մարդիկ շատ կարդան, ուսումնասիրեն, օրինակ՝ թատրոնի, դերասանների կյանքը, նրանց ապրելակերպը, գործունեությունը: Դերասանուհի եմ, դրա համար բերում եմ այս օրինակը: 

Սա շատ հետաքրքիր փորձառություն կարող է լինել: Հիմա տեղեկատվության աղբյուրները շատ են, սոցցանցերից ևս հնարավոր է շատ տեղեկություն ստանալ: Մարդիկ պետք է լցնեն իրենց օրը: 

Դուստրս՝ դերասանուհի Տաթև Ղազարյանը, ավելի բովանդակալից անցկացրեց այս շրջանը: Հեքիաթներ կարդաց, լցրեց թե՛ իր, թե՛ երեխաների կյանքը: Երեխաները նույնիսկ նամակներ էին գրում, թե երբ է լինելու նոր հեքիաթը: Պետք է ամեն ինչ անել այս նյարդային վիճակից դուրս գալու համար, կարողանալ շատ հարցերի գիտակցաբար մոտենալ»,-ասում է դերասանուհին: 

Նշում է՝ այս ամենի ավարտից հետո, այսպես թե այնպես, մարդկանց ապրելակերպում, մտածելակերպում ինչ-որ փոփոխություններ կլինեն: «Ինչ վերաբերում է համախմբվածությանը, ասեմ՝ անկախության տարիներին ավելի համախմբված էինք, լույս չկար, ծանր տարիներ էին, հավաքվում էինք իրար գլուխ, խոսում էինք, ծիծաղում, կարդում, այդ վախը մեջներս չկար: Հիմա այս վիրուսը, վախը մտել է մեջներս, հակառակը՝ կղզիացել ենք, մնում է ժամանակն օգնի այս վիճակից դուրս գալ»,-եզրափակում է Արև Սանթրոսյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan