Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 07.Հուլիս,
00
:
00
:
00
Փոխարժեք
478.65
$
560.79
Նոր նախագիծ. առաջարկվում է միջինը 4 անգամ ավելացնել դատարաններ դիմելու պետական տուրքի չափը Հնդկաստանը եւ Չինաստանը զորքերը դուրս են բերել Գալվան գետի վիճելի հովտից Արդեն դժոխքում ե՞նք, թե՞ դժոխքի ճանապարհին Պաշտպանության նախարարի կոշտ պատասխանը. անիվը կանգնեցնելու անբարո փորձ Ովքե՞ր կարող են օգտվել կորոնավիրուսի տնտեսական հետևանքների չեզոքացման 22-րդ միջոցառումից Արտակարգ դրությունը երկարաձգվելո՞ւ է եւս մեկ ամսով. Մանե Գեւորգյանի մեկնաբանությունը Արտակարգ դրությանն առնչվող հարցերով ՄԻՊ-ը ստացել է 2249 բողոք. Ամենաշատ բողոքները աջակցության ծրագրերի հետ են կապված Ոստիկանության շտաբի պետ է նշանակվել Ինչպես վերականգնել Սահմանադրության նկատմամբ հարգանքը Ի՞նչ խախտումների դեպքում ռուսական հեռարձակողի իրավունքը կկասեցվի Կրթական ծրագրով նախատեսվում է կրճատել հայոց լեզվի և գրականության ուսուցումը. մանրամասներ ներկայացված նախագծից Հանձնաժողովն արտահերթ նիստ կանի. ով է ԿԲ խորհրդի անդամի թեկնածուն Նիկոլ Փաշինյանը նոր որոշում է ստորագրել Երկրաշարժ՝ Մարմարաշեն գյուղի մոտակայքում. էպիկենտրոնում ցնցման ուժգնությունը 2-3 բալ էր Կրեմլի խորհրդավոր լռությունը. Հայկական հետքը հանգիստ չի՞ տալիս 10 հայտնիներ, որոնք կյանքին հրաժեշտ են տվել վաղ տարիքում

Ի՞նչ իմի­տա­ցի­ա­յի է գնում Փա­շի­նյա­նը՝ վար­չա­պե­տի աթո­ռը փրկե­լու հա­մար

Հայաստանում անկանխատեսելի քաղաքական զարգացումներ են ընթանում։ Ըստ էության, քաղաքական գործընթացները չգնացին այն ուղղությամբ, ինչպիսին նախատեսվում էին մի քանի ամիս առաջ։ Կորոնավիրուսը խառնեց բոլոր քաղաքական խաղաքարտերը։

Երբ համավարակը նոր էր սկսել տարածվել հանրապետությունում, իշխանություններին թվում էր, թե կարանտինի ռեժիմից հետո կորոնավիրուսի տարածումը հնարավոր կլինի բացառել, սակայն նրանց հաշվարկները ճիշտ դուրս չեկան, նրանք պատշաճ կերպով պատրաստ չգտնվեցին՝ դիմագրավելու կորոնավիրուսային մարտահրավերին։

Իսկ ներկայումս այնպիսի իրավիճակ է, որ Հայաստանը վարակի տարածման մակարդակով տարածաշրջանում շարունակում է մնալ բացարձակ առաջատարը։ Ընդ որում, մեր երկրում կորոնավիրուսի տարածումը դեռևս չի հասել իր պիկին, և այս պահին դժվար է կանխատեսել, թե որքան կտևի այս իրավիճակը, վարակի բռնկման երկրորդ փուլ կլինի՞, թե՞ ոչ։ 

Ի դեպ, Փաշինյանի հայտարարությունը երկրորդ փուլ թևակոխելու մասին մասնագետները գնահատում են բացարձակ սխալ, քանզի առաջին փուլի հաղթահարման մասին նույնիսկ մոտ ապագայում խոսելն անիմաստ է, այնքան ուժգին ու հետևողական են տապալել այս իշխանությունները ամեն ինչ:

Եվ այս իրավիճակում տրամաբանական է, որ վարչապետը շատ հավանական է համարում արտակարգ դրության երկարաձգումը։ 

Ճիշտ է, այսպես թե այնպես, վաղ թե ուշ Հայաստանը դուրս է գալու այս ճգնաժամային իրավիճակից, սակայն հարցն այն է, թե ինչ գին է վճարելու առանց այն էլ բարդ իրավիճակում գտնվող մեր երկիրը։

 

Խնդիրը վերաբերում է ինչպես մահացության ցուցանիշներին, այնպես էլ տնտեսական կորուստներին և բարոյահոգեբանական իրավիճակին։ 

Եվ այս առումով հատկանշական է, որ արդեն ունենք դեպք, երբ բժշկական օգնության ուշացման պատճառով մարդ է մահացել կորոնավիրուսից, իսկ առողջապահական համակարգն աշխատում է ուժերի գերլարումով։

Սակայն համավարակի արդյունքում կորուստների թեման չի կարող հենց այնպես անցնել, այն կարող է լուրջ հետևանքներ ունենալ առաջիկա քաղաքական զարգացումների տրամաբանությունը կանխորոշելու ուղղությամբ։ 

Եվ այս ուղղությամբ օրակարգային հիմնական հարցադրումը լինելու է այն, թե արդյոք իշխանությունները պատշաճորեն կատարե՞լ են բնակչության հանդեպ իրենց ստանձնած պարտավորությունները, իրավիճակի ճշգրիտ ախտորոշում կատարե՞լ են, թե՞ ոչ, արդյո՞ք իրենց անգործությամբ չեն նպաստել համաճարակային իրավիճակի սրմանը և այլն։ 

Չնայած իշխանությունները շարունակում են հանրությանը վստահեցնել, թե իրենք ոչ մի առանցքային ուղղությամբ չեն թերացել և կատարում են բոլոր հակաճգնաժամային քայլերը, սակայն հանրության շրջանում դժգոհություն է գեներացվում՝ առկա իրավիճակի հետ կապված։ 

Ինչպես ասում են, առանց կրակ ծուխ չի լինում։ Ո՞վ մի քանի ամիս առաջ կպատկերացներ, թե արդեն իսկ վարչապետի հրաժարականը պահանջող շրջանակներ են լինելու։ Ընդ որում, շատ մեծ շրջանակներ, ընդհուպ, կարելի է ասել, հասարակության մեծ մասի կողմից:

Արդյունքում «կորոնավիրուսից ապաքինվելուց» հետո վարչապետ Փաշինյանը հնարավորություն ստացավ բողոքի դրսևորումները չեզոքացնելու համար կառավարման համակարգում էական փոփոխություններ անցկացնել։ 

Սակայն զարմանալի է, որ վարչապետը արտակարգ դրության իրավիճակում փոփոխություններ նախաձեռնեց ոչ թե այն ուղղություններով, օրինակ՝ պարետատուն, առողջապահության նախարարություն, տնտեսական բլոկի աշխատանք, որոնց շուրջ են հիմնական դժգոհությունները, այլ ուժային կառույցներում։

Ու ամենահետաքրքրականն այն է, որ վարչապետը պարզաբանումներ չի տալիս հանրությանը, թե հատկապես ի՞նչ թերացումների հետ են կապված ուժայինների ղեկավարների հրաժարականները։

Միգուցե Փաշինյանը փորձում է ժամանակ շահել այսպիսի քայլերով և տպավորություն ստեղծել, թե փոփոխություններ է կատարում, քանի որ եթե այս իրավիճակում փոխեց առողջապահական և հակահամաճարակային իրավիճակի հետ կապված պատասխանատուներին, ապա կրկին հաջողություն չգրանցելու պարագայում արդեն իր հրաժարականի հարցը ավելի սուր է դրվելու։

Եվ ավելի նախընտրելի տարբերակ է փոփոխությունների իմիտացիայի գնալ, մինչև հնարավոր լինի հաղթահարել համավարակի արդյունքում ստեղծված ճգնաժամը, իսկ ճգնաժամի հաղթահարման փուլում եթե դժգոհությունները շարունակվեն, ապա այդ պատասխանատու պաշտոնյաներին կարելի է դարձնել քավության նոխազ՝ վարչապետի աթոռը փրկելով հարվածներից։

Մյուս կողմից, կարծիք կա, որ արտակարգ դրության ռեժիմը երկարաձգելով և ուժայիննեին փոխելով՝ Փաշինյանը փորձում է ամեն գնով պահպանել իր աթոռը՝ նաև կիրառելով հնարավոր ու անհնար բոլոր մեթոդները: 

Ընդ որում, շատերը չեն բացառում, որ նա կսկսի ճնշումներ բանեցնել ընդդիմադիրների նկատմամբ և ուժ կիրառել բողոքի ակցիաներ իրականացնողների հանդեպ: Թեպետ առավել սթափ դատող փորձագետները դեռ հույս ունեն, որ իշխանությունը նման քայլերով չի գնա վերջնական ինքնասպանության:

 ԱՐԹՈՒՐ ԿԱՐԱՊԵՏՅԱՆ

 

website by Sargssyan