ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
«Երթևեկությունը փորձադաշտ չէ, շատ հարցեր կապված են մարդկային... ՀԱՐՑԱԶՐՈՒՅՑ
«Մեր հիմնական առաքելությունը երեխայի մուտքը մանկատուն կանխար... ՀԱՐՑԱԶՐՈՒՅՑ
«Իրականացվեց էմպիրիկ մոտեցում, այնինչ սխալվելու իրավունք չու... ՀԱՐՑԱԶՐՈՒՅՑ
Գլոբալ առումով հայրենիք-սփյուռք հարաբերություններում էական տ... ՎԵՐԼՈՒԾԱԿԱՆ
Երևան, 11.Հուլիս,
00
:
00
:
00
Փոխարժեք
478.65
$
560.79
Ինքնամեկուսացածների համար գործող StayHome հավելվածի մասին /տեսանյութ/ Նիկոլ Փաշինյանը նոր որոշում է ստորագրել Իշխանության գալու օրվանից զբաղված են քաղաքացիներից ավել գումար գանձելու ճանապարհներ գտնելու գործով․ Էդմոն Մարուքյան Ռուսաստանը կվերականգնի այլ երկրների հետ օդային հաղորդակցությունը երկու փուլով Ճանապարհային ոստիկանությունը հայտարարություն է տարածել Էրդողանը ստորագրեց Սուրբ Սոֆիան մզկիթ դարձնելու որոշումը Նանսենի անվան երեխաների խնամքի կենտրոնի 10 սաների ու 5 աշխատակիցների մոտ կորոնավիրուս է հայտնաբերվել Գերմանիան բուժաշխատողների խումբ է գործուղում Հայաստան Պետք է հենց այդպես. Նիկոլ Փաշինյանի եւ Սերժ Սարգսյանի զուգահեռը Նախագահ Արմեն Սարգսյանը հանդիպել է Բակո Սահակյանի հետ ՀՀ Գլխավոր դատախազի տեղակալն ազատվել է աշխատանքից ՀԿ նախագահ. մսամթերքի որոշ տեսակների գները զգալիորեն աճել են Կանգնած ուղևորներին իջեցնում են երթուղային տրանսպորտից Սյունիքում մեկնարկում է 3 խոշոր բնակավայրերի գազիֆիկացումը. 500 տնտեսություն գազ կունենա Թուրքիան գաղտնի համաձայնագիր է ստորագրել օտարերկրյա պետություններից դիսիդենտների առեւանգման վերաբերյալ «Հանրակրթության չափորոշիչներում խնդրահարույց եւ ռիսկային ձեւակերպումներ կան». ՀՅԴ ՀԵՄ-ի հայտարարությունը Էներգիայի միջազգային գործակալությունը բարձրացնում է 2020 թվականի նավթի պահանջարկի կանխատեսումը ԿԳՄՍ նախարարը ներկայացրել է՝ ի՞նչ պետք է անեն աշակերտները տարրական, հիմնական ու ավագ դպրոցներում Իրանը երբեք չի մոռանա եւ չի ների գեներալ Ղասեմ Սոլեյմանիի սպանությունը Հայաստան է վերադառնում 124 քաղաքացի

Զբոսաշրջային ծառայություններ մատուցողների մեծամասնությունը դուրս է մնացել աջակցության 20-րդ ծրագրից

Երբ կառավարությունը հաստատեց կորոնավիրուսի տնտեսական հետևանքների չեզոքացման 20-րդ միջոցառումը, հստակ ընդգծվել էր, որ միջոցառման նպատակն է օժանդակել նաև կորոնավիրուսի տարածման հետևանքով մասնավոր հատվածի տուժած ոլորտների վարձու աշխատողներին: 

Այս ծրագրով տուժած ոլորտների ցանկում նաև զբոսաշրջային ծառայություններն են: 

Բայց խնդիրն այն է, որ զբոսաշրջային ծառայություններ մատուցողներից շատերի տվյալները բացակայում են դիմումատուների ցուցակից: Խոսքը միանվագ, նվազագույն աշխատավարձի չափով աջակցություն ստանալու մասին է: 

Խնդիրն այն է, որ զբոսաշրջության ոլորտում ծառայություններ մատուցողների մեծամասնությունը (մեր տեղեկություններով՝ մոտ 80 տոկոսը) դեռ 2020 թ. սկզբին անցել է միկրոձեռնարկատիրության հարկման դաշտ: 

Այժմ ոլորտի ներկայացուցիչներն ահազանգում են, որ 20-րդ միջոցառման ցանկում ընդհանրապես բացակայում են միկրոձեռնարկությունների տվյալները: 

Ըստ էության, սա է պատճառը, որ թեպետ նրանցից շատերը նախորդ աջակցման ծրագրից կարողացել են օգտվել, բայց այս անգամ նրանք զրկվում են միանվագ աջակցությունից:

Տուրիզմի հայկական ֆեդերացիայի նախագահ Մեխակ Ապրեսյանը մեզ հետ զրույցում նշեց, որ ծանոթ է խնդրին, և իրենք ևս դիմել են համապատասխան մարմիններին՝ հարցն ուշադրության և քննարկումների փուլում պահելու համար:

 Մինչ բուն խնդրին անդրադառնալը՝ նա շեշտեց, որ դեռ աջակցության ծրագրերի առաջին փուլերում են բարձրաձայնել հնարավոր խնդիրների մասին: 

«Հիմնական խնդիրը տնտեսական գործունեության դասակարգչով է պայմանավորված՝ մասնավորապես այդ ծրագրերով նախատեսված դասակարգիչներին չհամապատասխանելու հետ: Մենք այս մասին դեռ 3-րդ միջոցառումից սկսած ենք բարձրաձայնել: 

Մասնավորապես շեշտել ենք, որ զբոսաշրջության ոլորտին պետք է առանձնահատուկ մոտեցում ցուցաբերել՝ նաև ընտրության չափանիշների մասով: 

Կազմակերպություններից շատերն ընտրվում են ըստ տնտեսական գործունեության դասակարգչի, իսկ զբոսաշրջության ոլորտում շատ են կազմակերպությունները, ԱՁ-ները, որոնց տնտեսական գործունեության դասակարգիչը չի համապատասխանում պահանջվող դասակարգիչներին»,-«Փաստի» հետ զրույցում ասաց Մ. Ապրեսյանը:

Անդրադառնալով վերոնշյալ խնդրին՝ մեր զրուցակիցը շեշտեց, որ, օրինակ՝ զբոսավարները միկրոձեռնարկատեր հանդիսացող սուբյեկտ են: «Նրանք ևս միկրոձեռնարկատիրության սուբյեկտ են համարվել և դրա համար խառնաշփոթ է առաջանում ու ծրագրերից չեն օգտվում: 

Բայց չէ՞ որ կորոնավիրուսի հետևանքների տեսանկյունից ամենախոցելի խավը հենց զբոսավարներն են, որոնք, ըստ էության, դուրս են մնում աջակցության ծրագրից: Եվ գաղտնի՞ք էր արդյոք կամ պարզ չէ՞ր, որ նրանց գործունեությունը հենց միկրոձեռնարկատիրության դաշտում է: 

Բայց, փաստորեն, լինելով խոցելի խավ, այս ոլորտի ներկայացուցիչները դուրս են մնում նշված ծրագրից: Սա պետք է հաշվի առնել ու շտկել: Ես ուզում եմ շեշտել, որ առհասարակ զբոսաշրջության ոլորտը շատ կարևոր ու տարբերվող առանձնահատկություններ ունի: 

Եթե մենք զբոսաշրջության ոլորտը համարում ենք գերակա ճյուղ, պետք է նաև ընկալենք, որ ոլորտը շատ կարևոր առանձնահատկություններ ունի, որոնք պետք է հաշվի առնել: Ոլորտի համար հատուկ առանձին ծրագիր է պետք կամ գոնե անհրաժեշտ է ցանկացած նման ծրագրերում զբոսաշրջության առումով բացառություններ անել: Եթե անգամ որպես սկզբունք ընդունվում է, որ միկրոձեռնարկատեր հանդիսացող սուբյեկտները տվյալ ծրագրից չպետք է օգտվեն, ուրեմն պետք է ասել՝ բացառությամբ զբոսաշրջային ծառայությունների: 

Չէ՞ որ բոլորիս է հայտնի, որ այս ոլորտի ներկայացուցիչները և, մասնավորապես, նաև զբոսավարներն ամենաշատն են տուժել: 

Այստեղ խոսքը խտրականության մասին չէ: Կարծում եմ՝ բոլորն են հասկանում, որ վարակի տնտեսական բացասական հետևանքները առաջին հերթին և առավելապես հենց զբոսաշրջության ոլորտի վրա են ազդել»,-ընդգծեց նա՝ շեշտելով, որ եթե ուզում ենք աջակցել այս ոլորտին, պետք է հաշվի առնել բոլոր նրբությունները:

«Ես մեկ այլ օրինակ էլ բերեմ: Նույն 20-րդ միջոցառման մեջ ընդգրկվել են ավտովարձույթի ծառայությունները, բայց զբոսաշրջային տրանսպորտային ծառայություն մատուցողներն ընդգրկված չեն: Ու սա այն դեպքում, երբ զբոսաշրջային տրասպորտը գրեթե զրկված է եկամուտներից, քանի որ այս ծառայության հիմնական սպառողը օտարերկրյա զբոսաշրջիկն էր: Հիմա այս ծառայությունների ներկայացուցիչները վարկերի տակ ճռռում են, աշխատողներին պահելու խնդիր ևս ունեն, բայց, ստացվում է, չեն ընդգրկվում աջակցության ծրագրում»,-ասաց մեր զրուցակիցը:

Մեխակ Ապրեսյանը շեշտեց՝ մի կողմից հասկանալի է՝ որոշումները արագ են ընդունվում, բայց խնդիրները պետք է ընկալել ու շտկել: Նա հայտնեց նաև, որ մշտապես քննարկումների մեջ են պատասխանատու մարմինների հետ ու հուսով են, որ առաջարկություններն ու արձագանքները հաշվի կառնվեն:

ԱՆՆԱ ԲԱԴԱԼՅԱՆ

website by Sargssyan