Նիկոլ Փաշինյանը գիշերը մեկ ժամվա ընթացքում երկու անգամ զրուց... ՔԱՂԱՔԱԿԱՆ
Եթե շա­րու­նա­կենք ներ­սից փչա­ցած մնալ, մեզ փրկու­թյուն չի ... ՎԵՐԼՈՒԾԱԿԱՆ
Կներդրվի հարկադիր կատարման մասնավոր համակարգ․«Փաստ» ՔԱՂԱՔԱԿԱՆ
«Մեզ պար­տադր­վեց պար­տու­թյան ճա­նա­պար­հը, լույ­սը թու­նե­... ՎԵՐԼՈՒԾԱԿԱՆ
«Այդ մար­դու հետ պարտ­վե­լու ենք նաև տնտե­սա­կան պա­տե­րազ­մ... ՀԱՐՑԱԶՐՈՒՅՑ
Երևան, 27.Նոյեմբեր,
00
:
00
:
00
Փոխարժեք
478.65
$
560.79
Երկու ձեռքով կողմ է եղել Տիգրան Ավինյանը. Ովքեր են նախապես իմացել Արցախը հանձնելու փաստաթղթի մասին. «Հրապարակ» Նիկոլ Փաշինյանը գիշերը մեկ ժամվա ընթացքում երկու անգամ զրուցել է Պուտինի հետ Որքան կլինի նվազագույն աշխատավարձը 2021 թվականին. «Ժողովուրդ» Ի՞նչ առաքելությամբ են եկել ռուս խաղաղապահները. «Ժողովուրդ» Երկրի իրական էլիտան՝ ազգի սերուցքը, գիտական շրջանակն է պահանջում Փաշինյանի հրաժարականը. «Իրատես» Մարադոնան հուղարկավորվել է Բուենոս Այրեսից 35 կմ հեռավորության վրա գտնվող Բելլա-Վիստա գերեզմանատանը` ծնողների կողքին (տեսանյութ) Նախարարություններին հանձնարարվել է 6-ամսյա պլան ներկայացնել. «Իրատես» Վերջին մեկ ժամվա ընթացքում երկու անգամ հեռախոսազրույց ունեցա Ռուսաստանի Դաշնության նախագահ Վլադիմիր Պուտինի հետ․ Նիկոլ Փաշինյան Մոտ 150 ռազմագերու մասին է խոսքը. «Հրապարակ» Ակտիվիստները «Դավաճան» գրությամբ պիտակներ են փակցրել Իմքայլականների մեքենաներին. «Հրապարակ» Ժողովուրդը մեզ չի ների. ովքեր ինչպես են նախապես ծանոթացել տխրահռչակ փաստաթղթին. «Հրապարակ» Փոխգնդապետին ստիպել են, համոզել են հրաժարվել Անդրանիկ Քոչարյանի դեմ ցուցմունքից. «Հրապարակ» Թաղման բյուրոյի աշխատակիցները ֆոտոսեսիա են կազմակերպել Դիեգո Մարադոնայի դիակի հետ 20 մասնագիտություն, որ պանդեմիայի պատճառով պահանջված չի լինի 2021 թվականին Ջուր չի լինելու Վերադարձրու զարդերս ու վճարիր պատվիրածդ հագուստի գումարը․ Աննա Հակոբյանի նախկին վարասահարդար Հայաստանից արտահանման ծավալը նվազել է 4.4%-ով, իսկ ներմուծմանը՝ 13.7%-ով Սյունիքի մարզի Դավիթ Բեկ գյուղում հրետակոծության հետեւանքով 60 տուն է վնասվել ԵՄ-ն ստիպելու է Թուրքիային ընդունել ՆԱՏՕ-ի բարեփոխումների ծրագիրը Անհետ կորած զինվորների հարազատները փակեցին Նիկոլ Փաշինյանի ավտոշարասյան ճանապարհը. վերջինս ոստիկանների օգնությամբ արագ հեռացավ (տեսանյութ)

Լուրջ ահազանգ. Թուրքիան իր ժխտողական քաղաքականությանն ինստիտուցիոնալ տեսք է հաղորդում

Մինչ կորոնավիրուսի համավարակը շարունակում է տարածվել, ինչպես տարածաշրջանային մակարդակում, այնպես էլ աշխարհի մասշտաբով աշխարհաքաղաքական տեղաշարժեր են տեղի ունենում։ 

Եվ մեզ համար կարևոր է, թե որն է Հայաստանի տեղն ու դերը արագ փոփոխությունների ենթարկվող աշխարհում, ինչ մարտահրավերներ կան, որոնց պետք է դիմագրավել:

Ինչպես գիտենք, Թուրքիան և Ադրբեջանը ոչ միայն շարունակում են Հայաստանի տնտեսական շրջափակումը, այլև միջազգային մակարդակով հակահայկական քարոզչություն են իրականացնում։ Մասնավորապես, տնտեսական առումով մեծ ներուժ ունեցող Թուրքիան մեծ ռեսուրսներ է ներդնում Հայոց ցեղասպանության իրողությունը հերքելու և իր ժխտողական քաղաքականությունն առաջ տանելու համար։ 

Հայոց ցեղասպանության հարցը լուրջ գլխացավանք է դարձել Թուրքիայի համար, քանի որ ժամանակի ընթացքում գնալով ավելի շատ երկրների խորհրդարաններ են ճանաչում և դատապարտում այդ ոճրագործությունը։

 Եվ հիմնական խնդիրն այն է, որ եթե մի քանի տարի առաջ այնպիսի իրավիճակ էր, որ շատ քիչ հավանական էր համարվում, թե որոշ երկրներ կարող են ճանաչել Հայոց ցեղասպանությունը, ապա այդ երկրները սկսել են ճանաչել պատմական իրողությունը։

Թուրքիայի համար հատկապես մտահոգիչ է այն, որ անցյալ տարվա վերջին ԱՄՆ Կոնգրեսի երկու պալատների կողմից Հայոց ցեղասպանության վերաբերյալ ընդունված բանաձևերը լուրջ խթան կարող են դառնալ ճանաչումների գործընթացի ակտիվացման համար, մանավանդ որ ամերիկյան դատարաններում սկսեցին քննվել Թուրքիայի դեմ հայերի ներկայացրած հայցերը։

Հայոց ցեղասպանության ճանաչման համար նպաստավոր պայմաններ է ստեղծում նաև այն հանգամանքը, որ Թուրքիան բավական ագրեսիվ քաղաքականություն է վարում տարածաշրջանում, ռազմական ներխուժումներ է կազմակերպում հարևան երկրների տարածք, մասնավորապես Սիրիա, և փորձում է իր ազդեցության գոտիները ընդլայնել արաբական աշխարհում։

Իսկ Թուրքիայի այսպիսի պահվածքը չի կարող հակազդեցության տեղիք չտալ, ինչպես օրինակ՝ մի քանի ամիս առաջ թուրքսիրիական հարաբերության լարման ֆոնին Սիրիայի խորհրդարանը ճանաչեց Հայոց ցեղասպանությունը։ 

Լարված են Թուրքիայի հարաբերությունները նաև արաբական աշխարհի ամենահզոր պետության՝ Եգիպտոսի հետ, և բացառված չէ, որ առաջիկայում Եգիպտոսը դառնա Հայոց ցեղասպանությունը ճանաչող հաջորդ արաբական երկիրը։

Բացի այդ, Թուրքիան սուր հակասություններ ունի ՆԱՏՕ-ի անդամ իր դաշնակից երկրների, հատկապես ԱՄՆ-ի և Ֆրանսիայի հետ։ Եվ պատահական չէ, որ արևմտյան մամուլը վերջերս գրում էր, թե Թուրքիան արգելափակում է ՆԱՏՕ-ի՝ Արևելյան Եվրոպայում պաշտպանական նոր ծրագրերի իրականացումը։ Եվ հասկանալի է, որ ՆԱՏՕ-ի անդամ երկրներն էլ իրենց հերթին չեն ցանկանում, որ տարածաշրջանում Թուրքիան չափից ավելի ուժեղացնի իր դիրքերը։

Եվ ահա թուրքական ղեկավարությունը, տեսնելով, որ այս իրողությունների պայմաններում Հայոց ցեղասպանության ճանաչման գործընթացը կարող է շարունակվել նոր թափով, փորձում է կանխարգելիչ միջոցներ ձեռնարկել։ 

Պատահական չէր, որ օրերս Թուրքիայի նախագահ Ռեջեփ Թայիփ Էրդողանի նախագահությամբ կայացած խորհրդատվական բարձրագույն կոմիտեի նիստում որոշում կայացվեց ստեղծել հատուկ մարմին, որը պիտի զբաղվի Հայոց ցեղասպանության հերքմամբ։ 

Էրդողանի հրահանգավորմամբ՝ նոր կառույցը պետք է զբաղվի Հայոց ցեղասպանության թեմայով նոր մարտավարության մշակմամբ, ինչպես նաև միջազգային հարթակներում այդ թեմայի շուրջ տեղի ունեցող զարգացումներին պատասխան քայլեր ձեռնարկելու գործառույթով: 

Սրանով Թուրքիան իր ժխտողական քաղաքականությանն ինստիտուցիոնալ տեսք է հաղորդում և պատրաստվում է իր այդ քաղաքականությանը ծառայեցնել թուրքական պետության հսկայական ռեսուրսները։

Իսկ մյուս կողմից՝ Թուրքիայի ղեկավարությունը այսպիսի կառույցի ստեղծմամբ և գործունեությամբ փորձում է թուրքական հանրության ուշադրությունը շեղել համավարակի արդյունքում առաջ եկած ներքին տնտեսական դժվարություններից և բարձրացնել իշխող «Արդարություն և զարգացում» (ԱԶԿAKP) կուսակցության վարկանիշը։

Ժխտողական քաղաքականության ուղղությամբ Թուրքիայի ակտիվացումը լուրջ ահազանգ է Հայաստանի համար, որը պետք է ակտիվացնի իր ջանքերը Հայոց ցեղասպանության միջազգային ճանաչման ուղղությամբ, ինչը նաև ենթադրում է, որ պետք է ակտիվ աշխատանքներ տանել սփյուռքի տարբեր համայնքների հետ և արդյունքի հասնելու նպատակով համատեղել Հայաստանի հնարավորությունները և սփյուռքի ներուժը։

ԱՐՏԱԿ ԳԱԼՍՏՅԱՆ

website by Sargssyan