ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
«Երթևեկությունը փորձադաշտ չէ, շատ հարցեր կապված են մարդկային... ՀԱՐՑԱԶՐՈՒՅՑ
«Մեր հիմնական առաքելությունը երեխայի մուտքը մանկատուն կանխար... ՀԱՐՑԱԶՐՈՒՅՑ
«Իրականացվեց էմպիրիկ մոտեցում, այնինչ սխալվելու իրավունք չու... ՀԱՐՑԱԶՐՈՒՅՑ
Գլոբալ առումով հայրենիք-սփյուռք հարաբերություններում էական տ... ՎԵՐԼՈՒԾԱԿԱՆ
Երևան, 11.Հուլիս,
00
:
00
:
00
Փոխարժեք
478.65
$
560.79
Ինքնամեկուսացածների համար գործող StayHome հավելվածի մասին /տեսանյութ/ Նիկոլ Փաշինյանը նոր որոշում է ստորագրել Իշխանության գալու օրվանից զբաղված են քաղաքացիներից ավել գումար գանձելու ճանապարհներ գտնելու գործով․ Էդմոն Մարուքյան Ռուսաստանը կվերականգնի այլ երկրների հետ օդային հաղորդակցությունը երկու փուլով Ճանապարհային ոստիկանությունը հայտարարություն է տարածել Էրդողանը ստորագրեց Սուրբ Սոֆիան մզկիթ դարձնելու որոշումը Նանսենի անվան երեխաների խնամքի կենտրոնի 10 սաների ու 5 աշխատակիցների մոտ կորոնավիրուս է հայտնաբերվել Գերմանիան բուժաշխատողների խումբ է գործուղում Հայաստան Պետք է հենց այդպես. Նիկոլ Փաշինյանի եւ Սերժ Սարգսյանի զուգահեռը Նախագահ Արմեն Սարգսյանը հանդիպել է Բակո Սահակյանի հետ ՀՀ Գլխավոր դատախազի տեղակալն ազատվել է աշխատանքից ՀԿ նախագահ. մսամթերքի որոշ տեսակների գները զգալիորեն աճել են Կանգնած ուղևորներին իջեցնում են երթուղային տրանսպորտից Սյունիքում մեկնարկում է 3 խոշոր բնակավայրերի գազիֆիկացումը. 500 տնտեսություն գազ կունենա Թուրքիան գաղտնի համաձայնագիր է ստորագրել օտարերկրյա պետություններից դիսիդենտների առեւանգման վերաբերյալ «Հանրակրթության չափորոշիչներում խնդրահարույց եւ ռիսկային ձեւակերպումներ կան». ՀՅԴ ՀԵՄ-ի հայտարարությունը Էներգիայի միջազգային գործակալությունը բարձրացնում է 2020 թվականի նավթի պահանջարկի կանխատեսումը ԿԳՄՍ նախարարը ներկայացրել է՝ ի՞նչ պետք է անեն աշակերտները տարրական, հիմնական ու ավագ դպրոցներում Իրանը երբեք չի մոռանա եւ չի ների գեներալ Ղասեմ Սոլեյմանիի սպանությունը Հայաստան է վերադառնում 124 քաղաքացի

«Ռուսական հեռուստաալիքները Հայաստանում կթույլատրվեն «դեղատոմսով». իսկապե՞ս չկա քաղաքական բաղադրիչ

kommersant.ru-ն «Ռուսական հեռուստաալիքները Հայաստանում կթույլատրվեն «դեղատոմսով»» վերնագրով հոդվածում գրում է, որ Հայաստանում քննարկվում է «Տեսալսողական մեդիայի մասին» օրենքի նախագիծը, ըստ որի, սահմանափակելու են արտասահմանյան հեռուստաալիքների հեռարձակումները մուլտիպլեքսով, այսինքն՝ այն փաթեթով, որը հասանելի է ամբողջ երկրով մեկ սովորական ալեհավաքի միջոցով: Փաստաթղթի առաջին ընթերցումից հետո Ռուսաստանի դեսպանատունը իր ֆեյսբուքյան էջի միջոցով այդ մասին խոսել է նախորդ շաբաթ: 

Ռուսական դիվանագիտական ներկայացուցչությունը ստիպված է եղել արձանագրել, որ «նոր օրենքն ուղղակիորեն կանդրադառնա հանրապետությունում ռուսական հեռուստաալիքների հեռարձակման ճակատագրի վրա»: «Նոր պայմաններում արտասահմանյան հեռարձակողները, իսկ այսօր հիմնականում ռուսաստանյան հեռուստաալիքների հարցն է, կարող են հեռարձակվել հանրային մուլտիպլեքսում միայն միջպետական պայմանագրի հիման վրա։ 

Այսինքն, անհրաժեշտ է պայմանավորվել «նոր խաղի կանոնների» շուրջ, որոնք, ըստ ամենայնի, կառաջարկվեն հայկական կողմից», - նշել են ռուս դիվանագետները: 

Բացի այդ, նրանք մեկնաբանել են այդ փաստաթուղթը որպես «լեզվական անվտանգության» խնդիր: «Որքան մենք հասկանում ենք, դրանով է պայմանավորված օրենսդրական ակտում առկա պահանջը, օտարալեզու մեդիա-պրոդուկտի թարգմանությունը կամ հայերեն տիտրերով պարտադիր «ուղեկցումը»»,- նշել է Ռուսաստանի դեսպանատունը՝ հավելելով, որ ռուսերենը, չնայած չունի պաշտոնական կարգավիճակ Հայաստանում, սակայն «շարունակում է ներկայումս էլ խաղալ ավելի մեծ դեր, քան պարզապես օտար լեզուն»:

 Մինչ օրս Հայաստանում հանրային մուլտիպլեքսով հեռարձակվում է հինգ արտասահմանյան հեռուստաալիք՝ «Первый канал», «Россия», «Культура», ամերիկյան «CNN»-ը, ինչպես նաև «Միրը», որը համարվում է ամբողջ ԱՊՀ-ի հեռուստաալիք: Մալուխային հեռուստատեսության օպերատորներին այս օրենքը չի վերաբերում, և նրանք կարող են արտասահմանյան ցանկացած ալիքի բաժանորդագրություն վաճառել: 

Ճիշտ է, Հայաստանի մալուխային հեռուստատեսության ցանցի տարածվածության մասին գնահատականները տարբեր են: Ըստ ռուսական կողմի, «այսօր Հայաստանում ոչ բոլորը կարող են իրենց թույլ տալ կաբելային հետուստաալիք ունենալ»: 

Սակայն Հայաստանի խորհրդարանի փոխխոսնակ Ալեն Սիմոնյանը այլ կերպ է մտածում: «Մուլտիպլեքսը համակարգ է, որը փակում է հեռուստատեսային տարածքի շատ փոքր մասը, Երևանի և խոշոր քաղաքների բնակիչների մեծ մասը օգտագործում է մալուխային հեռուստատեսություն», -kommersant.ru-ին բացատրել է Սիմոնյանը: 


Ըստ նրա, ազգային մուլտիպլեքսներում օտարերկրյա հեռուստաալիքների առկայություն հազվադեպ է լինում: Այնուամենայնիվ, հայ և ռուս դիվանագետների միջև բանակցություններ են ընթանում «VGTRK» հոլդինգին պատկանող կապուղիները , այն է ՝ « Первый канал» - ը և «Россия»-ն ազգային մուլտիպլեքսում ներառելու համար: Օրենքի նախագծի մշակողներից մեկը՝ իշխող «Իմ քայլը» դաշինքի պատգամավոր Վահագն Թևոսյանը , kommersant.ru-ին ասել է, որ նախագիծը վերջնական նախատեսվում է ընդունել մինչև հուլիսի վերջ: 

Նա վստահեցրել է, որ օրենքը չի ազդի ռուսական հեռուստաալիքների սիրահարների հետաքրքրությունների վրա, և դրանում չկա որևէ քաղաքական բաղադրիչ: «Մեր հասարակության զգալի մասը տիրապետում է ռուսերենին, սիրում է ռուսական հեռուստաալիքներ, բայց, որպես համապարփակ լուծման մաս, մենք պետք է հեռուստաալիքները բաժանենք երկու մասի՝ հայկական և արտասահմանյան, մենք չենք արգելում արտասահմանյան հեռուստաալիքների հեռարձակում, բայց հնարավորություն ենք տալիս հանրային մուլտիպլեքսով հեռարձակել այն հեռուստաալիքները, որոնց մասին պայմանավորվածություններ կլինեն երկրների միջև»,- բացատրել է պարոն Թևոսյանը: 

Ըստ kommersant.ru-ի տեղեկությունների, նոր կանոնները դե ֆակտո կսկսեն գործել 2021 թվականի սկզբից, քանի որ հեռարձակման ցանցի հաստատումը լինում է ամեն տարի: Հատկանշական է, որ 2020 թվականի հունվարին, երբ օրինագիծը նոր էր հայտնվել, տարակուսանք է առաջացրել Ռուսաստանի արտաքին գործերի նախարարությունում: Ճիշտ է, ինչպես պարզվել է ավելի ուշ, պատճառը եղել է թյուրիմացությունը: 

Այն ժամանակ Հայաստանում Ռուսաստանի դեսպանատունը արձագանքել էր Հայաստանի հեռուստատեսության և ռադիոյի ազգային հանձնաժողովի նախագահ Տիգրան Հակոբյանի այն հայտարարությանը, որ մուլտիպլեքսում օտարերկրյա հեռուստաալիքների առկայությունը «սպառնալիք է Հայաստանի ազգային անվտանգության համար», և իբր թե Ռուսաստանի դեսպանը համաձայն է այդ մոտեցման հետ: Սակայն ավելի ուշ պարոն Հակոբյանը հայտարարել է, որ իր խոսքերը սխալ են փոխանցվել, քանի որ նա խոսել է ոչ թե ազգային, այլ «տեղեկատվության» և «լեզվական անվտանգության» մասին: Միևնույն ժամանակ, Տիգրան Հակոբյանն իր խոսքում ընդհանրապես չի նշել ռուսական հեռուստաալիքները: 

Պատասխանելով kommersant.ru-ի հարցին՝ պարոն Հակոբյանը ևս մեկ անգամ նշել է, որ նախագծի նպատակները ոչ թե քաղաքական, այլ տեխնիկական են: «Մուլտիպլեքսային սլոտների սահմանափակ թիվը ավելի հզոր օտարերկրացիների առկայության դեպքում տեղական հեռուստաալիքներին դուրս կմղի երկրի միակ թվային մուլտիպլեքսից», - պարզաբանել է պարոն Հակոբյանը: 

Ըստ նրա, եթե բոլորը կարողանան մուլտիպլեքս մուտք գործել, ապա դա կստեղծի արևմտյան երկրների հեռուստաալիքների «հակառուսական քարոզչության» ավելացման սպառնալիք: Բացի այդ, պարոն Հակոբյանը վկայակոչել է վիճակագրություն, որը հաստատում է ռուսական հեռուստաալիքների հասանելիությունը: 

«Հայաստանի մալուխային օպերատորների փաթեթներում առկա է մոտ 400 հեռուստաալիք, որոնցից 209-ը ռուսական արտադրության են, 114-ը արտադրվում են եվրոպական երկրներում և ԱՄՆ-ում, ընդ որում, դրանց մեծ մասը հեռարձակվում է ռուսերենով, միևնույն ժամանակ, Հայաստանի տնային տնտեսությունների մոտ 65% -ն արդեն իսկ ունի մալուխային օպերատորների փաթեթների բաժանորդագրություններ», - ավելացրել է Տիգրան Հակոբյանը:

Պատրաստեց Կամո Խաչիկյանը

 

website by Sargssyan