UFC 257. Արման Ծառուկյանը հաղթեց ու այն նշեց եռագույնով ՍՊՈՐՏ
Երևանում և Արարատի մարզում վթարային ջրանջատում կլինի ՀԱՍԱՐԱԿՈՒԹՅՈՒՆ
Հայաստանից ռուս խաղաղապահների ուղեկցությամբ Ղարաբաղ է վերադա... ՀԱՍԱՐԱԿՈՒԹՅՈՒՆ
Երևանում և մարզերում էլեկտրաէներգիայի պլանային անջատումներ ե... ՀԱՍԱՐԱԿՈՒԹՅՈՒՆ
Ստեփանծմինդա-Լարս ավտոճանապարհը փակ է միայն բեռնատար ավտոմեք... ՀԱՍԱՐԱԿՈՒԹՅՈՒՆ
Երևան, 24.Հունվար,
00
:
00
:
00
Փոխարժեք
478.65
$
560.79
Դարձել ենք ռեսուրս պետություն այլոց ձեռքում և մեզ մաշացնելու են այնքան մինչև դադարենք որպես պետություն գոյություն ունենալ. Հովհաննես Ավետիսյան Գորիս-Տաթև ճանապարհը բքի պատճառով փակ է. կան 100-ից ավելի կուտակված ավտոմեքենաներ Ադրբեջանը Թուրքիայի աջակցությամբ պատրաստվում է Հայաստանի դեմ 50 միլիարդ դոլարի պահանջ ներկայացնել. Դմիտրի Եվստաֆև «Շուշին ոչ թե ընկել է, այլ Շուշին հանձնել են՝ Նիկոլ Փաշինյանի ուղիղ հրահանգով»․ Կուրղինյան Պետք է ապրել Հայաստանը հողատուից ազատելու, հայրենիքը շենացնելու եւ Շուշին հետ վերադարձնելու նպատակով. Շարմազանով Իմանալով՝ ինչով ավարտվեց 2018-ի հեղափոխությունը, կմասնակցեի՞ք դրան եւս մեկ անգամ․ Միքայել Մինասյան Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր «Պարզապես եղավ այն, որ Թուրքիան ու Ադրբեջանը Հայաստանի միջոցով ճանապարհային կապ հաստատեցին միմյանց հետ». Էդիկ Մինասյան Կորոնավիրուսը և արտաքինը. Ինչպե՞ս պայքարել պանդեմիայի ֆոնին առաջացած խնդիրների դեմ «Այն կարգի հպարտ են կանգնած, կարծես ամբողջ Ադրբեջանը գրավել են, Արցախը արդեն Հայաստանի միջազգայնորեն ճանաչված մաս է, Բաքուն էլ ռուսներին վարձով են տվել». Հովհաննես Ավետիսյան Եթե Դուք միսը սառեցնում եք, ամպայման կարդացեք սա. Այս սխալը շատեր են թույլ տալիս «Իմ մի կյանքը, 100 հայի կյանք է». Գառնիկը զոհվեց պատերազմի ավարտից 2 ժամ հետո Ալիևը պարում է Նիկոլ նվաստացնող և հեգնող «Noldu Pashinyan» երգի տակ. (Video) Ադրբեջանցի և հայ զինվորները նոր սահմանին միմյանցից մի քանի մետր հեռավորության վրա են

«Հելունագործությունը սահմաններ չի դնում իմ առջև, իսկ ինձ դուր է գալիս այդ ազատությունը»

«Հելունագործության տեխնիկան սովորել եմ դպրոցում, ինձ շատ դուր էր գալիս գույների համադրությունը և որ դրանից ամեն անգամ մի նոր բան էր ծնվում: Դա ինձ գրավում էր, անընդհատ ուզում էի գործել, դրա մեջ լինել և այդպես սկսեցի սեփական մտահղացումներս կյանքի կոչել: Ազգային նախշերով կտորները, գույները, թելերը՝ ամեն ինչ սկսեցի համադրել իրար հետ: Կարող եմ վստահաբար ասել՝ դա իմ ստեղծածն է, իմ ստեղծագործությունները: 

Մտածում եմ՝ երևի այդ շնորհն ինձ տրվել է, քանի որ սերս ակնհայտ էր հելունագործության նկատմամբ: Ի դեպ, այն ավելի մեծ հնարավորություններ է տալիս ստեղծագործելու համար, սահմաններ չի դնում իմ առջև, իսկ ինձ դուր է գալիս այդ ազատությունը»,-«Փաստի» հետ զրույցում ասում է Տավուշի մարզի Բերդ քաղաքում բնակվող Թեհմինե Մելքումյանը: 

Նշում է՝ անընդհատ կատարելագործում է իր հմտությունները:

 «Պայուսակները ստեղծում եմ պատրաստի մոդելների ոճով, դետալ առ դետալ գործում եմ և այդ կերպ «հավաքում եմ» պայուսակը, իսկ նախշեր էլ ստանում եմ տարբեր գունային խաղերի միջոցով»,-նշում է մեր զրուցակիցը, ով հիմնականում պատրաստում է պայուսակներ, երբեմն նաև շարֆեր, բռնիչներ, փոքրիկ տիկնիկներ, դրամապանակներ:

Թեհմինեն դասավանդում է Բերդի թիվ 3 հիմնական դպրոցում, 1-4-րդ դասարանների դասվար է, զուգահեռաբար նաև ֆիզկուլտուրա է դասավանդում: Հետաքրքրվում ենք նաև նրա հիմնական աշխատանքով: «Երեխաներն ուսման նկատմամբ այդքան մեծ հետաքրքրություն չունեն, չէի ասի, որ անտարբեր են, բայց ոգևորված էլ չեն: 

Ավելի շատ կենտրոնացած են համակարգիչների ու հեռախոսների մեջ: Նաև դասավանդում եմ «Տեխնոլոգիա» և «Կերպարվեստ» առարկաները և երեխաների մեջ սեր եմ նկատում դրանց նկատմամբ: Երբ փորձում եմ մի քանի րոպե գողանալ այդ առարկաներից մյուս առարկաների համար, նրանք դժգոհում են: Իրենց դրդում եմ ինքնուրույն աշխատանքի, ոչինչ, որ մի քիչ վատ ստացվի:

Ոգևորում եմ, ասում՝ ինչ գեղեցիկ աշխատանք եք պատրաստել, հաջորդ անգամ իրենք են ցանկություն հայտնում նոր բան ստեղծելու: Եվ այդ անգամ իրենց մոտ ամեն ինչ ավելի լավ է ստացվում: Երեխաներին ոգևորելը շատ կարևոր է: Տարիներ առաջ համալսարանն ավարտելուց հետո ունեցել եմ փորձ հելունագործություն դասավանդելու: Երեք ամիս պարապեցի երեխաների հետ, սակայն հետո խմբակները շարունակություն չունեցան: Ցանկացողներ, կարծում եմ, հիմա էլ կլինեն, հնարավոր է՝ երեխաների մոտ կայծը կրակ դառնա, բայց հնարավոր է նաև կայծն այդպես էլ չբռնկվի»,-ընդգծում է Թեհմինեն:

Ասում է՝ եթե մի օր հելունով չաշխատի, չի հանգստանա: «Իմ հանգիստն այդ կերպ եմ կազմակերպում, լիցքաթափվում եմ: Կարող է դպրոցից գամ տուն ու սկսեմ գործել, հետո նոր զբաղվեմ իմ մնացած գործերով»,-նշում է մեր զրուցակիցը:

Աշխատանքները ստեղծում է վաճառելու նպատակով, բայց պահանջարկը շատ մեծ չէ: «Որոշ աշխատանքներ վաճառել եմ, բայց խոսքը մեծածավալ վաճառքի մասին չէ: Չեմ աշխատում գովազդի ուղղությամբ: Օգոստոսին Տավուշում ունենք մեղրի փառատոն, որը շարժական տոն է, հիմնականում համընկնում է խաղողօրհնեքի հետ, այդտեղ ներկայացնում ենք մեր տարածաշրջանի ձեռագործ աշխատանքները, սննդամթերքը և այլն: Այդտեղ մի քանի տարի ներկայացրել եմ աշխատանքներս: Այս տարի ևս աշխատանքներ եմ հավաքել, բայց չգիտեմ՝ փառատոնը կանցկացվի, թե ոչ»,- եզրափակում է Թեհմինե Մելքումյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan