Մեկ եվրոն վաճառվում է 583 դրամով. արտարժույթի փոխարժեքը հայա... ՏՆՏԵՍՈՒԹՅՈՒՆ
ԱՄՆ-ը լրացուցիչ օգնություն կուղարկի Լիբանան ՄԻՋԱԶԳԱՅԻՆ
Արցախում կորոնավիրուսի 1 նոր դեպք է գրանցվել ՀԱՍԱՐԱԿՈՒԹՅՈՒՆ
Ջուր չի լինելու ՀԱՍԱՐԱԿՈՒԹՅՈՒՆ
Կորոնավիրուսից մահացածների ու վարակակիրների թիվը՝ այսօրվա դր... ՄԻՋԱԶԳԱՅԻՆ
Երևան, 10.Օգոստոս,
00
:
00
:
00
Փոխարժեք
478.65
$
560.79
«Ստիպված եմ ամուսնուցս, երեխաներիցս հեռու մնալ». Դիանա Շատվերյանը` կորոնավիրուսով վարակվելու, բուժման ընթացքի և ապրումների մասին Վլադիմիր Գասպարյանի դեմ քրգործ է հարուցվել Բելառուսում Լուկաշենկոյի դեմ ցույցի ընթացքում 3000 մարդ է ձերբակալվել «Մեր բարի, կիրթ ու ստեղծագործ աղջիկ․․․»․ Արմեն Մարությանի և Ալլա Սահակյանի դուստրը հայտնի խմբավար էր Դպրոցներում Ֆիզկուլտուրա առարկայի հետ կապված փոփոխությունների մասին Հուլիսին արձանագրվել է ՀԴՄ-ների շահագործման կանոնների խախտման 941 դեպք, ինչը 2018-ի հունվարից ի վեր ամենաբարձր ցուցանիշն է. ՊԵԿ Հանրությանը համախմբելու օրակարգով Սերժ Սարգսյանը թարմություն է հաղորդում ատելության մթնոլորտի գերին դարձած քաղաքական դաշտին Մեկ եվրոն վաճառվում է 583 դրամով. արտարժույթի փոխարժեքը հայաստանյան բանկերում ԱՄՆ-ն «Եվրատեսիլ»-ի սեփական տարբերակը կանցկացնի Տիգրան Եսայանն ազատվեց ՀՀ փոխոստիկանապետի պաշտոնից Արմավիրի ոստիկանները բացահայտել են Նոր Կեսարիա գյուղում կատարված բնակարանային գողությունները ԱՄՆ-ը լրացուցիչ օգնություն կուղարկի Լիբանան Նոյեմբերյան քաղաքի սրտում իր հյուրընկալ դռներն է բացել «Նոյեմբուրգ» հյուրանոցային համալիրը Ոստիկանությունը՝ Արմեն Մարությանի ու Ալլա Վարդանյանի դստեր ու թոռների մահվամբ ավարտված վթարի մասին Ամբողջ Բելառուսով բողոքի ցույցեր են․ արդյոք սա նշանակում է, որ Լուկաշենկոն պարտվե՞լ է․ Կարեն Վրթանեսյան Գագիկ Ծառուկյանի շնորհավորական ուղերձը Ալեքսանդր Լուկաշենկոյին ՀՀ տարածքում ջերմաստիճանը վաղվանից աստիճանաբար կնվազի 3-5 աստիճանով Պուտինը շնորհավորել է Լուկաշենկոյին

Բացասական ցուցանիշներ՝ անշարժ գույքի գրեթե բոլոր գործարքներում. միայն մայիսին 27,9 տոկոս նվազում կա

Վերջին 3 տարիների նույն ժամանակահատվածների համեմատությամբ 2020 թվականի մայիսին անշարժ գույքի նկատմամբ իրականացված գործարքների ամենացածր ցուցանիշն է գրանցվել: Այս մասին տեղեկանում ենք վիճակագրական կոմիտեի և կադաստրի կոմիտեի հրապարակած տվյալներից: 2020 թվականի մայիսին ամբողջ հանրապետությունում անշարժ գույքի 11,507 գործարք է իրականացվել՝ 4449-ով պակաս, քան նախորդ տարվա նշված ժամանակահատվածում:

2020թ. մայիսին 2019 թ. մայիսի համեմատությամբ ընդհանուր գործարքները պակասել են 27,9 տոկոսով: Միայն մայրաքաղաք Երևանում գործարքների թիվը նախորդ տարվա նույն ժամանակահատվածի համեմատ նվազել է 31,5 տոկոսով: Միևնույն ժամանակ նկատենք, որ, կարծես, չի շարունակվել այն տեմպը, որն արձանագրվել էր 2020թ. ապրիլին՝ հաշվի առնելով համաճարակի պատճառով ստեղծված իրավիճակը, խիստ սահմանափակումները: 

Նշենք, որ այս տարվա ապրիլին նախորդ տարվա ապրիլի համեմատ անշարժ գույքի ընդհանուր գործարքների քանակը 82,2 տոկոսով էր նվազել: Իհարկե, դեռ հարց է, թե մայիսի ցուցանիշները որքանով կարող են շուկայում որոշակի շարժի նշան լինել, բայց նկատենք, որ 2020 թ. մայիսին 2020 թ. ապրիլի համեմատ գործարքների թիվը 4 անգամ ավելացել է:

Ինչ վերաբերում է 2020 թ. մայիսին հանրապետությունում անշարժ գույքի նկատմամբ իրականացված գործարքների տոկոսային բաշխվածությանն ըստ տեսակների, նկատենք, որ այս առումով կրկին ամենամեծ մասը՝ 33,2 տոկոսը, բաժին է հասել օտարման գործարքներին: Այդուհանդերձ, 2020 թ. մայիսին 2019 թ.-ի նույն ժամանակահատվածի համեմատ օտարման գործարքները նվազել են 33,1 տոկոսով: Ինչ վերաբերում է այլ տեսակներին, ապա, օրինակ` առքուվաճառքի գործարքները նախորդ տարվա մայիսի համեմատ նվազել են 28, 7 տոկոսով: 

զել են 34,7, հողերինը՝ 21,5 տոկոսով: Միայն ավտոտնակների գործարքներն են, որ նախորդ տարվա նույն ժամանակահատվածի համեմատ ավելացել են 53,7 տոկոսով: 

Նշենք նաև, որ 2020 թվականի մայիսին 2019 թ. մայիսի համեմատ բնակարանների առքուվաճառքի գործարքները նվազել են 56,6 տոկոսով, անհատական բնակելի տներինը՝ 32,1, հասարակական նշանակության շինություններինը՝ 32,9, ավտոտնակներինը՝ 26, հողերինը՝ 5,8 տոկոսով:

Ինչ վերաբերում է օտարման գործարքներին, ապա ամենաշատը օտարվել է հող, բնակարան, իսկ երրորդ տեղում այս առումով բնակելի տներն են: Միևնույն ժամանակ նշենք, որ 2020 թ.-ի մայիսին օտարման ամենամեծ մասը՝ 76, 7 տոկոսը, առքուվաճառքի գործարքներին է բաժին հասել: 

Ընդհանուր առմամբ, 2020 թվականի մայիսին ՀՀ-ում գրանցվել է անշարժ գույքի առքուվաճառքի 2925 գործարք: Սա ևս վերջին երեք տարիների ամենացածր ցուցանիշն է: Նախորդ տարվա մայիսին այդ գործարքների թիվը եղել է 4100, 2018 թ.-ին՝ 3677, 2017 թ.ին՝ 3250:

Բազմաբնակարանային բնակելի շենքերի բնակարանների գործարքները նվազել են թե՛ Երևանում, թե՛ մարզերում: Թեպետ գործարքները նվազել են, այնուամենայնիվ, նախորդ տարվա համեմատ գնանկում չի արձանագրվել:

Երևանում 2020 թ. մայիսին իրականացվել է բազմաբնակարանային բնակելի շենքերի բնակարանների առքուվաճառքի 344 գործարք: Այս ցուցանիշը 2020 թ. տարվա ապրիլի համեմատ ավելացել է 84 տոկոսով, սակայն 2019թ. մայիսի համեմատ նվազել է 61,2 տոկոսով: 

Ինչ վերաբերում է գնային փոփոխություններին, ապա 2020թ. մայիսին Երևանում բազմաբնակարանային շենքերի բնակարանների շուկայական գները 1 քառակուսի մետրի հաշվարկով 2020 թ. ապրիլի համեմատ նվազել են 1 տոկոսով, իսկ 2019թ. մայիսի համեմատ աճել են 11,9 տոկոսով:

Մարզերում 2020թ. մայիսին բազմաբնակարանային բնակելի շենքերի 234 բնակարան է վաճառվել: 2019թ. մայիսի համեմատ այս ցուցանիշը 47,3 տոկոսով է նվազել: Նախորդ տարվա համեմատ մարզերում բնակարանների գները ևս որոշակի աճ են գրանցել:

ԱՆՆԱ ԲԱԴԱԼՅԱՆ

website by Sargssyan