Դոլարը, եվրոն ու ռուսական ռուբլին թանկացել են ՏՆՏԵՍՈՒԹՅՈՒՆ
Մոսկվայից դեպի Երևան նախատեսված նոր չարտերային չվերթների ժամ... ՀԱՍԱՐԱԿՈՒԹՅՈՒՆ
Երբ են բացվելու բուհերն ու ում հաշվին են բուժվելու կորոնավիր... ՔԱՂԱՔԱԿԱՆ
Շանս ունենք աշնանը գտնվել հաղթահարած վիճակում. Փաշինյան ՔԱՂԱՔԱԿԱՆ
Գազ չի լինելու ՀԱՍԱՐԱԿՈՒԹՅՈՒՆ
Երևան, 13.Օգոստոս,
00
:
00
:
00
Փոխարժեք
478.65
$
560.79

ՊԱՏՄՈՒԹՅԱՆ ԱՅՍ ՕՐԸ (9 ՀՈՒԼԻՍԻ). Առաջին թղթե անձեռոցիկը, թենիսի առաջին առաջնությունը, առաջին հակագազը՝ խաղաղ բնակչության համար

ՏՈՆԵՐ

Արգենտինա՝ Անկախության օր, Հարավային Սուդան՝ Անկախության օր, Ուկրաինա՝ Պարտենիտի օր, Ղազախստան՝ Ջրային տնտեսության աշխատողների օր:

ՀԱՅ-ՀԱՅԱՍՏԱՆ

1902-ծնվել է ջազային երաժիշտ, Հայաստանի պետական էստրադային նվագախմբի ստեղծող Արտեմի Այվազյանը: 

1915 -Առաջին աշխարհամարտի ժամանակ Ռուսաստանի կովկասյան բանակի ձախ թևը սկսել է Ալաշկերտի օպերացիան: 

1936 – վախճանվել է հայ խորհրդային կուսակցական և քաղաքական գործիչ Աղասի Խանջյանը:

2007- Ազատության հրապարակում տեղի է ունեցել «Ոսկե ծիրան» 4-րդ միջազգային կինոփառատոնի բացման հանդիսավոր արարողությունը:

2007- վախճանվել է երգչուհի, երգահան Էլվինա Մակարյանը:

2010- երկրաշարժից հետո անօթևան մնացած ընտանիքների համար բնակարանների կառուցման ծրագրի շրջանակներում, որն իրականացրել է «Գլենդեյլ Հիլզ» ընկերությունը, Գյումրիի Մուշ–2 թաղամասում հանդիսավորությամբ շահագործման է հանձնվել 1056 նոր բնակարան:

2015-հետխորհրդային Ռուսաստանի առաջին մուլտիմիլիոնատերերից մեկը՝ տնտեսագետ Գերման Ստերլիգովը, լքել է վերջին տասնհինգ տարիներին իր բնակության վայր Սլոբոդա գյուղական համայնքը և ընտանիքով հաստատվել Ղարաբաղում:

 2018-Երևանի քաղաքապետ Տարոն Մարգարյանը հրաժարական է տվել:

-«Հայաստան» համահայկական հիմնադրամի տնօրենն իր հրաժարականի դիմումն է ներկայացրել Հայաստանի նախագահ Արմեն Սարգսյանին:

ԱՇԽԱՐՀ

1686-յոթ եվրոպական երկրներ ստեղծել են Աուգսբուրգյան լիգան՝ նպատակ ունենալով կանգնեցնել Ֆրանսիայի էքսպանսիան Արևել յան Եվրոպայում: 

1762– սկսվել է Եկատերինա 2-րդի կառավարումը Ռուսական Կայսրությունում, որը շարունակվել է շուրջ 34 տարի: 

1816 – Արգենտինան հռչակել է իր անկախությունը Իսպանիայից: 

1877 -Համաանգլիական թենիսի և կրիկետի ակումբը Ուիմբլդոնում կազմակերպել է թենիսի առաջին առաջնությունը: 

1856 – վախճանվել է իտալացի ֆիզիկոս և քիմիկոս Ամեդեո Ավոգադրոն: 

1887 - թղթի անգլիացի ֆաբրիկանտ Ջոն Դիկինսոնը թղթարտադրողների ամենամյա հանդիպման ընթրիքի ժամանակ ներկայացրել է առաջին թղթե անձեռոցիկը: 

1894 –ծնվել է խորհրդային ֆիզիկոս Պյոտր Կապիցան: 

1906 -Ռուսաստանի ցարը ցրել է Ռուսական Կայսրության 1-ին Պետական դուման: 

1919 - 208 կողմ և 115 դեմ ձայներով գերմանական Ռայխստագը հաստատել է Գերմանիայի համար նվաստացուցիչ Վերսալ յան պայմանագիրը:

1938- Մեծ Բրիտանիայի խանութներում մինգամից վաճառքի է հանվել 35 միլիոն հակագազ, առաջին անգամ հակագազ է առաջարկվել խաղաղ բնակչությանը: 

1941-ԽՍՀՄ-ի ռազմական դատարանը գենետիկ Վավիլովին դատապարտել է մահվան՝ Անգլիայի օգտին լրտեսության մեղադրանքով: 

1950-ծնվել է Ուկրաինայի 4-րդ նախագահ Վիկտոր Յանուկովիչը։ 

1955– տպագրվել է Բերտրան Ռասելի և Ալբերտ Էյնշտեյնի համատեղ կազմած մանիֆեստը: 1956– ծնվել է ամերիկացի դերասան, Օսկարի կրկնակի դափնեկիր Թոմ Հենքսը: 

1957- հայտնագործվել է Մենդելեևի աղյուսակի 102-րդ էլեմենտը՝ նոբելիումը: 

1975– ծնվել է ամերիկացի երգիչ-երգահան, երաժշտական պրոդյուսեր, մուլտիինստրումենտալիստ Ջեք Ուայթը: 

1982 - Լուիզիանայում Pan American ընկերության Boeing 747 ինքնաթիռի վթարի հետևանքով զոհվել է 145 մարդ: 1984 – վախճանվել է ԽՍՀՄ դերասանուհի Ֆաինա Ռանևսկայան: 

2002-Աֆրիկյան միասնականության կազմակերպությունը (ОАЕ), որը միավորում է աֆրիկյան 53 երկիր, վերանվանվել է Աֆրիկյան միության:

 2006- Իրկուտսկի օդակայանում վայրէջքի ժամանակ Airbus A310 ինքնաթիռի վթարի պատճառով զոհվել է 124 մարդ:

 2007– Արարատի գագաթը նվաճել է ամենամեծ՝ 9-հոգանոց մի խումբ: 2011– Հարավային Սուդանը հռչակել է իր անկախությունը

Ի ՄԻ ԲԵՐԵՑ Կ. ԽԱՉԻԿՅԱՆԸ

website by Sargssyan