Մեկ եվրոն վաճառվում է 583 դրամով. արտարժույթի փոխարժեքը հայա... ՏՆՏԵՍՈՒԹՅՈՒՆ
ԱՄՆ-ը լրացուցիչ օգնություն կուղարկի Լիբանան ՄԻՋԱԶԳԱՅԻՆ
Արցախում կորոնավիրուսի 1 նոր դեպք է գրանցվել ՀԱՍԱՐԱԿՈՒԹՅՈՒՆ
Ջուր չի լինելու ՀԱՍԱՐԱԿՈՒԹՅՈՒՆ
Կորոնավիրուսից մահացածների ու վարակակիրների թիվը՝ այսօրվա դր... ՄԻՋԱԶԳԱՅԻՆ
Երևան, 10.Օգոստոս,
00
:
00
:
00
Փոխարժեք
478.65
$
560.79
Բելառուսում Լուկաշենկոյի դեմ ցույցի ընթացքում 3000 մարդ է ձերբակալվել «Մեր բարի, կիրթ ու ստեղծագործ աղջիկ․․․»․ Արմեն Մարությանի և Ալլա Սահակյանի դուստրը հայտնի խմբավար էր Դպրոցներում Ֆիզկուլտուրա առարկայի հետ կապված փոփոխությունների մասին Հուլիսին արձանագրվել է ՀԴՄ-ների շահագործման կանոնների խախտման 941 դեպք, ինչը 2018-ի հունվարից ի վեր ամենաբարձր ցուցանիշն է. ՊԵԿ Հանրությանը համախմբելու օրակարգով Սերժ Սարգսյանը թարմություն է հաղորդում ատելության մթնոլորտի գերին դարձած քաղաքական դաշտին Մեկ եվրոն վաճառվում է 583 դրամով. արտարժույթի փոխարժեքը հայաստանյան բանկերում ԱՄՆ-ն «Եվրատեսիլ»-ի սեփական տարբերակը կանցկացնի Տիգրան Եսայանն ազատվեց ՀՀ փոխոստիկանապետի պաշտոնից Արմավիրի ոստիկանները բացահայտել են Նոր Կեսարիա գյուղում կատարված բնակարանային գողությունները ԱՄՆ-ը լրացուցիչ օգնություն կուղարկի Լիբանան Նոյեմբերյան քաղաքի սրտում իր հյուրընկալ դռներն է բացել «Նոյեմբուրգ» հյուրանոցային համալիրը Ոստիկանությունը՝ Արմեն Մարությանի ու Ալլա Վարդանյանի դստեր ու թոռների մահվամբ ավարտված վթարի մասին Ամբողջ Բելառուսով բողոքի ցույցեր են․ արդյոք սա նշանակում է, որ Լուկաշենկոն պարտվե՞լ է․ Կարեն Վրթանեսյան Գագիկ Ծառուկյանի շնորհավորական ուղերձը Ալեքսանդր Լուկաշենկոյին ՀՀ տարածքում ջերմաստիճանը վաղվանից աստիճանաբար կնվազի 3-5 աստիճանով Պուտինը շնորհավորել է Լուկաշենկոյին Վրաստանում 1 օրում գրանցվել է կորոնավիրուսով վարակման 25 նոր դեպք

«Կա­սեց­վել է «Հայ գրա­կա­նու­թյու­նը թարգ­մա­նու­թյուն­նե­րում» դրա­մաշ­նոր­հա­յին ծրա­գի­րը, մինչ­դեռ օդի ու ջրի պես լավ թարգ­մա­նու­թյուն­նե­րի կա­րիք ունենք»

2016 թվականին արժանացել է նախագահի երիտասարդական մրցանակի՝ «Հիսուսի կատուն» պատմվածքների ժողովածուի համար, նույն թվականին նույն գրքի համար արժանացել է «Արմենպրեսի»՝ Լևոն Անանյանի անվան հատուկ մրցանակին: «Փաստի» զրուցակիցն է արձակագիր Գրիգը (Գրիգոր Շաշիկյանը):

-Գրիգ, ի՞նչ հիմնական խնդիրներ են այսօր բարձրացնում ժամանակակից գրականությունը և ստեղծագործողները:

-Ժամանակակից արվեստն ամբողջ աշխարհում անցում է կատարում (եթե արդեն չի կա տ ա րել) «postmodernism» - ի ց «metamodernism»-ին, և նորից կարևոր է դառնում մարդկային հույզը, ապրումը: Իսկ հայ իրականության մեջ գրողները շատ տարբեր են, և նրանց բարձրացրած խնդիրներն էլ իրենց պես բազմազան են: Հիշեցի Արմեն Շեկոյանի՝ «Գրողների միություն» բանաստեղծությունը.

Նրանք գալիս են անկախ ու սիրուն, 

բայց եթե պետք է` իջնում են ծունկի։ 

Նրանց պատկերն են տպում թերթերում` 

բութ մատը հենած մտազբաղ քունքին։

Նրանցից ոմանց գրքերն են ծախվել, 

պատճառ չիք` լալու և կամ խնդալու։ 

Շատ հետաքրքիր և ուրույն խալխ են` 

մի քիչ միամիտ, մի քիչ մազալու։

 

Մեկն ազնվազարմ ցեղից է սերում, 

երկրորդն ազատ է` լիրբ ու սանձարձակ, 

Երրորդը կոկիկ հանդերձ է սիրում 

և փողկապով է ներխուժել արձակ։

Արտիստ է մեկը. խոսքով է ընկել 

ու չի մասնակցել մրցույթին Կաննի։ 

Մյուսն ազգի ձեռը կրակն է ընկել, 

սակայն չի լըքի, հովվություն կանի։ 

Մեկին մերժել են. աչքերն են սառած. 

ասել են` գնա մի ուրիշ ճամփով։ 

Մյուսն արդեն իսպառ դասական դառած` 

հանգավորում է զուտ աչքաչափով։

Մեկին մի ուրիշ ձևով են ջրել. 

ասել են` չունես դու ինքնուրույն ձայն։ 

Մյուսն ինքն իր մասին հոդված է գրել ու բացատրել է իր պոեզիան։

 

Մեկը մի երրորդ ձևով է քաշվել

 ու պետհրատում գցել է կըռիվ։ 

Մյուսն իր հոնորարն ուզում է հաշվել, 

բայց հանրահաշվից բոբիկ է լըրիվ։

 

Մեկը ճախրում է անտեր ու անտուն

ու ներկայանում` իբրև խեղկատակ։ 

Մյուսը տենչում է մի պստիկ պաշտոն, 

որ չընկնի ոտի կամ ատամի տակ։

Նրանց ճամփաներն այստեղ են խաչվել։

 հասել, նայում են խեղճ ու զարմացած։ 

Մեկն ամեն անգամ ուզում է խաչվել, 

բայց համոզելով իջեցնում են ցած։

Այս տեսարանը շատ ծանոթ է ձեզ։ 

ծանոթ է, սակայն միշտ խիստ ցնցող է։

 Ես նրանց մեջ եմ ու գիտեմ, 

որ ես ե՛ւ այս խաչվողն եմ, ե՛ւ իջեցնողը։

Մեզանից ոմանց գրքերն են ծախվել. 

պատճառ չիք` լալու և կամ մըզզալու։ 

Շատ հետաքրքիր և ուրույն խալխ ենք` 

մի քիչ միամիտ, մի քիչ մազալու։

Երևան, մ.թ.ա.:

Ինչպիսի՞ն են մեր ընթերցողները: Արդյո՞ք մեր օրերում ընթերցելը, գիրք գնելը մոդայիկ լինելու համար է:

-Կան գրքեր, որ մոդայիկ են, կան նաև, այսպես ասած, «էլիտար» ընթերցողների համար գրվող գրքեր: Ամեն դեպքում Հայաստանում գիրք գնողները շատանում են, բայց դեռ բացառապես գիրք գրելով ապրել չի ստացվում:

-Գաղտնիք չէ, որ գիրք տպագրելիս ստեղծագործողները բազմաթիվ խոչընդոտների են հանդիպում: Կցանկանայի սրա մասին խոսեիք:

-Ես ոչ մի գիրք սեփական գումարով չեմ տպագրել, «Անտարես» հրատարակչությունն է զբաղվել բոլոր հարցերով, երևի դրա համար էլ այս հարցում խոչընդոտների չեմ բախվել:

-Արվեստի տարբեր ճյուղերի ստեղծագործողները պե՞տք է ակնկալեն պետության աջակցությունը, և ինչպե՞ս պետք է այն դրսևորվի:

-Վերջերս իմացա, որ ԿԳՄՍ նախարարության որոշմամբ կասեցվել է «Հայ գրականությունը թարգմանություններում» դրամաշնորհային ծրագիրը, որն, իմ պատկերացմամբ, ամենակարևոր և հեռանկար ունեցող ծրագիրն է այսօրվա մեր գրական դաշտի համար: Մենք օդի ու ջրի պես լավ թարգմանությունների կարիք ունենք, մենք տեղին կամ անտեղի հպարտանում ենք մեր մշակույթով, բայց այլ ազգերը մեր մասին գրեթե ոչինչ չգիտեն…

Այս մասին շատ է խոսվել, բազմաթիվ փաստեր են բերվել, որ դրամաշնորհի կասեցումը անթույլատրելի է, որ հիմա է հենց ճիշտ ժամանակն այն ավելի մեծ թափով իրականացնելու և այլն: Մեծ վրդովմունք կա նախարարության մշակութային բաժնի պատասխանատուների աշխատանքի հետ կապված, բայց ես միամիտ մարդ եմ, դեռ հավատում եմ, որ ծրագրի կասեցման որոշումը կվերանայվի:

-Անդրադառնանք ձեր ստեղծագործություններին: Քանի՞ գիրք եք արդեն իսկ տպագրել: Կա՞ն թեմաներ, որոնք կարմիր թելի պես անցնում են ձեր ստեղծագործություններում:

-Ունեմ երկու գիրք՝ «Հիսուսի կատուն», որը շուտով երրորդ հրատարակությամբ լույս կտեսնի և «Առևանգում, որ ցնցեց կատուների քաղաքը» պատանեկան դետեկտիվը, իսկ ես դեռ վեպ եմ գրում, որն այնքան ձգվեց, որ կիսատ ներկայությանն արդեն ընտելացել եմ: Իսկ թեմաների հետ կապված կպատասխանեմ կիսատ վեպիս ցիտատով. «Գրողի կուրությունը՝ անվերջ փնտրել զոհի՝ չնկատելով ինքն իրեն»:

ԼՈՒՍԱՆԿԱՐԻ ՀԵՂԻՆԱԿ՝ MARAM AVA PHOTOGRAPHY

ԼՈՒՍԻՆԵ ԱՌԱՔԵԼՅԱՆ

website by Sargssyan