Ռուս ուղ­ղա­փառ եկե­ղե­ցու առաջ­նոր­դի այ­ցը Հա­յաս­տան, խախ... ՀԱՍԱՐԱԿՈՒԹՅՈՒՆ
«Կրտսեր դպրո­ցը դրե­ցինք մեծ ռիս­կի տակ, այս օղա­կում բաց­թո... ՀԱՐՑԱԶՐՈՒՅՑ
Դու կա՛մ ան­կախ ես, կա՛մ ոչ. հետ­քայլ անե­լու շռայ­լու­թյուն... ՀԱՍԱՐԱԿՈՒԹՅՈՒՆ
Փոփոխություն ՀՀ լեզվական քաղաքականության մեջ. պետբյուջեից ծա... ՔԱՂԱՔԱԿԱՆ
«Անս­խա­լա­կա­նու­թյան սինդ­րո­մը գնա­լով ավե­լի ինս­տի­տու­... ՀԱՐՑԱԶՐՈՒՅՑ
Երևան, 22.Սեպտեմբեր,
00
:
00
:
00
Փոխարժեք
478.65
$
560.79
Ի վերջո ո՞վ է առաջինը հորինել դակիչը Ռուս ուղ­ղա­փառ եկե­ղե­ցու առաջ­նոր­դի այ­ցը Հա­յաս­տան, խախ­տում­նե­րով նա­խա­գա­հա­կան ընտ­րու­թյուն­նե­ր Ադրբեջանի իշխանությունների նպատակները, պատերա՞զմ թե խաղաղություն․ Տիգրան Աբրահամյան «Ան­կա­յուն բա­լան­սը պահ­պան­վում է. որո­շա­կի ան­տար­բե­րու­թյուն կա կոնֆ­լիկ­տի հան­դեպ» Ինչի են ունակ հայկական արտադրության ականանետներն ու ականները. Հակոբ Արշակյանը տեսանյութ է հրապարակել ԱԱԾ տնօրենի պաշտոնը զբաղեցնող անձը պետք է ունենա պրոֆեսիոնալիզ. Արսեն Բաբայան Նիկոլ Փաշինյանի իշխանության գալուց հետո Հայսատանում ամեն ամիս եւ տարվա ամեն եղանակ թեժ է․ Արմեն Աշոտյան Այս անիմաստ դատը երկար է տեւելու. Քոչարյանը դատարանի բակում հանդիպեց իր աջակիցների հետ «Կրտսեր դպրո­ցը դրե­ցինք մեծ ռիս­կի տակ, այս օղա­կում բաց­թո­ղում­ներ թույլ տա­լու իրա­վունք չու­նենք» Լեհաստանում հանքափորները հրաժարվում են դուրս գալ հանքերից Հայաստանի խորհրդարանն առաջին ընթերցմամբ աջակցել է Համալիր սոցիալական ծառայության ձեւավորմանը Դու կա՛մ ան­կախ ես, կա՛մ ոչ. հետ­քայլ անե­լու շռայ­լու­թյուն չենք կա­րող թույլ տալ Անհայտ անձը կրակել է Սան Ֆրանցիսկոյում հայկական դպրոցի ուղղությամբ Մանվել Գրիգորյանի մոտ առկա է բացասական դինամիկա. Փաստաբան Լեւոն Բաղդասարյան Փոփոխություն ՀՀ լեզվական քաղաքականության մեջ. պետբյուջեից ծախսերը կավելանան

Իշ­խա­նու­թյուն­նե­րը փոր­ձում են օգտ­վել առկա վի­ճա­կից, որ­պես­զի լծակ­ներ ունե­նան կան­խե­լու և ճնշե­լու դժգո­հու­թյան ու բո­ղո­քի ալիք­նե­րը

Աշունը քաղաքական առումով ակտիվ զարգացումներ է խոստանում։ Ընդ որում, վերադասավորումների նոր փուլ է սկսվել ինչպես իշխանության ներսում, այնպես էլ ընդդիմության շարքերում։ Չնայած ընդդիմադիր ուժերը, ամենայն հավանականությամբ, առաջին հերթին քաղաքական հաշվարկների ու տվյալ վիճակից բխող նպատակահարմարությունից ելնելով, դեռևս համախմբված ձևաչափով չեն գործում, և նրանցից յուրաքանչյուրն իր առանձին օրակարգն է փորձում առաջ մղել, այնուամենայնիվ, հանրային կյանքում ընդդիմության դերակատարությունն աստիճանաբար մեծանում է։

Խնդիրն այն է, որ հանրության շրջանում լուրջ դժգոհություններ կան երկրում ստեղծված իրավիճակի հետ կապված։ Համաճարակի արդյունքում առաջ եկած ճգնաժամի պայմաններում էապես նվազել են բնակչության եկամուտները, տնտեսության որոշ ճյուղեր ուղղակի կանգնել են սնանկացման վտանգի առաջ, բազմաթիվ ոլորտների ներկայացուցիչներ անընդհատ բողոքի ձայն են բարձրացնում, իսկ հանրության լայն շերտերի մեջ խմորվում է գնալով ահագնացող դժգոհությունը։ Մյուս կողմից՝ կառավարության՝ բնակչությանն օգնություն տրամադրելու նախաձեռնությունները բավարար չեն։

Փոխանակ խորքային վերլուծություններ իրականացնեն և ըստ այդմ բնակչության դրությունը բարելավելու թիրախային ու հեռանկարային ծրագրերով հանդես գան, իշխանություններն այնպիսի անտրամաբանական նախաձեռնություններ են առաջ քաշում, որոնք ավելի են բարդացնում քաղաքացիների առանց այն էլ ծանր դրությունը։ Ստացվում է, որ, մեծ հաշվով, քաղաքացիները և տնտեսվարողները միայնակ են մնացել իրենց խնդիրների հետ։ Իսկ այս պարագայում բնական է, որ հանրության շրջանում իշխանությունների վարած քաղաքականության նկատմամբ դժգոհությունների աճ է նկատվում, որը տեսանելի է նաև մարդկանց տրամադրություններում։

Իսկ եթե դժգոհություններն ավելանում են, ապա դա նշանակում է, որ ընդդիմությունը քաղաքական առումով լուրջ դերակատարություն է ստանձնելու։ Եվ այս համատեքստում պատահական չեն շրջանառվող այն տեղեկությունները, թե ընդդիմադիր ուժերը պատրաստվում են մեծ հանրահավաքներ անցկացնել։ Թվում է, թե իշխանությունները ևս գիտակցում են, որ եթե խոշոր հավաքներ տեղի ունենան, ապա շատ շուտով հօդս կցնդի այն միֆը, թե իրենք, որպես ժողովրդի մեծամասնության կողմից ընտրված իշխանություններ, լիովին վայելում են մարդկանց վստահությունը։

Թերևս դրանով է պայմանավորված, որ իշխանությունները փորձում են օգտվել համաճարակային իրավիճակից, որպեսզի լծակներ ունենան կանխելու ընդդիմության կողմից հանրահավաքների իրականացումը։ Դրա համար էլ օրերս ԱԺ-ի կողմից ամբողջությամբ ընդունված օրենքների փոփոխություններում ներառված դրույթներում, որոնք ըստ էության գալիս են փոխարինելու արտակարգ դրությանը, հատուկ տեղ է հատկացված հավաքներ անցկացնելու դեպքում քաղաքացիներին տուգանելու հարցին։ Եվ սա այն դեպքում, երբ պարզապես կարող էր լինել միայն տուգանքի մեկ տեսակ՝ ուղղակի հակահամաճարակային կանոնները չպահպանելու համար։

Այսպես՝ կարանտինի ընթացքում զանգվածային միջոցառումների կազմակերպման կամ անցկացման սահմանափակումների խախտման համար տուգանքը կկազմի 50 հազարից 200 հազար ՀՀ դրամ: Հավաքներ անցկացնելու դեպքում տուգանքը կլինի 10 հազար դրամ, իսկ հասարակական միջոցառումների կազմակերպման և մասնակցության համար տուգանքը կկազմի 50 հազարից մինչև 100 հազար դրամ։ Ու, ըստ այդմ, պատահական չէ, որ իշխանությունների որոշմամբ Հայաստանում սահմանված կարանտինը տևելու է 4 ամիս։ Մի՞թե իշխանություններն այդքան վստահ են, որ հանրապետությունում առողջապահական իրավիճակը չորս ամիս չի բարելավվելու, որ երկարաժամկետ կտրվածքով նման նախաձեռնությամբ են հանդես գալիս և սահմանափակումներ կիրառում։

Այնպիսի տպավորություն է առաջանում, որ այս ամենի նպատակը ընդդիմության գործողությունները կանխելն է, բայց հարցն այն է, թե ինչքա՞ն կարող են իշխանությունները լռեցնել հանրային դժգոհությունների ձայնը։ Արհեստական ճնշումները, ինչով իշխանությունները զբաղված են եղել նաև նախակորոնավիրուսային շրջանում և զբաղված են առավել ևս հիմա, կարող են հանգեցնել հանրային դժգոհության լուրջ պայթյունի:

website by Sargssyan