Նոր էլի ԱԹՍ խփեցինք ԲԼՈԳ
Մարտական գործողությունների ընթացքում, ցավոք, զոհեր ունենք նա... ՀԱՍԱՐԱԿՈՒԹՅՈՒՆ
Վարդենիսի շրջանում Թուրքիային պատկանող F-16 կործանիչից խոցվա... ՀԱՍԱՐԱԿՈՒԹՅՈՒՆ
Օդաչուների թուրքերենով խոսակցություններն արձանագրված են. կիր... ԲԼՈԳ
Կորոնավիրուսով վարակվածների ու մահացածների թիվն՝ այսօր ՀԱՍԱՐԱԿՈՒԹՅՈՒՆ
Երևան, 30.Սեպտեմբեր,
00
:
00
:
00
Փոխարժեք
478.65
$
560.79
«Մարտի դաշտում անկախության սերունդն է, ես նրանց ցավը տանեմ, արդեն հաղթել ենք». Գուսան Հայկազուն Հակառակորդը կիրառում է F-16, ՊԲ-ը մի շարք ուղղություններում նկատելի հաջողություններ ունի Դեմքով ճանաչենք մեր հերոսներին. Լուսանկարներ՝ առաջնագծից Ջալալ Հարությունյանի հրամանատարությամբ մեր տղաներն արդյունավետ իրականացնում են Հայրենիքի պաշտպանության սուրբ առաքելությունը (տեսանյութ) ՊՆ-ն կարևոր հայտարարություն է արել (տեսանյութ) Նոր էլի ԱԹՍ խփեցինք Ալիևն ու Էրդողանը բոլոր ադրբեջանցիներին կզոհաբերեն իրենց անձնական ու քաղաքական շահերի համար Մարտական գործողությունների ընթացքում, ցավոք, զոհեր ունենք նաև Կոտայքի մարզից Սամվել Կարապետյանի անձնական նախաձեռնությամբ 50 միլիոն է փոխանցվել Արցախին Արամ Մանուկյանը վիրավորվել է. բեկորային վնասվածքներ ունի Ոչնչացվել են հակառակորդի մեծ թվով կենդանի ուժ, ռազմական տեխնիկա, այդ թվում՝ «ՏՕՍ-1Ա» ծանր հրանետանին. ՊՆ խոսնակ Հյուսիսային ուղղությամբ Ադրբեջանն անցել է լայնածավալ հարձակման. ունենք զոհեր. Արծրուն Հովհաննիսյան Հայաստանը դիտարկում է Լեռնային Ղարաբաղի անկախությունը ճանաչելու հնարավորությունը. Նիկոլ Փաշինյան Թուրքական F-16-ի կողմից խոցված հայկական ՍՈւ-25 գրոհիչի լուսանկարները «Մենք մեր տանն ենք ու հավերժ այստեղ ենք լինելու». Սամվել Խալաթյան Թուրքական F-16-երը մեր դեմ գործում են զույգերով. Որ երկրի տարածքով են դրանք հասել Ադրբեջան Արծրուն Հովհաննիսյանը՝ Շահումյանի ու Գետաշենի ուղղությամբ մեր տղաների հաջողությունների վերաբերյալ լուրերի մասին Ունենք զոհեր, որոնց մասին լրացուցիչ կհայտնենք. Արծրուն Հովհաննիսյան Վարդենիսի շրջանում Թուրքիային պատկանող F-16 կործանիչից խոցված ՍՈւ-25 գրոհիչի օդաչուն մայոր Վալերի Դանիելինն է․ ՀՀ ԱԳՆ

Մաք­սա­զերծ­ման նոր կար­գը վնաս է թե՛ տնտես­վա­րող­նե­րին, թե՛ սպա­ռող­նե­րին

Սեպտեմբերի 1-ից Հայաստանում ուժի մեջ են մտել հագուստի մաքսազերծման նոր չափորոշիչները։ Մասնավորապես, ներմուծվող հագուստը մաքսազերծվում է մյուս ապրանքների մաքսազերծման ընթացակարգերով։ Այլևս չի լինելու կիլոգրամով մաքսազերծում, այլ հաշիվ-ապրանքագրերում պետք է նշված լինեն ապրանքների ստույգ քանակը, գները, անվանումներն ու մոդելները, և դրա համաձայն էլ կսահմանվի ապրանքի մաքսազերծման գինը։ Առևտրականները նշում են, որ նոր կարգի համաձայն իրենց ապրանքների մաքսազերծման գները 6 անգամ կբարձրանան։ Նրանք օրեր շարունակ բողոքի ձայն են բարձրացնում կառավարության առջև: «Սպառողների խորհրդատվության կենտրոն» ՀԿ-ի նախագահ Կարեն Չիլինգարյանը նշում է` նոր կարգի պատճառով խնդիրներ են առաջանալու փոքր ու միջին բիզնեսի համար:

«Մի կողմից՝ ասվում է, որ փոքր ու միջին բիզնեսը պետք է զարգացնել, բարենպաստ պայմաններ է պետք ստեղծել, մյուս կողմից էլ ամեն քայլափոխի այն ինչ-որ խոչընդոտների է հանդիպում: Մենք տեսնում ենք, որ մեր երկրում խոշոր բիզնեսը ծաղկում է, ի տարբերություն փոքր ու միջին բիզնեսի: Ցանկացած պետություն, քաղաքակիրթ երկիր փոքր և միջին բիզնեսի հաշվին է զարգանում: Իսկ ամենատարբեր խոչընդոտները կանխում են դրանց զարգացումը: Փոխանակ բարենպաստ պայմաններ ստեղծեն, այն «խեղդում են»: Ինչ վերաբերում է մաքսազերծմանը, ապա պետք է ասել, որ շատ ոլորտներ են խնդիրներ ունենում դրա հետ՝ լինի գործարար, ֆիզիկական անձ, թե անհատ ձեռներեց:

Մեզ մոտ գործընթացները բարդեցված են, և երբ համեմատում ենք այլ երկրների, թեկուզ հարևան Վրաստանի հետ, ապա այնտեղ ընթացակարգերն ավելի պարզեցված են, ավելի լավ պայմաններ են ստեղծվում բիզնեսի զարգացման համար»,«Փաստի» հետ զրույցում ասում է Չիլինգարյանը: Նա նշում է, որ տարիներ շարունակ հագուստի ներկրման դեպքում մաքսազերծումն իրականացվել է կիլոգրամներով: «Հիմա փորձ է արվում ամեն ինչ տանել դեպի քաղաքակիրթ տարբերակ: Պատկերացրեք՝ ապրանքների տուփերն, օրինակ՝ պետք է բացվեն և դրանք հատ-հատ մաքսազերծվեն:

Եթե մեծ ծավալի ապրանքներ են, ապա հստակ նշվում է, թե որ ապրանքից քանի հատ է և ինչ հատկանիշներ ունեն, իսկ փոքր ու միջին ծավալով ապրանքների ներկրման դեպքում նույն փաթեթավորման մեջ մի քանի ձևի ապրանք կարող է լինել: Այս պարագայում պետք է ստեղծվի մեխանիզմ, երբ Հայաստան ներկրվող ապրանքները կոնկրետ երկրներից արտահանելիս նշվի, թե ինչ ապրանք է, ինչ նյութից է արտադրված և այլ տվյալներ: Արդեն Հայաստան ներկրելիս մաքսազերծման ժամանակ կներկայացվի փաստաթուղթ, որտեղ նշված կլինի անհրաժեշտ ողջ ինֆորմացիան, որպեսզի հերթով բոլոր ապրանքները տուփերից դուրս չբերեն:

Այլ հարց է, իհարկե, եթե բեռը կասկած է հարուցում, այդ դեպքում մաքսազերծողները պետք է անհրաժեշտ ստուգումներ անցկացնեն»,-նշում է մեր զրուցակիցը: Ասում է՝ մաքսային ծառայություններն, ի տարբերություն առևտրականների, նշում են, որ մաքսազերծումը թանկանալու է 1,5-2 անգամ: «Սա ևս խնդիր է: Կապ չունի, թե մաքսազերծումը որքանով կթանկանա, դրա հետևանքով խանութներում կբարձրանան ապրանքների գները: Սա խնդիր է առաջացնելու սպառողի համար:

Այս դեպքում շատերը կսկսեն օգտվել օնլայն խանութներից՝ պատվիրելով տարաբնույթ իրեր, այս դեպքում գներն ավելի մատչելի են: Սա մեծ վնասներ կպատճառի տնտեսվարողներին: Նրանցից շատերն ուղղակի կդադարեն առևտրով զբաղվել: Այս ուղղությամբ պետք է մտածեն համապատասխան գերատեսչությունները: Նրանք պետք է ավելի ճկուն լինեն, որ նման խնդիրներ չառաջանան»,-եզրափակում է Կարեն Չիլինգարյանը:

website by Sargssyan