Թրամփը հայտարարել է, որ կորոնավիրուսի դեմ պատվաստանյութը կարող է հաստատվել «մի քանի շաբաթվա ընթացքում»
ՄԻՋԱԶԳԱՅԻՆԱՄՆ նախագահ Դոնալդ Թրամփը հայտարարել է, որ կորոնավիրուսի դեմ պատվաստանյութը կարող է հաստատվել «մի քանի շաբաթվա ընթացքում»:
«Ես դա չեմ անում քաղաքական պատճառներով. ես ուզում եմ արագ պատվաստանյութ ստանալ»,- ասել է Թրամփը Fox & Friends-ին: «Ես արագացրել եմ FDA-ի գործընթացը… Մենք մի քանի շաբաթից` գուցե չորս կամ ութ, պատվաստանյութ կունենանք»:
Ավելի վաղ հաղորդվել էր, երբ մի քանի դեմոկրատ կասկածի տակ են դրել հնարավոր պատվաստանյութի անվտանգությունը` արագացված գործընթացի պատճառով. նախագահի դեմոկրատ թեկնածու Զո Բայդենը եւ նրա փոխնախագահի թեկնածու սենատոր Քամալա Հարիսը մտահոգություն էին հայտնել հնարավոր քաղաքական ճնշման կապակցությամբ, որը կարող է պատվաստանյութի վաղաժամկետ հաստատման հանգեցնել:
Թրամփը մեկնաբանել էր լրագրող Բոբ Վուդվորդի հետ իր հարցազրույցները, որոնց հիման վրա նա գիրք էր գրել: Հարցազրույցի ժամանակ Թրամփն ասել էր, որ խիստ նվազեցրել է վիրուսի սպառնալիքը: «Ես չէի ուզում խուճապ ստեղծել»,- ասել է Թրամփը` մեկնաբանելով դա:
Նա հավելել է, որ ԱՄՆ-ն այժմ համավարակի տեսանկյունից ավելի լավ վիճակում է, քան այս տարվա սկզբին: