Կորոնավիրուսով վարակվածների ու մահացածների թիվն՝ այսօր ՀԱՍԱՐԱԿՈՒԹՅՈՒՆ
Շուշիում հակառակորդի հարվածների հետևանքով քաղաքացիական բնակչ... ԲԼՈԳ
Առավոտյան թշնամին կրկին հարվածել է նաև Շուշիին ՀԱՍԱՐԱԿՈՒԹՅՈՒՆ
Առավոտյան հրթիռակոծվել է Ստեփանակերտը. Թիրախում դարձյալ քաղա... ՀԱՍԱՐԱԿՈՒԹՅՈՒՆ
Արաքս գետից հյուսիս՝ մի քանի բարձունքների ուղղությամբ, մեր Զ... ՀԱՍԱՐԱԿՈՒԹՅՈՒՆ
Երևան, 31.Հոկտեմբեր,
00
:
00
:
00
Փոխարժեք
478.65
$
560.79
Կորոնավիրուսով վարակվածների ու մահացածների թիվն՝ այսօր Առնվազն 4 զինվոր ռազմագերի է եղել նախքան սպանվելը. Արցախի ՄԻՊ Շուշիում հակառակորդի հարվածների հետևանքով քաղաքացիական բնակչության շրջանում կան վիրավորներ Հաշվի առնելով ՀՀ տարածքի նկատմամբ տեղի ունեցած ոտնձգությունների փաստերը՝ ՀՀ վարչապետը դիմել է ՌԴ նախագահին դաշնակցային հարաբերությունների շրջանակում աջակցություն ստանալու համար Առավոտյան թշնամին կրկին հարվածել է նաև Շուշիին Առավոտյան հրթիռակոծվել է Ստեփանակերտը. Թիրախում դարձյալ քաղաքացիական ենթակառուցվածքներն են Այս գիշեր հայկական ուժերը ոչնչացրել են թշնամական մեկ ավտոմեքնա՝ բեռնված զինամթերքով Գրեթե վստահ եմ, որ թուրքադրբեջանահաբեկչական զինված խմբավորումները սպասում են եղանակային պայմանների վատթարացմանը. Փորձագետ Թուրքիայում եւ Հունաստանում երկրաշարժի զոհ է դարձել առնվազն 22 մարդ Սիլվիո Մագիլանոյին կհաջողվի՞ հասնել Իտալիայի կողմից Արցախի անկախության ճանաչմանը. «Ժողովուրդ» Մահացել է հայտնի դերասան Վասիլ Սարգսյանը Ի՞նչ նպատակ էր հետապն­դում «Ապարան» ջոկատի հրա­մանատար Ռազմիկ Պետրոսյանին Արագածոտնի փոխմարզպետ նշանակելու որոշումը. «Ժողովուրդ» Հայաստանը զսպող վահան է պանթուրքիզմի և նեոօսմանիզմի համար. «Հայաստանի Հանրապետություն» Ժնեւում Բաքվի եւ Երեւանի ներկայացուցիչները պայմանավորվել են չթիրախավորել խաղաղ բնակչությանն ու ոչ ռազմական օբյեկտները ԲՀԿ-ն «կռվում» է մի քանի ճակատով. «Հրապարակ» Մեր լուրերը խոսնակը հաստատեց. «Հրապարակ» Մենք պարտավոր ենք ապրել նաեւ նրանց փոխարեն ու հանուն նրանց. «Հրապարակ» Ինչ առաքելությամբ է Արգիշտի Քյարամյանը Արցախում. «Հրապարակ» Թուրքիայում տեղի ունեցած երկրաշարժի հետևանքով զոհերի թիվը հասել է 20-ի, կա ավելի քան 780 տուժած Կարծես կենդանու տեղ դրած լինեին. 85-ամյա հայ կինը՝ Ադրբեջանում իր նկատմամբ վերաբերմունքի մասին

Դավթաշենի մի շարք շինությունների կոյուղաջրերը թափվում են Հրազդան գետը

Դավթաշեն վարչական շրջանի մի շարք տների, շինությունների կոյուղաջրերը թափվում են Հրազդան գետը։ Կոյուղագծերն ապօրինի կերպով միացվել են անձրևատար խողովակին, որը միայն անձրաջրերը պետք է տաներ դեպի գետ: Թե որ շինությունների կոյուղին է միացված այդ խողովակին, հայտնի չէ. իրավասու մարմինները տեղեկություն չունեն։

Կոյուղատար-անձրևատար խողովակն անցնում է ճանապարհի տակով և բաց անցքով Եղվարդի խճուղի 6 հասցեից թափվում Հրազդան գետը։ Բաց խողովակով կոյուղաջրերի թափվելու հետևանքով այդ տարածքում գարշահոտություն է տարածված:

Եղվարդի խճուղի 6 հասցեում կա հասարակական նշանակության շինություն, որի սեփականատերն արդեն 10 տարուց ավելի դիմում է Ջրային կոմիտե, Երևանի քաղաքապետարան, թաղապետարան և «Վեոլիա ջուր» ընկերություն՝ խնդրելով կարգավորել խնդիրը, որպեսզի կոյուղաջրերը չթափվեն գետը։

Փաստաբան Խաչիկ Դանիելյանը, որը զբաղվում է պետական մարմիններ դիմելու գործընթացով, ասում է՝ անարդյունք և անհույս 10 տարի ահազանգում են պետական մարմիններին և մշտապես ստանում նույնաբովանդակ պատասխան։

«Պետական մարմինները փորձում են հարցը լուծել՝ մեկը մյուսի վրա գցելով։ Յուրաքանչյուրն ասում է՝ սա իմ իրավասության ներքո չէ, դիմեք այլ պետական մարմնի։ Ի վերջո, «Վեոլիա ջուրը», որը իրավասու է այս խնդիրը կարգավորել, առաջարկում է մեր ֆինանսական միջոցներով փորձենք ջրատարը հեռացնել այնպիսի հեռավորության վրա, որ մեր տարածքին չխանգարի։ Բայց նրա լիազորությունների մեջ է, որպեսզի չթողնի կեղտաջրերը լցվեն Հրազդան գետը։ Այսօր մենք ունենք աղետ, ունենք իրավիճակ, որ կեղտաջրերը լցվում են Հրազդան գետը՝ աղտոտելով այն։ Սա նաև բնապահպանական խնդիր է, հիվանդությունների աղբյուր է։ Բայց որևէ պետական մարմին այս հարցին լուծում չի ցանկանում տալ»,- մեզ հետ զրույցում ասաց փաստաբանը։

«Վեոլիա ջուր» ընկերությունից հուլիսի 3-ին տնտեսվարողին տեղեկացրել են, որ իրենց կողմից սպասարկվող անձրևատար խողովակը հանդիսանում է պետական գույք, կառուցապատման ժամանակ խախտվել են խողովակի սանիտարական պահպանման և սպասարկման գոտիները, որոնք պետական սեփականություն են և ենթական չեն սեփականաշնորհան կամ մասնավորեցման։

«Վեոլիա ջուր»-ը տնտեսվարողին առաջարկել է դիմել իրենց՝ շրջանցման տեխնիկական պայմաններ ստանալու համար։ Խաչիկ Դանիելյանը համաձայն չէ «Վեոլիա ջուր» ընկերության այս պայմանի հետ՝ ընդգծելով՝ հարցը չի լուծվելու խողովակը տեղափոխվելով, քանի որ կեղտաջրերը միևնույնն է լցվում են Հրազդան գետը։Ջրային կոմիտեն ևս ընդունել է, որ կեղտաջրերի հեռացման համար որոշ տնտեսվարողներ անօրինական կերպով միացրել են հեղեղատարին։

«Կենցաղային կոյուղագծի բացակայությամբ պայմանավորված՝ տարածքի ֆիզիկական (իրավաբանական) անձանց մեծ մասն իրենց տարածքների կեղտաջրերի հեռացման համար անհրաժեշտ հերմետիկ կուտակիչ հորի կառուցման փոխարեն, կեղտաջրերի հեռացման խողովակները միացրել են անցնող հեղեղատարին, որը տեխնիկապես անթույլատրելի է։ Խնդիրն ամբողջությամբ կարող է լուծվել տարածքում նոր կենցաղային կոյուղագիծ կառուցելուց հետո, սակայն ներկա դրությամբ ձեր դիմումով նշված հասցեի կոյուղացման աշխատանքներն ընթացիկ ներդրումային ծրագրում ներառված չեն, իսկ նախատեսվող ներդրումային ծրագրերում դրանց ներառումը կքննարկվի՝ հաշվի առնելով ներդրումային աշխատանքների առաջնահերթությունը»,- հայտնել են Ջրային կոմիտեից։

Փաստաբան Խաչիկ Դանիելյանն ասում է՝ եթե իրավասու մարմինները չեն կարողանում բացահայտել, թե որ տնտեսվարողներն են իրենց կոյուղագծերը միացրել անձրևաջրերի հեռացման այս խողովակին, պետք է այն պարզապես միացնել մայրաքաղաքի կոյուղու ցանցին, քանի որ այն այժմ էլ որպես կոյուղատար է օգտագործվում։ Այդ կերպ կոյուղաջրերն այլևս չեն լցվի գետը։

Դավթաշեն վարչական շրջանի ղեկավար Միքայել Թումասյանը մեզ հետ զրույցում վստահեցրեց, որ իրավիճակի կարգավորման համար լուծումներ է փնտրում։

«Սա գլոբալ խնդիր է։ Տարածքում տարածված գարշահոտությունից է պարզ դառնում, որ անձրևատարին կան միացված կոյուղագծեր։ Բայց բարդ և ծավալուն աշխատանք է հայտնաբերելը, թե ով է իր կոյուղին միացրել անձրևատարին։ Մենք մինչև վերջ, թե որտեղից է սկսվում այդ անձրևատարը, չենք կարող ուսումնասիրել և հայտնաբերել, քանի որ և՛ կոյուղագծերը, և՛ թե անձրևատարը գետնի տակ են»,- ասում է վարչական շրջանի ղեկավարը։

Թումասյանը կարծում է՝ առաջնահերթ պետք է գտնել անձրևատարի ուղղությունը, և դրան մոտ գտնվող տնտեսվարողներին, բնակիչներին դիմել՝ պարզելու համար, թե իրենց կոյուղաջրերը որտեղ են լցվում։ Սակայն վարչական շրջանի ղեկավարը վստահեցնում է՝ իր գործիքակազմով չի կարող այդ աշխատանքները կատարել։

website by Sargssyan