Արաքս գետից հյուսիս՝ մի քանի բարձունքների ուղղությամբ, մեր Զ... ՀԱՍԱՐԱԿՈՒԹՅՈՒՆ
Հրապարակվել է գերեվարված իլսամիստ-ահաբեկչի հարցաքննության տե... ՎԻԴԵՈ
Քարինտակ գյուղից արևելք ընկած մեկ երկու գյուղից մաքրվել են ա... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (30 ՀՈԿՏԵՄԲԵՐԻ)․Ըն­դու­նվել են ԼՂՀ դրո­շի... ՀԱՍԱՐԱԿՈՒԹՅՈՒՆ
Գյում­րե­ցի երե­խա­նե­րը վա­ճա­ռում են իրենց նկար­նե­րը, գու... ՀԱՍԱՐԱԿՈՒԹՅՈՒՆ
Երևան, 30.Հոկտեմբեր,
00
:
00
:
00
Փոխարժեք
478.65
$
560.79
Թուրքիայում երկրաշարժի զոհերի թիվը հասել է 12—ի. կան 500—ից ավել վիրավորներ Արցախում ոչնչացվել են ահաբեկիչների առնվազն 3 հրամանատարներ. WarGonzo Հայ ժողովրդին Փաշինյանը պետք է հստակ պատասխան տա. Արտակ Թովմասյանի բաց նամակը՝ Նիկոլ Փաշինյանին «Խելագարություն է մեղադրել մեզ իշխանությունը զավթելու կամ նման ցանկության մեջ» ՊՆ-ն ուսումնասիրում է հակառակորդի կողմից ֆոսֆորային արկերի և միջոցների կիրառությունը Արաքս գետից հյուսիս՝ մի քանի բարձունքների ուղղությամբ, մեր ԶՈւ-երը ունեն որոշակի դիրքային առավելություններ. Հովհաննիսյան Արծրուն Հովհաննիսյանի ճեպազրույցը․ ՈւՂԻՂ Պետք է ուժեղ լինել, որ Շուշին գրավես, բայց Շուշիի դեմ ուժ չկար, թշնամին հետ շպրտվեց. Կոմանդոս Դավիթ Տոնոյանը Ժոնաթան Լաքոտի հետ քննարկել է ռազմական գործողությունների գոտում տիրող իրավիճակը Թուրքիայում երկրորդ երկրաշարժն է գրանցվել Արցախում ոչնչացվել է սիրիական զինյալ խմբավորումներից մեկի առաջնորդը Ադրբեջանի գնդակոծության հետեւանքով Ակնաղբյուր գյուղում սպանվել է մեկ, վիրավոր է 6 քաղաքացիական անձ. Արցախի ՄԻՊ Ֆրանսիայի ոստիկանությունը Փարիզում վնասազերծել է տղամարդու, ում մոտ երկու դանակ է գտնվել Իրանին անհանգստացնում է Ադրբեջանի կողմից կռվող ահաբեկիչների փաստը. Աբաս Արաղչի Ալիևի մեծ բլեֆը. Բաքվի բռնապետի միֆերը պայթեցին Ֆրանսիան և ԵՄ-ն պատրաստ են օգնել Թուրքիային և Հունաստանին Արձագանքելով Գագիկ Ծառուկյանի կոչին, «Հայոց արարման հավաք» հ/կ-ի կամավորների ջոկատը հ/կ-ի նախագահ Սուրեն Օքմինյանի գլխավորությամբ, այս պահին գտնվում է Շուշիում․Լիաննա Մանուկյան Իզմիրում տեղի ունեցած երկրաշարժի հետևանքով զոհվերի թիվը հասել է 6-ի Ռոբերտ Քոչարյանի՝ Մոսկվա մեկնելն անհնար է դարձել, քանի որ COVID թեստի պատասխանը դրական է եղել

Միասնականության մթնոլորտում ձեռք բերված յուրաքանչյուր հաղթանակը հող է նախապատրաստելու նոր հաղթանակների համար

Past.am

Հայ ժողովուրդը անցել է բազմաթիվ փորձություններով և պատմության քառուղիներում պայքարել է իր պետականության պահպանման կամ էլ պետականության վերականգնման համար։ Եվ անցած ճանապարհը իր մեջ հսկայական փորձ է պարունակում, որի դասերն արդիական են նաև այսօր։

Իսկ պատմական իրադարձությունները ցույց են տալիս, որ երբ հատկապես արտաքին մարտահրավերների ժամանակ հայ ժողովուրդը անմիասնական է եղել, իսկ հայկական վերնախավն՝ անմիաբան, ու նրանցից յուրաքանչյուրը գործել է մեկուսի՝ տուրք տալով նեղ անձնական շահերին, ապա այդ իրողությունից կարողացել են օգտվել մեր թշնամիները։

Հենց անմիաբանությունն էր պատճառը, որ 428 թվականին Հայոց թագավորությունը լուծարվեց պարսից արքունիքի կողմից և վերածվեց մարզպանության։ Անմիաբանութան ակնառու օրինակ է նաև Կիլիկիայում ունիթորական և հակաունիթորական շարժումների արդյունքում տարաձայնությունների խորացումը և հայկական այս թագավորության ուժերի ջլատումը, որն արագացրեց Կիլիկիայի անկումը։

Այսպիսի իրադարձությունները բազմաթիվ են պատմության ընթացքում, երբ  երկպառակություններն ու ներքին գզվռտոցը թուլացրել են մեր երկիրը և նախադրյալներ ստեղծել պետականության անկման համար։ Բայց և հայ ժողովորդի գոյության ընթացքում եղել են նաև այնպիսի պահեր, երբ չտեսնված միասնականություն ենք դրսևորել։

Եվ, որպես կանոն, միասնականության և համախմբվածության պահերին հայ ժողովուրդը կարողացել է տանել հաղթանակ հաղթանակի հետևից։ Բայց ցավալին այն է, որ հայության շրջանում միասնականության ոգին տիրել է հիմնականում այն ժամանակ, երբ իրավիճակը եղել է օրհասական կամ կշեռքի նժարի վրա է դրված եղել հայ ժողովրդի լինել-չլինելու հարցը։

Այդպիսի իրավիճակ էր 1918 թվականի Մայիսյան հերոսամարտերի ժամանակ, երբ հայ ժողովուրդը Սարդարապատի, Բաշ-Ապարանի և Ղարաքիլիսայի մարտերում կարողացավ թշնամուն արժանի հակահարված տալ և վիժեցնել Արևելյան Հայաստանը զավթելու ու տեղի հայությանը ոչնչացնելու երիտթուրքերի ծրագիրը։

Ավելին, Ցեղասպանության զոհ դարձած հայ ժողովուրդը ոչ միայն պահպանեց իր ֆիզիկական գոյությունը, այլև ստիպեց հակառակորդին հաշվի նստել իր հետ և ճանաչել իր անկախ ապրելու իրավունքը։

Մայիսյան հերոսամարտը ամբողջ հայ ժողովրդի հավաքական ուժի և ազգային միասնության հաղթանակն էր։ Եվ պատմության այս դրվագն արժևորելով՝ պետք է նշել, որ այս օրերին էլ կշեռքի նժարին է դրված Արցախի անվտանգության և անկախության հարցը։

Իսկ մեզ համար այլ տարբերակ չի մնում, քան միավորել բոլոր ուժերը թշնամուն արժանի հակահարված տալու համար, որպեսզի Ադրբեջանը մեկընդմիշտ համակերպվի այն մտքի հետ, որ Արցախի անկախության ճանաչմանն այլընտրանք չկա։

Եվ այս համատեքստում շատ կարևոր է, որ երկրում գործող բոլոր քաղաքական ուժերը կարողացան քաղաքական հասունություն դրսևորել և մի կողմ դնել առկա տարակարծություները։ Իսկ այսօրվա համերաշխության մթնոլորտը նախադրյալներ է ստեղծում, որպեսզի Հայաստանը, Sփյուռքը և Արցախը կենտրոնացնեն ուժերն ու ռեսուրսները և գործեն սինխրոն և միասնաբար։

Համախմբվածությունը մեծ նշանակություն ունի նաև հակառակորդի կողմից տեղեկատվական սադրանքներին դիմակայելիս։ Քաղաքացիները այսպիսով կարողանում են չտրվել  ադրբեջանական ապատեղեկատվությանը և տեղեկատվական սադրանքներին, որոնք նպատակ ունեն թշնամություն սերմանել հայության տարբեր հատվածների միջև։

Իսկ միասնակության մթնոլորտում ձեռք բերված յուրաքանչյուր հաղթանակը հող է նախապատրաստելու նոր հաղթանակների համար։

ԱրթուրԿարապետյան

 

 

 

 

 

 

 

 

 

 

 

 

 

 

 

 

 

website by Sargssyan