Սաուդյան Արաբիայի ԱԳՆ ղեկավարը հայտնել է Իսրայելի հետ հարաբերությունների կարգավորման հնարավորության մասին
ՔԱՂԱՔԱԿԱՆՍաուդյան Արաբիայի եւ Իսրայելի միջեւ հարաբերությունների կարգավորում հնարավոր է, սակայն այս փուլում առաջնահերթություն է պաղեստինաիսրայելական բանակցային գործընթացի մեկնարկը: Այս մասին, ինչպես հայտնում է Al Jazeera-ն, Սաուդյան Արաբիայի ԱԳՆ ղեկավար Ֆեյսալ բին Ֆարհան Ալ Սաուդը, ով այցով գտնվում է ԱՄՆ-ում, հաղորդում է ՏԱՍՍ-ը:
«Իսրայելի հետ հարաբերությունների կարգավորում վերջին հաշվով հնարավոր է, եւ մենք հույս ունենք լուծել Պարսից ծոցում ճգնաժամը: Սակայն տվյալ փուլում առաջնահերթություն է պաղեստինցիների ու իսրայելցիները վերադարձը բանակցային սեղանի շուրջ»,-ասել է նա:
«Մենք հակատարիմ ենք խաղաղությանը, որը ռազմավարական անհրաժեշտություն է տարածաշրջանի համար: Դա այն է, ինչը նախատեսված է 2002թ. արաբական խաղաղ նախաձեռնությամբ, եւ ինչն առաջարկում էր Սաուդյան Արաբիան դեռեւս 1981 թվականից, քանզի մենք միշտ մտածել ենք, որ կարգավորումը կկայանա, սակայն դրա հետ մեկտեղ պետք է ստանանք պաղեստինյան պետություն եւ պաղեստինաիսրայելական խաղաղ ծրագիր»,-պարզաբանել է նախարարը:
Չորեքշաբթի ԱՄՆ պետքարտուղար Մայք Պոմպեոն թագավորության ԱԳՆ ղեկավարի հետ բանալցություններից հետո հույս է հայտնել, որ Էր Ռիադը կդիտարկի Իսրայելի հետ հարաբերությունների կարգավորման մասին այսպես կոչված «Աբրահամյան համաձայնությանը», որի միջնորդ է ԱՄՆ-ը:
Սեպտեմբերի 15-ին Վաշինգտոնում իսրայելական կողմը փաստաթղթեր է ստորագրել ԱՄԷ-ի եւ Բահրեյնի հետ հարաբերությունների կարգավորման մասին: Իսրայելի վարչապետ Բենյամին Նեթանյահուն այդ երկու արաբական երկրների հետ հաշտեցումն անվանել է «պատմության մեջ շրջադարձային պահ»:
Խաղաղության կնքումը հնարավոր է դարձել ԱՄՆ-ի ակտիվ ջանքերի շնորհիվ: Համաձայնության կնքումից առաջ ԱՄՆ նախագահ Դոնալդ Թրամփը վստահություն է հայտնել, որ դրանք հիմք կդառնան Մերձավոր Արեւելքում «համապարփակ խաղաղության» համար: Եռակողմ գործարքն անվանել են «Աբրահամյան համաձայնություն» ՝ ի պատիվ աստվածաշնչյան կերպարի, ով համարվում է հուդայականության, քրիստոնեության եւ իսլամի բոլոր հետեւորդների հոգեւոր նախահայր: Պաղեստինը կտրականապես դեմ է արտահայտվել այդ համաձայնություններին եւ հետ կանչել Աբու Դաբիից եւ Մանամայից իր դեսպաններին: