Փա­շի­նյա­նը ձա­խո­ղել է ամեն ինչ, իսկ ար­դա­րա­ցում­ներն այ... ՎԵՐԼՈՒԾԱԿԱՆ
«Նի­կո­լակ­րա­տի­ան» և օխ­լո­սը․«Փաստ» ՎԵՐԼՈՒԾԱԿԱՆ
«Ամեն օրը բարձ­րաց­նում է եր­կի­րը քա­ո­սի վե­րա­ծե­լու հա­վ... ՀԱՐՑԱԶՐՈՒՅՑ
«Երկուսը՝ մեկում». անթույլատրելի արշավ.«Փաստ» ՀԱՍԱՐԱԿՈՒԹՅՈՒՆ
Տեղեկատվական արհեստական բլոկադա Արցախում.«Փաստ» ՀԱՍԱՐԱԿՈՒԹՅՈՒՆ
Երևան, 01.Դեկտեմբեր,
00
:
00
:
00
Փոխարժեք
478.65
$
560.79
Ինչ իրավիճակ է Բերձորում. քաղաքապետը մանրամասներ է ներկայացրել Փա­շի­նյա­նը ձա­խո­ղել է ամեն ինչ, իսկ ար­դա­րա­ցում­ներն այ­լևս ար­ժեք չու­նեն․«Փաստ» Կորոնավիրուսով վարակվածների ու մահացածների թիվն ՝ այսօր Նիկոլ Փաշինյան դու վայրկյան առաջ պետք է հեռանաս վարչապետի աթոռից և պատասխանատվության ենթարկվես. Տիգրան Ներսիսյան Պետք է օրենքով արգելել դավադիր խմբակի քաղաքական կուսակցության՝ ՔՊ-ի գործունեությունը Հայաստանում. Արմեն Աշոտյան No comment. #WarGonzo-ն լուսանկար է հրապարակել «Նի­կո­լակ­րա­տի­ան» և օխ­լո­սը․«Փաստ» Փաշինյանը դատավորներին կանչել է «մշակելու» «ԼՂ-ում կատարվածի համար մեղավոր է մեկ մարդ՝ Նիկոլ Փաշինյանը. նրա հեռանալով մենք կկարողանանք լուծել Հայաստանում առկա շատ հարցեր». Վանեցյանի հարցազրույցը «Լուրերի դաշնային գործակալությանը» Համոզված եմ, որ մեր գերիների թիվն անցնում է 150-ը. Պատգամավոր «Ամեն օրը բարձ­րաց­նում է եր­կի­րը քա­ո­սի վե­րա­ծե­լու հա­վա­նա­կա­նու­թյու­նը. Նի­կոլ Փա­շի­նյա­նը ցուգց­վան­գի մեջ է».«Փաստ» Ադրբեջանական զորքերը մտան Լաչինի շրջան «Երկուսը՝ մեկում». անթույլատրելի արշավ.«Փաստ» Ինչ ծրագրերի իրագործման և ում է խանգարել Ջալալ Հարությունյանը, ինչ հրաշքով է կենդանի մնացել, կարող է ասել միայն նա. «Իրատես» «Անցեք Ռուբիկոնը եւ հողատուի դավաճանական կառավարումը թողեք պատմության աղբանոցում». Էդուարդ Շարմազանով Եթե պետք լինի, պայթուցիկ էլ կսարքեմ, կպաշտպանվեմ․ Աղավնոյի 63-ամյա բնակչուհին չի լքում իր գյուղը Տեղեկատվական արհեստական բլոկադա Արցախում.«Փաստ» Վճռորոշ «մարտերը» դեռ առջևում են. Ինչ պետք է անի հիմա Հայաստանը, ընդ որում՝ արագորեն Խզված ձայնով հրետանավոր Մնացականը տանն է... «Ին­ձա­նից հե­տո՝ թե­կուզ ջրհե­ղեղ».«Փաստ»

Բժիշկ-հա­մա­ճա­րա­կա­բան. «Բո­լո­րիս գի­տակ­ցու­թյու­նը շատ կա­րև­որ է, ազ­գաբ­նակ­չու­թյան դե­րա­կա­տա­րու­թյու­նը՝ մեծ»․«Փաստ»

«Փաստ» օրաթերթը գրում է

Ըստ համաճարակաբանական կորի և իրադարձությունների վերլուծության, կորոնավիրուսի երկրորդ ալիքի հստակ ձևավորում ունենք: «Փաստի» հետ զրույցում ասաց բժիշկ-համաճարակաբան Արման Բադալ յանը: Նշենք, որ միայն երեկվա տվյալներով հաստատվել էր կորոնավիրուսով վարակման 2383, մահվան՝ 29 նոր դեպք: «Համաճարակային կորի վրա այդ երկրորդ ալիք կոչվածն արդեն իսկ երևում է: Արդեն որոշ չափով հստակ կարող ենք բացատրել, թե մասնավորապես ինչո՞ւ բարձրացավ ցուցանիշը: Այո, կրթական համալիրները բացվեցին, բայց այս հանգամանքը ամբողջությամբ կարող է և երկրորդ ալիքի գործոն չդառնար:

Բայց չստացվեց կրթական գործոնը վերջնական վերլուծել, որովհետև սկսվեց պատերազմը, որն ամբողջությամբ խարխլեց գնահատման գործընթացը, ըստ որի՝ վերջնական կհասկանայինք գործոնների ազդեցությունը: Այսինքն, բուն համաճարակաբանական վերլուծության մեջ հասկանալ, օրինակ՝ դպրոցո՞ւմ, թե՞ ավելի շատ տնային օջախներում է փոխանցվում վարակը: Իսկ պատերազմի հետևանքով շփումները շատացան, հատկապես անպաշտպան կուտակումների շարժն ավելացավ, ինչը շատ արագացրեց ու ակտիվացրեց գործընթացը»,-ասաց Ա. Բադալ յանը: Բժիշկ-համաճարակաբանը շեշտեց, որ մինչ այս բանավեճի թեմա էր՝ ո՞վ ավելի մեծ պատասխանատվություն ունի՝ պետությո՞ւնը, թե՞ քաղաքացին:

«Երկուսն էլ ունեն, բայց լինում են իրավիճակներ, ինչպիսին հիմա է, երբ պետական ատյանների համար որոշ գործողություններ անելը գրեթե անհնար է դարձել: Թեպետ, կարծում եմ, անկախ ամեն ինչից, որոշակի գործողություններ պետք է անել: Կան բաներ, որ լավ կլիներ իրականացնել կամ գոնե կատարելու փորձ լիներ: Ամեն դեպքում, հիմա տեսնում ենք, որ ազգաբնակչության դերակատարությունն էլ է մեծ: Կուտակումները, անպաշտպան շփումների այս հետևանքը ցույց է տալիս, որ ազգաբնակչության վարքագիծը հսկայական դերակատարություն ունի:

Վերջին շրջանում գրանցվող բարձր թվերը երեկվա կամ վերջին շաբաթվա արդյունքը չեն: Առնվազն մոտ 10-14 օր առաջվա շփումների արդյունքն են: Հույս ունենանք՝ օրեցօր մարդկանց ինքնահսկումը կբարձրանա: Եթե ոչ, ապա այս կատաստրոֆիկ իրավիճակը կշարունակվի, և կունենանք մարդկային կորուստներ, ինչպես նաև այլ խնդիրներ՝ սկսած բուժման հասանելիությունից: Ես ուզում եմ շեշտել, որ բոլորիս գիտակցությունը շատ կարևոր է: Մենք բոլորով ենք այս ամենի միջով անցնում ու դեռ անցնելու ենք. կուտակումներ զինկոմիսարիատներում, շփումներ հիվանդանոցների բակերում, հուղարկավորություններ… ուր ուզում է լինի, մենք մի պահ պետք է մտածենք, որ վարակ ենք տարածում»,-ասաց մեր զրուցակիցը՝ շեշտելով սոցիալական հեռավորություն պահելու, դիմակ կրելու, ձեռքերն ախտահանելու, ինչպես նաև օդափոխության կարևորության մասին:

«Առաջին երեք կանոնները պահպանելուց զատ ազգաբնակչությունից այլ բան չի պահանջվում: Մեր նպատակը թվերը մաքսիմալ նվազեցնելն է, մենք չենք վերացնելու վարակը, բայց գոնե պետք է այս թվերը նվազեցնել: Պետք է անել պարզապես այն, ինչ անում էինք պանդեմիայի սկզբում: Այո, այսօր դժվար է ասել՝ հուղարկավորությանը քսան հոգուց ավելի չպետք է մասնակցել: Այսօր էմոցիոնալ բաղադրիչը շատ մեծ է: Բայց մենք անգամ 100, 200, 500 հոգով հուղարկավորության մասնակցելուց պետք է իմանանք, որ այս ամենի միջով բոլորս էլ անցնում ենք, և մեզանից ընդամենը նվազագույն կանոնների պահպանում է պահանջվում: Դժվա՞ր է հիշել այդ կանոնները ու հասկանալ, որ այսօր առողջապահական համակարգը ծանրաբեռնված է: Բժիշկների վարակման հավանականությունն է մեծանում, նույն ընթացքը նաև վիրավորների մոտ կարող է ընթանալ: Էլ չեմ խոսում հատկապես վարակված մեծահասակների մասին, որոնց դեպքում մահացու ելքի հավանականությունը մեծանում է: Այս ամենը մարդկանց իսկապես չի հետաքրքրո՞ւմ:

Չե՞ն ուզում հասկանալ, որ վիրավորների առումով սա կարող է խնդիր լինել: Չգիտեմ, միգուցե ինչ-որ ժողովրդական շարժում է պետք սկսել, գնալ, մարդկանց բացատրել, որ կուտակվելը վտանգավոր է: Իրականում տուգանելը այսօր հակառակ էֆեկտն է ունենալու: Մարդկանց անընդմեջ պետք է բացատրել՝ պահպանել գոնե պահանջվող երեք կանոններից երկուսը»,-հավելեց մասնագետը: Նա շեշտեց, որ հակահամաճարակային միջոցառումները, իհարկե, միայն երեք կանոններով չեն սահմանափակվում: «Կարևոր է կոնտակտավորների հայտնաբերումը, արագ թեստավորումը, թեստավորման պատասխանից հետո արագ արձագանքումը: Բայց, այնուամենայնիվ, այս իրավիճակը ցույց տվեց, որ մարդկային գործոնը միանգամից նպաստեց երկրորդ ալիքի ձևավորմանը, և առողջապահական համակարգն այս դեպքում պարզապես կարող է և չհասցնել հայտնաբերել կոնտակտավորներին:

Ահռելի թվով մարդկանց բաց ենք թողնում օրական կտրվածքով, որոնք չեն ախտորոշվում: Միայն Հայաստանի կտրվածքով չեմ ասում. եթե որևէ երկրում թիվը աճեց, էլ ի վիճակի չես լինելու հայտնաբերել վարակի աղբյուրները: Այդ դեպքում հայտնաբերում ես այնքանով, որքանով… Եթե վաղը 10 հազար թեստ անենք, ավելի մեծ թիվ կլինի: Եվ այդպես շարունակ՝ մինչև վարակը կսկսի նվազել, ինչպիսի պատկեր մենք այսօր չունենք: Երբ պատերազմը սկսվեց, ինձ թվում էր, թե վարակի դեմ ևս միասնական կպայքարենք, բայց հակառակը ստացվեց: Հիմա բոլորս ասում ենք, չէ՞, ի՞նչ անենք այս օրերին, ինչպե՞ս օգնենք: Հավատացեք, յուրաքանչյուրիս կողմից մեծ ներդրում կլինի նաև այն, որ գոնե այդ երեք կանոնը փորձենք պահպանել»,-եզրափակեց բժիշկ-համաճարակաբանը:

Աննա Բադալյան

Մանրամասները՝ «Փաստ» օրաթերթի այսօրվա համարում

website by Sargssyan