Ինչպե՞ս են հանձնվում ՀՀ սահմանները
Տնտեսագետ, «Մեկ Հայաստան» կուսակցության քաղխորհրդի անդամ Հայկ Ֆարմանյանը ֆեյսբուքյան իր էջում գրել է.
ԻՆՉՊԵ՞Ս ԵՆ ՀԱՆՁՆՎՈՒՄ ՀՀ ՍԱՀՄԱՆՆԵՐԸ
----------------------------------------------------
«Ինքնիշխան» Հայաստանի Հանրապետությունում, պետական, կամ ավելի շուտ գործադիր իշխանության այդ ո՞ր մարմիններն են այսօր զբաղվում ադրբեջանի հետ նոր առաջացած սահմանների հստակեցման աշխատանքներով։ Ունե՞նք արդյոք մենք իշխանություն ընդհանրապես, լինի դա օրենսդիր, թե գործադիր։ Վարչապետի պաշտոնը զբաղեցնող անձը ասում է, որ վերադառնում ենք ԽՍՀՄ հանրապետությունների սահմաններին։ Այդ դեպքում հարց․ այդ ինչպե՞ս, ի՞նչ արագությամբ, թե՞ դա որոշում է թշնամու զինվորը՝ կամայականորեն, իր քմահաճույքով ու ճաշակով։ Ասում են ` դա շատ հեշտ է անել GPS համակարգի միջոցով։ Ես քարտեզագրության մասնագետ չեմ և չեմ էլ հավակնում խոսել ավելին, սակայն նորից կարող եմ հարցնել․ այդ ու՞մ, ո՞ր երկրի GPS քարտեզներով եք մտադիր ղեկավարվել, ո՞վ է որոշել դրանցում ԵԼԱԿԵՏԱՅԻՆ ՏՎՅԱԼՆԵՐԸ։
Նախկին խորհրդային հանրապետությունների միջև, նույնիսկ լավ հարաբերությունների պայմաններում, սահմանագծման աշխատանքները տևել են տասնյակ տարիներ․ դա պահանջել է համառ ու քրտնաջան աշխատանք, քաղաքական ու դիվանագիտական ջանքեր, հաճախ նաև կամքի դրսևորում և այլն։ Իսկ մենք ունե՞նք այսօր այդ կամքն ու կարողությունները ՝ ԱՅՍ ԻՇԽԱՆՈՒԹՅԱՆ ՊԱՅՄԱՆՆԵՐՈՒՄ։ Կարծում եմ ՝ պատասխանը հայտնի է․․․։ Իսկ դա մոտ ապագայում, նույնիսկ ամեն օր, մեզ ՍՊԱՌՆՈՒՄ Է ՆՈՐԱՆՈՐ ԿՈՐՈՒՍՏՆԵՐՈՎ։ Օրինակ ՀՀ-ի և Վրաստանի միջև սահմանագծման աշխատանքները ամբողջությամբ չեն էլ ավարտվել։ Վրաստանի ու ադրբեջանի միջև նույնպես։ Ամիսներ առաջ Վրաստանի իրավապահ մարմինները նույնիսկ քրեական գործ հարուցեցին իրենց որոշ պաշտոնատար անձանց դեմ, ադրբեջանի հետ սահմանագծման աշխատանքների ընթացքում կոռուպցիոն դրդապատճառներից ելնելով, ի վնաս Վրաստանի շահերի ՝ որոշ տարածքներ հարևան երկրի օգտին զիջելու համար։ Ահա այսպիսի բաներ։ Իսկ ինչե՞ր կարող են լինել մեզ մոտ․․․․․։ Եվ քանի որ չունենք իշխանություն, և բնականաբար նաև կոմպետենտ պատկան մարմիններ, Սոթքի հատվածում օրինակ, սահմանների որոշման վերաբերյալ խոսում է բանակի ԳԵՆԵՐԱԼԸ և այդպես շարունակ․․․․։ Այնպես որ, օր առաջ ԱՆՀԱՊԱՂ ԵՐԿՐՈՒՄ ՊԵՏՔ Է ԻՇԽԱՆՈՒԹՅՈՒՆՆԵՐԸ ՓՈԽՎԵՆ․․․․։