Արմեն Սարգսյանը հանդիպել է Օնիկ Գասպարյանի հետ. Մանրամասներ ՔԱՂԱՔԱԿԱՆ
Հզոր երկրաշարժ՝ Հունաստանում ՄԻՋԱԶԳԱՅԻՆ
ՀՀ գլխավոր դատախազությունը՝ Օնիկ Գասպարյանի հնարավոր ձերբակա... ՔԱՂԱՔԱԿԱՆ
Նիկոլ Փաշինյանը նոր որոշում է ստորագրել ՔԱՂԱՔԱԿԱՆ
Գորիս-Սիսիան և Գորիս-Շուռնուխ ճանապարհահատվածներում տեղ-տեղ ... ՀԱՍԱՐԱԿՈՒԹՅՈՒՆ
Երևան, 04.Մարտ,
00
:
00
:
00
Փոխարժեք
478.65
$
560.79
Նիկոլ Փաշինյանն ԱԺ էր եկել ոչ սթափ վիճակում. Mediaport Պահն է ձևավորելու երրորդ տիրույթը Ադրբեջանցիերը Սյունիքում այսօրվանից սկսել են խրամատներ փորել. Գորիսի փոխքաղաքապետն ահազանգում է Մինչ մեր դիպուկահարները զենքներն ուղղել են դեպի ժողովուրդը, թշնամին ինժեներական աշխատանքներ է սկսել Որոտանում Սա ոչ իմ պայքարն է, ոչ Օնիկ Գասպարյանի համար է, սա Հայրենիքի փրկության պայքար է․ Է.Շարմազանով Միայն արդար ընտրությունները Նիկոլին ու իր լակոտակրատիային կուղարկեն պատմության աղբանոցը. (Տեսանյութ) Տեսչական մարմինները զգուշացնում են Սա վերջին հարցն էր վարչապետին Հզոր Հայաստան կառուցելու բոլոր ճանապարհներն անցնում են տնտեսությունով, իսկ տնտեսության հզորացման երաշխավորը միմիայն դուք եք. Նաիրի Սարգսյան Թուրք կուսակցապետը Հայաստանը ահաբեկչական երկիր է անվանել BMW-ն մխրճվել է բեռնատարի հետնամասի մեջ. 5 վիրավորների մեջ կան երեխաներ Մենք կանգնած ենք բանակի կողքին. ազատամարտիկ Աղդամում ականի պայթյունի հետեւանքով ադրբեջանցի պաշտոնյա է տուժել Եթե փաստի առջեւ կանգնեն բոլորը, հայրիկս կգա. Լևոն Քոչարյան Ադրբեջանը ջանում է ջնջել հայկական հետքն Արցախում Մահացել է գեղանկարիչ Գագիկ Ավետիսյանը Արմեն Սարգսյանն ուղերձ է հղել Սերժ Սարգսյանը՝ Նիկոլ Փաշինյանի հայտարարության մասին, թե Օնիկ Գասպարյանն իր հրահանգով հայտարարություն արել Նորածին երեխայի մոտ հայտնաբերվել է կորոնավիրուսի նոր մուտացիա Ինքնաթիռի մեջ թռիչքի ընթացքում կատուն հարձակվել է օդաչուի վրա

Մոսկվայի կոշտ արձագանքը Փաշինյանի «միջնորդական» ջանքերին

Երեկ երեկոյան հայտնի դարձավ, որ վարչապետ Նիկոլ Փաշինյանի այցը Ռուսաստանի Դաշնություն չեղարկվել է, ըստ մամուլում առկա տեղեկությունների՝ նրան չի հաջողվել բարձր մակարդակի հանդիպում կազմակերպել ՌԴ ղեկավարության հետ: Փաշինյան-Պուտին երկկողմ հանդիպելու ՀՀ բոլոր ջանքերը ձախողվել են, իսկ վարչապետի արարողակարգի ղեկավարը հետ է կանչվել Երևան: Բոլորի համար էլ հասկանալի է, որ այցի չեղարկման հիմնական պատճառը հայ-ռուսական «փայլուն» հարաբերություններն են, որոնց ձևավորման գործում «անուրանալի» դեր ունեն Փաշինյանն ու իր թիմը:  Պատճառներից մյուսն էլ այն է, որ Նիկոլ Փաշինյանի պաթոլոգիկ ստախոսությունը այլևս ակնհայտ է ոչ միայն հայ հասարակության համար, այլ նաև ի ցույց է դրվում և բացահայտվում է ռուսական իսթեբլիշմենթի կողմից՝ ամենաբարձր մակարդակով:

Դիցուք՝ Նիկոլ Փաշինյանը հետպատերազմյան իր հարցազրույցներում հայտարարում է, թե կարգավորման բոլոր տարբերակներով առաջարկվում էր կամ նախատեսվում էր Շուշին ադրբեջանական կողմին հանձնելը: Իր հերթին ՌԴ նախագահ Պուտինը իր վերջին հարցազրույցներից մեկում հայտարարել էր, որ հոկտեմբերի 19-20-ին ձեռք բերված պայմանավորվածության համաձայն հայերը կկարողանային պահպանել Շուշին, սակայն այնտեղ պետք է վերադառնային գաղթականները։  Այսինքն՝ ՌԴ նախագահը բացահայտ կերպով մերկացրել է Փաշինյանի սուտը, իսկ պաշտոնական Երևանը և ինքը` Փաշինյանը, Պուտինի այս հայտարարությունը չեն մեկնաբանում՝ հասկանալի պատճառներով:

Հաջորդ անգամ Փաշինյանը պարզապես նենգափոխել է Պուտինի խոսքերը` նշելով, որ իր փաստարկները Շուշիի վերաբերյալ ՌԴ նախագահին տրամաբանական են թվացել եւ որ Պուտինը լավ տեղեկացված չէր որոշ նրբություններից: Նախ նշենք, որ Պուտինը ինքն էր շեշտել, որ Փաշինյանի բերած փաստարկները Շուշի քաղաքի հարցում իր համար անտրամաբանական էին: Մյուս կողմից էլ ստացվում է, ըստ Փաշինյանի` Ռուսաստանի նման գերտերության ղեկավարը տեղյակ չէ մի կոնֆլիկտի նրբություններից, որի կարգավորման միջնորդն է հանդիսանում։ Պուտինի դեպքում հատկապես տրամաբանական չէ սա, քանի որ նա առնվազն 20 տարի անձամբ է զբաղվում Արցախի խնդրով ու դժվար է պատկերացնել, որ նա կարող է որոշ նրբություններ լսել Նիկոլ Փաշինյանից, ով ինքը լիարժեքորեն չէր տիրապետում բանակցային գործընթացին և իր իսկ խոսքով` ծանոթանում էր այդ գործընթացին Իլհամ Ալիևից: 

Վերջին դեպքն էլ գրանցվեց երեկ, երբ, Փաշինյանը, իրեն արդարացնող ֆեյսբուքյան հերթական «շարադրության» մեջ խոսելով պատերազմի օրերին ՀՀ առաջին և երկրորդ նախագահների՝ ՌԴ կազմակերպվելիք մասնավոր այցի մասին, հայտարարեց, որ Ռոբերտ Քոչարյանը Արցախի նախկին նախագահներին խնդրել էր, որպեսզի ինքը` Փաշինյանը, միջնորդի Պուտինին՝ Քոչարյան-Պուտին հանդիպում կազմակերպելու նպատակով: Իհարկե, դժվար է պատկերացնել, որ Ռոբերտ Քոչարյանը, ում Վլադիմիր Պուտինի հետ կապում են տասնյակ տարիների մտերիմ, եթե չասենք՝ ընկերական հարաբերությունները ,ում տիկնոջը Պուտինը այցելում էր Երևան կատարած այցի ընթացքում, պետք է խնդրեր որպեսզի իր համար միջնորդեր մի անձ, ով 2.5 տարում չկարողացավ ՌԴ գեթ մեկ պետական այց կազմակերպել: Ի դեպ, հենց այս գրառումից հետո էլ հայտնի դարձավ, որ Փաշինյանի այցը Մոսկվա չեղարկվելու է: Ինչպես երևում է, ռուսական կողմի համար սա Փաշինյանի կողմից իրականությունը նենգափոխելու վերջին կաթիլն էր, և Մոսկվան որոշել է հասկացնել Փաշինյանին, որ վերջինս ի վիճակի չէ անգամ ինքն իր համար միջնորդել` դրանով իսկ հերքելով վերջինիս գրառման մեջ տեղ գտած պնդումները, որոնք հերքվեցին նաև երկրորդ նախագահի գրասենյակի կողմից: Ավելին՝ Քոչարյանի գրասենյակից խոստացան շաբաթվա ընթացքում մանրամասն ներկայացնել ողջ իրականությունը:

Փաշինյանի 2.5 տարվա վարած քաղաքականությունը ՌԴ-ի հետ հարաբերությունները կառուցելիս, պաթոլոգիայի աստիճանի հասնող սուտը և դրան ՌԴ բարձրաստիճան պաշտոնյաների արձագանքը գալիս են փաստելու, որ Մոսկվայի կողմից Փաշինյանի քաղաքական աջակցության մակարդակը այս պահին մոտ է զրոյի և ռուսական կողմը տարբեր մեսիջներով և թափանցիկ ակնարկներով դա ի ցույց է դնում… 

 
 
website by Sargssyan