Սյունիքի մարզի ճանապարհները դժվարանցանելի են. Արագածոտնի, Վա... ՀԱՍԱՐԱԿՈՒԹՅՈՒՆ
«ՀԷՑ»-ը տեղեկացնում է. Լույս չի լինելու ՀԱՍԱՐԱԿՈՒԹՅՈՒՆ
«Պատերազմները հաղթում են ոչ թե գեներալներն ու իրենց բանակներ... ՀԱՐՑԱԶՐՈՒՅՑ
«Դրսից» եկող ազդակներն էլ են վկայում իշխանությունների հեռանա... ՎԵՐԼՈՒԾԱԿԱՆ
«Սա մի մեծ հա­մա­կարգ­ված ծրա­գիր էր»․ «Փաստ» ՀԱՐՑԱԶՐՈՒՅՑ
Երևան, 22.Հունվար,
00
:
00
:
00
Փոխարժեք
478.65
$
560.79
Ինչ փոփոխություն է կատարվել «կարմիր գծերի» մասով. պարզաբանում է իրավաբանը Զորավարժությունները չեն վկայում թուրք-ադրբեջանական ղեկավարության խաղաղ մտադրության մասին Քիչ առաջ դատարանը հրապարակեց իր որոշումը Երգչուհի Գաբի Գալոյանի եղբայրը վերադարձել է Պաշտպանության նախարարությունից տեղեկացնում են Կոմանդոսը՝ Շուշիի վերաբերյալ Նիկոլ Փաշինյան հայտարարության մասին Հադրութում և Ջրականում հայտնաբերվել են 1 զինծառայողի և 3 քաղաքացիական անձանց աճյուններ. Արցախի ԱԻՊԾ Նիկոլ Փաշինյանը նոր նշանակում է արել Արարատ Օմեգա Միրզոյանն այլևս կրկնակի ագենտ չէ, այլ միայն թուրքական Կորնավիրուսով վարակվածների ու մահացածների թիվն՝ այսօր Պարզաբանում՝ Ստեփանակերտում օդային տագնապի ազդանշանի միանալու մասին Արցախի օկուպացված տարածքում ականի պայթյունից ադրբեջանցի զինվոր է մահացել Ենոքավանիդ մինչհեղափոխական անունն էլ Քրդևան էր. հիմի ի՞նչ՝ սպասենք, որ հանձնե՞ս Իրաքի քրդերին Վրաստան մուտքի մասին Էդ Օմեգայից մի հատ ճշտեք՝ ինչ նկատի ուներ Ի՞նչ խնդիրներ կարող են ստեղծել կորոնավիրուսի նոր շտամները Սյունիքի մարզի ճանապարհները դժվարանցանելի են. Արագածոտնի, Վաայոց Ձորի եւ Կոտայքի ճանապարհներին մերկասառույց է Բոլոր «հողատուապաշտներին»,«գրանտակերներին» ու «սորոսականներին». Էդուարդ Շարմազանով

Անիեր-Մյուր-Սենի քաղաքային խորհուրդը բանաձև է ընդունել Արցախի ճանաչման մասին

Անիեր-Մյուր-Սենի քաղաքային խորհուրդը բանաձև է ընդունել Արցախի Հանրապետության ճանաչման մասին: Այս մասին հայտնում են Ֆրանսիայում ՀՀ դեսպանությունից:

«Խորհուրդը,

Նկատի առնելով Տեղական ինքնակառավարման մարմինների մասին օրենսգիրքը և մասնավորապես Լ․ 2121-29 հոդվածի վերջին պարագրաֆը, ըստ որի « Քաղաքային խորհուրդը ընդունում է բանաձեւեր տեղական նշանակության բոլոր հարցերի վերաբերյալ»,

Նկատի առնելով, որ սույն թվականի հուլիսի 12-ին ադրբեջանական բանակը հարձակում է գործել Հայաստանի վրա՝ մղելով ուժգին մարտեր և գործածելով ծանր զենքեր։ Տավուշի շրջանում տեղի ունեցած այս ռազմական գործողություններն ուղղված էին Հայաստանի Հանրապետության դեմ, որի սահմանները միջազգայնորեն ճանաչված են,

Նկատի առնելով սույն թվականի հուլիսի 16-ին Ադրբեջանի Պաշտպանության նախարարության մամլո խոսնակ Վագիֆ Դարգյախլիի սպառնալիքը « Մեծամորի ատոմային էլեկտրակայանը հռթիռակոծելու հնարավորությամբ՝ աղետ պատճառելով Հայաստանին»,

Նկատի առնելով, որ սույն թվականի սեպտեմբերի 27-ին Ադրբեջանը պատերազմ սանձազերծեց Լեռնային Ղարաբաղի հայերի դեմ՝ թիրախավորելով քաղաքներ՝ հատկապես Ստեփանակերտը, և խաղաղ բնակչությանը։

Նկատի առնելով, որ տասնամյակներ ի վեր Լեռնային Ղարաբաղին և Հայաստանի Հանրապետությանը Ադրբեջանին հակադրող այս հակամարտությունում Ֆրանսիան՝ ԵԱՀԿ-ի հովանու ներքո գործող Մինսկի խմբի շրջանակներում, որը համանախագահում է ԱՄՆ-ի և Ռուսատանի հետ միասին, միշտ փորձել է գտնել խաղաղ կարգավորում,

Նկատի առնելով, որ մինչ օրս Ֆրանսիան գործել է, ելնելով չեզոքության սկզբունքից, հակամարտության խաղաղ լուծում գտնելու հարցում,

Հաշվի առնելով, որ այս չեզոքությունը չի կարող պահպանվել Ադրբեջանի դեպքում, որը հրահրել է այս պատերազմը՝ ուղղված Լեռնային Ղարաբաղում բնակվող հայ խաղաղ բնակչության դեմ,

Հաշվի առնելով, որ Ադրբեջանին ցուցաբերած Թուրքիայի սատարողական դիրքորոշումը և սիրիացի վարձկանների տրամադրումը անընդունելի են և սպառնալիք են հանդիսանում տարածաշրջանի առավել ապակայունացման համար,

Հաշվի առնելով մարտերի ուժգնությունը, առանձնահատուկ արհյունահեղ զենքերի կիրառումը, քաղաքացիական խաղաղ բնակչության մասշտաբային և դիտավորյալ հռթիռակոծումը, միջազգային իրավունքով արգելված կլաստերային զենքի օգտագործումը և այնյպիսի ենթակառուցվածքների դիտավորյալ ռմբակոծումը, ինչպիսիք են հիվանդանոցները, դպրոցներն ու շուկաները,

Հաշվի առնելով, որ 2020 թ.-ի հոկտեմբերի 10-ին Ռուսաստանի միջնորդությամբ ընդունված և Հայաստանի ու Ադրբեջանի Արտաքին գործերի նախարարների կողմից ստորագրված հրադադարը չի հարգվել,

Հաշվի առնելով, որ չի հարգվել 2020 թ. հոկտեմբերի 26-ին Վաշինգտոնում Ամերկայի Միացյալ Նահանգների միջնորդությամբ ընդունված և Հայաստանի ու Ադրբեջանի Արտաքին գործերի նախարարների կողմից ստորագրված հրադադարը,

Հաշվի առնելով, որ վերջնական հրադադար է կնքվել 2020 թ. նոյեմբերի 9-ին Ռուսաստանի հովանու ներքո, որին Ֆրանսիան մասնակից չի դարձվել,

Հաշվի առնելով, որ այս հրադադարով կողմերը կանգ են առնում նույն օրն իրենց կողմից զբաղեցրած դիրքերում՝ ի վնաս հայ ժողովրդի և Լեռնային Ղարաբաղի բնակչության,

Հաշվի առնելով, որ, չնայած ռուսական խաղաղապահ ուժերի առկայությանը, վտանգված է մնում Լեռնային Ղարաբաղի գոյության հարցը,

Հաշվի առնելով, որ ժողովուրդների ինքնորոշման իրավունքը միջազգային իրավունքի սկզբունք է,

Հաշվի առնելով, որ 1991 թ. սեպտեմբերի 2-ին հռչակվել է Արցախի Հանրապետությունը`համաձայն այն ժամանակ գործող օրենսդրությանը, այն է` 1990 թ. ապրիլի 3-ի «ԽՍՀՄ կազմից միութենական հանրապետության դուրս գալու հետ կապված հարցերի լուծման կարգի մասին ԽՍՀՄ օրենքը»,

Հաշվի առնելով, որ 1991 թ. դեկտեմբերի 10-ին միջազգային դիտորդների ներկայությամբ Լեռնային Ղարաբաղում անցկացվել է հանրապետական հանրաքվե, որին մասնակցել է ընտրողների 82 %-ը, որից 99.89 % -ը՝ կողմ քվեարկել Արցախի Հանրապետության անկախությանը,

Հաշվի առնելով, որ միայն Արցախի Հանրապետության միջազգային ճանաչումը կերաշխավորի խաղաղություն տարածաշրջանում,

Հաշվի առնելով, որ տարբեր քաղաքական կուսակցություններին հարող ֆրանսիացի խորհրդարանականներ կոչ են անում ճանաչել Արցախի Հանրապետությունը, և որ 2020 թ. հոկտեմբերի 19-ին Ազգային ժողով է ներկայացվել Արցախի Հանրապետության ճանաչման բանաձևի առաջարկ,

Հաշվի առնելով, որ Անիեր-սյուր-Սեն քաղաքի և հայ ժողովրդի միջև առկա են վաղեմի և առանձնապես ամուր բարեկամական հարաբերություններ, քանզի Անիերն իր դռներն է բացել 1915-ի ցեղասպանությունը վերապրած բազմաթիվ հայ փախստականների առջև, ովքեր հաստատվել են այս քաղաքում,

Նկատի առնելով Անիեր-սյուր-Սենի Քաղաքային խորհրդի ավագանու անդամների կողմից ներկայացված բանաձեւը,

Քննարկման արդյունքում,

Ընդունում է սույն բանաձեւն առ այն, որ.

Հոդված 1. Ֆրանսիական դիվանագիտությունը վերանայի իր ռազմավարությունը և արտահայտի հետևյալ դիրքորոշումը. Ֆրանսիան ճանաչում է Արցախի Հանրապետությունը: Ֆրանսիան դիվանագիտական աջակցություն է ցուցաբերում Հայաստանի և Արցախի իշխանություններին, պարտավորվում է Եվրոպային և միջազգային հանրությանը դնել Արցախի Հանրապետության ճանաչման ուղու վրա:

Հոդված 2. Սույն որոշումը ուղղվի Ֆրանսիայի Հանրապետության Նախագահին և Ֆրանսիայի կառավարությանը:

Հոդված 3. Քաղաքապետին տրվեն համապատասխան լիազորություններ սույն որոշման պատշաճ կիրառման համար»,- նշված է բանաձևում:

website by Sargssyan