Մայր Աթոռը անթույլատրելի և կործանարար է համարում իրավիճակի հ... ՀԱՍԱՐԱԿՈՒԹՅՈՒՆ
Հայրենիքի փրկության շարժումը կոչ է անում զորակցություն հայտն... ՔԱՂԱՔԱԿԱՆ
Միայն մանիպուլյացիա, սուտ և ուրիշ ոչինչ. «Փաստ» ՎԵՐԼՈՒԾԱԿԱՆ
Հայաստանը համաճարակը ծայրաստիճան ծանր է տարել, գուցե և ամենա... ՎԵՐԼՈՒԾԱԿԱՆ
«Մարդկանց խաբելով՝ մոլորեցրել են. եկել ես Հայաստանի շունչը մ... ՎԵՐԼՈՒԾԱԿԱՆ
Երևան, 25.Փետրվար,
00
:
00
:
00
Փոխարժեք
478.65
$
560.79
Ucom-ը որակի ապահովման համար ներդրել է հավելյալ ռեսուրսներ Բենի և Անիի չկայացած հարսանիքն ու «Հարս չկա»–ի մյուս հետաքրքիր դրվագները․ լուսանկարներ բեքսթեյջից Ոսկու գինը նվազել է, արծաթինը՝ աճել․ թանկարժեք մետաղների գներն ըստ NYMEX–ի «Քո հետեւից կգան». Փաշինյանը՝ քաղաքացուն «Թուրքիայի ԱԳՆ-ն փաստացի հայտարարեց, որ Նիկոլն իրենցն է». Անդրանիկ Թևանյան ՀՀ ՊՆ-ն՝ սահմանային իրավիճակի մասին Ազգային ժողովի շենքում ավտոմատներով հատուկջոկատայիններ են կուտակել Մեկ ժամից այստեղ կլինեն վրաններ, վառարաններ, գիշերելու ենք էստեղ. Սաղաթելյան Հանրապետության անասնահամաճարակային իրավիճակի վերահսկողությունն առաջնահերթ խնդիր է Արտակ Թովմասյանը խմբակցություններին իմպիչմենտի գործընթաց սկսելու կոչ է անում Մեզ տեղեկություններ են հասնում, որ այդ վախկոտը հայտարարել է, որ գնալու է արտահերթ ընտրությունների,. Անդրանիկ Թեւանյան Արման Վարդանյանը ԱԱԾ-ի տնօրենին, ոստիկանապետին և Գլխավոր դատախազին հրաժարական տալու կոչ է անում Գլուխները պատով են տալու՝ կրակելու են ժողովրդի վրա, թող հլը փորձեն կրակեն կամ ուժ կիրառեն. Վանեցյան Հանրապետության նախագահի կոչը ստեղծված իրավիճակի վերաբերյալ «Միակ անցնցում ճանապարհը վարչապետ Նիկոլ Փաշինյանի լիազորությունների դադարեցումն է». Փաստաբանների պալատի նախագահ Թուրքիան դատապարտում է «հեղաշրջման փորձը» Հայաստանում Բանակի տարածած հայտարարությունը չի՛ ուղղորդվել որևէ մեկի կողմից կամ չի՛ արվել որևէ մեկի ճնշման տակ. ԳՇ-ն նոր հայտարարություն է տարածել Արցախի ժողովուրդը բանակի թիկունքին է լինելու և չի հանդուրժելու բանակի դեմ որևէ ոտնձգություն. ողջունում են ԶՈՒ Գլխավոր շտաբի հայտարարությունը «Հայրենիքի փրկության շարժման» ակցիան՝ Ազատության հրապարակում․ ուղիղ Մայր Աթոռը անթույլատրելի և կործանարար է համարում իրավիճակի հետագա սրումը

Թուրքագետը պարզաբանել է, թե որքանով է իրագործելի «մեծ Թուրանի» նախագիծը եւ ով կարող է կանխել այն

Թյուրքական մի շարք պետությունների միություն ստեղծելու նախագիծն արդեն որոշ ժամանակ է, ինչ գտնվում է Թուրքիայի օրակարգում ոչ միայն վերլուծական եւ հասարակական-քաղաքական դիսկուրսի մակարդակում, այլեւ` ամենաբարձր մակարդակում:

Արցախյան պատերազմից հետո ակտիվացել են «մեծ Թուրանի» համատեղ թյուրքական զինված ուժերի ստեղծման մասին խոսակցությունները, եւ սա իրական ենթատեքստ ունի: Այս մասին NEWS.am-ի թղթակցի հետ զրույցում ասաց ՀՀ ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:

«Մենք տեսնում ենք, որ վերջին շաբաթներին Թուրքիայի կառավարության գերատեսչությունների ներկայացուցիչները, այդ թվում` պաշտպանության նախարարությունը, այցելել են մի շարք թյուրքալեզու երկրներ, ինչից հետո պայմանագրեր են կնքվել Կենտրոնական Ասիայի երկրներ թուրքական զենքի մատակարարման մասին: Բացի այդ, քննարկվել է համատեղ զինված ուժերի ստեղծման հարցը: Այս փուլում այս նախագիծն իրականացման քիչ շանսեր ունի, սակայն չի կարելի թերագնահատել այն, որ Թուրքիայի ներկայիս ղեկավարությունը լրջորեն քննարկում է երկրի արտաքին քաղաքականությունը կանխորոշող պանթյուրքական նպատակների իրագործման հնարավորությունը: Անհրաժեշտ է ամենայն լրջությամբ մոտենալ այս վտանգին, եւ դա վերաբերում է ոչ միայն Հայաստանին, այլեւ Ռուսաստանին, Իրանին, արաբական երկրներին»,- նշեց փորձագետը:

Ըստ նրա` այդ գաղափարի իրականացման որեւէ ձեւի մասին դեռ վաղ է խոսել, սակայն Թուրքիան դրա համար որոշակի, թեկուզ սահմանափակ ռեսուրսներ ունի, եւ դրանք կապված են այն բանի հետ, որ Թուրքիայի ռազմարդյունաբերական համալիրի, մասնավորապես` ԱԹՍ-ների առաջավոր տեխնոլոգիական մշակումների հնարավորություններ են ի հայտ են եկել:

«Անկարան լիովին կօգտագործի այս գործոնը: Բացի այդ, Թուրքիան չվախեցավ մտնել Ռուսաստանի հետ ռազմավարական առճակատման մեջ Հարավային Կովկասի շուրջ, եւ նրան հաջողվեց ինչ-որ բանի հասնել` չնայած` ոչ ամեն ինչի: Դա թյուրքալեզու երկրներին կդրդի ավելի լուրջ վերաբերվել այս նախագծին, որը անկասկած դիմադրության կհանդիպի ինչպես Ռուսաստանի, այնպես էլ Չինաստանի` Կենտրոնական Ասիայի հիմնական դերակատարների կողմից: Պարզ ասած, Թուրքիայի ռեսուրսները ռազմական ներուժն է, որը քաղաքականի է վերածվում, իսկ տնտեսականի` ավելի քիչ: Կենտրոնական Ասիայի երկրների վրա տնտեսական ազդեցության տեսանկյունից Անկարան, իհարկե, ի վիճակի չէ մրցակցել ոչ Ռուսաստանի, ոչ, առավել եւս, Չինաստանի հետ: Առայժմ հեռանկարներ չկան, որ Թուրքիայի համար իրավիճակն այս առումով  կարող է փոխվել մոտ ապագայում` հաշվի առնելով խորացող տնտեսական ճգնաժամը»,- շեշտեց Սաֆրաստյանը:

Թուրքագետը նշեց, որ ժամանակակից Թուրքիայի արտաքին քաղաքականությունը հաճախ արկածախնդիր է, քանի որ նպատակներ են դրվում, որոնք չեն համապատասխանում երկրի իրական ներուժին, սակայնԷրդողանը միեւնույն ժամանակ պրագմատիկ է եւ հասկանում է, որ «կարմիր գծեր» գոյություն ունեն, որոնք անցնել պետք չէ, եւ այս իմաստով Անկարան առաջ չի տանի պանթյուրքական գաղափարները Ռուսաստանի տարածքում:

«Իհարկե, որոշակի աշխատանք տարվում է դեռ 1990-ականներից, սակայն վերջերս Ռուսաստանի թյուրքալեզու ժողովուրդների շրջանում հստակ քաղաքականություն չկա: Սակայն պետք է հաշվի առնել, որ սա աշխարհառազմավարական նախագիծ է, այսինքն` երկարաժամկետ` մի քանի փուլով: Մենք այժմ գտնվում ենք «մեծ Թուրան» նախագծի առաջին փուլի հենց սկզբում, երբ Թուրքիան պատրաստվում է պայմանագրեր կնքել ռազմական համագործակցության ոլորտում:

Հետագայում չեն բացառվում երկրների համատեղ վարժանքները: Անկարան պանթյուրքիզմի իրականացման շրջանակներում 1-2 տարվա ընթացքում կտրուկ քայլեր չի ձեռնարկի Ռուսաստանի նկատմամբ: Ինչ վերաբերում է Իրանին, ապա Թուրքիան վաղուց օգտագործում է այն փաստը, որ Իսլամական Հանրապետության տարածքում տասնյակ միլիոնավոր թյուրքալեզու մարդիկ են ապրում, իսկ Անկարայի հետ կապված տարբեր խմբավորումներ (այդ թվում` օրինական եւ կիսաօրինական) գործում են այս բնակչության բնակության վայրերում: Առայժմ Թեհրանը վերահսկում է նրանց գործունեությունը, եւ առաջիկայում Թուրքիային չի հաջողվի չ բեկում գրանցել այս ուղղությամբ:

Ռուսաստանը եւ Իրանը լավ են պատկերացնում Թուրքիայի քաղաքականության սպառնալիքները, որը ձգտում է դուրս մղել նրանց տարածաշրջանից: Այնուամենայնիվ, Մոսկվան եւ Թեհրանը դեռ շահագրգռված են Անկարայի հետ համագործակցությամբ: Դա կարելի է տեսնել Սիրիայի օրինակով, որտեղ այս երեք պետությունները, հրաժարվելով հակասություններից, կարողացան փոխգործակցության հնարավորություններ գտնել: Միայն ԱՄՆ-ն եւ Ռուսաստանը կարող են լրջորեն ազդել Թուրքիայի քաղաքականության վրա: Վաշինգտոնը կարող է տնտեսական պատժամիջոցներ կիրառել, որոնք շատ ծանր հետեւանքներ կունենան Անկարայի համար, ինչպես դա եղավ 2-3 տարի առաջ: Ռուսաստանն իր հերթին կարող է ազդել Թուրքիայի վրա ռազմական մեթոդներով, այդ թվում` Հարավային Կովկասի տարածաշրջանում: Սակայն, ելնելով իրենց շահերից, եւ ԱՄՆ-ն, եւ Ռուսաստանը չեն օգտագործում իրենց հնարավորություններն Անկարայի դեմ»,- հավելեց ԳԱԱ Արեւելագիտության ինստիտուտի տնօրենը:

Նրա կարծիքով` առնվազն 2-3 տարի հակաթուրքական բլոկ չի ստեղծվի ոչ միայն մեր տարածաշրջանում, այլ նաեւ Արեւելյան Միջերկրածովյան տարածաշրջանում, որտեղ Անկարան եւս լուրջ հակասություններ ունի մի շարք երկրների հետ:

website by Sargssyan