Ան­տա­ռա­յին ծա­ռա­յու­թյան գոր­ծա­ռույ­թը կլի­նի խախ­տում­ն... ՏՆՏԵՍՈՒԹՅՈՒՆ
Եր­կուսն էլ գու­նա­վոր հե­ղա­փո­խու­թյուն­նե­րի հրե­շան­ման ... ՎԵՐԼՈՒԾԱԿԱՆ
«Սև­ա­նա լճի ջրի որա­կը պետք է մշտա­պես ուշադ­րու­թյան կենտ­... ՀԱՐՑԱԶՐՈՒՅՑ
Այս իշխանությունների պատճառով հայտնվել ենք անդունդի եզրին․ «... ՏՆՏԵՍՈՒԹՅՈՒՆ
«Բզկտված հասարակությունով երբևիցե չենք կարողանա պետություն կ... ՀԱՐՑԱԶՐՈՒՅՑ
Երևան, 02.Մարտ,
00
:
00
:
00
Փոխարժեք
478.65
$
560.79
Ոստիկանության պարզաբանումը՝ ՀՀ քաղաքացիների անձնագրերում ծննդավայրը «Ադրբեջան» նշելու մասին Ամերիկյան կողմը ջանքեր է գործադրում նպաստելու հայ ռազմագերիների վերադարձին. Լին Թրեյսի Չի բացառվում, որ առաջիկա մի քանի օրերը պետականության պաշտպանության վերջին հնարավորությունն է. Տիգրան Աբրահամյան Խաչերի օրհնություն և հանձնում զինծառայողներին՝ «Թովմասյան» հիմնադրամի հովանավորությամբ (տեսանյութ) Թուրքիան լրացուցիչ տանկեր է կուտակում Մարտակերտի զորամասերից մեկի հարակից տարածքում հայտնաբերվել է զոհված զինծառայողի մասունք Արմեն Սարգսյանին միշտ համարել եմ Նիկոլ Փաշինյանի մոտիվացված աջակիցը. ԳՇ պետի հարցում նրա քայլը մանիպուլյատիվ է, թեև դեռ կարող է դիմել ՍԴ․ Արա Զոհրաբյան «Լեռնային Ղարաբաղն ու Բայդենի նոր քաղաքականության կանխատեսումները. ինչպես կգործի ԱՄՆ նախագահը»․ Regnum Ադրբեջանը ներակայացրել է պատերազմում մահացած զինծառայողների նոր անուններ Պատերազմի մասնակիցների կեղծ թիվ ներկայացնելով՝ փորձել են պետությունից ավելի քան 3 միլիոն դրամ հափշտակել (տեսանյութ) Նիկոլը վերջնականապես կորցրեց փողոցը, այն փողոցը, որն իրեն բերել էր իշխանության. Իշխան Սաղաթելյան Հայտնի է՝ երբ կարող է դաշտ վերադառնալ Մորատան Նախագահը հրամանագիրը չի ստորագրել, որ այն ուժի մեջ մտնի. նա դավադիր իշխող ուժի հետ նորից գնաց գործարքի. սահմանադրագետ Դանակով ու կացնով միջադեպ Զվարթնոցում. մեկ անձ ձերբակալվել է (տեսանյութ) Ստեփանակերտից մինչև Ալիևի նստավայր 247 կմ է, «Իսկանդերն» այն անցնում է 2 րոպե 10 վայրկյանում. Էնֆիաջյան Ինչպես և ենթադրելի էր՝ Արմեն Սարգսյանը հերթական անգամ գործարքի գնաց իշխող ուժի հետ. Գոհար Մելոյան Նոր նշանակում՝ Արցախում Երկրի վրա դարձյալ մագնիսական փոթորիկ է սկսվել Գոհար Ավետիսյանը 25 մլն ռուբլի արժողությամբ ավտոմեքենա է նվիրել իր հայրիկին

«Տոնախմբություն չենք արել, բայց տոնածառ ու Ձմեռ պապ երեխաները պետք է ունենային». Նելլին՝ Ամանորի, պատերազմական շրջանի և փոխված կյանքի մասին

Երգչուհի Նելլի Պողոսյանի և ֆուտբոլիստ Րաֆֆի Սաֆարյանի ընտանիքի համար համար անցնող տարին բարդ է եղել, քանի որ առաջնագծում է եղել Նելլի քրոջ ամուսինը: Ընտանիքը նույնիսկ բարդ օրերին միջոցառումներ է կազմակերպել, որոնց շրջանակներում իրենց թիմակիցների հետ օգնություն են տրամադրել Արցախից եկած ավելի քան 300 ընտանիքի: Tert.am Life-ի հետ զրույցում Նելլին ասաց, որ, ինչպես բոլորը, իրենք էլ պատերազմական շրջանում շատ սթրեսային վիճակում են եղել, իսկ Ամանորը նշել են այնքանով, որ երեխաների հեքիաթը չեն խլել:

«Մոտ մեկ ամիս առաջ երեխաներիս ամանորյա լուսանկարն էի հրապարակել և գրել, որ չեմ ուզում խլել նրանց մանկությունը, նրանց սթրեսի ենթարկել, քանի որ երեխաները մեղավոր չեն, ուզում են ուրախանալ: Ամանոր ասվածը հարաբերական է, ոչ մեկս տոնախմբություն չենք արել, բայց գոնե տոնածառ ու Ձմեռ պապ մեր երեխաները պետք է ունենային, որովհետև ամբողջ տարին նրանք այդ պահին էին սպասում: Մենք տոնախմբություն չենք արել, բայց մանկական տոնը պետք է ապահովեինք»,- ասաց նա:

Անդրադառնալով պատերազմական օրերին՝ Նելլին ասաց. «Միակ հանգստացնող հանգամանքն այն էր, որ պատերազմի օրերին ես, ամուսինս, մեր շրջապատն առանձնացրել էինք բյուջե, որի շնորհիվ հոկտեմբերի 1-ից 300-ից ավելի արցախցու տեղավորել ենք, մոտ մեկ ամիս ապահովել սննդով: Դա ոչ միայն մեր, այլև մեր թիմակիցների աշխատանքի արդյունքն էր: Այդ ամենը պատերազմական շրջանը հաղթահարելու լավագույն տարբերակն էր: Հիմա ընտանիքների մեծ մասն Արցախ է վերադարձել, այստեղ մնացել են մեկական ընտանիքներ Հադրութից, Բերձորից և Ստեփանակերտից: Նրանց հիմա ապահովել ենք աշխատանքով, որպեսզի կարողանան հոգալ իրենց ընտանիքների առօրյա ծախսերը: Նաև այդ ընտանիքները պետության կողմից են որոշակի գումար ստանում»: 

Պատերազմի ամենաթեժ օրերին ընտանիքը բիզնես է սկսել, որի շնորհիվ աշխատանքով է ապահովել արցախցի կանանց: «Շատ եմ լսել, որ արցախցիներն այս կամ այն բանը շատ համեղ են պատրաստում և ունեն բաղադրատոմսի իրենց տարբերակը: Ես Արցախում բարեկամներ չունեի, որ պահածոներ պատրաստեին իրենց ձևով և ես համտեսեի: Օրինակ՝ նրանք դդումի մուրաբան պատրաստում են լիմոնով, ընկույզով, վանիլի մեջ եփված սերկևիլ են պատրաստում, մեղրով ու ընկույզով գաթա: Մեր ամառանոցը ժամանակավոր արտադրամասի վերածեցինք, որտեղ արտադրում ենք պահածոներ, պատրաստում են արցախցի կանայք: Մեր նպատակն էր ցույց տալ, որ արցախցի կինը նույնիսկ այդ դժվար ժամանակահատվածում կարող է ուժեղ լինել, ստեղծել նորը: Նրանց տղամարդիկ առաջնագծում էին, բայց նրանք պատերազմի ամենաթեժ օրերին առավոտյան աշխատանքի էին գալիս»,- նշեց երգչուհին: 

Նելլի խոսքով՝ պատերազմի առաջին օրերից առաջնագծում է եղել քրոջ ամուսինը: «Քրոջս ամուսինը սահմանին էր մինչև պատերազմի ավարտը, բնականաբար, մեր ընտանիքում էլ անհանգիստ, մտահոգ վիճակ էր, շաբաթներ շարունակ ապրում էինք մեկ զանգով: Սակայն եթե նույնիսկ սահմանին ոչ մի հարազատ չունենայի, կանհանգստանայի նույն կերպ, որովհետև մեկի հայրը բոլորիս հայրն է, մեկի եղբայրը բոլորիս եղբայրն է, սգացել ենք բոլոր զոհերի համար, ուրախացել՝ բոլոր փրկվածների համար,- ասաց նա և հավելեց, որ 90-ականներին տեղեկությունները շատ դանդաղ էին հասնում իրենց, ինչ-որ մեկն Արցախից գալիս էր, իրենք էլ հետաքրքրվում էին՝ պարտվո՞ւմ ենք, թե՞ հաղթում, հիմա ամեն բան այլ էր,- Երևի այս սերունդն ավելի դաժան ապրեց, որովհետև հիմա ամեն ինչ արագ հասանելի է: Երեխաներս ամեն ինչ հասկանում էին, ամեն օր հարցնում էին՝ հնարավո՞ր է իրենց հայրիկն էլ գնա, պատերազմի ժամանակ մարդիկ մահանո՞ւմ են: Բնականաբար ոչինչ ասել չէի կարող, քանի որ նրանց հայրը հասարակության անդամ է, հայ է ու հնարավոր է՝ գնար: Փորձել ենք երեխաներին ամեն կերպ շեղել, թեև տեսնում էին, որ նեղսրտած ենք, հուզված: Ինչպես 90-ականները հետք թողեցին մեր մեջ, այնպես էլ այս տարիներն են հետք թողնելու նոր սերնդի մեջ: Ես մինչև հիմա հիշում եմ հացի հերթերը, այդ հացի բույրը, կաթի փոշին: Աստված տա, որ այս ամենը հետք չթողնի այս սերնդի հոգեկան աշխարհի վրա»:

Երգչուհին նկատեց, որ պետք է փորձենք առաջ շարժվել: «Պետք է փորձենք շարունակել ապրել բոլոր չապրած կյանքերի փոխարեն: Տարին ավարտվեց, ես կցանկանամ, որ փորձենք հաղթահարել անցնող տարվա բոլոր իրադարձությունները, ոտքի կանգնենք: Շատ եմ լսում, որ ասում են՝ Հայաստանում ապագա չկա, լքում են երկիրը: Եթե ես մեր տանը խոսեմ արտագաղթելու մասին, ամուսինս ուղղակի կսպանի բոլորիս՝ չնայած մեր տանը երբեք կռիվ չի եղել: Նա ասում է՝ ի՞նչ է նշանակում թողնել-գնալ, թույլերն են գնում»,- ընդգծեց Նելլին:

website by Sargssyan