Ալիևը հրամայել է միջազգային օդանավակայան կառուցել Արցախում
ՎԵՐԼՈՒԾԱԿԱՆԱդրբեջանի նախագահ Իլհամ Ալիևը հայտնել է, որ իր պատվերով այս տարում Արցախի Վարանդա քաղաքում կսկսի միջազգային օդանավակայանի կառուցում: Այս մասին տեղեկացնում է «ՌԻԱ Նովոստի» գործակալությունը:
«Իմ հանձնարարությամբ Ֆիզուլիում (Վարանդա) կկառուցվի միջազգային օդանավակայան: Պատվերն արդեն տրված է, այժմ տեղերն են ընտրվում: Տարածքը մաքրելու ուղղությամբ աշխատանքներ են տարվելու: Ես հանձնարարական եմ տվել, որ Ֆիզուլիում պետք է օդանավակայան կառուցվի, գոնե թռիչքուղիները պետք է պատրաստ լինեն այս տարի»,-ասել է Ալիևը՝ երեքշաբթի տեսաձևաչափով ընդունելով երկրի մշակույթի նոր նախարար Անար Քերիմովին:
Ադրբեջանի նախագահը նշել է, որ նոր միջազգային օդանավակայանը հնարավորություն կտա հյուրերին Վարանդայից արագ հասցնել Շուշի:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։