Մայր Աթոռը անթույլատրելի և կործանարար է համարում իրավիճակի հ... ՀԱՍԱՐԱԿՈՒԹՅՈՒՆ
Հայրենիքի փրկության շարժումը կոչ է անում զորակցություն հայտն... ՔԱՂԱՔԱԿԱՆ
Միայն մանիպուլյացիա, սուտ և ուրիշ ոչինչ. «Փաստ» ՎԵՐԼՈՒԾԱԿԱՆ
Հայաստանը համաճարակը ծայրաստիճան ծանր է տարել, գուցե և ամենա... ՎԵՐԼՈՒԾԱԿԱՆ
«Մարդկանց խաբելով՝ մոլորեցրել են. եկել ես Հայաստանի շունչը մ... ՎԵՐԼՈՒԾԱԿԱՆ
Երևան, 25.Փետրվար,
00
:
00
:
00
Փոխարժեք
478.65
$
560.79
ՌԴ ՊՆ. Ղարաբաղում «Իսկանդեր» չի օգտագործվել Դավաճան Նիկոլի հանրահավաքի մասնակիցների թիվը (կոլաժ) Պուտինը եւ Փաշինյանը քննարկել են Հայաստանում տիրող իրավիճակը Երիտասարդը բերման է ենթարկվել Չարբախի բաժանմունք, որտեղ պարզվել է ինքնությունը… Ձեթն ու շաքարավազը թանկ են՝ խառը կանաչի, սոխ կերեք, օգտակար է. (տեսանյութ) «Նա մսխել է մարդկանց սերը եւ հավատը». Արմեն Աշոտյան Ucom-ը որակի ապահովման համար ներդրել է հավելյալ ռեսուրսներ Բենի և Անիի չկայացած հարսանիքն ու «Հարս չկա»–ի մյուս հետաքրքիր դրվագները․ լուսանկարներ բեքսթեյջից Ոսկու գինը նվազել է, արծաթինը՝ աճել․ թանկարժեք մետաղների գներն ըստ NYMEX–ի «Քո հետեւից կգան». Փաշինյանը՝ քաղաքացուն «Թուրքիայի ԱԳՆ-ն փաստացի հայտարարեց, որ Նիկոլն իրենցն է». Անդրանիկ Թևանյան ՀՀ ՊՆ-ն՝ սահմանային իրավիճակի մասին Ազգային ժողովի շենքում ավտոմատներով հատուկջոկատայիններ են կուտակել Մեկ ժամից այստեղ կլինեն վրաններ, վառարաններ, գիշերելու ենք էստեղ. Սաղաթելյան Հանրապետության անասնահամաճարակային իրավիճակի վերահսկողությունն առաջնահերթ խնդիր է Արտակ Թովմասյանը խմբակցություններին իմպիչմենտի գործընթաց սկսելու կոչ է անում Մեզ տեղեկություններ են հասնում, որ այդ վախկոտը հայտարարել է, որ գնալու է արտահերթ ընտրությունների,. Անդրանիկ Թեւանյան Արման Վարդանյանը ԱԱԾ-ի տնօրենին, ոստիկանապետին և Գլխավոր դատախազին հրաժարական տալու կոչ է անում Գլուխները պատով են տալու՝ կրակելու են ժողովրդի վրա, թող հլը փորձեն կրակեն կամ ուժ կիրառեն. Վանեցյան Հանրապետության նախագահի կոչը ստեղծված իրավիճակի վերաբերյալ

«Դեկտեմբերի 31-ն ինձ համար ուղղակի ամսաթիվ է եղել». Հասմիկ Խոջյանը՝ Ամանորի փոխարեն Սուրբ Ծնունդը նշելու և իրենց ընտանիքի հավատի մասին

Հայ առաքելական եկեղեցին այսօր տոնում է Քրիստոսի Սուրբ Ծնունդը: Ինչպես շատ ընտանիքներ, դերասանուհի Հասմիկ Խոջյանի ընտանիքը ևս Ամանորն այս տարի չի տոնել: Tert.am Life-ի հետ զրույցում Հասմիկն ասաց, որ տոնի զգացում չի ունեցել, բայց փոխարենը տոնել է Սուրբ Ծնունդը:

«Ամանորն ինձ համար եղել է և կմնա ընտանեկան տոն: Որտեղ էլ լինեմ, սիրում եմ տարին ընտանիքիս անդամների հետ դիմավորել: Այս տարի, ինչպես շատերը, մենք էլ Ամանորը չենք նշել՝ չնայած այս օրերին այնպիսի եռուզեռ էր, որ մի փոքր կասկածում եմ՝ մարդիկ նշե՞լ են, թե՞ ոչ: Ամեն դեպքում, մեր ընտանիքում ամեն տարի եղած պատրաստությունը չկար: Ամանորն ինձ համար հեքիաթային տոն է եղել, սիրում եմ տունը գեղեցիկ զարդարել, բայց այս տարի տրամադրություն չեմ ունեցել, dեկտեմբերի 31-ն ինձ համար ուղղակի ամսաթիվ է եղել» ,- ասաց նա:

Ամանորի փոխարեն դերասանուհին տոնել է Սուրբ Ծնունդը: Հասմիկի խոսքով՝ իրենց ընտանիքում բոլորը մեծ հավատ ունեն:

«Թե՛ ես, թե՛ ընտանիքիս անդամները հավատով լեցուն, աստվածավախ մարդիկ ենք ու ամեն տարի նշում ենք Սուրբ Ծնունդը, հունվարի 5-ի երեկոյան էլ եկեղեցի ենք գնում՝ ճրագ բերելու, որ տունը լույսով լցվի: Ի դեպ, անցած տարի հենց Էջմիածնի եկեղեցիներից մեկն էի գնացել, ճրագը մեծ խորհուրդ ունի: Աստվածաշնչում գրված է, որ ճրագը չեն վառում կաթսայի տակ դնելու համար, այլ որ դնեն աշտարակի վրա՝ բոլորին լույս տալու համար: Սրանք հենց Քրիստոսի խոսքերն են,- ասաց նա և հավելեց, որ եկեղեցուց ճրագը բերելուց հետո ընտանիքով նստում են տոնական սեղանի շուրջ,- Հետո բոլորով ընթրում ենք ու շնորհավորում միմյանց՝ չնայած պետք է ասեմ, որ սեղանը կարևոր չէ, դա կարող է նաև չլինել, երբ ճրագը տուն ենք բերում, արդեն նշանակում է, որ տոնում ենք»:  

Խոսելով տոնի խորհրդի մասին՝ դերասանուհին նկատեց, որ Աստծո միածին Որդու ծննդով մենք բոլորս ազատվում ենք մեղքի ստրկությունից: «Քրիստոսի ծննդից հետո մենք ճանաչեցինք Տիրոջ որդուն մարդկային կերպարանքով: Պետք է հավատը շատ լինի, ամբողջ կյանքում մեր մտքում պետք է ունենաք տոնի խորհուրդը: Մենք մենակ չենք, Աստված իր միակ որդուն չխնայեց մարդկանց համար և ուղարկեց՝ մեր մեղքերը մաքրելու: Նույնիսկ այսքան տարի անց Քրիստոսի Ծնունդը մեզ ուժ է տալիս: Բոլորս պետք է հավատանք, որ Աստված մեզ հետ է: Քրիստոս ծնվեց, որ հավատացողների հավատն ավելանա, իսկ անհավատները սկսեն հավատալ ու փրկություն գտնեն»,- ընդգծեց նա:

Հասմիկը նաև նշեց, որ Աստծո ներկայությունը զգում է ամեն վայրկյան: «Ինձ համար Աստված երկնքում չէ, այլ իմ ներսում, միշտ էլ զագցել եմ նրա ներկայությունը: Ամեն քայլ անելիս, խոչընդոտ հանդիպելիս, նույնիսկ երջանիկ պահերին մարդը պետք է Աստծով շարժվի, ոգեշնչվի նրանից, հույս վերցնի, իսկ ամենահաճախը պետք է լինի շնորհակալություն հայտնելը՝ ապրելու, լինելու համար: Մենք պետք է հավատանք ամբողջ սրտով, մտքով, հոգով: Աստված միշտ մեր սրտում է, գուցե մեր սրտի մի մասնիկն է կամ ամբողջ սիրտը: Այլ հարց է՝ ով որքանո՞վ է պատրաստ դա ընդունել» ,-եզրափակեց նա:

website by Sargssyan