Մայր Աթոռը անթույլատրելի և կործանարար է համարում իրավիճակի հ... ՀԱՍԱՐԱԿՈՒԹՅՈՒՆ
Հայրենիքի փրկության շարժումը կոչ է անում զորակցություն հայտն... ՔԱՂԱՔԱԿԱՆ
Միայն մանիպուլյացիա, սուտ և ուրիշ ոչինչ. «Փաստ» ՎԵՐԼՈՒԾԱԿԱՆ
Հայաստանը համաճարակը ծայրաստիճան ծանր է տարել, գուցե և ամենա... ՎԵՐԼՈՒԾԱԿԱՆ
«Մարդկանց խաբելով՝ մոլորեցրել են. եկել ես Հայաստանի շունչը մ... ՎԵՐԼՈՒԾԱԿԱՆ
Երևան, 25.Փետրվար,
00
:
00
:
00
Փոխարժեք
478.65
$
560.79
Սյունիքի սահմանները պահող աշխարհազորայիններն աջակցություն են հայտնում Օնիկ Գասպարյանին (տեսանյութ) ՌԴ ՊՆ. Ղարաբաղում «Իսկանդեր» չի օգտագործվել Դավաճան Նիկոլի հանրահավաքի մասնակիցների թիվը (կոլաժ) Պուտինը եւ Փաշինյանը քննարկել են Հայաստանում տիրող իրավիճակը Երիտասարդը բերման է ենթարկվել Չարբախի բաժանմունք, որտեղ պարզվել է ինքնությունը… Ձեթն ու շաքարավազը թանկ են՝ խառը կանաչի, սոխ կերեք, օգտակար է. (տեսանյութ) «Նա մսխել է մարդկանց սերը եւ հավատը». Արմեն Աշոտյան Ucom-ը որակի ապահովման համար ներդրել է հավելյալ ռեսուրսներ Բենի և Անիի չկայացած հարսանիքն ու «Հարս չկա»–ի մյուս հետաքրքիր դրվագները․ լուսանկարներ բեքսթեյջից Ոսկու գինը նվազել է, արծաթինը՝ աճել․ թանկարժեք մետաղների գներն ըստ NYMEX–ի «Քո հետեւից կգան». Փաշինյանը՝ քաղաքացուն «Թուրքիայի ԱԳՆ-ն փաստացի հայտարարեց, որ Նիկոլն իրենցն է». Անդրանիկ Թևանյան ՀՀ ՊՆ-ն՝ սահմանային իրավիճակի մասին Ազգային ժողովի շենքում ավտոմատներով հատուկջոկատայիններ են կուտակել Մեկ ժամից այստեղ կլինեն վրաններ, վառարաններ, գիշերելու ենք էստեղ. Սաղաթելյան Հանրապետության անասնահամաճարակային իրավիճակի վերահսկողությունն առաջնահերթ խնդիր է Արտակ Թովմասյանը խմբակցություններին իմպիչմենտի գործընթաց սկսելու կոչ է անում Մեզ տեղեկություններ են հասնում, որ այդ վախկոտը հայտարարել է, որ գնալու է արտահերթ ընտրությունների,. Անդրանիկ Թեւանյան Արման Վարդանյանը ԱԱԾ-ի տնօրենին, ոստիկանապետին և Գլխավոր դատախազին հրաժարական տալու կոչ է անում Գլուխները պատով են տալու՝ կրակելու են ժողովրդի վրա, թող հլը փորձեն կրակեն կամ ուժ կիրառեն. Վանեցյան

«Այ մարդ, ինչի՞ մասին է խոսքը. Տարածքի հարցը բանավոր համաձայնությամբ չեն լուծում». քաղաքագետ

«Ընդհանրապես պետական սահմանն ազգերի ինքնորոշման փուլերից մեկն է: Անկախության հանրաքվեին մասնակցած իր ժողովուրդն իր բնակավայրերով դառնում է այդ պետությունը հիմնողը: Գուցե զարմանալի բան ասեմ, բայց Անդրկովկասում Ադրբեջան անունը կրող երեք հանրապետություն է եղել՝ Ադրբեջանական Դեմոկրատական Հանրապետությունը, խորհրդային և մերօրյա Հանրապետությունը և դրանցից ոչ մեկում անկախության հանրաքվե չի եղել, այսինքն, միջազգային իրավունքի տեսակետից օրինական սահմաններ չեն հաստատվել»,- այսօր հրավիրված ասուլիսի ժամանակ ասաց քաղաքագետ Ալեքսանդր Մանասյանը՝ ընդգծելով, որ այդ բոլոր սահմանները հայտնվել են արտաքին միջամտությամբ:

«Ադրբեջանական Դեմոկրատական Հանրապետությունը, կամ, այսպես կոչված՝ մուսաֆաթական Ադրբեջանն Ազգերի լիգա է ներկայացրել իր տարածքային հավակնությունները՝ Բաքվից մինչև Բաթում, այդ թվում՝ նաև Կարսով: Պարզ է, որ այդպես Թուրքիան էր ասում՝ մեծ պահանջներ ներկայացրու, ինչ հասավ՝ հասավ: Ազգերի լիգան հաստատել է այն փաստը, որ այդտեղ ոչ քաղաքական, ոչ վարչական իշխանություն ունի Ադրբեջանը: Եվ 1920 թվականին դուրս է եկել առանց սահմանների: Խորհրդային Ադրբեջանը նույնպես հիմնվել է դրսից՝ բոլշևիկյան Ռուսաստանի կողմից: 1920թ.ապրիլի 28-ին, երբ խորհրդային իշխանություն է հաստատվել, Արցախի լիազոր ներկայացուցիչների 9-րդ համագումարն ասել է, որ Արցախը ՀՀ անքակտելի մաս է: Խորհրդային Ադրբեջանում էլ չի եղել ոչ ինքնորոշման ակտ, ոչ էլ հանրաքվե, որը կարող է դառնալ պետական սահմանների աղբյուր: իսկ ինչպե՞ս են սովետական տարիներին հաստատվել այդ հանրապետության սահմանները: Դա հաստատվել է հայկական երկու մեծ տարածքների բռնազավթման արդյունքում:

Առաջինը Արցախն է, երկրորդը՝ Նախիջևանը: Դա տեղի է ունեցել 1921թ. մարտի 16-ին՝ քեմալական Թուրքիայի և բոլշևիկյան Մոսկվայի միջև կնքված համաձայնագրի արդյունքում, որով որոշվել է, որ Ադրբեջանի կողմից Խորհրդային Հայաստանի մաս ճանաչված Նախիջևանը պետք է տրվի Խորհրդային Ադրբեջանին, բայց ոչ՝ որպես սուվերեն տարածք: Բայց 1923, 1924, 1936թթ. Նախիջևանի կարգավիճակն անընդհատ փոխել են ԽՍՀՄ ներսում, չնայած Կարսի պայմանագիրը շարունակել է մնալ նույնը: Նախ՝ Նախիջևանը հայտարարվել է ինքնավար հանրապետություն՝ Խորհրդային Ադրբեջանի կազմում, 1991թ. հռչակվել է պետություն՝ պետության ներսում: Կարսի՝ այսօր էլ գործող պայմանագրի համաձայն՝ Նախիջևանը տրված է արդեն գոյություն չունեցող Խորհրդային Ադրբեջանի հովանավորությանը, որի իրավահաջորդությունից այս Ադրբեջանը հրաժարվել է»,- մանրամասնեց քաղաքագետը:

Իսկ թե ինչի վրա է հենվում Ադրբեջանը՝ Ալեքսանդր Մանասյանը նշեց. «1991թ. դեկտեմբերի 16-ին Եվրոպայի խորհրդի արտգործնախարարների մակարդակով Բրյուսելում տեղի ունեցած խորհրդակցությունը որոշել է ճանաչել հետխորհրդային տարածքում նորանկախ պետությունները՝ խորհրդային հանրապետությունների սահմաններում: Գուցե մյուս հանրապետությունների դեպքում դա իմաստ է ունեցել, իսկ Ադրբեջանի դեպքում՝ ոչ: Այդ ժամանակ արդեն Լեռնային Ղարաբաղի Հանրապետությունը հռչակված էր Ադրբեջանին չպատկանող տարածքներում: 1991թ. հոկտեմբերի 18-ին մերօրյա ադրբեջանական հանրապետությունը հրապարակավ հրաժարվել էր Խորհրդային Ադրբեջանի իրավահաջորդությունից՝ առանց տարածքի, սահմանների հղումներ կատարելու: Այդ ժամանակ արդեն եղել է Վենետիկի կոնվենցիան, սահմանված են եղել պետությունների իրավահաջորդության կանոններ: Մենք իրավական աուդիտի առարկա պետք է դարձնենք այն հիմքերը, որոնք ստեղծել են Խորհրդային Ադրբեջանի սահմանները: Դրանք ապօրինի են:

Երբ Շուռնուխի մի ճանապարհի մասին ենք խոսում, մոռանում ենք, որ Շուռնուխն էլ, Արցախն էլ Ադրբեջանին չպատկանող տարածք է: Լեռնային Ղարաբաղը Ադրբեջանին տալու որոշումը չի ընդունվել, Ստալինը կարդացել է որոշումը ու փակել նիստը: ԼՂ-ն Ադրբեջանի սահմաններում հայտնվել է չընդունված որոշմամբ: Ընդ որում, հունիսի 12-ին արդեն ԼՂ-ն Խորհրդային Հայաստանի մաս էր հռչակվել: Սովետական տարիներին այնքա՜ն տարածքներ են պոկել Հայաստանից՝ հենց այդ մասերում: 1936թ. միութենական հանրապետություն դառնալուց հետո էլ է Ադրբեջանը բզկտել մեր սահմանները: Կա մեծ Ալ լճերի տարածքը, որը 1927թ. քարտեզով Հայաստանում է: Բայց Անդրֆեդերացիան որոշել է այդ տարածքը տալ խաշնարածներին: Գիտեք, մենք՝ հայերս, չունենք հողի զգացողությունն այնպես, ինչպես թուրքն ունի: Զավթողին բնորոշ է, բայց դա մեր հայրենիքն է, իր համար՝ արոտավայր: Նրանք հիմա ամեն ինչի մեջ տեսնում են հարստության աղբյուր»:

Քաղաքագետի խոսքով՝ մինչև հիմա մենք լռում ենք, Եվրոպային չենք ասում, որ 1991թ. դեկտեմբերի 16-ի քո որոշմամբ սկսվել է այս պատերազմը:

Ինչ վերաբերում է Շուռնուխի, Որոտանի հատվածներին, Ալեքսանդր Մանասյանը նկատեց.

«Նիկոլ Փաշինյանը մի անզգույշ արտահայտություն է արել, և խելք ունենար՝ կթաքցներ. ասում է՝ ես բանավոր համաձայնություն եմ տվել: Այ մարդ, ինչի՞ մասին է խոսքը: Տարածքի հարցը բանավոր համաձայնությամբ չեն լուծում: Տարածքին իրավական հիմնավորում է պետք: Դրանք հայկական տարածքներ են՝ բոլշևիկների օգնությամբ անեքսիայի ենթարկված՝ հօգուտ Ադրբեջանի: Խոսքը ողջ ԼՂ-ի, Նախիջևանի մասին է»:

Քաղաքագետն ընդգծեց՝ մինչև Կարսի պայմանագրի 100 տարին լրանալը 10 ամիս կա, և շատ բաներ տեղի կունենան, օրինակ՝ Ռուսաստանը պետք է շտապի Նախիջևանով ամբողջ գիծը վերցնել:

Նրա խոսքով՝ Հադրութի, Շուշիի ու մյուս տարածքների կորուստն անդառնալի չէ:

«Եթե նույնիսկ մենք մոռանանք, խոշոր տերությունները, որոնք այս տարածաշրջանում են, չեն մոռանա: Մնալու է Իրանի, Ռուսաստանի, Չինաստանի, Թուրքիայի, ԱՄՆ-ի, Եվրոպայի քաղաքական օրակարգում: Դա փակվող հարց չէ, ու ասել՝ տվել ենք, և վերջ, դա չի լինելու: Տարածքի հարցը երբևէ չի մեռնում»,- նշեց Ալեքսանդր Մանասյանը:

Քաղաքագետը ցավով նշեց՝ 30 տարվա ընթացքում ՀՀ իշխանությունները ժամանակ չունեցան ադրբեջանահայության ցեղասպանությունը տանել միջազգային հարթակներ, ինչն աններելի է:

website by Sargssyan