Հայ ժողովրդի բոլոր ժամանակների մեծագույն ավանտյուրիստը...«Փաստ» ՎԵՐԼՈՒԾԱԿԱՆ
«Իսկանդերյան հեղափոխություն»․ «Փաստ» ՀԱՐՑԱԶՐՈՒՅՑ
«Թևակոխել ենք մի փուլ, որը մեր երկրի համար շրջադարձային է լի... ՀԱՐՑԱԶՐՈՒՅՑ
Ինչ-որ բան անելու պարզապես ունակ չեն․ «Փաստ» ՎԵՐԼՈՒԾԱԿԱՆ
«Երկրի ավերակ կողմը»․ «Փաստ» ՔԱՂԱՔԱԿԱՆ
Երևան, 28.Փետրվար,
00
:
00
:
00
Փոխարժեք
478.65
$
560.79
Աշտարակի քրեական հետախույզները թմրամիջոցի իրացման դեպք են բացահայտել․ մեկ անձ ձերբակալվել է Աշխարհում կորոնավիրուսի դեմ պատվաստվածների թիվը կրկնակի գերազանցել է վարակվածների քանակը Փետրվարի 28-ին Բաղրամյան պողոտայում տեղի կունենա հիշատակի հավաք. «Հայրենիքի փրկության շարժում» «Դիտվում է կորոնավիրուսային հիվանդության նոր դեպքերի կայուն աճ». Գևորգ Սիմոնյան Reuters. Ռուս գիտնականները հաստատել են «Սպուտնիկ V» պատվաստանյութի արդյունավետությունը կորոնավիրուսի նոր շտամերի դեմ Մինչ օրս էլ Ադրբեջանում շարունակվում է հայատյացությունը. ՀՀ ՄԻՊ Արցախը ոչ մի պարագայում չի կարող Ադրբեջանի մաս կազմել. ԱԳ նախարար Խոշոր ու շղթայական ավտովթար է տեղի ունեցել Երևանում Ադրբեջանի ԱԳՆ-ն Հայաստանին մեղադրել է «ԼՂ տարածքում զինծառայողներ տեղակայելու մեջ» Երիտասարդին, ում Նիկոլ Փաշինյանն ասել էր «Քո հետևից կգան», ծեծել են՝ պատճառելով մարմնական վնասվածքներ. Yerkir.am ՀՀ ՊՆ-ն հայտարարություն է տարածել Խոշոր ավտովթար–վրաերթ` Վարդենիսում. տուժել են երեխաներ (տեսանյութ) Ոստիկանության զորքերը հեռացան Բաղրամյան պողոտայից (տեսանյութ) Կյանքից թանկ միայն պատիվն է, իսկ պատվից բարձր միայն հայրենիքը. Արթուր Վանեցյան ԳՇ հայտարարությունն ու նոր, այլընտրանքային բևեռը. (տեսանյութ) Հայրենիքի դեմը չոքելու ես, բայց ներող չի լինելու. Արմեն Աշոտյան Լեգենդար 5-րդ բրիգադի սպաներն, ազատամարտիկներն ու զինվորները միանում են Փաշինյանի հրաժարականի պահանջին Վեճ` քաղաքացու և ոստիկանի միջև (տեսանյութ) 10 ապրանքատեսակ, որոնք կդադարեք գնել, եթե իմանաք՝ ինչից են պատրաստվում Ադրբեջանը խոշտանգելով բանտում սպանել է որոշ գերիների. Արտակ Բեգլարյան

Արցախում զոհված սպա Հովիկ Վարդանյանն առանց ծնողների էր մեծացել, երազում էր, որ իր դուստրն ավելի լավ մանկություն ունենա

24-ամյա ավագ լեյտենանտ Հովիկ Վարդանյանը վաղ հասակում կորցրել էր ծնողներին: Հովիկին մեծացրել էր տատիկը:

«Հովիկ շատ փոքր էր, երբ ավտովթարից մահացան նրա ծնողները: Հովիկին խնամել և մեծացրել էր տատիկը, ում խորհրդով էլ ընտրել էր զինվորականի մասնագիտությունը»,- NEWS.am-ի հետ զրույցում պատմեց Հովիկ Վարդանյանի կինը՝ Նարինե Սաֆարյանը:

14 տարեկանում Հովիկը տեղափոխվել էր «Փոքր Մհեր» կրթահամալիր, ապա սովորել   Մարշալ Արմենակ Խանփերյանցի անվան ռազմաօդային ինստիտուտում:

««Փոքր Մհերում» սովորելու տարիներին գնացել էին Արևմտյան Հայաստան: Ցանկացել էին մեր եռագույնով նկարվել, սակայն այնտեղ զգուշացրել էին, որ արգելված է: Հովիկն ուսուցչին ասել էր՝ մինչև հսկիչները իրենց դիրքերը վերադառնան, մենք կհասցնենք մի քանի լուսանկար անել: Ու այդպես կարողացել էին հայկական դրոշով լուսանկարվել»,- ասաց Նարինե Սաֆարյանը:

Հովիկն աշխատել էր Եղեգնաձորի, Կապանի և Շուշիի հակաօդային պաշտպանության զորամասերում։

«Մոտ ինն ամիս բնակվում էինք Շուշիում: Ամուսինս պատերազմի հենց առաջին օրը պահանջեց, որ տեղափոխվեմ Հայաստան՝ թեպետ ես ուզում էի մնալ Շուշիում և ինչ-որ բանով օգտակար լինել ամուսնուս: Գնացի ընկերուհուս մոտ Բերձոր, և միասին եկանք այստեղ:

Այդ կրակոցների ու պայթյունների ձայնը ես լսել էի, ու շատ դժվար էր գիտակցելը, որ դու այդ ամենի մեջ թողնում ես քո սիրած մարդուն ու հեռանում…»,- նշեց Նարինե Սաֆարյանը:

Հովիկը սեպտեմբերի 23-ին մեկնել էր հերթափոխի և 28-ին պետք է վերադառնար: Պատերազմի ընթացքում Հովիկ Վարդանյանը ՏՈՌ մարտական մեքենայի հրամանատարն էր, հաշվարկի պետը:

«Երբ առաջին անգամ ԱԹՍ խփեց, շատ էր ուրախացել, ասում էր` անպայման էլի եմ խփելու ու ամեն օր ինձ ասում էր, թե քանի հատ է խփել: Ամուսինս շատ մեծ ոգևորությամբ ցանկանում էր ավելին ու ավելին սովորել ռազմական աշխարհի մասին և օգտակար լինել հայրենիքին:

Ռազմադաշտից շատ մարդկանց էր զանգահարում՝ անգամ հեռու բարեկամներին: Տպավորություն էր, որ զգում էր՝ վերջին անգամ է խոսելու»,- հիշեց Հովիկի կինը:

Հովիկը ֆուտբոլի մեծ երկրագու էր: Երբ հերթապահության էր լինում, Նարինեին խնդրում էր հետևել իր երկրպագած թիմի Մադրիդի «Ռեալի» խաղերին և իրեն ասել հաշիվը։

Երկու օրից կծնվի Հովիկի և Նարինեի առաջնեկը՝ Ադրիանան:

«Հովիկի երազանքն էր աղջիկ ունենալը: Միասին ընտրեցինք անունը՝ Ադրիանա: Միշտ ասում էր, որ ես իմ երեխայի համար պետք է ապահովեմ այնպիսի մանկություն, ինչպիսին ես չեմ ունեցել: Հիմա ես պարտավոր եմ այնպես անել, որ մեր աղջիկը երբեք չզգա հոր բացակայությունը, քանի որ իր հայրն իր կյանքը տվեց հանուն Ադրիանայի պայծառ ապագայի»,- նշեց Նարինե Սաֆարյանը:

Հովիկ Վարդանյանը նահատակվել է հոկտեմբերի 12-ին Շուշիում անօդաչու թռչող սարքի հարվածից: Հուղարկավորվել է «Եռաբլուրում»:

website by Sargssyan