Թուրքիան հարվածներ է հասցրել Սիրիայի հյուսիսային շրջաններին
МЕЖДУНАРОДНОЕԵրեքշաբթի օրը Թուրքիայի զինված ուժերը շարունակել են հարվածել Սիրիրայի հյուսիսային շրջաններին, հայտնում է almasdarnews.com թերթը:
Համաձայն Հալեպի նահանգապետարանի տեղական աղբյուրի, Թուրքիայի զինված ուժերն իրենց աջակցությունը վայելող զինյալ խմբավորումների հետ հարվածներ են հասցրել Սիրիայի ժողովրդավարական ուժերի դիրքերին` թիրախավորելով Ալ-Բաբ քաղաքի շրջակայքը:
Աղբյուրը մանրամասնել է, որ Թուրքիայի զինված ուժերը մի քանի հրետանային արկեր ու հրթիռներ են արձակել Սիրիայի ժողովրդավարական ուժերի դիրքերի ուղղությամբ, սակայն վերջիններս պատասխան կրակ չեն բացել` չխախտելով հրադադարի մասին ձեռք բերված համաձայնությունը:
Բացի Ալ-Բաբից թիրախավորվել են Ալ-Հասաքե նահանգի Թալ Թամր շրջանում տեղակայված Սիրիայի արաբական բանակի և Ռուսաստանի Դաշնության զինված ուժերը:
Թերթը նշում է, որ չնայած 2019 թվականին ձեռք է բերվել հրադադարի մասին համաձայնություն, Թուրքիան պարբերաբար շարունակում է թիրախավորել Սիրիայի հյուսիսային շրջանները, որտեղ տեղակայված են Սիրիայի ժողովրդավարական ուժերը, քանի որ Անկարան այն համարում է ահաբեկչական խմբավորում: