Արցախի մի քանի բնակավայրում այսօր չպայթած զենք-զինամթերքի ոչ... ՀԱՍԱՐԱԿՈՒԹՅՈՒՆ
Սուրենյանը մարտ ամսին սպասվող եղանակի մասին. սպասվում են անա... ՀԱՐՑԱԶՐՈՒՅՑ
Ռուս խաղաղապահները, ընդհանուր առմամբ, ԼՂ-ում վնասազերծել են ... ՀԱՍԱՐԱԿՈՒԹՅՈՒՆ
Վարդենյաց լեռնանցքը դժվարանցանելի է կցորդիչով բեռնատարների հ... ՀԱՍԱՐԱԿՈՒԹՅՈՒՆ
«ՀԷՑ»-ը տեղեկացնում է. Երկար ժամանակով լույս չի լինելու ՀԱՍԱՐԱԿՈՒԹՅՈՒՆ
Երևան, 26.Փետրվար,
00
:
00
:
00
Փոխարժեք
478.65
$
560.79
Գլխավոր շտաբի ևս մեկ գնդապետ միացել է հայտարարությանը Ո՞ւր էր Փաշինյանն այս 3 տարիների ընթացքում, ինչո՞ւ չէր պահանջում փոխարինել, եթե Ռուսաստանը վատ զենք էր մատակարարել. Կոլերով Մեղրիի համայնքապետն աջակցություն է հայտնում ՀՀ ԳՇ-ին և Օնիկ Գասպարյանին Դավաճան Նիկոլն իր պես թերուսին նշանակել է Դիլիջանի քաղաքապետ․ Գագիկ Համբարյան Ես երբևէ իմ մասնագիտական ողջ կյանքի ընթացքում չեմ հանդիպել Թուրքիայի կողմից այսչափ մեծ արձագանք Հայաստանի ներքաղաքական կյանքին․ թուրքագետ Եթե այս գործողությունները շարունակենք մի քանի օր` գոյանքը, որը նստած է վարչապետի աթոռին, երկար կարո՞ղ է դիմանալ. Սրապիոնյան Էրդողանն անդրադարձել է Հայաստանում տեղի ունեցող իրադարձություններին Ռազմագերիների թիվը մոտ է 300-ի, հաստատված դեպքերինը՝ 80-ի․ Ալիևը քաղաքական ճնշում է գործադրում «ԴՆԹ-ի պատասխանները կեղծում են, կվառե՛նք Հերացին»․ անհետ կորածի ծնողն ահազանգում է Հայ-ադրբեջանական սահմանի մասին. ՊՆ ՀՀ երրորդ նախագահի գրասենյակի արձագանքը մամուլի ասուլիսում Իլհամ Ալիևի հնչեցրած ստերին ՀՀ Պաշտպանության նախարարությունը հայտնում է Փարիզում ցուցադրվել է Վան Գոգի նկարը, որը գրեթե ոչ ոք չի տեսել Մատենադարանում կներկայացվի արցախյան ձեռագրային արվեստը Թուրքիա. Մի արեք կտրուկ գործողություններ, մեզ համար միևնույնն է, մենք սիրում ենք Նիկոլին. Միջազգային արձագանքը՝ ըստ Միքայել Մինասյանի Երբեք չէի խոսի սրա մասին, եթե իրեն այդպես չպահեր. Փորձագետը՝ Կարո Փայլանի մասին ԳՇ հայտարարությունն ու նոր, այլընտրանքային բևեռը Կասեցվել է հրուշակեղենի արտադրությունը Նիկոլ Փաշինյանը նոր նշանակումներ է արել Վարչապետի աշխատակազմը ԳՇ պետին ազատելու հարցով ՀՀ նախագահից առարկություն չի ստացել․ խոսնակ

Իշխանական խմբակը Ազգային ժողովը սարքել է իրենց «հոր դուքանը»

Դավաճանական իշխանության գրպանի խմբակցության վախը մեկ լրագրողից այնքան է, որ Ազգային ժողովում Yerevan.Today-ի նկատմամբ «հատուկ վերաբերմունքը» չի սահմանափակվել լրագրողին հավատարմագրումից զրկելով:  

Այսօր ԱԺ աշխատակազմն իրեն իրավունք է վերապահել թույլ չտալ լրագրող Սյուզի Բադոյանին մուտք գործել ԱԺ տարածք՝ անգամ անցագրի առկայության պայմաններում: Մինչդեռ լրագրող Բադոյանը ԲՀԿ–ական պատգամավոր Արման Աբովյանի հետ հարցազրույց էր պլանավորել և ընթացակարգի համաձայն` օգտվելով իր և պատգամավորի իրավունքից, նախապես պատգամավորի գրությամբ անցագիր էր ստացել ԱԺ ընդունարանից:

 

ԱԺ անցակետում անվտանգության աշխատակիցները տեսնելով լրագրողին՝ միանգամից կապ են հաստատել վերադասի հետ, զեկուցել են լրագրողի անցագրի մասին (ինչը սովորաբար չի արվում, նրանք պարտավոր են ներս թողնել միանգամից), և հատուկ կապով նրանց ասվել է լրագրողին թույլ չտալ մուտք գործել տարածք:

Ինչո՞ւ, ի՞նչ հիմնավորմամբ, անվտանգության երեք աշխատակիցներից որևէ մեկը չի կարողացել վերադասից իջած հրահանգը լրագրողին պարզաբանել կամ հիմնավորել իրավական փաստարկներով:

Միայն նա, ով հատուկ կապով զեկուցել էր, ենթադրաբար՝ ԱԺ աշխատակազմին, հազիվ  ծամծմելով՝ իրար կապկպած մի նախադասություն է արտասանել՝ «ռեժիմը թույլ չի տալիս, և դուք չեք կարող հիմա մտնել խորհրդարան, այսքան բան»: Ո՞ր ռեժիմը, քաղաքակա՞ն, լրագրողի հարցին անվտանգության աշխատակիցները ակնարկել են, թե ինքներդ գիտեք ինչ-ինչոց է։ Այդ ընթացքում անցագրով մուտք գործած այլ անձանց դեպքում նորից կապ չեն տվել զեկուցելու։ Այսինքն՝ լրագրողի համար մինչ այդ նախազգուշացում է արվել, որպեսզի օրենք խախտելու գնով անգամ նրա մուտքը արգելեն:

Ո՞ւմ հրահանգով է Yerevan.Today–ի աշխատանքն ԱԺ-ում սահմանափակում աշխատակազմի ղեկավար Տիգրան Գալստյանը, երբ իր վերադասը ԱԺ նախագահ Արարատ Միրզոյանն է և հաշվետու է միայն Միրզոյանին։ Տրամաբանությունը հուշում է, որ Տիգրան Գալստյանի կողմից սանկցիաներն իջեցվել են ԱԺ պատգամավոր Հայկ Սարգսյանի սադրած միջադեպից հետո, ուստի չի բացառվում, որ հենց այս օդիոզ դեմքն է իրականում հրահանգել ԱԺ աշխատակազմին ապահովել իր անվրդով ճեմելը ողջ վարչական տարածքով մեկ՝ առանց «լրագրողական հետապնդումների»:  

Ի՞նչ խոսք, բազմաթիվ լրատվամիջոցներիս համար նորություն չէ, որ ռեժիմը դիսկոմֆորտի բացահայտ վախ ունի խորհրդարանական աշխատանքը լուսաբանող մի շարք ԶԼՄ-ների ներկայությունից, բազմաթիվ դրվագներով հրապարակվել են, թե ինչպես են «հուշտ» լինում Անդրանիկ Քոչարյանը, Ռուբեն Ռուբինյանը, Լիլիթ Մակունցը, երբեմնի լրագրող պատգամավորներ Հայկ Գևորգյանը, Արթուր Հովհաննիսյանը ու Վահագն Հովակիմյանը, Արմեն Խաչատրյանը, սորոսական պատգամավորներ Արտակ Մանուկյանը և Հերիքնազ Տիգրանյանը, Արփի Դավոյանը, Քրիստինե Պողոսյանը, և այլոք, որ նրանք վրդովվել են իսկ իրականում վախենում են՝ «5-րդ ալիքի», «Հրապարակ» օրաթերթի, «168 ժամի», Yerevan.Today-ի ոչ կանխատեսելի լրագրողների հարցադրումներից, հաճախ են վիրավորել լրագրողների և խոչընդոտել վերջիններիս աշխատանքը: Նրանցից շատերն են Yerevan.Today-ի տեսախցիկի առաջ հուզմունքից կամ վախերից խիստ անհարմար դրության մեջ ընկել։ Վերջին ամենատգեղ տեսարանը «Շիշ բռնող» մականունով հայտնի Հայկ Սարգսյանի մասնակցությամբ միջադեպն էր

Թերևս սա էլ վերջին կաթիլը դարձավ իշխանության վախերի բաժակի համար, ու որոշել են այսուհետ գնալ տոտալ ապօրինությունների՝ արգելելով ԱԺ շենքի մուտքը: Այս դավաճանական խմբակին թվում է, թե Հայաստանի խորհրդարանի շենքը իրենց «հոր դուքանն է», կարող են ուղղակի որոշել՝ ում թողնել ներս մտնի, ում՝ ոչ։

Հիշեցնենք, ԲԴԽ անդամ դարձող Գագիկ Ջհանգիրյանի ճեպազրույցի ժամանակ պատգամավոր Հայկ Սարգսյանը ինքնառաջադրվել էր՝ իբր փրկելու Ջհանգիրյանին հարցադրումներից: Yerevan.Today-ի լրագրող Սյուզի Բադոյանի թևից բռնել և նրան հրել էր մի կողմ, նույն ժամանակ նաև «Հրապարակ» օրաթերթի լրագրողին էր համարյա սպառնալից տոնով իր մոտ կանչել՝ իբր պարզաբանման: Իսկ երբ երկու լրագրողները վերջինիս տեսախցիկների առաջ դիմել էին, խլել էր միկրոֆոնը և տարել իր հետ սենյակ:

20 րոպե անց պատգամավորը բացել էր կողպած դուռը և վերադարձրել միկրոֆոնը՝ առանց լրագրողից ներողություն խնդրելու: Իմ կողմից Գլխավոր դատախազություն ուղարկած հաղորդմանն արդեն ընթացք է տրվել, այն ուղարկվել է ՀՔԾ՝ նյութեր նախապատրաստելու համար։ Իսկ ահա ԱԺ աշխատակազմի ղեկավարը ոչ աշխատանքային ժամին խմբագրություն ուղարկել էր էլեկտրոնային նամակ և կոշտ սանկցիաների մասին տեղեկացրել՝ լրագրողին չեն հավատարմագրի այս նստաշրջանում։ Իսկ խմբագրության հարցադրումներին, թե կոնկրետ ինչ օրենքի խախտման հիմքով է իրենց առաջարկ-պահանջը, ԱԺ աշխատակազմի ղեկավարը դեռ չի պատասխանել, չնայած անցել է 11 օր։ Սա էլ ապացույցները, որ խորհրդարանում տիրում է խմբակային շահեր սպասարկող անձնակազմ, այլ ոչ՝ պետական պաշտոնյաներ։

Ահա այսպես խորհրդարանական հանրապետության Ազգային ժողովը դարձել է իշխող ուժի «հոր դուքանը»։ Նրանք այլևս իրենց հռչակում են օրենքից դուրս, օրենքը իրենք են, կուզենան Արցախը կհանձնեն, կուզենան լրագրողին ներս չեն թողնի։ Միրզոյան Արարատը նայում և հպարտանում է, թե որքան ժողովրդավար է իր ղեկավարած «ժողովրդավարության բաստիոնը»։

Սևակ Հակոբյան

website by Sargssyan