Մարտի 7-8-ը կդադարեցվի Շիրակի մարզի մի շարք բնակավայրերի ջրա... ՀԱՍԱՐԱԿՈՒԹՅՈՒՆ
Սպայի արժանապատվությունը պահանջում է միանալ ԳՇ հայտարարությա... ՔԱՂԱՔԱԿԱՆ
Վթար Հալաբյան փողոցում. կա 2 զոհ ՀԱՍԱՐԱԿՈՒԹՅՈՒՆ
Մայրաքաղաքում և մարզերում էլեկտրաէներգիայի պլանային անջատում... ՀԱՍԱՐԱԿՈՒԹՅՈՒՆ
ՀՀ տարածքում կան փակ ավտոճանապարհներ․ Լարսը բաց է ՀԱՍԱՐԱԿՈՒԹՅՈՒՆ
Երևան, 07.Մարտ,
00
:
00
:
00
Փոխարժեք
478.65
$
560.79
Անհայտ անձանց կողմից «Հայ բարերարների ճեմուղի» հուշահամալիրից առևանգվել են բոլոր հուշարձանների մետաղյա պատկերները (լուսանկարներ) Չինաստանն անհատույց հակակորոնավիրուսային պատվաստանյութ է մատակարարում 69 երկրների Անցած տարի սուբվենցիոն ծրագրերով մոտ 150 կմ ներհամայնքային ճանապարհ է ասֆալտապատվել. ՀՀ կառավարություն Սենատն ընդունել է ԱՄՆ տնտեսությունը խթանելու միջոցառումների փաթեթ Էլեկտրաէներգիայի սակագների բարձրացման պատճառները՝ 1 մլրդ դոլար պարտք, ավելցուկայնություն, արցախյան ՀԷԿ-երի կորուստ Վայբերով վիրուս է տարածվում, ջնջեք. Սամվել Մարտիրոսյանը զգուշացնում է Ադրբեջանցի սահմանապահներն անցել են Կապանով և տեսագրել. Razm.info-ն ներկայացրել է, թե ինչ են խոսում նրանք տարածված տեսանյութում Եթե ասում եք սահմանագծում չեն իրականացնում, ապա ներկայացրեք ռուսական կողմի ներկայության դրդապատճառները․ Տիգրան Աբրահամյան Նիկոլի մնալը վարչապետի աթոռին նշանակում է նոր պատերազմ․ Անդրանիկ Թևանյան Մանուել Մանուկյանը հայտարարություն է տարածել Դիտե՛ք և արտահայտվեք, թե ինչպե՞ս հանգուցալուծել այս իրավիճակը. Էդմոն Մարուքյան «Այս անբարո, անպատասխանատու գործողությունները համարում եմ անձնական վիրավորանք իմ և Տավուշի ժողովրդի հասցեին»․ մարզպետ Տավուշի մարզի մի քանի գյուղերի տարածքում մոտ 500 ռուս խաղաղապահների և ադրբեջանցիների կողմից սահմանի երկայնքով չափագրումներ անելու մասին տեղեկությունը բացարձակ մտացածին է. ՀՀ ՊՆ Ադրբեջանցիներն Ազատամուտում չափագրումներ չեն կատարում․ համայնքապետ Շուռնուխում հանդիսավոր կերպով բարձրացվել է 30 մետր բարձրությամբ հայկական եռագույնը Չինաստանը ԱՄՆ-ին կոչ է արել դադարեցնել Իրանի դեմ միակողմանի պատժամիջոցները

Փոքրիկ խանութից՝ շոկոլադի կայսրություն. ինչպե՞ս ստեղծվեց «Քինդեր սյուրպրիզը». «Փաստ»

«Փաստ» օրաթերթը գրում է

Խոսելով «Kinder Surprise»- ի պատմության մասին՝ անպայման պետք է նշել, թե ինչպես է զարգացել շոկոլադ արտադրող իտալական խոշոր «Ֆերրերո» ընկերությունը: Ընկերության տարեկան շրջանառությունը ներկայումս կազմում է ավելի քան 7 միլիարդ եվրո, բայց այն անմիջապես չի դարձել այդպիսին: Այդ ընկերության պատմության արմատները գտնվում են անցյալ դարի քառասունականներում, երբ ամբողջ աշխարհը զբաղված է եղել Երկրորդ համաշխարհային պատերազմով: Պիետրո Ֆերրերոն հանդիսացել է Թուրին քաղաքում (Իտալ իա) գտնվող այդ ընկերության առևտրի առաջին կրպակի հիմնադիրը: Նրա սկսած գործը խթան է հանդիսացել ընկերության հետագա զարգացման համար. նա կարողացել է աշխարհին տալ համեղ քաղցրավենիք (Tik-Tak dragees, Nutella շոկոլադե մածուկ, Kinder Surprise ձու, Raffaello կոնֆետներ): Պետք է նշել, որ Պիետրոյի հայրն է առաջինն սկսել այդ գործը՝ հանդիսանալով փոքրիկ հացաբուլկեղենի խանութի սեփականատեր:

Նա այն ժառանգել է որդուն 1930 թվականին: Բայց Պիետրոն ձգտել է ավելի հետաքրքիր բիզնեսով զբաղվել, և շուտով նրան հաջողվել է սովորական հացաբուլկեղենի խանութը վերածել հրուշակեղենի խանութի: Հենց այդտեղ էլ բացահայտվել է Ֆերրերոյի տաղանդը: Որպես հրուշակագործ, նա իսկապես սիրել է փորձեր կատարել արտադրատեսակների հետ, և կինը նրան օգնել է ամեն ինչում: Այնուամենայնիվ, Երկրորդ աշխարհամարտը ստիպել է զույգին տեղափոխվել Իտալիայի հյուսիս: 1942 թվականին Ալբա քաղաքում զույգը վերաբացել է հրուշակեղենի խանութը: Այնտեղ նրանք շարունակել են իրենց փորձարկումները՝ հորինելով ավելի ու ավելի համեղ քաղցրեղեն: Նոր տեղում ընտանիքի հրուշակեղենը մեծ ճանաչում է գտել, ապա այդ մասին լուրերը տարածվել են ամբողջ Իտալիայում, որից հետո էլ, ժամանակի ընթացքում, ամբողջ աշխարհով:

1946 թվականին Ալբայում բացվում է «Ֆերրերո» ընկերության առաջին գործարանը: Ընկերությունը 10 տարվա ընթացքում դուրս է եկել Իտալիայից և Գերմանիայում բացել ներկայացուցչություն: Իսկ հիմա «Kinder Surprise»-ի ստեղծման պատմության մասին: «Ձու խաղալիքի» գաղափարը չի կարելի նոր անվանել: Ի վերջո, ԽՍՀՄ-ում նախապատերազմյան տարիներին եղել է քաղցրավենիք, որը երեխաներն անվանել են «շոկոլադե ռումբ», քանի որ ներսում կարելի էր գտնել փայտե սրտեր, տիկնիկներ և այլ փոքրիկ իրեր: Բացի այդ, Իտալիայում կա հին ավանդույթ, երբ Զատիկի համար թխված ձվաձև թխվածքների ներսում տեղադրում են փոքրիկ անակնկալ (մետաղադրամ կամ խաղալիք): Պիետոյի որդին՝ 24-ամյա Միշել Ֆերրերոն, որը դարձել էր ընտանեկան բիզնեսի իրավահաջորդը, հիմք է ընդունել հենց այդ սովորույթը:

Եվ քանի որ նա մանկուց հրաժարվել էր կաթ խմելուց (դա նրան դուր չէր գալիս), նա հիանալի միտք է հղացել՝ արտադրել այնպիսի մանկական հրուշակեղեն, որի մեջ կաթի պարունակությունը կկազմի մոտ 42%: Այդ ժամանակից էլ մանկական Kinder շոկոլադը սկսել է իր ճանապարհորդությունը: Որոշվել է անակնկալներով ձվեր պատրաստել Kinder շոկոլադից: Դրանք սկսել են արտադրել 1974 թվականից՝ սպիտակ և կաթնային (երկշերտ) շոկոլադից: Միջուկը եղել է դեղին պլաստիկ պարկուճ, որն ունի իսկական ձվի դեղնուցի ձև: Ֆերրերո ընտանիքն անմիջապես արտոնագրել է իր գյուտը: Բայց գաղափարը` ստեղծել խաղալիքների շարք, որոնք կարող են տեղադրվել պլաստիկ ձվի դեղնուցի մեջ, պատկանում է շվեյցարացի արդյունաբերական դիզայներ Հենրի Ռոթին:

Kinder Surprise-ի սերիական շատ խաղալիքներ, հատկապես հները, նրա գաղափարներն են: Այդ շոկոլադե ձվերի համար հսկայական հերթ է առաջացել, երբ դրանք առաջին անգամ հայտնվել են խանութներում:Ընդամենը մեկ ժամվա ընթացքում վաճառվել է ամբողջ առաջին խմբաքանակը: Այդ շոկոլադի ներսի խաղալիքների հավաքածուներ սկսել են հավաքել ինչպես երեխաները, այնպես էլ մեծահասակները: Ներկայումս ձեռքով նկարվող որոշ խաղալիքների գինը հասնում է մինչև 500 դոլարի: 2007 թվականին աճուրդով 90 000 խաղալիք ունեցող հավաքածուն վաճառվել է 30 հազար եվրոյով:

Կամո Խաչիկյան

Մանրամասները՝ «Փաստ» օրաթերթի այսօրվա համարում

website by Sargssyan