Մարտի 7-8-ը կդադարեցվի Շիրակի մարզի մի շարք բնակավայրերի ջրա... ՀԱՍԱՐԱԿՈՒԹՅՈՒՆ
Սպայի արժանապատվությունը պահանջում է միանալ ԳՇ հայտարարությա... ՔԱՂԱՔԱԿԱՆ
Վթար Հալաբյան փողոցում. կա 2 զոհ ՀԱՍԱՐԱԿՈՒԹՅՈՒՆ
Մայրաքաղաքում և մարզերում էլեկտրաէներգիայի պլանային անջատում... ՀԱՍԱՐԱԿՈՒԹՅՈՒՆ
ՀՀ տարածքում կան փակ ավտոճանապարհներ․ Լարսը բաց է ՀԱՍԱՐԱԿՈՒԹՅՈՒՆ
Երևան, 07.Մարտ,
00
:
00
:
00
Փոխարժեք
478.65
$
560.79
Անհայտ անձանց կողմից «Հայ բարերարների ճեմուղի» հուշահամալիրից առևանգվել են բոլոր հուշարձանների մետաղյա պատկերները (լուսանկարներ) Չինաստանն անհատույց հակակորոնավիրուսային պատվաստանյութ է մատակարարում 69 երկրների Անցած տարի սուբվենցիոն ծրագրերով մոտ 150 կմ ներհամայնքային ճանապարհ է ասֆալտապատվել. ՀՀ կառավարություն Սենատն ընդունել է ԱՄՆ տնտեսությունը խթանելու միջոցառումների փաթեթ Էլեկտրաէներգիայի սակագների բարձրացման պատճառները՝ 1 մլրդ դոլար պարտք, ավելցուկայնություն, արցախյան ՀԷԿ-երի կորուստ Վայբերով վիրուս է տարածվում, ջնջեք. Սամվել Մարտիրոսյանը զգուշացնում է Ադրբեջանցի սահմանապահներն անցել են Կապանով և տեսագրել. Razm.info-ն ներկայացրել է, թե ինչ են խոսում նրանք տարածված տեսանյութում Եթե ասում եք սահմանագծում չեն իրականացնում, ապա ներկայացրեք ռուսական կողմի ներկայության դրդապատճառները․ Տիգրան Աբրահամյան Նիկոլի մնալը վարչապետի աթոռին նշանակում է նոր պատերազմ․ Անդրանիկ Թևանյան Մանուել Մանուկյանը հայտարարություն է տարածել Դիտե՛ք և արտահայտվեք, թե ինչպե՞ս հանգուցալուծել այս իրավիճակը. Էդմոն Մարուքյան «Այս անբարո, անպատասխանատու գործողությունները համարում եմ անձնական վիրավորանք իմ և Տավուշի ժողովրդի հասցեին»․ մարզպետ Տավուշի մարզի մի քանի գյուղերի տարածքում մոտ 500 ռուս խաղաղապահների և ադրբեջանցիների կողմից սահմանի երկայնքով չափագրումներ անելու մասին տեղեկությունը բացարձակ մտացածին է. ՀՀ ՊՆ Ադրբեջանցիներն Ազատամուտում չափագրումներ չեն կատարում․ համայնքապետ Շուռնուխում հանդիսավոր կերպով բարձրացվել է 30 մետր բարձրությամբ հայկական եռագույնը Չինաստանը ԱՄՆ-ին կոչ է արել դադարեցնել Իրանի դեմ միակողմանի պատժամիջոցները

«Վատ մեկնաբանությունները քիչ են, բայց ինձ էլ հայհոյանքներ, կոտրող խոսքեր գրում են». տիկտոկեր Ջուլիաննան՝ 1 գովազդւի համար 200.000 դրամ վաստակելու և շուտով ԱՄՆ տեղափոխվելու մասին

Տիկ-տոկից լսարանին հայտնի դարձած 21-ամյա Ջուլիաննա Հարությունյանը հավելվածում 160.000-ից ավելի հետևորդ ունի: Tert.am Life-ի հետ զրույցում նա պատմել է հետևորդներ ավելացնելու իր տարբերակի, Տիկ-տոկում հայկական պարեր մատուցելու և Ամերիկայի Միացյալ Նահանգներ գնալու իր երազանքի մասին:

Ջուլիաննան ասաց, որ Տիկ-տոկի իր էջը բացել է 2016 թվականին: «Մայրս ժամանակ առ ժամանակ փակում էր էջս, որովհետև այն խանգարում էր դասերիս: Միայն 2018 թվականից հետո սկսեցի տեսանյութեր նկարահանել ու ակտիվ տեղադրել իմ էջում: Սկզբում կոնտենտս հումորային և պարային էր, հետևում էի հայտնի տիկտոկերներին, որպեսզի թրենդային տեսանյութեր նկարահանեմ: Հատկապես հետևորդների աճ նկատեցի, երբ սկսեցի խոսակցական տեսանյութեր տեղադրել Տիկ-տոկում, իմ խոսակցական ոճն առաջինն էր, նման ոճ Տիկ-տոկում չէր եղել: Ես հետևորդներիս անվանում եմ «мои персики», «мои абрикосики», «мои кебабики» և այնպես եմ անում, որ մարդիկ հետաքրքրությամբ դիտեն ինձ: Նման ձևով խոսելուց առաջ ունեի 40-50.000 հետևորդ, հետո թիվն արագ ավելացավ»,- նշեց նա:

Տիկտոկերը հայտնի է նաև պարային տեսանյութերով։ Նա պատմեց, որ մասնագիտությամբ բալետի պարուհի է, պարում է 3 տարեկանից:

«Ավարտել եմ Երևանի պարարվեստի պետական քոլեջը, բայց վնասվածքի պատճառով այլևս չեմ կարող բալետ պարել: Պարում եմ նաև հայկական և վրացական ժողովրդական պարեր: Վերջին ամիսներին որոշեցի Տիկ-տոկում ցույց տալ հայկական պարերը, աշխարհին գեղեցիկ մատուցել մեր մշակույթը, ինչն այնքան էլ հեշտ չէ: Ընկերուհուս հետ երկար մտածում ենք՝ ի՞նչ պար բեմադրել, ո՞ր երաժշտությունն ընտրել, իսկ դա բավականին ժամանակատար գործընթաց է: Հատկապես երաժշտության ընտրությունը բարդ է, այն պետք է հասնի մարդկանց հոգիներին, որպեսզի նույնիսկ օտարազգին դիտի տեսանյութը: Այդ տեսանյութերի դիտումներն ավելի քիչ են, քան հումորային տեսանյութերինը, նորմալ տեսանյութերը քչերին են դուր գալիս: Մարդիկ չեն ուզում զարգանալ կամ նրանց հետաքրքիր չէ, չգիտեմ, բայց ես աշխատում եմ մակարդակով տեսանյութեր դիտող լսարանի համար, թեև նկարահանում եմ նաև հումորային, թեթև տեսանյութեր, որպեսզի լսարանս ակտիվ պահեմ»,- անկեղծացավ տիկտոկերը։

Ըստ Ջուլիաննայի՝ ի սկզբանե իր նպատակը Տիկ-տոկի միջոցով գումար աշխատելը չի եղել, ուղղակի հետաքրքրության համար տեսանյութեր է նկարահանել, սակայն հիմա նաև գումար է աշխատում։

«Երբ հետևորդներս ավելացան, Տիկ-տոկը նաև աշխատանք դարձավ: Հայաստանում բլոգինգը լուրջ չի ընդունվում, Տիկ-տոկը լուրջ ընկալելու համար մարդկանց տարիներ են հարկավոր, բայց եթե հավելվածի միջոցով կարողանում ես գումար վաստակել, այն չի կարող լուրջ չլինել: Հաճելի է, երբ գումար ես վաստակում քո սիրած աշխատանքի շնորհիվ: Գովազդներ եմ անում, իմ ծախսերն ինքնուրույն եմ հոգում, թեև մայրս երբեմն օգնում է: Եղել է, որ մեկ գովազդի համար 200.000 դրամ եմ վաստակել, գովազդի գինը կախված է հետևորդների քանակից: Կարող է ամսական 15 գովազդ լինել, կարող է նաև չլինել, հաստատուն թիվ չկա: Վաստակածս գումարը, հաճախ, ներդնում եմ աշխատանքիս մեջ կամ նվերներ եմ գնում»,- ասաց նա:

Խոսելով վատ մեկնաբանությունների և քննադատությունների մասին՝ Ջուլիաննան ասաց. «Իմ էջում վատ մեկնաբանությունները քիչ են, թեև սկզբնական շրջանում դրանցից ինձ վատ էի զգում, չէի հասկանում՝ ինչո՞ւ են մարդիկ բացասական մեկնաբանություններ գրում, չէ՞ որ ես ոչ մի վատ բան չեմ անում: Ինձ հայհոյանքներ, կոտրող խոսքեր են գրում, որոնք ջնջում եմ, որպեսզի չտեսնեմ: Հիմա չեմ նեղսրտում, հասկացել եմ՝ ինչ էլ անես, դժգոհ մարդիկ կգտնվեն: Հիմա վատ մեկնաբանություններն ինձ ընդհանրապես չեն հուզում, համացանց է, այդպիսի մեկնաբանություններ գրողներն իրենց չեն կարող խոսքերի համար պատասխանատվություն կրել»:

Ջուլիաննան նաև հավելեց, որ պատրաստվում է հեռանալ Հայաստանից: «Նպատակներս կապված են Ամերիկայի Միացյալ Նահանգների հետ, ընտանիքով պատրաստվում ենք տեղափոխվել: Հայաստանում որպես դերասանուհի հանդես գալու առաջարկներ եմ ստացել, բայց մերժել եմ, որովհետև այստեղ երկար չեմ մնալու: Ամենամեծ երազանքս ԱՄՆ-ում ապրելն է եղել, որը հիմա նպատակի է վերածվել, և ես իրագործում եմ այն: Հուսով եմ՝ մինչև տարեվերջ կմեկնեմ»,- եզրափակեց նա:

website by Sargssyan