Երևան, 25.Հունվար.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Փաստացի ամուսնալուծված չլինելով՝ ծնողները կարող են ալիմենտ պահանջել». «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է.

Կան իրավական խնդիրներ, որոնք առավել շատ են հանդիպում փաստաբանների պրակտիկայում: Խոսելով դրանց մասին, քննարկելով դրանք՝ «Փաստը» նպատակ ունի ընթերցողներին ոչ միայն ավելի իրազեկ դարձնել, այլ ցույց տալ, թե կոնկրետ իրավիճակում իրենք ինչպես կարող են պաշտպանել իրենց իրավունքները: Իհարկե, լավագույն տարբերակը սեփական իրավունքներին ու պարտականություններին իրազեկ լինելն է, ոչ թե հայտնվել խնդիրների առջև և հետո մտածել, թե ինչպես դրանք հանգուցալուծել՝ ծախսելով ժամանակ, նյարդեր և, իհարկե, ֆինանսական միջոցներ: Փաստաբան Սերգեյ Ադիբեկյանը նշում է՝ իր պրակտիկայում շատ են ընտանեկան հարաբերություններին վերաբերող գործերը:

«Այս հարաբերությունների շրջանակում շատ են ամուսնալուծության, երեխայի ալիմենտի բռնագանձման, երեխայի հետ տեսակցության կարգ սահմանելու և երեխայի բնակության վայր սահմանելու հետ կապված գործերը: Շատ են դեպքերը, երբ անչափահաս երեխայի ծնողներից մեկը դիմում է խնդրով, թե ում մոտ պետք է բնակվի իրենց երեխան՝ մոր, թե՞ հոր, ինչ պայմաններով մյուս ծնողը, ում մոտ երեխան չի բնակվում, պետք է տեսակցի նրա հետ իրենց ամուսնությունը լուծելուց հետո: Այս ամենը վերաբերում է բոլոր այն դեպքերին, երբ երեխայի ծնողները չեն կարողանում որևէ տարբերակով համաձայնության գալ, լինում են վիճահարույց հարցեր, այս դեպքում արդեն դիմում են փաստաբանների և դատարանի օգնությանը»,-«Փաստի» հետ զրույցում ասում է Ադիբեկյանը:

Նշում է՝ օրենքների չիմացության պատճառով քաղաքացին ամենատարբեր հարցերում բազմաթիվ խնդիրների է հանդիպում: «Օրինակ՝ շատերը չգիտեն, որ լինելով չամուսնալուծված, խոսքը ՔԿԱԳ-ով կամ դատարանով ամուսնալուծված չլինելու մասին է, բայց փաստացի բնակվելով առանձին, ամուսիններից մեկը, ում խնամքին է գտնվում իրենց երեխան կամ երեխաները, կարող է դիմել ալիմենտ ստանալու, իսկ ինչ վերաբերում է համատեղ ամուսնական կյանքում ձեռքբերած գույքը, այդ թվում՝ դրամական միջոցները և այլն, կիսելու պահանջով կարող են դիմել, թեկուզ եթե ամուսինները վարում են համատեղ ամուսնական կյանք: Այդ դեպքում բոլոր գործողությունները կարող են կատարվել ինչպես դատական կարգով, այնպես էլ ամուսինների փոխադարձ համաձայնությամբ:

Մեր քաղաքացիները հիմնականում տեղեկացված չեն սրա մասին, շատերը կարծում են՝ պետք է պարտադիր ամուսնալուծված լինեն, որ կարողանան պահանջներ ներկայացնել իրենց ամուսնուն կամ կնոջը, բայց դա այդպես չէ: Գործնականում նման դեպքերը շատ-շատ են: Իմ վարույթում այսօր կա մի գործ, երբ ամուսինները օրենքով սահմանված կարգով ամուսնալուծված չեն, բայց արդեն տասնմեկ տարի է՝ իրար հետ չեն բնակվում: Ընդ որում, թե՛ կինը, թե՛ տղամարդն արդեն բավականին ժամանակ այլ անձանց հետ վարում են փաստացի ամուսնական կյանք, անգամ երեխաներ ունեն, որոնց հանդեպ ճանաչել են իրենց ծնողական իրավունքները»,-նշում է մեր զրուցակիցը:

Տարաբնույթ գործերը դատարաններում կարող են քննվել ամիսներ շարունակ, օրինակ՝ հայցադիմումը ներկայացնելուց հետո գործի քննությունը տևում է բավականին երկար, և վճիռը հրապարակվում է մի քանի տարի անց: Փաստաբանը նշում է՝ եթե անձինք ունեն համաձայնություն և ցանկանում են ամուսնալուծվել դատական կարգով, դատարանը պարտավոր է մեկ ամսվա մեջ քննել գործը և վճիռ կայացնել:

«Այն դեպքերում, երբ ամուսինները ցանկանում են փոխադարձ համաձայնությամբ ամուսնալուծվել դատական կարգով, օրենքը հստակ ժամկետ է սահմանել՝ մեկ ամսվա մեջ դատարանը պետք է լուծի ամուսնությունը: Մեկ ամսվա մեջ դատարանը պետք է գործը քննի և վճիռ կայացնի: Սա հստակ է: Դատական կարգով ամուսնությունը դադարած է համարվում դատարանի վճիռն օրինական ուժի մեջ մտնելուց հետո: Այդ պահից սկսած ամուսինների իրավունքները և պարտականություններն իրար նկատմամբ դադարում են՝ բացառությամբ օրենքով սահմանված իրավունքների և պարտականությունների»,- ընդգծում է Ադիբեկյանը: Ընտանեկան հարաբերությունների համատեքստում շատ կարևոր է նաև երեխային տրվող ալիմենտի՝ ապրուստավճարի հարցը:

«Բռնագանձում է կատարվում անձի աշխատավարձից և այլ վաստակից, ընդ որում՝ առանձին չափով մեկ, երկու, երեք երեխայի համար: Անձը պետք է օրենքով սահմանված կարգով գրանցված աշխատող լինի, դատարան է ներկայացվում համապատասխան փաստաթուղթ, որ անձն աշխատում է այսինչ հիմնարկում և ունի այսքան եկամուտ կամ այլ վաստակ: Հակառակ դեպքում, եթե չկա այդ ապացույցը, բռնագանձումը կատարվում է կայուն դրամական գումարի տեսքով, որն ամեն ամիս վճարում է ծնողը: Նշեմ մեկ բան ևս: Ունենք նախադեպ, երբ Վճռաբեկ դատարանը, չնայած նրան, որ անձն ուներ աշխատավարձ, եկամուտ, բայց ծնողի և երեխայի հավասարակշռությունը պահպանելու համար դատարանն ասաց, որ այդ դեպքում բռնագանձումը կարող է կատարվել կայուն դրամական գումարի տեսքով:

Օրինակ՝ անձը ստանում է երկու միլիոն աշխատավարձ, ունի մեկ երեխա, իր աշխատավարձի մեկ քառորդն օրենքով պետք է բռնագանձվի: Խոսքն այս դեպքում հինգ հարյուր հազար դրամի մասին է, իսկ սա խելամիտ ալիմենտային գումար չի համարվում: Այդ դեպքում հնարավոր է նվազեցնել ալիմենտի չափը, օրենքը դա թույլ է տալիս, իհարկե, հաշվի առնելով երեխայի լավագույն շահը, նախկին կենսապայմանները, սա առաջնային է: Եթե ծնողները, օրինակ՝ համարում են, որ հարյուր հազար դրամը բավարար է երեխայի նախկին կենսապայմաններն ապահովելու համար, այստեղ առաջ է գալիս ծնողների հավասարության սկզբունքը: Ե՛վ հայրը, և՛մայրն ունեն հավասար իրավունքներ և պարտականություններ, այս դեպքում այն ծնողից, ում մոտ երեխան չի բնակվում, ենթակա է բռնագանձման այդ գումարի կեսը»,- եզրափակում է Սերգեյ Ադիբեկյանը:

Լուսինե Առաքելյան

Մանրամասները՝ «Փաստ» օրաթերթի այսօրվա համարում

Պետական ինստիտուտներն ավիրելու հերթական դրսևորումը. Մարդու իրավունքների՞, թե՞ Նիկոլի պաշտպան. «Փաստ»Փրկարարներն արգելափակումից դուրս են բերել 7 ավտոմեքենա Երկար ժամանակով լույս չի լինելու Երեւանում եւ 4 մարզերում Թափուր նախագահի պաշտոնը. լիազորությունների մասին մատնանշումը՝ «քող». «Փաստ»«Ամենակարևորը իշխանությունը պահելն է. կապ չունի՝ ՀՀ ինքնիշխանության, տարածքների, թե բնակչության հաշվին». «Փաստ»Ինչ էր ասել Արմեն Սարգսյանը մեկ տարի առաջ. «Ժողովուրդ»«Խաղից դուրս» վիճակում. «Փաստ»Facebook-ը, Zoom-ը, Uber-ը, Netflix-ը, Quora-ն օգտվում են հայկական ստարտափի պլատֆորմից. նոր հնարավորություններ՝ Հայաստանի ՏՏ մասնագետների համար. «Փաստ»«Հրապարակ».Փաշինյանը  ասել էր, որ Արցախի անկախության եւ կարգավիճակի հարցում հույսեր փայփայելն անիմաստ էԱրատավոր երևույթների ու մեխանիզմների վերադարձը. «Փաստ»Սրճարանում Փաշինյանից և նրա ընտանիքից պահանջել են կորոնավիրուսի պատվաստումը հաստատող QR կոդը«Գերեվարված բոլորն անձինք պետք է ազատ արձակվեն ու վերադառնան իրենց տները». ԵԽԽՎ նորընտիր նախագահՊոլսո Հայոց պատրիարքը ապաքինվել է կորոնավիրուսիցԴժբախտ պատահար Երևանի Գրիբոյեդովի փողոցումԱդրբեջանը նման հայտարարություններ է անում, որովհետև Հայաստանն էլ է տասնյակ տարիներ արել․ ՓաշինյանՓաշինյանի շուրթերով ասվում է, որ ընդունում են թուրքական բոլոր նախապայմանները․ Գեղամ ՄանուկյանԲժիշկը զգուշացրել է կորոնավիրուսի պատճառով տեսողության կորստի վտանգի մասինՆԱՏՕ-ն նախատեսում է լրացուցիչ մարտական ​​խմբեր ուղարկել դաշինքի արևելյան սահմաններԱրմեն Սարգսյանն իր հրաժարականի տեքստում ամեն ինչ բավականին պարզ ներկայացրել էԻ՞նչ է լինելու «Հյուսիս-Հարավ» մայրուղու Սյունիքի հատվածի հետ․ Վարդան ՈսկանյանԱրմեն Սարգսյանը խուսափում է հերթական զիջումների մասը դառնալ. Աննա ԳրիգորյանԱդրբեջանը հայկական կողմին է փոխանցել ևս մեկ աճյունԱյն, ինչ արվում է, արվում է ընդդեմ հայ ժողովրդի, Հայաստանի Հանրապետության և պետականությանԱրձանագրենք, որ Հայաստանում մահացավ վերջին անկախ պետական կառույցըՄեսսին աստիճանաբար ապաքինվում է կորոնավիրուսիցԲացահայտվել է Եղեգնավան գյուղում 2 հոգու դանակահարությունըՆիկոլ Փաշինյանը պատասխանում է լրատվամիջոցների և ՀԿ-ների հարցերին. ուղիղԹուրքիան ամենախոցելի տնտեսություն ունեցող երկրների ցանկում 2-րդն Վերջին երկու ամսվա ընթացքում տնտեսական վիճակը բարելավվել էԱԺ-ում կրկին պարգևատրում են բաժանելԱրմեն Սարգսյանը ստիպված է հրաժարական տվելԱՄՆ-ն սպառնում է արտահանման զանգվածային հսկողություն սահմանել ռուսական առանցքային ոլորտների նկատմամբՀունվարի 24-ին անցկացվել է նորակոչիկ զինծառայողների երդման հանդիսավոր արարողությունՄահվան ելքով վրաերթ՝ Կոտայքի մարզում. կին հետիոտնը տեղում մահացել է (լուսանկար)Ընկերուհու երիկամը ստացած տղամարդը վիրահատությունից հետո լքել է նրանՎրաստանում չորս նախարար վարակվել է կորոնավիրուսովԱդրբեջանում տեղի է ունեցել հայ ռազմագերիների հերթական դատավարությունըԱդրբեջանի պաշտպանության նախարարը մեկնելու է ԻրանԵնթադրելի է՝ նախագահը հրաժարական է տվել վարչապետի հետ սուր տարաձայնությունների պատճառով․ «Կոմերսանտ»Նոր նշանակում՝ քննչական կոմիտեումԽախտումներ՝ հոգեբուժարաններում. ՄԻՊ-ի հրապարակած զեկույցից պատկերը մինչ օրս նույնն էՍտամբուլի օդանավակայանում դադարեցվել են բոլոր թռիչքներըՈւկրաինան հարձակողական գործողություններ է նախապատրաստում․ Կրեմլ ՀՀ հինգերորդ օմբուդսմեն է ընտրվել Քրիստիննե Գրիգորյանը Դավիթ Կիրակոսյանը նշանակվել է ՔԿ Կենտրոն և Նորք-Մարաշ վարչական շրջանների քննչական երրորդ բաժնի պետ Դոլարն ու եվրոն էժանացել են Հնդկաստանում տղամարդը հրկիզել է բանկը, քանի որ նրան հրաժարվել են վարկ տրամադրել Մեղրի քաղաքում ավտոմեքենա է հրդեհվել ՌԴ-ում ՀՀ դեսպան Վարդան Տողանյանը հայտարարել է դիվանագիտական ​​առաքելությունն ավարտելու մասին Դերբի Քաունթիի 18-ամյա պաշտպանը տեղափոխվել է Չելսի