Երևան, 25.Սեպտեմբեր.2021,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Ո՞ւմ ծրագրերն է սպասարկում իշխանությունը. «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Հայաստանում ընտրական գործընթացներին զուգահեռ Շուշիում Թուրքիայի և Ադրբեջանի նախագահների կողմից հռչակագիր ստորագրվեց: ՀՀ ԱԳՆ-ն հայտարարել էր, որ դրա ողջ բովանդակությունը թիրախավորում է հայ ժողովրդին։ Հռչակագրում տեղ էր գտել նաև «Զանգեզուրի միջանցք» արտահայտությունը, խոսվել նաև երկու երկրների ռազմատեխնիկական համագործակցության մասին: Նշենք նաև, որ բացի ակտիվ համագործակցությունից, Թուրքիան և Ադրբեջանը 7 ամսում արդեն 7-րդ համատեղ զորավարժությունն են իրականացնում: Վերջինն անցկացվեց Նախիջևանում՝ հունիսի 21-23-ը: Ռազմական փորձագետ Հայկ Նահապետյանի խոսքով՝ մեծ հաշվով, այն դրույթները, որոնք ամրագրվեցին այդ հռչակագրով, Թուրքիան և Ադրբեջանը վաղուց են կյանքի կոչել:

«Խոսքն առաջին հերթին ռազմատեխնիկական, ռազմական, նաև տնտեսական խորքային համագործակցության մասին է: Այդ հռչակագիրը, ամեն դեպքում, նոր էլեմենտ է պարունակում:Խոսքը Թուրքիայի և ՆԱՏՕ-ի անդամ երկրների համար Ադրբեջանում ռազմաբազա ունենալու ցանկության մասին է, ինչն իրենց համար շատ կարևոր է: Ինչ վերաբերում է «Զանգեզուրի միջանցքին, ապա այն որևէ ձևով ամրագրված չէ ո՛չ նոյեմբերի 9-ի, ո՛չ հունվարի 11-ի հայտարարություններում: Որպես այդպիսին՝ Սյունիքի միջանցք գոյություն չունի, կա այդ տարածքով ԱդրբեջանՆախիջևան-Թուրքիա ճանապարհ, երկաթուղի, գազամուղ և այլն: Միջանցքի վերաբերյալ որևէ խոսակցություն, որևիցե փոխադարձ պարտավորություն, առավել ևս ՌԴ մասնակցությամբ, չկա: Միջանցքի առումով Ադրբեջանի և Թուրքիայի հայտարարածն այս պահին ընդամենը քարոզչական հնարք է և ոչ ավելին: Իհարկե, իրենց համար ՀՀ տարածքում իրավական առումով վերապահված որոշակի անվտանգային գործառույթներ ունենալը կենսական անհրաժեշտություն է, և ամեն ինչ անելու են դրա համար: Հայաստանի խնդիրը դա թույլ չտալն է»:

Ինչ վերաբերում է զորավարժություններին, ապա դրանք, փորձագետի խոսքով, չեն կարող քարոզչական բնույթ կրել. «Դրանք խիստ կիրառական են: Պատերազմում հաղթանակ տանելուց հետո թուրք-ադրբեջանական ռազմաքաղաքական դաշինքը Հայաստանի սահմանների մոտ հարձակողական զորավարժություններ է իրականացնում: Սա նշանակում է, որ այդ երկու պետությունները ՀՀ-ի նկատմամբ տարածքային հավակնություններ ունեն: Այս ամենը շատ լավ է հասկանում Հայաստանի ռազմաքաղաքական դաշնակից ՌԴ-ն և առաջին հերթին Սյունիքի ուղղությամբ փորձելու է իր զինական ներկայությունն ապահովել: ՌԴ-ն լավ է հասկանում, որ աշխարհաքաղաքական նոր իրողությունների պայմաններում կամ ՆԱՏՕ-ի հրամանատարական կազմի կողմից ապագայում ընդունվելիք որոշումների հիման վրա Թուրքիան, կատարելով ՆԱՏՕ-ի հանդեպ ունեցած իր պարտավորությունները, կարող է հարվածել ՀՀ-ին: Ուստի, ՌԴ-ն ամրացնում է Հայաստանի հարավային ուղղությունը»:

Նրա խոսքով՝ նշված զորավարժությունների բնույթից պարզ է դառնում, որ մարտական խնդիրը ՀՀ որոշ տարածքներ վերցնելն է. «Այլ հարց է, թե ՀՀ իշխանությունները և մեր ԶՈւ-երի հրամանատարական կազմը որքանո՞վ են համարժեք գնահատում իրավիճակն ու որքանո՞վ են պատրաստ դիմակայել այդ հարձակմանը: Բայց վտանգներն ու սպառնալիքները խիստ իրատեսական են, ու եթե ՀՀ իշխանությունները դրանք անտեսեն, ծանր հետևանքներ կարող են լինել»:

Հայկ Նահապետյանի խոսքով, մյուս կողմից էլ մարտահրավեր է այս իշխանության վերարտադրությունը: «Այդ մարտահրավերի մի մասն այլևս սպառնալիքի է վերածվել: Եթե ՀՀ իշխանությունները կարողանային կոնսոլիդացնել ժողովրդին, երկրի պաշտպանությունն իրականացնելու գործում միավորեին բոլոր մարդկային ռեսուրսները, կարծում եմ՝ հնարավոր կլիներ չեզոքացնել դրսի ցանկացած սպառնալիք՝ հաշվի առնելով նաև, որ ՀՀ-ն ՌԴ-ի ռազմավարական և ռազմաքաղաքական դաշնակիցն է: Բայց եթե ՀՀ իշխանություններն իրենց պարտվողական քաղաքականությամբ, խաղաղասիրական կոչերով ուղղակի հանձնվում են ուժեղի ողորմածությանը, ապա ուժեղը այս կամ այն ձևով թելադրելու է իր պայմանները: Նիկոլ Փաշինյանը երեք տարվա ընթացքում ցույց տվեց, որ սկզբունքորեն թե՛ երկրին, թե՛ ժողովրդին պարտության է պատրաստում, ու հիմա էլ շարունակում է նույն քաղաքականությունը: 2020-ին նա հայտարարեց՝ «ինչ էլ լինի, մենք մեզ պարտված չենք ճանաչում»:

Պատերազմին դիմագրավող ժողովրդին իր երկրի ղեկավարը սկզբունքորեն պարտության էր տանում: Պատերազմում պարտվելուց հետո ոգեշնչելու, միասնական լինելու տրամաբանությունը և հաղթանակ կերտելու կեցվածքը նա փոխարինում էր ինքնաարդարացմամբ: Այս անձը հիմա ՀՀ վարչապետն է, ու նա շարունակելու է նույն քաղաքականությունը, ինչն արեց 3 տարի: Ես սկզբունքորեն չեմ բացառում, որ, ի վնաս ՀՀ ազգային պետական շահերի, Փաշինյանի վարչակազմը կփորձի Թուրքիայի ու Ադրբեջանի որոշ պահանջներ ևս կատարել, կարող է փորձել զիջել մեր շահերը Թուրքիային և Ադրբեջանին՝ տարածաշրջանում ակնկալելով բարեկեցություն, խաղաղություն և համագործակցություն, որը բնավ չի լինելու:

Թուրքիան և իր դաշնակիցները, մասնավորապես ՆԱՏՕ-ի անդամ երկրները, Հարավային Կովկասում մեկ խնդիր ունեն՝ թուլացնել, այնուհետև զրոյացնել ՌԴ-ի և Իրանի ազդեցությունը բոլոր ոլորտներում, ներառյալ՝ ռազմական: Այս առումով Փաշինյանը սպասարկում է Հյուսիսատլանտյան դաշինքի երկրների ռազմաքաղաքական ծրագրերը Հայաստանում: Այս առումով Հայաստանը դատապարտված է: Միայն մեկ բացառությամբ կարող է այդ սցենարը չիրականանալ: Խոսքը ՌԴ-ի մասին է, որովհետև ՌԴ-ի կողմից կարող է կոշտ միջամտություն լինել ոչ թե ՀՀ շահերը սպասարկելու տիրույթում, այլ իր երկրի շահերի, քանի որ, օրինակ՝ Փաշինյանի որոշումները կարող են հակոտնյա լինել ՌԴ-ի ազգային ու պետական շահերին: Այդ ժամանակ ՀՀ-ում ներքաղաքական լուրջ գործընթացներ կարող են սկսվել»,-եզրափակեց մեր զրուցակիցը:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

Պուտինը գնահատել է Ժիրինովսկու առաջարկներըԲախվել են ռուսական և թուրքական բեռնատար նավերըԱննա Դանիբեկյանը բացառիկ աջակցություն ցուցաբերեց Ադրբեջանի իշխանություններին․ Ագնեսսա Խամոյան. news.amՍեպտեմբերի 26-ին Ստեփանակերտում կկայանա ջահերով երթՌԴ ՊՆ-ն և ԱԳՆ-ն արձագանքել են Ադրբեջանի կողմից հայազգի մարշալ Սերգեյ Խուդյակովի հուշարձանի ոչնչացմանըԹուրքիան զենք կգնի ՌուսաստանիցԲացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքերԱրցախի պետական դրոշն այսօր իջեցվել է Ամարասի վանքի վրայից. Մաճկալաշենի համայնքապետԱդրբեջանը՝ հաղթելով պայմանավորված պատերազմում, ջախջախիչ պարտություն է կրում դիվանագիտական ճակատում. Ա․ՂազինյանԻ՞նչ դրական ազդակներ է Երևանն ուղարկել Անկարային. բացառիկ հարցազրույց ԱԽ քարտուղարի հետ «Ինչ արած»․ դերասնաուհի Ժաննա Վելիցյանը վարակվել է կորոնովիրուսովՍոմալիում պայթյունի հետեւանքով Բուրունդիից 7 խաղաղապահ է զոհվել Գվարդիոլա. Մենք չունենք հարձակվող, որը կարող է մեկ մրցաշրջանում 25 գոլ խփել Աֆղանստանում թալիբները հրապարակային մահապատիժ են կազմակերպել Խնդիր չենք տեսնում, որ խափանման միջոցի փոփոխման հարցը լուծելուց հետո դատաբժշկական փորձաքննություն նշանակվի. փաստաբան Պատերազմի զոհերին նվիրված հուշաքարերի բացում տեղի ունեցավ զորամասերից մեկում (ֆոտո) Լևոն Տեր-Պետրոսյանն առանձնազրույց է ունեցել Արցախի պետնախարար Արտակ Բեգլարյանի հետ ԱՄՆ-ում առաջին անգամ կորոնովիրուս է հայտնաբերվել ընտանի ժանտաքիսի մոտ Էրդողանը հայտարարել է, որ Թուրքիան մտադիր է լրացուցիչ «Ս-400» համակարգեր գնել Ռուսաստանից Փաշինյանը վիրավորանքի քրեականացումն իր ձեռքին դագանակ է դարձրել․ Ռուբեն Մելիքյան (տեսանյութ) Կրթության որակը Հայաստանում կբարելավվի, երբ փոխվի ուսուցչի հանդեպ վերաբերմունքը Սեպտեմբերի 27-ին՝ ժամը 11:00-ին, ՀՀ-ում կհայտարարվի մեկ րոպե լռություն՝ ի հիշատակ 44-օրյա պատերազմում զոհված հայորդիների Մեր խնդիրն է քննարկել, թե ինչ իրավական քայլեր պետք է անել, որպեսզի մեր պայքարը շարունակվի․ Դավիթ Հարությունյան (տեսանյութ) Սերվելատ. ինչո՞ւ այն դարձավ երշիկային պատերազմի պատճառ. «Փաստ» ՊԱՏՄՈՒԹՅԱՆ ԱՅՍ ՕՐԸ (25 ՍԵՊՏԵՄԲԵՐԻ). Շահագործման է հանձնվել տրանսատլանտյան հեռախոսային հաղորդալարը. «Փաստ» Սոչիում հորդառատ անձրևներ են տեղացել. փողոցներն ու բակերը հեղեղված են «Արմատից մինչև տերևներ». ավելին, քան տոհմածառ. «Փաստ» Նման դատավարությունները կարող են տևել մինչև տասը տարի. ե՞րբ կլինեն բարենպաստ պայմաններ. «Փաստ» Պատվաստված մարդը մահացել է կորոնավիրուսից. Արա Զոհրաբյան Արցախում տեղակայված ռուս խաղաղապահները նոր հրամանատար կունենան. Կոսոբոկովը հեռանում էՔաղաքային բնակավայրերի հողերում ծառերի հատումը կարող է իրականացվել միայն համայնքի ղեկավարի թույլտվությամբ. «Փաստ» Գազ չի լինելու. «Գազպրոմ Արմենիա» ՓԲԸ-ն տեղեկացնում էԱֆղանստանցի փախստականները հարձակվել են ամերիկուհի զինծառայողի վրա Կորոնավիրուսի 1066 նոր դեպք է գրանցվել, մեկ օրում 25 մարդ է մահացել «Չպետք է տարբերակում լինի մարզային և մայրաքաղաքային թատրոնների միջև, բոլորը պետք է լինեն ուշադրության կենտրոնում». «Փաստ» Նիկոլ Փաշինյանը նոր որոշում է ստորագրելՕղի թորողները, կամ՝ «աբսուրդի թատրոն». «Փաստ» Ողբերգական դեպք՝ Երևանում. շենքերից մեկի բակում հայտնաբերվել է 32-ամյա տղամարդու դիՁԻՀ-ի «Գիտություն և Պետություն» խորագրով առցանց զրույցի հյուրը Գևորգ Պողոսյանն է Ինչ եղանակ է սպասվում այսօր «Ամեն օր մենք կորցնում ենք մեր երկիրը թե՛ ֆիզիկապես, թե՛ նաև հոգևոր դաշտում». «Փաստ» Նյու Յորքում կայացել է Հայաստանի և Ադրբեջանի արտգործնախարարների հանդիպումը․ այն առաջինն էր 2020 թվականի նոյեմբերից հետո Զարմանում եմ , երբ զարմանում են Նիկոլի թույլ, անհաջող ու վախեցած ելույթից ՄԱԿ-ում. Էդուարդ Շարմազանով Միամիտ հույսեր, ինքնախաբեություն ու պարզ իրականություն. «Փաստ» Ժողովրդավարություն գոչելով՝ նա հանձնեց Արցախը, խաղաղության պոռալով՝ հանձնում է Հայաստանը. Արմեն Աշոտյան Հայաստանի այս իշխանություններն ընդունել են թուրք-ադրբեջանական օրակարգը և շարժվում են այդ ուղղությամբ. Տիգրան Աբրահամյան Ո՛չ ազնիվ են բնակչության հետ, ո՛չ էլ անկեղծ. «Փաստ» Ջուր հավաքեք. Ջուր չի լինելու «Խաղաղություն հաստատելու իշխանության այս թեզը կեղծ է, պոպուլիստական ու վտանգավոր». «Փաստ» «Հրապարակ»․ Իշխանությունը գտավ անցանկալի համայնքապետներից ազատվելու բանալին