Աֆղանստանի հետ սահմանին մեկնարկել են ռուս-ուզբեկական համատեղ զորավարժությունները
ՄԻՋԱԶԳԱՅԻՆՈւզբեկստանի զորավարժարանում սկսվել են ռուս-ուզբեկական համատեղ զորավարժությունները Աֆղանստանի հետ սահմանին, որի շրջանակում երկրներն առաջադրանքներ են մշակում`ուղղված տարածքային ամբողջականության ապահովմանը: Այս մասին հայտնում է ՏԱՍՍ գործակալությունը` հղում անելով ՌԴ Կենտրոնական ռազմական շրջանի մամուլի ծառայությանը:
«ՌԴ Կենտրոնական ռազմական շրջանի շտաբի փոխղեկավար, գեներալ-մայոր Նիկոլայ Տերեշչենկոն և Ուզբեկստանի պաշտպանության փոխնախարար Քադիր Տուրսունովը հաջող փոխգործակցություն են մաղթել զինծառայողներին` վստահություն հայտնելով, որ համատեղ զորավարժություններն էլ ավելի կամրապնդեն երկկողմ ռուս-ուզբեկական համագործակցությունը»,- ասվում է հաղորդագրության մեջ:
Զորավարժություններին, որոնք տևելու են 5 օր, կմասնակցի մոտ 1500 զինվորական երկու երկրի Զինված ուժերի կազմերից: Ռուս զինվորականներն առաջադրանքներ կիրականացնեն զրահատեխնիկայով, որը տրամադրելու է ընդունող կողմը: