Երևան, 28.Հունվար.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Սննդամթերքի անվտանգությունն՝ առաջնահերթություն. ինչի՞ն ուշադրություն դարձնել. «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Սննդամթերքն ունի բուսական և կենդանական ծագում, այն անհրաժեշտ է օրգանիզմի բնականոն կենսագործունեության, ծախսված էներգիայի լրացման, ինչպես նաև բջիջների ու հյուսվածքների կառուցման ու վերականգնման համար։ Սննդի մեջ դրանք օգտագործվում են բնական վիճակում կամ էլ մշակելուց հետո: Այն, իհարկե, ունի փչանալու հատկություն: Հայտնի է, որ արագ փչանում են միսը, ձուկը, կաթը և այլն, ուշ՝ հացահատիկները, ալյուրը, ձավարեղենը, մակարոնեղենը:

«Սպառողների ասոցիացիայի» իրավաբան Սյուզաննա Չիլինգարյանն ասում է՝ սննդամթերքի որակի հսկողության իրականացման հարցում հիմնական օրենսդրական փաստաթուղթ են միջազգային և պետական ստանդարտները, որոնք ընդգրկում են սննդամթերքի որակի հետ կապված բոլոր կարևոր հարցերը։

Անդրադառնալով մեր օրենսդրությանը՝ իրավաբանն առանձնացնում է մի քանի կարևոր կետեր, օրինակ՝ սպառողը պետք է ուշադիր լինի մակնշմանը: ««Սննդամթերքի անվտանգության մասին» օրենքի համաձայն, սննդամթերքի հետ անմիջական շփման մեջ գտնվող նյութերի մակնշումը պետք է ներառի անվանումը, բաղադրությունը, իսկ կաթի և կաթնամթերքի դեպքում` տեղեկատվություն պարենային հումքի մշակման ենթարկված լինելու վերաբերյալ, սննդամթերքի մեջ օգտագործված սննդային հավելումների ցանկը (եթե այդպիսիք կան) և դասիչները, զտաքաշը կամ ծավալը, արտադրման ամսաթիվը, պիտանելիության ժամկետը, պահման պայմանները, արտադրողի, ներմուծողի, վերջիններիս ներկայացուցչի անվանումը (անունը), գործունեության (բնակության) հասցեն, ծագման երկիրը, սննդամթերքում գենետիկորեն ձևափոխված օրգանիզմների օգտագործմամբ ստացված բաղադրիչների առկայության մասին տվյալները: Կարևոր է, որ սննդամթերքի հետ անմիջական շփման մեջ գտնվող նյութերի մակնշումը լինի ընթեռնելի, ամբողջական ու հավաստի, որը հնարավոր կդարձնի սննդամթերքի և դրա արտադրողի նույնականացումը»,-«Փաստի» հետ զրույցում ասում է Չիլինգարյանը:

Ընդգծում է՝ «Սննդամթերքի անվտանգության պետական վերահսկողության մասին» օրենքի համաձայն՝ եթե սննդի օպերատորը պարզել է կամ հիմքեր ունի ենթադրելու, որ իր կողմից շրջանառության մեջ դրված սննդամթերքը կարող է վնաս պատճառել մարդու առողջությանը, ապա նա պետք է անհապաղ տեղեկացնի լիազոր մարմնին իր ձեռնարկած միջոցառումների մասին՝ սպառողի համար ռիսկը կանխարգելելու նպատակով անվտանգության պահանջներին չհամապատասխանող ապրանքների հետկանչով: ««Սննդամթերքի անվտանգության մասին» օրենքի համաձայն՝ սննդամթերքը, սննդամթերքի հետ անմիջական շփման մեջ գտնվող նյութերը համարվում են վտանգավոր, եթե չեն համապատասխանում սննդամթերքի անվտանգության ոլորտի իրավական ակտերով սահմանված անվտանգության և սննդամթերքի հիգիենային ներկայացվող պահանջներին, չունեն անվտանգությունը հավաստող փաստաթուղթ, պիտանիության ժամկետն անցել է»,-հավելում է մեր զրուցակիցը:

Ոլորտում պարբերաբար ստուգումներ են անցկացվում: Ասոցիացիայի իրավաբանը մանրամասնում է՝ ստուգումների կազմակերպման և անցկացման մասին օրենքի համաձայն՝ ստուգումն իրականացնող անձինք իրենց լիազորություններն իրականացնելիս իրավունք ունեն տնտեսվարող սուբյեկտի ներկայացուցչի մասնակցությամբ անարգել մուտք գործել տնտեսվարող սուբյեկտի ստուգվող ստորաբաժանումներ, պահանջել փաստաթղթեր, տվյալներ և այլ տեղեկություններ, բացատրություններ, տեղեկանքներ, որոնք անմիջականորեն առնչվում են իրենց իրավասության շրջանակներում իրականացվող ստուգման նպատակներին և անհրաժեշտության դեպքում ստուգումներին ներգրավել տնտեսավարող սուբյեկտի մասնագետներին` տնտեսվարող սուբյեկտի ղեկավարի կամ նրան փոխարինող անձի համաձայնությամբ, սահմանել ժամկետներ՝ բացահայտված այն թերությունների և խախտումների վերացման համար, որոնք չեն առաջացնում քրեական կամ վարչական պատասխանատվություն:

Կառավարության համապատասխան որոշումների համաձայն՝ պահանջներ են ներկայացվում մսամթերքի, ձվամթերքի արտադրություններին և ոչ միայն: Օրինակ՝ կառավարության 2006 թ.-ի հոկտեմբերի 19-ին N 1560-Ն որոշման համաձայն՝ մսի և մսամթերքի արտադրության գործընթացում կենդանիների սպանդը կազմակերպվում է կառավարության սահմանած կարգով, ապահովելով լիազոր մարմինների սահմանած շինարարական, անասնաբուժասանիտարական, հիգիենիկ նորմերը և կանոնները: Կազմակերպության տարածքը պետք է լինի մաքուր, ցանկապատված, աղբը և թափոնները պետք է հեռացվեն օրական առնվազն մեկ անգամ:

Անհրաժեշտ է պահպանել ջրամատակարարման ու ջրահեռացման համակարգերին, լուսավորությանը, ջեռուցմանը, օդափոխության միկրոկլիմային և աղմուկին ներկայացվող հիգիենիկ պահանջները: Մսամթերքի արտադրության համար օգտագործվող միսը պարտադիր ենթարկվում է անասնաբուժասանիտարական փորձաքննության, իսկ սննդային հավելումները, փաթեթավորող նյութերը Առողջապահության նախարարության կողմից պետք է թույլատրված լինեն սննդամթերքի արտադրությունում կիրառելու համար: Տեղական արտադրության և ներմուծվող միսը վերամշակման է ընդունվում միայն անասնաբուժական ուղեկցող փաստաթղթերի առկայությամբ` անասնաբուժասանիտարական փորձաքննությունից հետո:

Ձվամթերքի արտադրության շուկային ևս որոշակի պահանջներ են ներկայացվում, օրինակ՝ գենետիկորեն ձևափոխված հավերից ստացված ձվերի մակնշումը պետք է պարունակի տեղեկատվություն՝ գենետիկորեն ձևափոխված լինելու մասին»,-ասում է մեր զրուցակիցը՝ հավելելով, որ «Սննդամթերքի անվտանգության պետական վերահսկողության մասին» օրենքի համաձայն՝ արտադրության կամ վերամշակման փուլերում սննդամթերքի հիգիենային ներկայացվող առանձնակի և արտադրության սանիտարահիգիենիկ պահանջների խախտում կամ անհամապատասխանություն հայտնաբերելու դեպքում խախտումը հայտնաբերած տեսչի եզրակացության և լաբորատոր հետազոտության արդյունքների հիման վրա արտադրական գործունեությունն անմիջապես կասեցվում է:

Իրավաբանն ընդգծում է՝ իր առանձնահատկություններն ունի հացի և հացաբուլկեղենի մանրածախ առևտուրը: ««Առևտրի և ծառայությունների մասին» օրենքի համաձայն՝ հացի և հացաբուլկեղենի մանրածախ առևտուրն իրականացվում է հացի և հացաբուլկեղենի մասնագիտացված խանութներում, առանձնացված կրպակներում, սննդամթերքի մասնագիտացված խանութների առանձնացված բաժիններում, սպառողական ապրանքների և գյուղատնտեսական արտադրանքի շուկաների տարածքում գտնվող առանձնացված առևտրի օբյեկտներում: Վաճառվող փաթեթավորված և ոչ փաթեթավորված հացի գնապիտակի վրա նշվում են նաև մեկ միավոր հացի քաշը և դրա շեղումների թույլատրելի չափը»,-հավելում է մեր զրուցակիցը:

Շեշտում է՝ սննդամթերքի արտադրությանը և վաճառքին վերաբերող իրավակարգավորումները բազմազան են, որոնց մասին սպառողը պետք է տեղեկացված լինի, իսկ սննդի որակի, ժամկետանց սննդի հայտնաբերման և այլ խախտումների դեպքում իրավունք ունի դիմելու Սննդի անվտանգության տեսչական մարմնին (Թեժ գիծ՝ (010) 20-60-40, (012) 90-60-90, էլ. փոստ՝ [email protected]):

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

Փաշինյանը ուղերձ է հղել«Կորոնավիրուսի թեստ պատրաստվում եմ հանձնել այսօր». Սուրեն Պապիկյանը չպատասխանեց այլ հարցերի Խաչիկ Ասրյանի և «Հայոց Արծիվների» շնորհավորանքը՝ Հայոց Ազգային Բանակի կազմավորման 30-րդ տարեդարձի առթիվ Հարգելի՛ գործընկերներ, խնդրում եմ դադարեք նայել տարածաշրջանին և Հայաստանին լայնորեն փակ աչքերով. Հայկ Մամիջանյան Այն արհավիրքը, որ եղել է մեզ հետ, մեծ ինքնախաբեության հետևանք է․ Արարատ Միրզոյան Հանրային հեռուստաընկերության եթերում խոսել եմ նախագահի հրաժարականի եւ դրա պատճառների մասին. Թագուհի Թովմասյան «Մերժված» անցյալում, իրական Բանակ ունեցողի հպարտություն. Արտակ Զաքարյան Սպիտակի ոլորաններում, Աշտարակ-Ապարան, Երևան-Սևան և Սյունիքի ավտոճանապարհներին տեղ-տեղ մերկասառույց է, Սարավան-«Զանգեր» կոչվող հատվածը և Վարդենյաց լեռնանցքը դժվարանցանելի են Բանակի տոնը պետք է նշել զինվորի կողքին. Արթուր Վանեցյան ՀՀ Զինված ուժերը նշում են կազմավորման 30-րդ տարեդարձը «Ժողովուրդ». Կաթնամթերքի շուկայում լորջ գնաճ է լինելուԱԺ նախագահը անգլերենով ելույթ է ունեցել ԵԽԽՎ նստաշրջանում ՀԿ-ներին տրվող գումարը նվազեցվել է. «Ժողովուրդ»Նոր հարցաքննություններ անորակ հրթիռների մատակարարման գործով. «Ժողովուրդ»«Հրապարակ».Իշխանությունը կազմակերպված կերպով տապալեց այսօրվա միջոցառումները«Հրապարակ».Ընդդիմադիր դաշինքներում ներքին քննարկումներ են ընթանում նախագահի թեկնածուի շուրջԶելենսկին հեռախոսազրույց կանցկացնի Բայդենի հետՔանաքեռի տներից մեկում հայտնաբերվել է 37-ամյա կնոջ կախված դիՀայոց բանակը մեր ազգի վերածննդի խորհրդանիշն է. Առուշ ԱռուշանյանՌուսաստանը մտադիր է շարունակել երկխոսությունը Ուկրաինայի վերաբերյալ՝ պաշտպանելով իր ազգային շահերը. ՌԴ ԱԳՆՂրղզստանում հայտարարել են, որ Տաջիկստանը ծանր տեխնիկա է կենտրոնացնում սահմանինԿԳՄՍ նախարարը մարզական կոչումներ է շնորհել սպորտի վաստակավոր մարզիչներինԱղջիկը հին նկարները դասավորելիս պարզել է ընտանեկան գաղտնիքըՆշվել են 2022 թվականին ճանապարհորդելու համար ամենավտանգավոր երկրներըՏաջիկստանի և Ղրղզստանի սահմանին տուժածների թիվը հասել է 17-իԱլեն Սիմոնյանը ընդունել է Վրաստանի արդարադատության նախարարինԼավագույն մասնագետներին գտնելու ամենաարդյունավետ մեթոդը հայկական CodeSignal-իցՇոյգուն ներկայացրել է «Օրիոն» անօդաչու թռչող սարքի առաջին մոդելըԹաթոյանն ու Ադրբեջանի հարցերով մշտական զեկուցողը Բրյուսելում քննարկում են անցկացրելԿրթության ոլորտում այսօր չկա համախմբում և խելամիտ կառավարումՆիդեռլանդները պատրաստվում է էներգետիկ ճգնաժամի՝ Ուկրաինայի շուրջ սրման դեպքումՔեզ նոր հաղթանակներ և փառք, իմ հարազա՛տ բանակ․ Սեյրան ՕհանյանՊարույրն ու Հայկազը զոհվեցին Հադրութի ուղղությամբ ծավալված մարտերում․ Տիգրան ԱբրահամյանԱրագածոտնի մարզում 35-ամյա վարորդը Volkswagen-ով գերեզմանների մոտ բախվել է ծառին, կա 3 վիրավորՂրղզստանում խաղաղ բնակիչներին տարհանում են ղրղզա-տաջիկական սահմանին գտնվող հակամարտության գոտուցՆիկոլ Փաշինյանի առցանց ասուլիսը լի էր մանիպուլյացիաներով և ակնհայտ փաստերի խեղաթյուրմամբՊուտինն Էրդողանի հրավերով կայցելի ԹուրքիաՆոր որոշում. աշխատանքներ կիրականացվեն 11 դպրոցների սեյսմիկ անվտանգության բարելավման ուղղությամբԱդրբեջանը Զանգելանում և Լաչինում միջազգային օդանավակայաններ է կառուցելուԲայդենին առողջական պատճառներով իմփիչմենթ են կանխատեսելԱպարանում տան լոգարանում հայտնաբերվել է ամուսնու, իսկ դռան մոտ՝ կնոջ դինԲանակի հիմնադիրները չէին պատկերացնի, որ 30 տարի անց զինվորական և պետական էլիտան խուսափելու է այդ օրը նշելուց. ՎարդևանյանՎանդալիզմ` Հադրութում. ադրբեջանցիները հանել են Սպիտակի Խաչ եկեղեցու գմբեթի խաչըՎուլվերհեմփթոնը ձևակերպել է Չանի ամբողջական տրանսֆերը Ծանոթացեք այն անձանց կազմի հետ, ովքեր գրելու են նոր Սահմանադրությունը. իրավաբանԱռանց զորքերի հայելային հետքաշման մասին ՀՀ առաջարկի իրականացման սահմանազատումն և սահմանագծումն անհնարին կլինի․ Էդուարդ ԱղաջանյանՔՊ-ի եռօրյա հավաքը չեղարկվել է Շարունակում ենք սերտորեն աշխատել հայ-ադրբեջանական սահմանի սահմանազատման հարցով երկկողմ հանձնաժողովի ստեղծման ուղղությամբ. ՌԴ ԱԳՆ Ադրբեջանցի զինծառայող է զոհվել ՀՀ-Թուրքիա բանագնացներն այսուհետ հանդիպման համար երրորդ երկիր չե՞ն մեկնի․ Աղաջանյանը մեկնաբանում է