Yerevan, 06.December.2021,
00
:
00
1 $ = 0 ֏, 1 = 0 ֏, 1 = 0 ֏
BREAKING


«Նվաստացուցիչ պայմաններում խաղաղությունը դանդաղ մահվան դատապարտելուն ուղղված գործընթաց կլինի». «Փաստ»

INTERVIEW

«Փաստ» օրաթերթը գրում է

Ադրբեջանական սադրանքներին և անփոփոխ, եթե չասենք՝ ավելի մեծացող, ախորժակի ու նկրտումների ֆոնին Հայաստանի իշխանությունները նախ՝ դաշտ նետեցին Թուրքիայից եկող դրական ազդակների մասին հայտարարությունը: Ավելի ուշ Նիկոլ Փաշինյանը հայտարարեց, որ Թուրքիայի նախագահի հայտարարություններում Հայաստան-Թուրքիա հարաբերությունները կարգավորելու, հայ-թուրքական երկաթուղին և ճանապարհները վերագործարկելու մասին խոսելու հնարավորություն են տեսնում և պատրաստ են նման խոսակցության: ԵՊՀ դոցենտ, 5165 շարժման անդամ Մենուա Սողոմոնյանի հետ զրույցում անդրադարձել ենք թելադրվող օրակարգին, դրանից բխող վտանգներին ու հնարավոր հետևանքներին:

«Նիկոլ Փաշինյանն ինչ ազդակ ուզում, այդ ազդակն էլ տեսնում է, իսկ իրականում նման ազդակներ չկան: Սա պատերազմում պարտվելուց հետո շատ նվաստացուցիչ պայմաններում խաղաղություն մուրալու օրակարգ է, որովհետև իրականում այդ ազդակները, որպես իրական խաղաղությանը նախապատրաստելու հանգամանք, գոյություն չունեն: Թուրքիայի նախագահն, իհարկե, իր ելույթներում օգտագործել է խաղաղություն բառը, բայց մոտավորապես հետևյալ ենթատեքստով՝ «եթե քեզ խելոք պահես, Հայաստա՛ն, եթե մեր մեր նախապայմանները կատարես…»:

Ի դեպ, կրկին բոլոր նախապայմաններն ուղղակի կամ անուղղակի կերպով մատնանշել է: Խոսքը նախ՝ Հայաստանի՝ Արցախի հիմնահարցից հրաժարվելու, այսինքն, Արցախը Ադրբեջանի մաս ճանաչելու, ինչպես նաև 1990 թ. օգոստոսի 23ին ընդունված անկախության հռչակագրի 11-րդ կետն ի չիք դարձնելու նախապայմանի մասին է, ըստ որի, ՀՀ-ն սատար է կանգնում 1915 թվականին Օսմանյան Թուրքիայում և Արևմտյան Հայաստանում Հայոց ցեղասպանության միջազգային ճանաչման գործին։Եթե Ն. Փաշինյանը նշվածները որպես դրական ազդակ է վերցնում, նշանակում է, ըստ էության, համաձայնում է, որ ՀՀ-ն ձեռքերը պետք է լվա Արցախից, Արցախը թողնի բախտի քմահաճույքին»,-«Փաստի» հետ զրույցում ասաց Մ. Սողոմոնյանը:

Հաշվի առնելով նաև մոտ ապագայում խաղաղության պայմանագրի հնարավոր ստորագրման մասին լուրերը՝ նա հավելեց. «Փաստորեն, ժողովրդին նվաստացուցիչ պայմաններում խաղաղության են պատրաստում, որն, իմ գնահատմամբ, ոչ թե խաղաղություն, այլ էֆթանազիայի նման մի բան կլինի: Այսինքն, չզգալով, բայց դանդաղ մահվան դատապարտելուն ուղղված գործընթաց կլինի»:

Անդրադառնալով հաշտեցման, «խաղաղության դարաշրջան» հաստատելու մասին հայտարարություններին ու դրանց նպատակներին՝ Մ. Սողոմոնյանը մի քանի հանգամանք առանձնացրեց: «Միգուցե սա տարածաշրջանի աշխարհաքաղաքական այս իրողության համատեքստում մի ինչ-որ կոնսենսուսի արդյունքում է տեղի ունենում: Այս ամենը գուցե տարածաշրջանում խաղացող դերակատարների կամ ամենաազդեցիկ դերակատարների համաձայնությամբ է տեղի ունենում, բայց այստեղ մի շատ կարևոր հանգամանք կա: Սա առաջին հերթին գործող իշխանությունների կայացրած որոշումն է: Բայց այս իշխանությունների իրական մոտիվացիան Հայաստանը հզոր ու կենսունակ պետություն դարձնելը չէ, որովհետև այդ նվաստացուցիչ խաղաղությամբ ու դրա վտանգավոր հեռանկարներով մեր երկիրը կենսունակ չի դառնա: Նպատակն իրականում այլ է: Սեփական իշխանությունը պահելու համար ժողովրդին անընդհատ ասվում է՝ «խաղաղություն ենք բերում»:

Սա շատ նուրբ թեմա է, որովհետև ժողովուրդն իրականում ուզում է խաղաղ ապրել: Սակայն անընդհատ մանիպուլացնում են՝ ասելով՝ «խաղաղություն ենք բերում», միևնույն ժամանակ չասելով, թե այդ խաղաղությունը որքանո՞վ փուխր կլինի, դրա տակ ինչե՞ր թաքնված կլինեն, հետագայում ի՞նչ գործընթացներ կարող են տեղի ունենալ: Այս ամենի մասին որևէ բան չասելով, փաստորեն, սրանով դիվիդենտ են շահում և իրենց տխրահռչակ իշխանությունը պահելու, վերարտադրելու նպատակ են հետապնդում»,-ասաց մեր զրուցակիցը:

Թե ինչո՞վ է պամանավորված աշխարհաքաղաքական այլ դերակատարների կոնսենսուսը վերոնշյալ հարցում, Մ. Սողոմոնյանի խոսքով, երկար քննարկման հարց է, բայց այս առումով ևս առանցքային ու կարևոր հանգամանք է գործող իշխանությունների կայացրած որոշումը. «Ճիշտ ուղի կլիներ, եթե կայացվեր մի որոշում այն մասին, որ չենք ճանաչում ներկա իրողությունները, որ Ադրբեջանն օկուպացրել է Արցախի տարածքները, և նման օրակարգի շուրջ կհամախմբվեր ազգային ներուժը:Սա տեղի չի ունենում, որովհետև այդ ամենն իրականացնելու համապատասխան կամք ու կարողություն չկա: Առավել հեշտ է պարզապես իշխանություն պահելով՝ վայելքների մեջ լինել, իսկ իշխանության պահպանման համար օգտագործել այնպիսի նուրբ թեմա, ինչպիսին ժողովրդի համար խաղաղության անհրաժեշտությունն է»:

Անդրադառնալով Արցախին՝ Մ. Սողոմոնյանը նշեց, որ կան մի շարք հանգամանքներ, որոնք վկայում են, որ այս իշխանություններն արդեն իսկ «ձեռքերը լվացել» են Արցախից: «Նախ՝ ԱՀ Սահմանադրությամբ ամրագրված շատ տարածքներ իշխանության վերին մակարդակով, ըստ իրենց, համարվում են որպես Ադրբեջանի տարածքներ: Ավելին, այդ մասին անգամ բարձրաձայն են հայտարարում: Կա՛մ վախենում, կա՛մ դիտմամբ չեն ասում Արցախից օկուպացված տարածքներ՝ օգտագործելով ադրբեջանական տարածքներ եզրույթը: Երկրորդ հանգամանքն այն է, որ ՀՀ քաղաքացի հանդիսացող զինակոչիկներն այլևս Արցախ ծառայության չեն մեկնում: Երրորդ կարևոր հանգամանքն Արցախի անկախության օրվա կապակցությամբ ընդամենը խորհրդարանի փոխնախագահի մակարդակով պատվիրակություն ուղարկելն էր Արցախ: Մյուս հանգամանքն էլ այն է, որ անընդհատ հենց Նիկոլ Փաշինյանն է առաջ տանում սահմանագծում ու սահմանազատում իրականացնելու անհրաժեշտությունը:

Ինչպես հասկանում եմ, ուզում են որքան հնարավոր է շուտ լուծել այդ հարցը, որ սահմանային խնդիրներ չլինեն, որ ադրբեջանցիները չներխուժեն որոշ տարածքներ, չասեն՝ իրենցն է, ինչից էլ կարող է աղմուկ բարձրանալ: Ն. Փաշինյանը հենց աղմուկից է խուսափում, բայց գլոբալ տեսանկյունից, սահմանագծում ու սահմանազատում իրականացնելով՝ Արցախը դե յուրե ճանաչվում է որպես Ադբեջանի մաս: Հաշվի առնելով այս ամենը՝ կարող ենք եզրակացնել, որ իշխանությունները հրաժարվել են Արցախի հիմնահարցին տեր լինելուց, Արցախի հարցով զբաղվելուց: Արցախի հարցերով խորհրդարանում մշտական հանձնաժողով ստեղծելու ընդդիմության առաջարկը չընդունելը ևս ցուցիչ էր: Արցախի հակամարտությունը, Արցախի հիմնախնդիրը հենց այն հարցն էր, որտեղ պետք է վերքաղաքական օրակարգ լիներ: Այս հարցում բոլոր քաղաքական տարաձայնությունները, հակասություններն ու թշնամանքը մի կողմ պետք է դրվեին: Արցախի հարցում ոչ թե քաղաքական խմբի նախընտրությունների հիման վրա ձևավորված, այլ միասնական քաղաքականություն պետք է լիներ»,-նշեց Մ. Սողոմոնյանը՝ ընդգծելով նշվածի բացակայության մասին:

Անդրադառնալով հասարակությանն ուղղված իշխանության հայտարարություններին, որոնք բուռն արձագանքի, քննադատությունների ու լայն քննարկման են արժանանում, մեր զրուցակիցը մի քանի շեշտադրում արեց: Նշենք, որ վերջինը սեպտեմբերի 21-ին Հանրապետության հրապարակում մասշտաբային և գունագեղ տոնակատարության մասին հայտարարությունն է, որը, ըստ Փաշինյանի, առաջին հերթին նվիրված է լինելու Արցախի համար իրենց կյանքը զոհած նահատակների հիշատակին:

«Գործող իշխանությունների վառ ներկայացուցիչներն, իհարկե, խորագետ և ինտելեկտուալ մարդիկ չեն, բայց իրենք, այսպես ասած, կենցաղային առումով բավականին աֆերիստ են իրենց միամիտ բաներ թույլ չտալու տեսանկյունից: Վերոնշյալ հայտարարությունը ևս երկու նպատակ է հետապնդում: Առաջին նպատակը իրենց նշած խաղաղության օրակարգի արագ մոտեցումն է և ժողովրդի մոտ տրամադրություններ ստեղծելը: Պատերազմը, զոհերին մոռանալ տալու հանգամանքն էլ կա՝ «կյանքը շարունակվում է» ասվածի ներքո: Հասկանալի էր, որ վերոնշյալ ձևակերպմամբ հայտարարությանը հետևելու է հասարակական առանձին շրջանակների բուռն արձագանքը, ինչն իրենք, բնականաբար, պատկերացնում էին: Միևնույն ժամանակ, միտումնավոր գնում են դրան:

Նոր թեմաներ բացելով՝ առաջին հերթին մի շարք առավել կարևոր զարգացումներից, գործընթացներից մարդկանց ուշադրությունը շեղելու, մարդկանց էներգիան և զայրույթի պաշարը նման թեմաների վրա պարպելու նպատակ են հետապնդում: Մարդկանց ուշադրությունն ուզում են շեղել կարևոր ու վտանգավոր զարգացումներից, որոնք կապված են հնարավոր խաղաղության պայմանագրի հետ: Խոր կասկածներ կան, որոնք վերաբերում են խաղաղության դավադիր պայմանագրի հնարավոր ստորագրմանը:

Իշխանություններն ուզում են, որ առաջիկայում սպասվող շատ վտանգավոր զարգացումների ժամանակ այդ էներգիան պարպված լինի ու ոչ ոք չընդդիմանա նրան, ինչն իրենք են ուզում անել: Գործ ունենք, մեծ հաշվով, Արցախը, զոհերը մոռացնելու, ամեն ինչ, նաև գաղափարն արժեզրկելու, տաշի տուշիներով կյանքը շարունակելու, այս նյութականացված օրակարգը զարգացնելուն ուղղված հնարքների ու քայլերի հետ»,-եզրափակեց մեր զրուցակիցը:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

Informed means protected: IDBank Unibank was ranked among the list of banks with the best products for SMEs according to SME Banking ClubWith the technical support of Ucom "capture the flag" information security contest took placeInecobank introduces BNPL, the latest trend in worldwide shopping, to Armenia Black Friday at Ucom: up to 70% discount for smart home devices, gadgets and smartphones The 20-episode medical melodrama to be broadcast on UCOM’S ARMENIA Premium TV channelDiscussion on the topic “IT infrastructure as the basis of the digital economy” with the participation of the heads of telecommunication companies in ArmeniaConverse Bank: People are our greatest asset Allow yourself more: Rocket line - the leading Armenian "Buy now, pay later" payment format from Idram&IDBank digital platform Ookla has awarded Ucom with “The fastest fixedline network in Armenia” award“The Power of One Dram” to “Teach for Armenia” Educational FoundationUCOM keeps on supporting the “42 YEREVAN” programming schoolA success story - Smart barn Inecobank at DigiTec 2021. Innovation for convenience At DigiTec, IDBank and Idram will surprise you with their booth and innovative approaches «uNight» to Unite. Ucom celebrated its rebirth Converse Bank has paid coupons for AMD and USD bond From student to employee : IDBank sums up the IDream program and announces the launch of the next phase Ucom offers buying XIAOMI smart sensor set for hime safetyIDBank and YSU summed up the results of the scholarship competition after Gevorg Arshakyan Make payments via Idram in online stores, get free delivery or a cashback and take part in the draw UCOM has officially launched the sale of IPHONE 13 Today, the newly appointed Ambassador of France in Armenia, H.E. Ms. Anne Louyot visited the Engineering City (EC)Unibank issued preferred shares with a 12% yield At Ucom only: TV sets at 10% discount + 1 month free uMix package + 4K TV channelAn abundant TechnoFall with Inecobank - NFC payments and moreUcom hosted interns of russian CBOSS corporation for a month The 20-episode “BLOODY BET” thriller to be broadcast on UCOM's “ARMENIA PREMIUM” TV channelA Success Story - Green EnergyUCOM offers affordable gadgets at bigger discountВ компании Ucom действует предложение «Доступное, со скидкой» Armenian teams won silver and bronze medals in the international festival of intellectual games UCOM prolongs the unlimited internet offer for the level up 4700 and level up 5500 subscribers Ucom employees received recognition for their services to the homeland IDBank as a sponsor of the charity concert "Armenian Rock for Children with Cancer"IDBank prematurely finished the placement of the second tranche of bonds of 2021Unibank will celebrate its 20th anniversary organizing a festival of intellectual games Naregatsi Art Institute marked its 17th anniversaryА success story - Argentinean center "UDAYS" special offer at UCOM: disconts for all smartphones and accessories for 2 days only IDBank issues another tranche of dollar bondsNew subscribers of the UCOM’S MOBILE INTERNET UGO 5500, UGO 7500 AND UBOX 12500 tariff plans to get 2x more intrnetAt UCOM only: NEPLUS NORD N100 smartphone + LEVEL UP 2700 inclusions 3 months for free + SIM-CARD with a nice number Ucom subscribers to benefit from another reduction of roaming rates starting from 4.4 AMD per 1 MBIDream Online. the start of your career Ucom TV subscribers to watch UEFA Super Cup match on first Armenian sports TV channels Ucom and Teach for Armenia team up to boost student leadership in Armenia and ArtsakhYSU with financial support of IDBank announces Scholarship Competition after Gevorg Arshakyan 6,925,000 AMD to the Insurance Foundation for Servicemen: The next beneficiary of the “Power of One Dram" is the Vahe Meliksetyan Fund Ucom is the first company in Armenia to rebroadcast a 4K tv channel