Yerevan, 06.December.2021,
00
:
00
1 $ = 0 ֏, 1 = 0 ֏, 1 = 0 ֏
BREAKING


«Հայաստանում գործող իշխանությունը որևէ կերպ Հայաստանի շահերը չի սպասարկել». «Փաստ»

INTERVIEW

«Փաստ» օրաթերթը գրում է

Ադրբեջանական վերահսկողության հաստատումը հայ-իրանական միջպետական ճանապարհին, ըստ «Կովկաս» ինստիտուտի փորձագետ Հրանտ Միքայել յանի, մեկ ընդհանուր խնդրի մի հատվածն է միայն: Իսկ այդ ամենամեծ խնդիրը ՀՀ վտանգված պետականության հարցն է: Անդրադառնալով նախ Գորիս-Կապան միջպետական մայրուղու Քարահունջ-Որոտան տեղամասում ադրբեջանական ոստիկանական կետի տեղակայմանը, ադրբեջանցիների կողմից իրանական մեքենաները կանգնեցնելու, գումար պահանջելու, նույնիսկ ձերբակալելու փաստերին՝ մեր զրուցակիցը շեշտեց մի քանի ռիսկերի մասին:

«Եթե իրանական տնտեսվարողները համարեն, որ հայկական ճանապարհն իրենց համար անվտանգ չէ, դեպի Հայաստան ապրանքների հոսքը կարող է նվազել: Կարող է նվազել նաև այն ապրանքների հոսքը, որը Հայաստանով դեպի Վրաստան է գնում: Բացի այդ, կան անվտանգության ռիսկեր նաև իրանցի վարորդների համար: Իրենք կարող են որոշել, որ Հայաստանի հետ գոնե այս փուլում չարժե բիզնես անել, մինչև չհամոզվեն, որ իրավիճակը կարգավորվում է: Այսպիսով, մենք միայն ծայրահեղ անհրաժեշտ ապրանքների ներկրում կունենանք, այն էլ՝ ավելի բարձր գներով: Բացի այդ, ներկրումից զատ, կարող է նվազել նաև արտահանումը: Իսկ ընդհանուր առմամբ, Ադրբեջանը Հայաստանին պարկի մեջ է գցում՝ թույլ չտալով որևէ հարցում ազատ գործել: Երբ խոսվում է կոմունիկացիաների ապաշրջափակման մասին, պետք է հասկանալ, որ Ադրբեջանը հակառակն է անում, այսինքն, փորձում է Հայաստանի բոլոր կոմունիկացիաները շրջափակել»,- «Փաստի» հետ զրույցում ասաց փորձագետը՝ նշելով, որ այս իրավիճակին են նպաստել նաև մինչ այս տեղի ունեցած սահմանազատման որոշ գործընթացներ, երբ, օրինակ՝ թշնամուն թույլ տրվեց հաստատվել Շուռնուխ գյուղում:

«Հիմա այդ ամենի հետևանքներն ենք կրում: Այն, ինչ ասվում էր գրեթե մեկ տարի առաջ, հիմա իրականություն է դառնում, ինչը չպետք է զարմացնի: Հարց է նաև, թե ում օգտին է ապաշրջափակման հետ կապված ՀՀ իշխանությունների լավատեսությունը: Հայաստանում գործող իշխանությունը որևէ կերպ Հայաստանի շահերը չի սպասարկել: Ե՞րբ կարող ենք նման դեպք հիշել: Այս պարագայում չպետք է զարմանալի լինի, որ Հայաստանի շահերը կարևորագույն պահերին հաշվի չեն առնվում: Ինչ վերաբերում է ապաշրջափակմանն ու դրա հնարավոր հետևանքներին լայն իմաստով, ապա ցանկացած պահի, նաև այս պարագայում, պետք է հաշվի առնվեն պետական մեքենայի գործողությունների երկարատև արդյունքները: Խոսքը նաև հայտարարությունների, անգամ տարբեր պաշտոնների նշանակման մասին է: Այս ամենի համար կոմպետենտություն ու մտածելակերպ է պետք, հարկավոր է նաև հաշվի առնել հենց Հայաստանի շահերը: Մինչդեռ ստեղծված իրավիճակն այս ամենի բացակայության արդյունքն է: Ադրբեջանը երբեք չի ասել, որ Հայաստանի հետ բարեկեցիկ հարևանություն է ուզում: Ադրբեջանը միշտ հայտարարել է, որ ուզում է կոտրել Հայաստանը, զավթել ՀՀ տարածքները և ոչնչացնել Հայաստանի պետականությունը: Եթե մենք այդքանը չենք հասկացել, ուրեմն դա հենց մեր խնդիրն է»,-ասաց Հ. Միքայելյանը:

Նրա խոսքով, ոչ թե Սյունիքը, այլ ամբողջ Հայաստանն է վտանգի առաջ. «Տարածքային առումով առաջին հարվածը Սյունիքին է գալիս: Այնպես, ինչպես մեկ տարի առաջ հարվածեցին Արցախին: Հիմա շատ են ասում, որ արդեն ՀՀ սուվերեն տարածքին են հարվածում, մի բան պետք է անել: Բայց մենք պետք է մի բան անեինք մինչև պատերազմը: Հարցն այն է, որ մենք խնդիրը հատվածական ենք դիտարկում, իսկ ադրբեջանցիները՝ ընդհանրության մեջ: Մեզ համար խնդիրը զուտ տնտեսական կամ միայն Սյունիքի մասով չէ: Հարված է հասցվում ՀՀ պետականության ուղղությամբ, ու այդ հարվածով Ադրբեջանն ուզում է ՀՀ պետականությունը ոչնչացնել, ինչի մասին բազմիցս հայտարարել են, ու այդ ուղղությամբ տարբեր գործողություններ են իրականացվել: Եթե մենք խնդիրը կոնմպլեքսային չդիտարկենք ու փորձենք բաժանել փոքր մասերի, ապա խնդիրը չենք լուծի: Տեսեք, ո՞րն է գերիներին պահելու նպատակը, ինչո՞ւ են տարբեր տարածքներում փորձում առաջ գնալ, ճանապարհներն ինչո՞ւ են փակում: Առանձին խնդիրների, իհարկե, կարելի է արձագանքել, բայց դա ընդամենը լրահոս կլինի: Արձագանքը պետք է կոմպլեքսային լինի, որովհետև ոչ թե այսօրվա, այլ Հայաստանի պետականության խնդիրը պետք է լուծվի»,-ասաց փորձագետը:

Այս համատեքստում անդրադառնալով իշխանության կեցվածքին ու հայտարարություններին, երբ մի դեպքում կարող են ասել՝ «թշնամին Սովետական Ադրբեջանի տարածքում է հենակետ դրել», մյուս դեպքում շարունակել ադրբեջանական տեղանուններ օգտագործել, այլ դեպքում էլ գերիների հետ կապված ՄԻՊ-ի զեկույցը հնարած համարել, Հ. Միքայել յանը, շարունակելով օրինակները, արձագանքեց. «Երբ իշխանությունը սպասարկում է Թուրքիայի ու Ադրբեջանի շահերը, ՀՀ ԶՈւ ԳՇ-ի հետ հակասությանը կարող են միանգամից արձագանքել Թուրքիայից: Երբ իշխանությունը սպասարկում է Թուրքիայի շահերը, կարող ենք տարբեր օղակներից թուրքական ապրանքների լոբբիզմի ականատես լինել:

Ցուցիչներից մեկը թուրքական ապրանքների մուտքը ՀՀ շուկա կրկին բացելու նախաձեռնությունն է: Տեսնում ենք նաև, որ նույն կառավարությունը հաջորդ շաբաթ պատրաստվում է Հանրապետության հրապարակում անհասկանալի մի բան նշել, իսկ հրապարակում թուրքական ֆուռեր են կանգնած, ու ապրանքները թուրքերն են անմիջապես բերում (անկախ նրանից, թե որ երկրից), ինչն օրենքով արգելված է: Մեծ հաշվով, այս ամենից կարելի է հասկանալ, որ այս իշխանությունը թուրքական, այդ թվում՝ նաև Ադրբեջանի շահերն է սպասարկում, գործում է Թուրքիայի աջակցությամբ և Թուրքիայի օգտին»:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

Informed means protected: IDBank Unibank was ranked among the list of banks with the best products for SMEs according to SME Banking ClubWith the technical support of Ucom "capture the flag" information security contest took placeInecobank introduces BNPL, the latest trend in worldwide shopping, to Armenia Black Friday at Ucom: up to 70% discount for smart home devices, gadgets and smartphones The 20-episode medical melodrama to be broadcast on UCOM’S ARMENIA Premium TV channelDiscussion on the topic “IT infrastructure as the basis of the digital economy” with the participation of the heads of telecommunication companies in ArmeniaConverse Bank: People are our greatest asset Allow yourself more: Rocket line - the leading Armenian "Buy now, pay later" payment format from Idram&IDBank digital platform Ookla has awarded Ucom with “The fastest fixedline network in Armenia” award“The Power of One Dram” to “Teach for Armenia” Educational FoundationUCOM keeps on supporting the “42 YEREVAN” programming schoolA success story - Smart barn Inecobank at DigiTec 2021. Innovation for convenience At DigiTec, IDBank and Idram will surprise you with their booth and innovative approaches «uNight» to Unite. Ucom celebrated its rebirth Converse Bank has paid coupons for AMD and USD bond From student to employee : IDBank sums up the IDream program and announces the launch of the next phase Ucom offers buying XIAOMI smart sensor set for hime safetyIDBank and YSU summed up the results of the scholarship competition after Gevorg Arshakyan Make payments via Idram in online stores, get free delivery or a cashback and take part in the draw UCOM has officially launched the sale of IPHONE 13 Today, the newly appointed Ambassador of France in Armenia, H.E. Ms. Anne Louyot visited the Engineering City (EC)Unibank issued preferred shares with a 12% yield At Ucom only: TV sets at 10% discount + 1 month free uMix package + 4K TV channelAn abundant TechnoFall with Inecobank - NFC payments and moreUcom hosted interns of russian CBOSS corporation for a month The 20-episode “BLOODY BET” thriller to be broadcast on UCOM's “ARMENIA PREMIUM” TV channelA Success Story - Green EnergyUCOM offers affordable gadgets at bigger discountВ компании Ucom действует предложение «Доступное, со скидкой» Armenian teams won silver and bronze medals in the international festival of intellectual games UCOM prolongs the unlimited internet offer for the level up 4700 and level up 5500 subscribers Ucom employees received recognition for their services to the homeland IDBank as a sponsor of the charity concert "Armenian Rock for Children with Cancer"IDBank prematurely finished the placement of the second tranche of bonds of 2021Unibank will celebrate its 20th anniversary organizing a festival of intellectual games Naregatsi Art Institute marked its 17th anniversaryА success story - Argentinean center "UDAYS" special offer at UCOM: disconts for all smartphones and accessories for 2 days only IDBank issues another tranche of dollar bondsNew subscribers of the UCOM’S MOBILE INTERNET UGO 5500, UGO 7500 AND UBOX 12500 tariff plans to get 2x more intrnetAt UCOM only: NEPLUS NORD N100 smartphone + LEVEL UP 2700 inclusions 3 months for free + SIM-CARD with a nice number Ucom subscribers to benefit from another reduction of roaming rates starting from 4.4 AMD per 1 MBIDream Online. the start of your career Ucom TV subscribers to watch UEFA Super Cup match on first Armenian sports TV channels Ucom and Teach for Armenia team up to boost student leadership in Armenia and ArtsakhYSU with financial support of IDBank announces Scholarship Competition after Gevorg Arshakyan 6,925,000 AMD to the Insurance Foundation for Servicemen: The next beneficiary of the “Power of One Dram" is the Vahe Meliksetyan Fund Ucom is the first company in Armenia to rebroadcast a 4K tv channel