Թուրքիան զենք կգնի Ռուսաստանից
ՄԻՋԱԶԳԱՅԻՆԱնկարան մտադիր է Մոսկվայից գնել լրացուցիչ С-400 զենիթահրթիռային համակարգեր: Այս մասին հայտարարել է Թուրքիայի նախագահ Ռեջեփ Թայիփ Էրդողանը ամերիկյան CBS հեռուստաալիքին տված հարցազրույցում:
Լրագրողի այն հարցին, թե արդյո՞ք Անկարան պլանավորում է դա անել, թուրք առաջնորդը պատասխանել է․ «Ապագայում ոչ ոք չի կարող միջամտել, թե ինչ պաշտպանական համակարգեր ենք ձեռք բերում, որ երկրից, ինչ մակարդակով: Ոչ ոք չի կարող միջամտել դրան: Միայն մենք կարող ենք նման որոշումներ կայացնել»: «Իհարկե այո», - ընդգծել է Էրդողանը:
Հարցին, թե գիտակցո՞ւմ է Էրդողանն արդյոք, որ Միացյալ Նահանգները չեն կարողանա վստահել Թուրքիային դրա պատճառով, Էրդողանը պատասխանել է. «Ահա թե ինչ կասեմ։ Երկար ժամանակ Միացյալ Նահանգները սպառնում էր Թուրքիային С-400- ի գնման համար՝ մի շարք միակողմանի պատժամիջոցների կիրառմամբ, բայց չէր շտապում այդ քայլերը ձեռնարկել, քանի որ վախենում էր ՆԱՏՕ-ի առանցքային հարաբերությունների հետագա սրումից: Անկարան զգուշացնում է, որ անպատասխան չի թողնի նման սահմանափակումների կիրառումը»,֊ասել է Էրդողանը: