Երևան, 16.Հունիս.2024,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Եթե ունենանք հզոր գիտություն, մեր պետությունը երբեք չի ընկճվի»․ «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Քիմիական գիտությունների թեկնածու, ԳԱԱ Օրգանական և դեղագործական քիմիայի գիտատեխնոլոգիական կենտրոնի Նուրբ օրգանական քիմիայի ինստիտուտի հոգեմետ միացությունների լաբորատորիայի ավագ գիտաշխատող Շուշանիկ Դաշյանի հետ, բնական է, զրուցել ենք գիտության, անցկացվող մրցույթների ու տրամադրվող դրամաշնորհների մասին, ինչպես նաև, թե ինչով է զբաղվում կենտրոնում ձևավորված գիտական խումբը:

No description available.

«Տրամադրվող դրամաշնորհի սահմաններում ձևավորվեց գիտական խումբ, բայց ինքս աշխատում եմ կենտրոնի Նուրբ օրգանական քիմիայի ինստիտուտի հոգեմետ միացությունների լաբորատորիայում: Ավագ գիտաշխատող եմ: 2020 թ.-ին Գիտության կոմիտեի կողմից հայտարարվել էր մրցույթ կին գիտնականների առաջխաղացման վերաբերյալ: Արդյունքում ստեղծվել է թիմ, որում ընդգրկված են երիտասարդ գիտաշխատողներ: Թիմն ընդհանուր առմամբ բաղկացած է հինգ անձից: Չորս ավագ գիտաշխատողներ են, հինգերորդը՝ ասպիրանտ: Մեր թիմի երեք աշխատակիցներս, բացի գիտական գործունեությունից, վարում ենք նաև գիտամանկավարժական գործունեություն, դասավանդում ենք:

No description available.

Արտասահմանցի երկու ուսանող դրամաշնորհի թեմայի սահմաններում կիրականացնեն իրենց ատենախոսական աշխատանքները, ունենք ակադեմիայի երկու մագիստրոս, որոնք դարձյալ դրամաշնորհի շրջանակներում կիրականացնեն իրենց ատենախոսական աշխատանքները: Բացի դա, Սլավոնական համալսարանից ունենք տղա ասպիրանտ, որի կողմից իրականացվում են «ինսիլիկո» հետազոտություններ, հուսանք՝ շուտով նա էլ կիրականացնի իր ատենախոսական աշխատանքը: Ակամայից խումբը բազմանդամ է դարձել, կազմված է երիտասարդներից և արդեն իսկ պլանավորում ենք շրջայցներով հանդես գալ, ներգրավվել ոչ միայն բուհական, այլև դպրոցական անձնակազմերին: Կազմակերպում ենք միջոցառումներ ոչ միայն բակալավրիատի և մագիստրատուրայի ուսանողների համար, այլ նաև հրավիրում ենք աշակերտներին, որոնք հետաքրքրված են բնական գիտություններով»,-«Փաստի» հետ զրույցում ասում է Շուշանիկ Դաշյանը:

No description available.

Ընդգծում է՝ այս կերպ վերականգնում են գիտության նկատմամբ հետաքրքրությունը: «Ինքներս երիտասարդներ ենք, մեր փորձը մեծ չէ, ավագ գիտնականները մեզ ուղղորդում են, մեր ղեկավարները մեզ տալիս են մտքի ազատություն, մեր ցանկացած գաղափարին իրենք այսպես են արձագանքում՝ գործեք: Եվ դա տալիս է իր արդյունքները: Հասանք նրան, որ տարբեր ինստիտուտների ներկայացուցիչներից գիտական խումբ ձևավորեցինք, աշխատում ենք և այսօր ունենք արդյունք թե՛ օրգանական քիմիայի, թե՛ դեղագործության, թե՛ կենսօրգանական քիմիայի ասպարեզներում: Սեմինարներ ենք անում խմբի ներսում և փորձում ենք բարձր ինդեքսավորում ունեցող պարբերականներում մեր կատարած գործունեության մասին հոդվածներ տպագրել»,- նշում է մեր զրուցակիցը:

No description available.

Գիտական խումբը պոտենցիալ կենսաբանորեն ակտիվ պիրիդինի նոր ածանցյալի սինթեզ է իրականացնում: «Ուսումնասիրում ենք դրանց վերախմբավորման ռեակցիաները և իրականացնում նաև մոլեկուլային մոդելավորում: Նպատակն է նոր պոտենցիալ դեղամիջոցի հայտնաբերումը: Մեր կողմից քայլեր են կատարվում, որ ֆինանսավորում ստանանք և մեր ձեռք բերած պոտենցիալ նոր դեղամիջոցներն անցնեն նախակլինիկական ու կլինիկական հետազոտություններ և, ինչու ոչ, Հայաստանում ունենանք այդ դեղորայքի արտադրությունը: Մեր ինստիտուտը, կենտրոնն ունի դեղերի արտադրության փորձ: Ճիշտ է, մեր լաբորատորիայի ուղղվածությունը դեպի նեյրոտոպ դեղամիջոցների սինթեզն է, բայց ունենալով ավագ սերնդի փորձը, փորձեցինք ընդլայնել կենսաբանական սպեկտորը:

No description available.

Ինչո՞ւ ենք իրականացնում մոդելավորում, այսպիսով կանխատեսում ենք ամբողջ լայն սպեկտորը: Ուղղվածությունը կարող է լինել հակաուռուցքային, նեյրոտրոպ, հակամանրէային, հակասնկային, հակավիրուսային և այլն: Համագործակցում ենք տարբեր ինստիտուտների հետ և եթե կանխատեսել ենք, որ մեր նոր սինթեզած միացությունն ունի, օրինակ՝ հակավիրուսային ազդեցություն, ապա մեր ակադեմիական ինստիտուտների շրջանակներում փնտրում ենք այն գիտական խմբին, որն ունի փորձ և իրականացնում է այդ միացության կենսաբանական ակտիվության ուսումնասիրությունը: Սկսվում է մեր համագործակցությունը, հետագայում նաև հոդվածներ ենք տպագրում, ինչը հենք է հանդիսանում ավելի մեծ ֆինանսավորում ունեցող թեմատիկ դրամաշնորհներին դիմելու համար»,-ասում է Դաշյանը:

Ընդգծում է՝ սկսել է աշխատել 2011 թ.-ին:«Այդ ժամանակ գիտնականի աշխատավարձը շատ ցածր էր, բայց հետագայում աշխատելու ընթացքում հասկացանք, որ կարող ենք բարելավել վիճակը: Մեզ աջակցում է Գիտության պետական կոմիտեն, որը ֆինանսավորում է մեր գաղափարները, որ դրանք ուղղակի չկորեն: Կա մտքի ճկունություն, աշխատասիրություն, ցանկություն, ուրեմն հավանականությունն էլ մեծ է, որ ամեն ինչ կստացվի: Միևնույն ժամանակ, ընդգծենք, որ միայն սա բավարար չէ: Ինքս ներկա պահին ունեմ հինգ թեմատիկ աշխատանք, որոնցից երկուսում գիտական ղեկավար եմ: Կարողանում ենք օգտվել այն հնարավորություններից, որոնք մեզ ընձեռնվում են: Ունենք երիտասարդ գիտնականների աջակցության ծրագիր, որը շատ մեծ աջակցություն է երիտասարդ գիտնականներին:

Հիմա դիմել ենք սարք/սարքավորումների մրցույթին, շահել ենք, շուտով սարքերը տեղ կհասնեն և մեր ուսանողներն իրենց ատենախոսական աշխատանքները կարող են լիարժեքորեն ներկայացնել: Այս ամենը ոգևորում է թե՛ մեզ, թե՛ ուսանողներին, մենք հասկանում ենք, որ գիտությունը ճահճացած չէ: Միշտ մտածում ենք՝ սա ունենք, լավ է, բայց պետք է էլ ավելիին ձգտենք: Նույն ոգևորությունն ու մտածելակերպը փոխանցում ենք նաև ուսանողներին: Եթե ունենանք հզոր գիտություն, մեր պետությունը երբեք չի ընկճվի: Օրինակ՝ վերջերս «Ֆիլիպ Մորրիս» ընկերության ներկայացուցիչների հետ ունեցել ենք հանդիպումներ: Մեր թիմը պատրաստակամություն հայտնեց շրջայցեր կատարել մարզերում, դասավանդել, սա ևս շատ կարևոր է, ամեն ինչ չպետք է կենտրոնանա միայն մայրաքաղաքում»,-եզրափակում է Շուշանիկ Դաշյանը:

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

Մինչև 20։00-ն ջուր չի լինի Նոր ցիկլոն է ներթափանցում Հայաստան. ինչ եղանակ է կանխատեսում Գագիկ Սուրենյանը Xiaomi նոր արտաքին տեսախցիկի արևային վահանակն ունի փոշա - ջրակայուն կառուցվածք ՀՀ ՊՆ-ն հաղորդագրություն է տարածել «Իզմիրլյան» ԲԿ-ում ենք՝ պրոֆեսոր Չարչյանի անձնական վերահսկողությամբ․ Արփի Հարությունյան Գեղամա լեռներ․ տարվա երեք եղանակ՝ նույն պահին, նույն վայրում. Գագիկ Սուրենյանը լուսանկար է հրապարակել Հատիս-Կապուտան բնակավայրերի դժվարանցանելի հատվածում հայտնաբերվել է տղամարդու դի, կողքին՝ հրացան Ռուբլին անկում է գրանցել. փոխարժեքն այսօր՝ հունիսի 16-ին Շուռնուխ բնակավայրը հայտնվել է տրանսպորտային մեկուսացման մեջ Մաշտոցի պողոտայում՝ 19-ամյա երիտասարդի սպանության կադրերը «Տավուշը հանուն հայրենիքի» շարժումը հանդես է եկել հայտարարությամբ Լույս չի լինելուՈւժգին կարկուտ՝ Գորիս համայնքում․ լիովին ոչնչացվել են պտղատու այգիները և մշակաբույսերի դաշտերը (լուսանկարներ) Գազ չի լինելու Նոր մանրամասներ՝ զինվորի մահվան հանգամանքներից Նոան պայմանագիր է կնքել պորտուգալացի ֆուտբոլիստի հետ Քարկոփ բնակավայրում ամբողջությամբ վերականգնվել է բնակարանների խմելու ջրի մատակարարումը Հատիս-Կապուտան բնակավայրերի միջնամասի դժվարանցանելի հատվածում հրազենային վնասվածքով տղամարդու դի է հայտնաբերվել Սերն է պակասել բոլորին. Սիրուշո Գետամեջ գյուղում հրդեհ է բռնկվել Ճանապարհը զիջելու հարցի շուրջ առաջացած վեճի հետևանքով 19-ամյա երիտասարդ է դանակահարվել Կառավարության նախաձեռնությունը միտված է կիբեռհանցավորության դեմ պայքարում արդյունավետ գործիքակազմին. ՆԳՆ տեղակալ Շուռնուխ բնակավայրը հայտնվել է տրանսպորտային մեկուսացման մեջ ՀՀ ԱԽ քարտուղար Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին» Կանխատեսվու՞մ է ուժեղ գեոփոթորիկ․ ի՞նչ կզգան մարդիկ Շարունակում ենք սպորտային մշակույթը դարձնել մարդկանց առօրյա կյանքի անբաժանելի մասը․ Տիգրան ԱվինյանՄայր Աթոռում կատարվեց սարկավագների ընծայման կարգը «Սուրբ Հովհաննես» մատուռի մոտակայքում քաղաքացին ընկել և վնասել է ոտքը Հայաստանում երկաթուղային հաղորդակցությունը վերականգնվել է ժամանակացույցից շուտ Լույս տղերքը գնում են ծառայելու, մեռնում են՝ առանց ժառանգներ ունենալու․ Ինչի՞ եք խլել էս լույս մարդու կյանքը Վրացական պատվիրակությունը ժամանել է Հայաստան՝ ներկայացնելու Վրաստանում պահվող հայկական ձեռագրերը Գլենդելի քաղաքապետն այցելել է Գյումրի Աղետի գոտում տուժածները դեռ փոխհատուցում չեն ստացելԲաղրամյան պողոտայում ոչ սթափ վարորդը Toyota-ով վրաերթի է ենթարկել փողոցը արգելված հատվածով անցնող կնոջն ու երեխային Ծնվել է երգիչ Տիգրան Ասատրյանի թոռը (լուսանկար) Խոշոր ավտովթար` Արմավիրի մարզում. 4 մարդ վիրավոր է Հրազդանն ու Մոնպելիեն հռչակվել են քույր քաղաքներ Առաջացել է GG ընկերությանն առնչվող 3 հասցեում խուզարկություններ իրականացնելու անհրաժեշտություն. ՔԿ ԱՄՆ-ն 1,5 մլրդ դոլար կհատկացնի Ուկրաինային Գազատարի վրա հրդեհ է բռնկվել, պայթյուն է որոտացել (տեսանյութ) «gg»-ի գրասենյակից առգրավվել է 26 համակարգիչ․ մանրամասներ ԱԱԾ-ն հրավիրում է արցախցիներին ծառայության շենք Վթար՝ Արարատում. Վեդիում «Mitsubishi»-ն վթարային իրավիճակ է ստեղծել «Վիլիս»-ի համար Հայաստանի և Վրաստանի միջև երկաթուղային կապը վերականգնվել է Ռուսաստանի օգնությամբ․Օվերչուկ Հավաքին մասնակցելու նպատակով այլ անձանց նյութապես շահագրգռելու համար մեկ անձ ձերբակալվել է, մեկին էլ ձերբակալելու որոշում է կայացվել. ՔԿ Ուկրաինայի հակամարտության կարգավորման վերաբերյալ Պուտինի առաջարկը լուրջ չէ․ Շոլց Մինչև հուլիսի 1-ը երեկոյան ժամերին նշված հատվածը փակ կլինի Երկար ժամանակով ջուր չի լինի Կոմիտասը հայկական ինքնության առանցքն է․ Ավինյան Գերասիմ Վարդանյանը ձերբակալվեց