Երևան, 26.Հունվար.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Համոզված եմ, որ ներքին պայմանավորվածություններով ամեն ինչ լուծված է». «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Այսօր պաշտոնական հանդիպումների վերաբերյալ մեկնաբանություններն ու հայտարարությունները միշտ պետք է համադրել իրականության հետ: Եվ այս իմաստով տպավորությունն այնպիսին է, որ իրական գործողությունները կատարվում են ոչ պաշտոնական շփումների միջոցով:

«Փաստի» հետ զրույցում նման կարծիք է հայտնել Ցանցային հետազոտությունների ինստիտուտի ղեկավար Գագիկ Հարությունյանը՝ անդրադառնալով Հայաստանի և Ադրբեջանի պետական սահմանների սահմանազատման և սահմանագծման հնարավոր գործընթացի վերաբերյալ պաշտոնական դիրքորոշումներին, նաև նոյեմբերի 26-ին Սոչիում տեղի ունեցած ՀՀ, ՌԴ և Ադրբեջանի ղեկավարների հայտարարությանը, որում ընդգծվել էր նշված գործընթացի շուրջ երկկողմ հանձնաժողովի ստեղծման պայմանավորվածության մասին: «Կարծում եմ՝ արդեն որևէ կասկած չկա, որ, այսպես կոչված, հայկական կողմը և ադրբեջանական, թուրքական պաշտոնատար անձինք միմյանց հետ շփվում են ու հարցերը փորձում են բարձրագույն մակարդակով լուծել: Իսկ թե ինչու եմ հայկական կողմը չակերտավոր համատեքստում մատնանշում, որովհետև այդ անձինք իրականում չեն ներկայացնում հայկական կողմի շահերը: Ես համոզված եմ, որ ներքին պայմանավորվածություններով ամեն ինչ լուծված է»,- ասաց նա՝ շեշտելով, որ խոսքը թե՛ սահմանազատման և սահմանագծման, թե՛ նաև ապաշրջափակման ու «միջանցք» կոչվածի իրագործման նպատակների մասին է:

«Իրականում այս իշխանություն կոչվածի պարագայում պաշտոնական հայտարարությունները և իրական գործողություններն էապես միմյանցից տարբերվում են: Օրինակ՝ երբ դեռ սահմանագծման և սահմանազատման մասին չէր խոսվում, դեռ հանրային դաշտում նման քննարկում անգամ չկար, Սյունիքում հեշտությամբ ռազմավարական նշանակություն ունեցող տարածքներ հանձնվեցին»,- ընդգծեց մեր զրուցակիցը՝ շեշտելով, որ այդ պրակտիկան հիմա ևս շարունակվում է, պարզապես հիմա խոսում են այդ գործընթացի մասին:

Անդրադառնալով Ստոկհոլմում Հայաստանի և Ադրբեջանի արտգործնախարարների չկայացած հանդիպմանը՝ նա ընդգծեց. «Սա մի տեսակ շղարշ է՝ ցույց տալու, թե մենք համաձայն չէինք և այլն: Իսկ խորքային առումով, իհարկե, դիրքորոշումները համապատասխանելու են ադրբեջանական կողմի շահերին: Նույն համատեքստում են նաև ապաշրջափակման եռակողմ աշխատանքային խմբի հանդիպումները: Այս առումով հնչեց հայտարարություն, թե դեռ չի հաջողվում համընդհանուր համաձայնություններ ձևակերպել: Ըստ իս, խոսքն իրականում ոչ թե իրական գործողությունների, այլ ձևակերպումների մասին է: Սա ևս տեղավորվում է վերոնշյալ տրամաբանության մեջ: Այսինքն, փորձում են ձևակերպումներ գտնել, որպեսզի հանրության կողմից ինչ-որ չափով ընկալելի լինի, բայց ոչ ավելին: Ու այս տեսանկյունից սպասել, որ այսօրվա օկուպանտների կողմից հօգուտ մեզ որևէ դրական լիցք կլինի, անիմաստ է: Խոսքը Փաշինյանի և նրա թիմի մասին է: Իրենց դեպքում հօգուտ մեզ դրական որևէ ազդակի սպասելը նույնն է, թե, օրինակ՝ Հայաստանում իշխեր Ալիևը, ու մենք սպասեինք, որ թուրքերին ինչ-որ բան չէին զիջի»:

Նրա խոսքով՝ իրականության մեջ հնարավոր նոր փաստաթղթերի ստորագրումը ոչինչ չի փոխի: «Եթե անգամ տեղի ունենա սահմանագծում, հետո նաև սահմանազատում, ստորագրվեն փաստաթղթեր, մենք պետք է հասկանանք արդի պատերազմների տրամաբանությունը: Այն պատերազմը, որը մեր դեմ վարում են Թուրքիան ու Ադրբեջանը, հիբրիդային պատերազմների տրամաբանության մեջ է: Այս պարագայում թե՛ հոգեբանական, թե՛ ռազմական ճնշումները մշտական բնույթ են կրելու, եթե ինչ-որ բան մեր հարաբերություններում սկզբունքորեն չփոխվի: Հոգեբանական ու ռազմական ճնշումները հիբրիդային պատերազմների մարտավարության ու ռազմավարության հիմքում են: Այսինքն, եթե անգամ պատկերացնենք մի տարբերակ, երբ կնքվում է ինչ-որ մի նոր պայմանագիր, դա ոչինչ չի նշանակում: Հոգեբանական ու ռազմական նման գործողությունները Հայաստանը ճնշելու, ջլատելու նպատակ ունեն, ինչն արվում է ու կիրականացվի՝ անկախ որևէ փաստաթղթից: Արդեն որերորդ անգամ եռակողմ, երկկողմ հանդիպումների ենք ականատես լինում, բայց այս ամենի էությունը ոչնչով չի փոխվում»,-ասաց Գ. Հարությունյանը:

Այս տեսանկյունից նա անդրադարձավ ադրբեջանական կողմի հայտարարություններին, թե «Զանգեզուրի միջանցքն» արդեն իրագործվում է: Մյուս կողմից՝ դիտարկելով ՀՀ իշխանությունների այն պնդումները, թե դեմ են «միջանցքի» տրամաբանությանը, մեր զրուցակիցը նշեց. «Դեմ լինելու հայտարարություններին սովորաբար հետևում է ձևակերպում՝ կապված ապաշրջափակման հետ, որին իրենք դեմ չեն: Մինչդեռ իրականում այդ բոլոր գործողությունները բերում են Հայաստանի ապաշրջափակմանը թուրք-ադրբեջանական տանդեմի կողմից: Հայտարարելով ապաշրջափակման գործընթացի մասին՝ արդեն իսկ հաստատում են ադրբեջանական, նաև թուրքական կողմի բոլոր թեզերը: Իրականում մենք այս փուլում լինելչլինելու մարտահրավերի առաջ ենք: Երկու հույս ունենք. առաջին՝ հայ հանրությունը պետք է փորձի ուշքի գալ:

Կարծես թե ՏԻՄ ընտրությունների արդյունքներն այդ առումով հուսադրող են: Երկրորդը դաշնակիցներն են, բայց որքան էլ դաշնակիցներ ունենանք, միշտ պետք է աչքի առաջ ունենանք ու գիտակցենք հետևյալ փաստը. մինչև չսկսենք ինքներս պայքարել, դժվար թե մեզ որևէ դաշնակից օգնի, որովհետև արդեն մեծագույն թերահավատություն ունեն նաև ազգի նկատմամբ»:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

Պերուի վարչապետի մոտ կորոնավիրուս է հայտնաբերվելՓարիզում զրտահարությունից մահացել է հայտնի լուսանկարիչ Ռենե ՌոբերըԹուրք լրագրողի պնդմամբ՝ Հայաստանն է պատճառը, որ Իրանը դադարեցրել է գազի մատակարարումը ԹուրքիաՈրոնումները Մատաղիսում արդյունք չեն տվելՄշակույթի գործիչ, բեմադրիչ Ռուբեն Հովհաննիսյանը ներկայացրել է Հիսուսի արձանի կառուցման նախագիծՎՏԲ-Հայաստան Բանկն առաջարկում է ձեռնարկատերերին բանկային երաշխիքներ՝ պայմանագրային պարտավորությունների ապահովման նպատակովԱրարատ Միրզոյանը նոր տեղակալ ունիՆախագահի աշխատակազմը նոր հայտարարություն է տարածել ՌԴ-ն նպաստում է ճգնաժամային իրավիճակների խաղաղ կարգավորմանը, այդ թվում ԼՂ-ում. ԼավրովՆոր նշանակում՝ Նիկոլ Փաշինյանի որոշմամբ Բայդենը սպառնացել է անձամբ Պուտինի հանդեպ պատժամիջոցներ կիրառելԸնդդիմությունը նախագահի պաշտոնում թեկնածու չի առաջադրի Ստամբուլ մեկնողները կազատվեն 10.000 դրամ «օդի տուրքից Ադրբեջանական գերությունից վերադարձած Արեն Արամյանը կմնա կալանավորված․դատավոր Դավիթ Արղամանյանը մերժել է խափանման միջոցի փոփոխության միջնորդությունը Սկսվում է համաշխարհային տիրապետության համար տարվող պայքարի վերջին փուլը. Արտակ Զաքարյան Կորոնավիրուսով վարակման պարագայում քաղաքացու հիվանդության փաստը «Արմեդ»-ում կարտածվի կարմիր «QR» կոդով, վարակված լինելու ընթացքում կանաչ «QR» կոդերը կդառնան մոխրագույն. ԱՆ Դոլարն ու եվրոն թանկանում են Հունվարի 22–ի եւ 23–ի տվյալով, հանրային սննդի ոլորտի շրջանառությունը նվազել է 50–ից 80 %-ով. Աշոտ ԲարսեղյանԿորոնավիրուսով վարակվելը դարձրել եք էժան այլուրեքություն. Կարեն Ավագյան Իրանի նախագահն ընդունել է Ադրբեջանի պաշտպանության նախարարին Հրաձգություն բելառուսա-լեհական սահմանին Պեսկովն ասել է՝ որտեղ է Պուտինը պահում իր գումարները Արմեն Սարգսյանը Նիկոլի հետ գնացել է հրեշավոր քայլի․ Աննա Մկրտչյան Աթենքում պայթյուն է տեղի ունեցել. կան վիրավորներ ԱԻՆ-ը զգուշացնում է Լավրով. Արեւմուտքը մղում է Կիեւի ռեժիմին ՌԴ-ին ուղղված ուղիղ սադրանքների Դաժան սպանություն․ տղամարդը սպանել է կնոջը, ապա մասնատել մարմինը Օդի ջերմաստիճանը կնվազի. սպասվում է ձյուն և մառախուղ Ռուսական ընկերությունները 14 հայտ են ուղարկել Լեռնային Ղարաբաղում նախագծերի իրականացման համար. Բաքվում ՌԴ դեսպան Լարսի ճանապարհը փակվեց նաեւ մարդատարների համար Նաիրի Սարգսյանն ազատվել է վարչապետի օգնականի պաշտոնիցՄի շարք երկրներ ՀՀ քաղաքացիների համար մուտքի և ելքի նոր սահմանափակումներ են սահմանել Արցախում կորոնավիրուսի 17 նոր դեպք է գրանցվել, արձանագրվել է 2 մահ Չինաստանն արբանյակ է արձակել տարերային աղետների հետևանքների կանխման համար Նիկոլ Փաշինյանը վարակվել է կորոնավիրուսով Նիկոլ Փաշինյանի ուղերձը Ուկրաինայի շուրջ լարված իրավիճակի ֆոնին ռուսաստանցի միլիարդատերերը կորցրել են ընդհանուր առմամբ 27,9 միլիարդ դոլար Ալեն Սիմոնյանը խիստ նախազգուշացրել է վարորդներին 15-ամյա աղջիկը մահացել է Բզկտված ԱՐՑԱԽ. ԶԱՐԴԱՆԱՇԵՆ. Արտակ Զաքարյան Բզկտված ԱՐՑԱԽ. ՄԱԴԱԹԱՇԵՆ. Արտակ Զաքարյան Աղբյուր․ Մխիթարյանը կհեռանա Ռոմայից Նորընտիր ՄԻՊ-ը քամահրանքով էր պատասխանում մեր հարցերին, ցույց տալիս՝ ես գիտեմ՝ որ կողմում ով է նստած. Աննա Մկրտչյան Հայաստանում բալային համակարգի կիրառմամբ 395 անձ զրկվել է վարորդական իրավունքից ԱԱԾ-ի բացահայտումները նոյեմբերի 10-ի ավազակությունների մասով (տեսանյութ) Բացահայտվել է աննախադեպ քանակի հեռախոսների մաքսանենգության դեպք (տեսանյութ) Վարակակիրների թիվն՝ այսօրՄահացել է Մերուժան Հովհաննիսյանը Վերսկսում ենք «Հանուն Կյանքի» մարդասիրական ծրագիրը. Նարինե ՄանուկյանOmicron-ի դեպքում ՊՇՌ թեստը դրական է միայն հիվանդության երկրորդ էտապում. Աշոտ Բարսեղյան