Ереван, 30.Июнь.2022,
00
:
00
1 $ = 0 ֏, 1 = 0 ֏, 1 = 0 ֏
ВАЖНО


Տեխնոլոգիաների աշխարհում ռեզյումեներին փոխարինման է գալիս հայկական CodeSignal-ը

ИНТЕРВЬЮ

Այսօր անչափ մրցակցային աշխատաշուկայում ընկերությունները ցանկանում են գտնել ամենատաղանդավորներին  ներգրավելու նոր ճանապարհներ։ Սա հատկապես վերաբերվում է տեխնոլոգիական ոլորտի կամ տեխնիկական մասնագետներ ներգրավելուն։ Հմուտ ծրագրավորողների պահանջարկը մեծ էբայց երբեմն նրանց ֆորմալ կրթությունը և ռեզյումեները չեն արտացոլում իրենց իրական հմտությունները և կարողությունները։ Սա վնասում է և՛ դիմորդներինև՛ գործատուներին։ Ընկերությունները բաց են թողնում տաղանդներինիսկ դիմորդները հնարավորություն չեն ստանում ցուցադրել իրենց իրական կարողությունները։

Այստեղ էոր անհրաժեշտություն է լինում անկողմնակալ գնահատման տեխնիկական գործիքների ՝ գործատուին թույլ տալով  օբյեկտիվ գնահատել դիմորդի տեխնիկական հմտությունները, իսկ դիմորդներին՝ իրական պայմաններում ծանոթանալ այն աշխատանքի բնույթին, որի համար դիմել են։ Փորձը ցույց է տալիս, որ դիմորդները առավել դրական են գնահատում աշխատանքի ընդունման իրենց փորձառությունը, եթե դրա ընթացքում  առնչվում են իրական աշխատանքի հետ։ Սա շատ կարևոր է կադրերի հավաքագրման այսօրվա շուկայում։ Համաշխարհային IBM ընկերության վերջին հետազոտությունը ցույց է տալիսոր աշխատանքի առաջարկը ընդունելու հավանականությունը 38%-ով ավելի բարձր է այն թեկնածուների մոտովքեր աշխատանքի ընդունման ընթացքում դրական փորձառություն են ունեցել։

Տեխնիկական հմտությունների գնահատման CodeSignal հարթակը հիմնադրվել է 2015թ.-ին։ Այն իր ոլորտի առաջատարն է, որի տրամադրած ավտոմատացված լուծումներն արդեն ստանդարտ են դարձել շատ գործատուների համար։ CodeSignal-ի մեքենայական ուսուցման ալգորիթմը վերլուծում է հմտությունների գնահատման տվյալների տերաբայթեր և դիմորդին տալիս է «Ծրագրավորման վարկանիշ»որը ցույց է տալիս դիմորդի ծրագրավորման և խնդիրների լուծման հմտությունները։

Ներկայացնում ենք The Silicon Review առցանց պարբերականի հարցազրույցը CodeSignal-ի համահիմնադիր և գործադիր տնօրեն Տիգրան Սլոյանի հետ։

– Ինչու՞ որոշեցիք ստեղծել հմտությունների իրական գնահատման այս հարթակը։

Երբ նայում եք իմ անցած ճանապարհին, ապա կարող է հարց առաջանալ՝ ինչու է այս մարդը ձգտում գնալ «ռեզյումեներից այն կողմ»։ Հարցն առաջանում է այն պատճառով, որ իմ ռեզյումեում կան այն բոլոր կետերը, որոնք ցանկալի են լավ աշխատանք գտնելու համար։ Սակայն իմ գործընկեր և CodeSignal-ի համահիմնադիր Արամ Շատախցյանը լրիվ այլ փորձառություն է ունեցել։ Ես մաթեմատիկայի ազգային չեմպիոն էի, իսկ նա՝ ծրագրավորման։ Արամն իմ հանդիպած ամենաուժեղ ծրագրավորղներից մեկն է։ Երկուսս էլ ունեինք անչափ մեծ ներուժ։ Հանգամանքների բերումով Արամը Հայաստանում ընդունվեց տեղական ԲՈՒՀ, իսկ ես՝ MIT (Մասաչուսեթսի Տեխնոլոգիական Ինստիտուտ)։ Այս միակ տարբերությունը մեծագույն ազդեցություն ունեցավ մեր կարիերաների վրա։ Միայն այն փաստը, որ ես ավարտել էի լավագույն տեխնիկական ԲՈՒՀ-ը, ինձ գրավիչ թեկնածու էր դարձնում երկրի բոլոր գործատուների համար։

Մարդկային ռեսուրսների հավաքագրմամբ զբաղվող բազմաթիվ մասնագետներ կարծում են, որ լավագույն ԲՈՒՀ-ն ավարտած ՏՏ մասնագետը վստահաբար պատրաստ է աշխատանքին, իսկ ոչ հանրահայտ ԲՈՒՀ ավարտած մեկի հմուտ լինելը կասկածելի է։ Այդ իսկ պատճառով Արամը դժվարանում էր լավ աշխատանք գտնել՝ չնայած, որ նա իմ իմացած լավագույն ծրագրավորողն է։ Սա նշանակում է, որ ռեզյումեն մասնագետների հմտությունները գնահատելու լավ գործիք չէ։ Մենք հիմնադրեցինք CodeSignal-ը, որպեսզի գործատուները հնարավորություն ունենան օբյեկտիվ գնահատել և ընտրել լավագույն տեխնիկական մասնագետներին`չհիմնվելով միայն ռեզյումեների վրա։

– Կարո՞ղ եք կարճ ներկայացնել CodeSignal-ը

CodeSignal-ը տենիկական հմտությունների գնահատման հարթակ է, որն առաջարկում է իրական աշխատանքին ամենամոտ մոդելավորումը։ Հարթակն առաջարկում է երեք հիմնական պրոդուկտ.

Ա. Սերտիֆիկացում՝ մեծ քանակով դիմորդների գիտելիքների ստանդարտացված և վավերականացված գնահատում հավաքագրման պրոցեսի սկզբնական փուլերում։

Բ. Թեստեր՝ ծրագրավորման ավագ մասնագետների հմտությունների գնահատման հատուկ մշակված թեստեր

Գ. Հարցազրույցներ՝ իրական ժամանակում՝ տեսազանգով անցկացվող տեխնիկական հարցազրույցներ։ Սա նման է մեքենա վարելու թեստի, քանի որ հնարավորություն է տալիս գործատուին իրական ժամանակում հետևել, թե ինչպես է թեկնածուն օգտագործում իր կարողությունները։

– Երբ մարդիկ լավ և ուրախ ժամանակ են ացկացնում, նրանք միասին ավելի արդյունավետ են աշխատում։ Ինչպե՞ս կմեկնաբանեք այս խոսքը։

Իրականությունն ավելի բարդ է։ «Հետևիր քո երազանքին» հասկացությունը միանշանակ չէ։ Որոշ մարդիկ կարծում են, որ եթե ինչ-որ բանից անընդհատ հաճույք չեն ստանում, ապա դա անել պետք չէ։ Դա ճիշտ չէ, և պրոֆեսիոնալ մարզիկները շատ լավ հասկանում են սա։ Ցանկացած ոլորտում վարպետանալու համար պետք է մարզվել, ինչը ոչ միշտ է հաճելի։ Սակայն երբ դուք շատ ժամանակ եք տրամադրում մի բանի և իսկապես հմտանում եք, արդյունքում ավելի եռանդուն եք դառնում և ավելի շատ եք հաճույք ստանում։ Դուք չեք հանդիպի որևէ պրոֆեսիոնալ մարզիկի, ով լավագույնն է աշխարհում, բայց ատում է իր սպորտը։ Այդպես չի լինում։ Նրանք սիրում են այն, ինչում լավագույնն են, և դա դառնում է իրենց ինքնությունը։ Այսպիսով, կարծում եմ՝ մարդիկ միասին առավել արդյունավետ են աշխատում, երբ յուրաքանչյուրն աշխատում է այն ուղղությունով, որը սիրում է, և որտեղ մասնագիտացած է։ Նման թիմը ստեղծում է գերազանց աշխատելու և մասնագիտական աճը խթանելու մոտիվացնող մի միջավայր։ Սա շատ ավելի խորն է, քան պարզապես լավ և ուրախ ժամանակ անցկացնելը:

– Աշխատակիցների երազանքների վրա հիմնված ընկերություն ստեղծելն առաջնահերթություն է։ Դուք հարցնու՞մ եք Ձեր աշխատակիցներին, թե ինչով են հետաքրքրված և ինչպես են տեսնում իրենց կարիերայի զարգացումը։

Իհարկե։ Երիտասարդ և համեմատաբար փոքր ընկերության առավելություններից մեկն այն է, որ կարող ենք արձագանքել մեր թիմի բոլոր անդամների կարողություններին և հետաքրքրություններին։ Ես գիտեմ, որ այժմ սա թրենդային է, բայց այն երկկողմանի ջանք է պահանջում։ Ղեկավաները պետք է թափանցիկ լինեն բիզնեսի կարիքների և թիմի նպատակների վերաբերյալ։ Աշխատակիցներն էլ պետք է բաց լինեն իրենց կարիերաների պլանների հարցում և բացահայտեն իրենց մասնագիտական ուժեղ կողմերը։ Հակառակ դեպքում դժվար իրավիճակ կստեղծվի բոլորի համար։

– Ունե՞ք նոր ծառայություններ, որոնք պատրաստ են գործարկման

Մենք հետևողականորեն աշխատում ենք ծրագրավորողների և տվյալագետների աշխատանքի՝ հնարավորինս իրական մոդելավորման հարթակ ստեղծելու ուղղությամբ։ Ուրախ եմ նշել, որ վերջերս գործարկել ենք գնահատման առաջադեմ գործիքներ, որոնք կապահովեն ճշգրիտ գնահատման փորձառություն մեր գործընկերների համար։ Արդյունքում, CodeSignal-ը կարող է օգտագործվել որպես ծրագրավորման և տվյալագիտական ամենաբարդ հաստիքների դիմորդների իրական հմտությունների գնահատման գործիք։

Գործատուները կարող են գնահատել դիմորդների անհրաժեշտ գիտելիքները և հմտությունները, քանի որ CodeSignal հարթակը ամբողջովին արտացոլում է իրական աշխատանքային միջավայրը և համապատախան հանձնարարությունները։ Սա նշանակում է, որ գնահատումը ցույց է տալիս, թե ինչպես դիմորդը կդրսևորի իրեն իրական աշխատանքի ժամանակ։ Ավելին, անկախ գործատուի վերջնական որոշումից՝ յուրաքանչյուր դիմորդ ունենում է դրական փորձառություն, քանի որ հարցազրույցների պրոցեսը համապատասխանում է իրական աշխատանքին, և հարթակը շատ հարմար է օգտատերերի համար։

Այժմ կարող եմ վստահ ասել, որ CodeSignal-ը բրաուզերով հասանելի ավտոմատացված գնահատման և հարցազրույցների անցկացման ամենաառաջադեմ հարթակն է։

– Ի՞նչ ապագա է սպասվում Ձեր ընկերությանն ու հաճախորդներին: Ի՞նչ հետաքրքիր զարգացումներ եք ակնկալում

Մոտ ապագայում նպատակ ունենք ավելի հիմնավոր դիրքավորվել տեխնիկական համայնքում և դառնալ տեխնիկական հմտությունների գնահատման բացարձակ առաջատար։ Աշխարհի ընկերությունների մեծամասնությունը դիմորդներին գնահատելիս դեռևս հիմնվում է ռեզյումեների վրա՝ նույնիսկ տեխնիկական հաստիքների դեպքում։ Դեռևս ահռելի աշխատանք ունենք անելու, որպեսզի գործատուները թեկնածուներին դիտարկեն «ռեզյումեներից այն կողմ»՝ հիմնվելով հմտությունների գնահատման առավել օբյեկտիվ մեթոդների վրա։

Ո՞վ է կանգնած CodeSignal-ի հաջողության հետևում

Տիգրան Սլոյանը CodeSignal-ի համահիմնադիրն ու գործադիր տնօրենն է։ CodeSignal-ն առաջին ընկերությունն է, որը ստեղծել է դիմորդներին՝ իրենց իրական հմտությունների վրա հիմնված գնահատական տալու արդար և ավտոմատացված հարթակ։ Այն օգտագործվում է որպես չափանիշ տեխնիկական կադրեր հավաքագրողների և գործատուների համար։ Տիգրանը նաև #GoBeyondResumes հասարակական շարժման հիմնադիրն է։ Տիգրանն իր ակտիվ գործունեությամբ պարբերաբար ներդրում է ունենում Forbes-ի տոխնոլոգիական խորհրդի կազմում, որպես մտքի առաջնորդ՝ տեխնիկական կադրերի հավաքագրման, ծրագրային ապահովման և նորարարությունների մշակման ուղղություններում։

CodeSignal-ի առաքելությունը կարողությունների և հմտությունների գնահատման միջոցով տաղանդներին հասանելի դարձնելն է։

Украинская идентичность, граничащая с национализмом, вызывает неприязнь у международного сообщества46 мигрантов найдены мертвыми в брошенном грузовике на дороге в Сан-АнтониоМакрон призывает нефтедобывающие страны увеличить добычуG7 выделит 4,5 миллиарда долларов для защиты уязвимых стран от голодаГлавы МИД Армении и Канады обсудили процесс мирного урегулирования карабахского конфликтаТарифы роуминга в сети "Карабах Телеком" будут восстановленыВот зачем Путин ночью ездил в Кремль: больного нужно победить Движение в Верхнем Ларсе возобновлено: дорога открыта Глава МИД Республики Арцах находится с рабочим визитом в РФ СНБ раскрыла еще один случай государственной измены (видео) КГД Армении: В отношении 725 налогоплательщиков будут проведены комплексные налоговые проверки Золото слабо дорожает Вице-спикер Госдумы России: Возможности товарного потока через «Верхний Ларс» серьезно расширятся Звезда сериалов «Скорая помощь» и «Кости» утонула в реке Китай сократит до семи дней централизованный карантин для прибывающих из-за рубежа граждан Оппозиция: У врага есть достаточный запас «легитимности» для новой войны против Армении Джонни Депп может вернутся к роли Джека Воробья Премьер-министр Пашинян направил поздравительное послание премьер-министру Грузии Погода в Армении Ален Симонян принял Алексея Гордеева Медь дорожает Куман: Футбол изменился, а «Барселона» живет прошлым Байден досрочно покинул саммит G7 В Москве уроженца Азербайджана подозревают в похищении 15-летней девочки с целью жениться Специалисты Еревана и Марселя будут обмениваться опытом и знаниями Активно практикуя репрессии в отношении собственного народа, В. Зеленский по праву заслуживает звание «тирана» Гуманитарная и военная помощь, направляемая на Украину, отлично вписывается в коррупционные схемы украинского истеблишмента«ПрофХолод» улучшает энергоэффективность сэндвич-панелейПри поддержке Ucom состоялась (не)конференция BarCamp Ереван «Силе одного драма» 2 года. На различные инициативы было направленно более 82 млн драмов РАПосле таких «репортажей» в российских СМИ. Артак Закарян «Чат в роуминге»:Ucom предлагает ежедневный вариант безлимитного общения в роумингеUcom предлагает приобрести смартфон и получить беспроводные наушники и красивый номер телефонаКонверс Банк и Cityzen объявляют о начале сотрудничестваUcom предлагает безлимитный интернет с «Ходячим wi-fi» Есть исключительно две основы безопасности Армении: Армянская Национальная Армия и ОДКБ. Хачик Асрян Безналичное лето: Возможность выиграть 22 путевки для клиентов Америабанка Ucom обеспечила высокоскоростным интернетом музей-институт Комитаса Ucom обеспечила бесплатным wi-fi парковую зону Артура Абрахама О текущей ситуации с беженцами в ЕвросоюзеАмериабанк объявлен победителем в номинации «Лучший банк в области устойчивого финансирования 2022» Самая красивая спортсменка Казахстана будет украшать нашу страну в течение 15 днейТезисы, по поводу применения заказного насилия в отношении депутатовАмериабанк получил награду «Сделка года 2021 – зеленая торговля» в рамках Программы содействия развитию торговли ЕБРР ВТБ (Армения) запускает оформление кредитовпо безбумажной технологиив торговых точкахОблигации Конверс Банка можно также приобрести через Мобильное приложениеДо 300 ГБ с «Ходячим wi-fi» от Ucom: отличная новость для абонентов Ugo и Ubox Ucom обеспечила интернетом иджеванский колледж и среднюю школу Неркин Кармирахпюр 10.757.867 драмов РА экологической организации «My Forest Armenia»: следующий бенефициар «Силы одного драма» - благотворительный фонд «Дети Армении»Ереванский филиал РЭУ им. Г.В. Плеханова с рабочим визитом посетила делегация Торгового представительства России в Армении