Yerevan, 29.March.2024,
00
:
00
1 $ = 0 ֏, 1 = 0 ֏, 1 = 0 ֏
BREAKING


Երգչախումբը օրինակ է դարձել և ուղի հարթել նոր երգչախմբերի համար. «Փաստ»

INTERVIEW

«Փաստ» օրաթերթը գրում է

«Փաստը» պարբերաբար անդրադառնում է մեր երկրում գործող երգչախմբերին: Այս անգամ պատմելու ենք Վանաձոր համայնքի կամերային երգչախմբի մասին: Երգչախմբի հիմնադիր, գեղարվեստական ղեկավար Ռուզաննա Մխիթարյանը նախ անդրադառնում է դրա ստեղծման պատմությանը:

«Վանաձորի քաղխորհրդի գործկոմի 1992 թ.-ի փետրվարի 2-ի որոշման համաձայն, Վանաձորի Սուրբ Աստվածածին եկեղեցուն և «Գթություն» բարեգործական միությանը կից իմ հիմնած երկսեռ երգչախմբերի կազմի բազայի վրա ստեղծեցի Վանաձորի մշակույթի կենտրոնի կամերային երգչախումբը: Լոռու մարզի մշակույթի պատմության մեջ առաջին անգամ էր նմանատիպ կառույց ստեղծվում: 1997 թ.-ին այն վերանվանվեց «Վանաձորի կամերային երգչախումբ» ՓԲԸ, որի տնօրեն նշանակվեցի ես: 2013 թ.-ի հունիսին երգչախումբը վերակազմավորվեց Վանաձոր համայնքի «Կամերային երգչախումբ» ՀՈԱԿ-ի, իսկ տնօրեն նշանակվեց երգչախմբի արտիստ Տարոն Միրզոյանը»,- մեզ հետ զրույցում ասում է Մխիթարյանը:

Նշում է՝ ներկայումս ՀԱՈԿ-ի գեղարվեստական կազմը 34-35 արտիստ է: Երգչախմբի գեղղեկավարը հիշեցնում է, որ դրա կազմավորման առաջին իսկ տարիներից այն դժվար ժամանակներ է ապրել, սակայն երբեք չի դադարել գործել: «Հետերկրաշարժային, պատերազմական, ՀՀ անկախության վերափոխումների բարդ ժամանակաշրջան էր, մութ ու ցուրտ տարիներ: Հատկապես ձմռան ամիսներին սիստեմատիկ պարապմունքներ անցկացնելը բարդ ու դժվար էր: Վանաձորի թիվ 1 երաժշտական դպրոցում երգչախմբին հատկացված էր փորձասենյակ, սակայն շենքը վթարային էր, և ստիպված էինք այլ վայրեր փնտրել փորձերի համար, տեղափոխվել տարբեր փորձասրահներ և դահլիճներ: Հաճախ պարապմունքներն անցկացնում էինք իմ բնակարանում»,-հավելում է մեր զրուցակիցը:

Այս տարիների ընթացքում Մխիթարյանի նախաձեռնությամբ երգչախումբն իրականացրել է մի շարք ծրագրեր՝ «Մեր մեծերը», «Բարեկամական կամուրջ», «Երաժշտական խճանկար», որոնք մեծապես նպաստել են խմբերգային արվեստի զարգացմանն ու տարածմանը, ամեն տարի ընդլայնել է երգացանկը նոր ծրագրերով, ունկնդրին ներկայացրել բազմաժանր ստեղծագործություններ՝ հայկական հոգևոր մեղեդիներ, շարականներ, հայ խմբերգային արվեստի երախտավորների՝ Կոմիտասի, Եկմալ յանի, Կարա-Մուրզայի և այլ հեղինակների ստեղծագործություններ, հայ և արտասահմանյան դասական ու ժամանակակից կոմպոզիտորների խմբերգեր ու երգեր: Երգչախումբը մասնակցել է հանրապետական և համահայկական բազմաթիվ մրցույթների ու փառատոների, բազմիցս արժանացել առաջին կարգի մրցանակների, պատվոգրերի, դիպլոմների, շնորհակալագրերի:

Ռուզաննա Մխիթարյանը նշում է՝ իրենց գործունեությունը բավականին լայնածավալ է, իսկ ես ընդգծում եմ՝ ավաղ, մեկ նյութի շրջանակներում բոլորին անդրադառնալ հնարավոր չէ: Բայց չխոսել 1999 թ.-ի մասին չի կարող: «Այդ թվականի մարտի 23-ին ՀՀ երաժշտական արվեստի պատմության մեջ առաջին անգամ միայն երգչախմբի ուժերով Վանաձորում համերգային տարբերակով ներկայացվեց հայ օպերային արվեստի գլուխգործոց «Անուշն» ամբողջությամբ՝ նվիրված Թումանյանի ծննդյան 130-ամյակին և Տիգրանյանի ծննդյան 120-ամյակին: Այդ տարվա ընթացքում այն կատարվել է 18 անգամ՝ Վանաձորում, Գյումրիում, Դիլիջանում, Իջևանում, Ստեփանակերտում, Դսեղում: Ներկայացվել է նաև Երևանի Կոմիտասի անվան կամերային տանը: Այնուհետև բեմ բարձրացվեցին «Անլռելի զանգակատուն», «Եռաձայն պատարագ», «Վարդանանք», «Գրերի գյուտի 1600-ամյակ», Շառլ Ազնավուրին նվիրված «Մեծ շանսոնյեն» երաժշտական կոմպոզիցիաները: Երբ 2001թ.-ի սեպտեմբերի 28-ին Վանաձոր էր ժամանել Շառլ Ազնավուրը, կայացավ երկար սպասված հանդիպումը: Մեր երգչախումբը քառաձայն կատարեց «Ave Maria» ստեղծագործությունը, Ազնավուրի «Sa jeunesse» ու «Hier encore» երգերը: Արժանացանք շանսոնյեի ջերմ խոսքերին: Պատահական չէ, որ 2003 թ.-ին, մասնակցելով Հայաստանի երգչախմբային ընկերության հիմնադրման 45-ամյակին նվիրված մրցույթ-փառատոնին, ներկայացրեցինք «Մեծ շանսոնյե» երաժշտական կոմպոզիցիան, որտեղ Ազնավուրի երգացանկից 17 երգ հնչեց՝ իմ քառաձայն փոխադրմամբ»,-հավելում է երգչախմբի գեղղեկավարը:

1992 թ.-ից երգչախումբը համագործակցում է «Հայ փոքրիկ երգիչներ միջազգային ասոցիացիայի» հիմնադիր և գեղղեկավար Տիգրան Հեքեքյանի հետ: ««Կոմիտաս» միջազգային երաժշտական փառատոնի շրջանակներում համատեղ համերգներով 2018 թ.-ին հանդես եկանք Ֆրանսիայի Բորդո քաղաքի «Ճամփորդող երգչախմբի» հետ, իսկ 2020թ.ին Համբուրգի աղջիկների երգչախմբի հետ: Ֆինանսական հարցերում մեր կողքին է Վանաձորի քաղաքապետարանը, ինչի համար շատ շնորհակալ ենք»,-ասում է մեր զրուցակիցը:

Ընդգծում է՝ Կամերային երգչախմբի գործունեությունը մշտապես ուղղված է եղել Լոռու մարզի հանրակրթական դպրոցների աշակերտներին, առհասարակ մարզի պատանիներին ու երիտասարդներին երգչախմբի համերգներին և ելույթներին ներգրավելուն՝ նպատակ ունենալով ապահովել նրանց շփումը դասական երաժշտության հետ, նրանց գեղագիտական և բարոյահոգեբանական դաստիարակությանը:

«Երգչախումբը նոր էջ է բացել Լոռու մարզի երգչախմբային արվեստի պատմության մեջ: Իր 30-ամյա գոյության և համերգային բեղմնավոր գործունեության ընթացքում, դիմակայելով ժամանակի թելադրած դժվարություններին, վարել է ակտիվ գործունեություն՝ պահպանելով, զարգացնելով և տարածելով հայ վոկալ-երգչախմբային բարձրարժեք արվեստը Լոռու մարզում, օրինակ դառնալով և ուղի հարթելով նոր երգչախմբերի համար ևս»,-եզրափակում է Ռուզաննա Մխիթարյանը:

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

AraratBank places its 27th issue of dollar bonds Ucom launches network modernization efforts in few regions of ArmeniaUcom Launches Network Modernization Efforts in Regions of Armenia5 000 dram bonus from IDBank for pension card holders World Bank Armenia has organized discussion on facilitating women’s wider engagement in sectors that have been traditionally male dominated in the countryIDBank as a Participant in the Conference of My Forest Armenia NGOIDBank issues the 1st tranche of dollar bonds of 2024In 2023, the SME Loan Portfolio of Ameriabank Reported More Than 30% GrowthMining plays an important role in providing materials for energy transition and green economy: Roman Khudoli Amio digital cards with unlimited opportunities and 5% cashbackInternational Client’s Day at IDBank Termination of service of MIR cards. IDBankThree Sad Stories about FraudstersUcom showed high and stable growth in fixed and mobile communications in 2023 The number of Team mobile subscribers is over 1 million On the occasion of International Women's Day ZCMC employees were awarded 3,780,052 Drams to the City of Smile Fund: The Power of One Dram Will Go to My forest Armenia in MarchGlobal Finance Recognizes Ameriabank's Leadership in Sustainable Finance in ArmeniaHow AMIO succeeded in gathering its team, partners and customers around a common goalWhat to Give on The Occasion of Women's Day? Idram and IDBankHalf Price for Everyone and up to AMD 15.000 Welcome Bonus for New Customers. IDBank Ucom congratulates everyone with spring holidays with a special offer Doing Digital Forum Returns Featuring Brett King as Keynote Speaker We celebrate the successes of AMIO BANK and Ingo Armenia in 2023ZCMC declares, that the Russian company GeoProMining LLC has never been and is not currently a shareholder of the Company, nor does it have any stake in the Company's ownership structureA Millionaire Wanted: New Draw from IdramUcom's fixed network is now available at AshtarakVisa & Unibank Unique opportunities to Olympic Games fans thanks to Visa in ArmeniaThe renovated Ucom sales and service center opened at Komitas 30Privileged conditions with the Business Prime packageInterview with Chairman of BOGG PLC Mel CarvillGet 5% cashback on your AMIO digital card! Get 5% cashback on your AMIO digital card!Book Giving Day in Khnko Aper Library. IDBankTransfer your loan and take benefit of the 1.5% low interest refinancing offerAraratBank Donates to Regional Libraries: BOOKS FOR ALLAmeriabank set to join BOGG, a London Stock Exchange (LSE) listed financial group as a standalone entityWhich Book to Choose as a Gift for the Book Giving Day? A Piece of Advice from Idram and IDBankAMIO BANK will start the leasing process in the immediate futureFast Bank has received a Mastercard membership license Two new sports channels in Ucom's uTV channel listA bunch of smiles in the city. "Artsakh" branch of AMIO BANK has been reopened A network ready for the transition to 5G and qualitatively new television. Ucom signed official agreements with Nokia and MediaKindHow to Celebrate Love Days? A Piece of Advice from Idram and IDBankVisa Travel card - your best friend of the road Ardshinbank announces agreement to acquire HSBC ArmeniaFastex to Provide up to 5 Million $FTN to the “Olympionic” Sports FoundationAMD 3,665,972 to Armenian Mothers. In February, Cancer Awareness Month, The Power of One Dram will be directed to the City of Smile Ambassadors accredited to Armenia, Galaxy Group and Ucom leaders spoke at the largest event of the European Business Association Idplus Digital Fuel Cards: Everyone Makes a Plus