Երևան, 09.Օգոստոս.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Դիվանագիտական դաշտում օբյեկտ ենք, որին պարզապես տեղեկացնում են իր ճակատագրի մասին». «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

ՌԴ ԱԳ նախարար Սերգեյ Լավրովը տարածաշրջանային այցի ժամանակ ևս մեկ անգամ հաստատեց, որ ԵԱՀԿ ՄԽ-ն այլևս գոյություն չունի, բնականաբար, մեղքի սլաքներն ուղղելով Փարիզի ու Վաշինգտոնի ուղղությամբ: Փաստն այն է, որ այդ հարթակը, որտեղ երեք երկրները միասնական էին մեր՝ ԼՂ խնդրի հարցում, գոյություն չունի: Այդ արձանագրումը շահավետ էր Ադրբեջանի համար, ինչն օբյեկտիվ իրականություն է և կապված չէ Հայաստանի ու Ադրբեջանի խնդիրների հետ: Ռուս-ուկրաինական պատերազմը հանգեցրեց Ռուսաստանի և Արևմուտքի լիակատար խզմանը, որից տուժեց նաև մեր խնդիրը:

«Փաստի» հետ զրույցում նման կարծիք է հայտնել քաղաքագետ Երվանդ Բոզոյանը: «Ինչ վերաբերում է Արցախին առնչվող ազդակներին, առհասարակ կարծում եմ, որ մեր հասարակությունն Արցախի հետ կապված կա՛մ դրական, կա՛մ բացասական որոշակի սպասումներ ունի: Սա է պատճառը, որ երբ ցանկացած գործիչ որևէ մեսիջ է ուղարկում, միանգամից լայնածավալ քննարկումներ են սկսվում: Սա այն իրողության արդյունքն է, ըստ որի, Հայաստանում լրջորեն չի վերլուծվում ու չի քննարկվում իրական վիճակը: Իրականությունն այն է, որ այսուհետ բանակցային սեղանի շուրջ ԼՂ խնդրի ցանկացած ակտիվացում ուղղակիորեն շահավետ չէ մեզ, որովհետև այդ ակտիվացումը բերելու է այնպիսի արձանագրությունների, որոնցից մենք միանշանակ տուժելու ենք: Առհասարակ, երբ պարտությունից հետո արդեն դիվանագիտական հարթակում որոշակի փաստաթղթեր են ստորագրվում, կորուստները միանշանակ են»,-ասաց քաղաքագետը՝ հիշեցնելով, որ Արցախյան առաջին պատերազմում կրած պարտությունից հետո Ադրբեջանը մշտապես փորձել է խուսափել փաստաթղթերի ստորագրումից:

«Հայկական կողմի գլխավոր խնդիրը պետք է լինի հնարավորինս խուսափել Արցախի խնդրի ակտիվացումից: Մեր հասարակությունը կարծում է, որ Արցախի խնդիրն անընդհատ պետք է շեշտադրվի՝ մտածելով, որ այսպես ինչ-որ բան հնարավոր կլինի կորզել, բայց այդպես չէ: Մյուս կողմից՝ իշխանությունը փաստացի ձեռքերը լվացել է Արցախի հարցից, և, իմ կարծիքով, հենց այդ հանգամանքն է պատճառը, որ հասարակության շրջանում առկա է վերոնշյալ ռեակցիան»,-ասաց նա՝ ընդգծելով, որ այսօր հայկական կողմը դիվանագիտական ճակատում խնդիրները լուծելու ուժ չունի, ինչը հասկանում են նաև արտաքին որոշ շրջանակներ:

«Ռուս-արևմտյան հակամարտությունը բերել է նրան, որ երկուսն էլ զբաղված են այլ խնդիրներով: Թուրքիան փորձում է չեզոք դիրքով դիվիդենտներ քաղել և՛ Արևմուտքից, և՛ Ռուսաստանից: Թուրքիան այնպես է անում, որ Ադրբեջանի գործոնն ուժեղանա: Ու այս պայմաններում մեզ մոտ ոչ միայն բացակայում է պետական մտածողությունը, քաղաքական միտքը, այլև գուշակություններով են զբաղված: Այս ամենի հետևանքն այն է, որ իշխանությունը ձեռքերը լվացել ու ակնարկում է, որ Արցախի հետ պետք է գործ չունենանք: Մյուս կողմից՝ կարծում են, որ խնդիրն ակտիվացնելու պարագայում հնարավոր է իրավիճակը փրկել: Ցավոք սրտի, իրավիճակն այդպիսին չէ: Որպեսզի կարողանանք այդ վիճակից դուրս գալ, նախ ռեալ մտածող մի հասարակություն պետք է ձևավորենք, հասկանանք, թե ինչպես կարելի է դուրս գալ իրավիճակից: Պետք է այդպես փոխենք իրավիճակը, քանի որ պարզ է՝ այս իշխանությունն ի վիճակի չէ ոչինչ անել, որովհետև երկիրը, այսպես ասած, վթարի է հասցրել: Այսօր առնվազն փլված իշխանություն կա, որն անգամ ցանկության դեպքում որևէ լուրջ խնդիր չի կարող լուծել»,-ասաց մեր զրուցակիցը: Մյուս խնդիրը, որն այսօր առկա է, քաղաքագետի խոսքով, փաստում է իրականության նկատմամբ դրսևորվող անլրջության մասին. «Բերձորի մասին խոսում են բառացիորեն վերջին մի քանի օրերին, երբ արդեն պետք է որոշումներ կայացվեն: Ու թեպետ այդ մասին նախնական որոշում կար դեռ 2020 թ. նոյեմբերի 9-ին, բայց 2 տարի է, բացառությամբ մի քանիսի, ոչ ոք չէր խոսում այդ մասին: Ստացվում է՝ մենք վերջին օրերին պարզապես ահազանգում ենք մեր ողբերգական իրավիճակի մասին: Տպավորություն է՝ արձագանք- հակաարձագանքի, լոզունգների փուլում ենք, բայց դրանից այն կողմ այլ բան չկա, ինչը նորմալ չէ»:

Քաղաքագետի խոսքով, այսօր, ընդհանուր առմամբ, առաջնային մի քանի խնդիր ունենք. «Պետք է ամեն ինչ անել, որ ԼՂ հարցը որևէ փաստաթղթում չարտացոլվի, որովհետև հարցի որևէ ձևով արտացոլումն օբյեկտիվորեն մեզ վնաս կտա: Նաև ամեն ինչ պետք է անել, որ ոտքի կանգնենք, ուժեղանանք, որովհետև մինչև չուժեղանանք ու ոտքի չկանգնենք, դիվանագիտական դաշտում մենք ոչ մի դրական փաստաթուղթ չենք կարող ունենալ: Մենք այսօր, ցավոք, ֆուտբոլի գնդակ ենք դարձել, արդեն ոչ թե սուբյեկտ, այլ օբյեկտ ենք: Ճիշտ է, նախկինում, թեպետ կախված էինք ՌԴ-ից, բայց սուբյեկտ էինք, այսօր դիվանագիտական դաշտում օբյեկտ ենք դարձել, որին ոչ ոք հաշվի չի առնում: Այդպես է թե՛ կյանքում՝ կենցաղային մակարդակում, թե՛ քաղաքականության մեջ: Օբյեկտներին պարզապես տեղեկացնում են իրենց ճակատագրի մասին»:

Ե. Բոզոյանը շեշտեց՝ քանի որ հայկական կողմը պարտվել է պատերազմում, Ադրբեջանն ուզում է այդ պարտությունն արձանագրել նաև փաստաթղթերի վրա. «Միջազգային հանրության շրջանում, ամեն դեպքում, մինչ այս որոշակի պատկերացումներ կային ԼՂ կարգավորման հետ կապված: Այդ հարցի շուրջ իներցիա կար, որը շահավետ էր մեզ, քանի որ 2007-ից սկսած ձեռքներիս տակ մեզ համար դրական նշանակության փաստաթղթեր ունեինք: Հիմա Ադրբեջանը փորձում է զրոյացնել այդ ամենը, ինչը, սակայն, դժվար է. հայտարարությունը, թե «ԼՂ խնդիր գոյություն չունի», բոլորն էլ հասկանում են, որ ծիծաղելի ձևակերպում է: Մյուս կողմից՝ նույն ՌԴ-ին շահավետ չէ, որ ԼՂ հարցը վերջնականապես փակվի, որովհետև եթե փակվեց, իր զորքերը պետք է դուրս գան այդտեղից: Այսինքն, Ադրբեջանի շահերն այնպիսին չեն, որոնք հաշվի առնելով՝ ինչ ուզի, կարողանա անել»:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

Պաշտպանության նախարար Սուրեն Պապիկյանն ընդունել է Բելառուսի Հանրապետության դեսպանին Նոր միջանցքի գործարկմամբ Աղանուս համայնքի տարածքը դուրս կգա Ադրբեջանի վերահսկողությունից. Խանումյանը մանրամասներ է ներկայացրել «Ասաց՝ սալամ». Րաֆֆի Հովհաննիսյանը Երևանում ադրբեջանցի տաքսիստի է հանդիպելՈւմի՞ց է Ռուսաստանը «պաշտպանում» Հայաստանին, ՖՍԲ հենակետերով Դոլարի եւ ռուբլու փոխարժեքները նվազել են Իշխանությունները «կարկատան» են անում Գորիս–Կապան այլընտրանքային ճանապարհըՄեդվեդևը Զելենսկուն համեմատել է Հիտլերի հետ Վարչապետի որոշմամբ Աշոտ Շահբազյանն ազատվել է պաշտոնից Ռուսաստանը կհարձակվի ևս երկու երկրների վրա. հայտնի է, թե որ երկրների մասին է խոսքը Իլհամ Ալիեւը մեկնել է Թուրքիա Ավտովթար՝ Արաբկիրի թաղապետարանի մոտ․ կա զոհ ու վիրավոր Գերիների հարազատները դադարեցրեցին նստացույցը. Կառավարությունից խոստացել են հանդիպում կազմակերպելԱրագածոտնի ու Տավուշի մարզերում կգործարկվեն բնակավայրերի շչակները Եթե Ուկրաինայում կառուցվի «Բայրաքթար»-ների գործարան, այն անմիջապես կհայտնվի ապառազմականացման թիրախում. Պեսկով Թուրքիան Ուկրաինա է մատակարարել Kirpi զրահամեքենաների խմբաքանակ Գերիների հարազատները գիշերել են Կառավարության շենքի դիմացՈսկու գինն իջնում է Ուշիի ոլորաններում բախվել են բեռնատար ավտոբաքն ու Opel-ը․ կան զոհեր ու վիրավորներ Նիկոլ Փաշինյանը Ալիեւին խոստացել է, որ նա կկարողանա Բերձոր քաղաքի վրա ադրբեջանական դրոշը դնել. Հակոբ Հակոբյան Լաչինի միջանցքի բռնի գրավում. բախումներ ռուս խաղաղապահների հետ Պղնձի արժեքը թեթեւակի բարձրանում է Չալաբյանի դեմ հետապնդումներն ու իրավիճակն Արցախում․ վարչախմբի նյարդայնության պատճառըՄեղրիից տեղեկացնում են. կան վիրավորներ Արցախի «Արդարություն» կուսակցությունը ողջունում է մեր հայրենակիցների՝ Հանուն Արցախի պաշտպանության շարժում ստեղծելու նախաձեռնությունըՇախմատի տղամարդկանց հավաքականը հաղթեց Օլիմպիադայի վերջին տուրում. Հայաստան-Իսպանիա` 2,5-1,5 Անունը դնում են ուսումնական հավաքներ, բայց «ուսումնական» բառը փնտրում ու չես գտնում․ Տիգրան Աբրահամյանը՝ եռամսյա հավաքների մասինՀայը բազմիցս ապացուցել է, որ պատրաստ չէ Հայրենիքը թշնամուն հանձնելու գնով փրկել սեփական կյանքը. Արցախի «Արդարություն» կուսակցության հայտարարությունըԱլիևն Էրդողանի հրավերով ժամանել է Թուրքիա Վիրավոր զինվորներ ունենք. Արցախի պաշտպանության բանակը տեղեկացնում է Նիկոլ Փաշինյանը շնորհավորական ուղերձ է հղել Սինգապուրի վարչապետին Արցախի ո՞ր բարձունքներին է Ադրբեջանը փորձում տիրանալԳիտնականները պարզել են, թե ինչպես կարելի է սիլիկոնային արևային վահանակներով ավելի շատ էներգիա արտադրել Արցախը երբեք չի եղել և չի լինելու Ադրբեջանի կազմում. Արտակ Զաքարյան Նոր տեղեկություններ՝ Աղավնոյից և Բերձորից Վանաձորի բժշկական կենտրոնի բժիշկներին հաջողվել է փրկել դանակահարված տղայի կյանքը Փաշինյանն ու Պուտինը քննարկել են հայ-ադրբեջանական սահմանի անվտանգության ապահովման հարցերըՉալաբյանի դեմ հետապնդումներն ու իրավիճակն Արցախում․ վարչախմբի նյարդայնության պատճառը Հայտնի է, թե ով է Սևանի ափին շքեղ առանձնատուն կառուցող արտոնյալը. բացահայտումԲայդենն այսօր կստորագրի Շվեդիայի և Ֆինլանդիայի ՆԱՏՕ-ին անդամակցելու մասին փաստաթղթերերը Պուտինը չի մասնակցի ՄԱԿ-ի Գլխավոր ասամբլեայի 77-րդ նստաշրջանին Գազի համաշխարհային շուկան նոր խնդրի է բախվել Ավստրալիայի պատճառով Եթե մեր երկրի ղեկավարը չի ուզում մեզ ընդունի, մենք գնանք ումի՞ց մեր երեխեքին ուզենք. գերիի հարազատՉալաբյանի դեմ հետապնդումներն ու իրավիճակն Արցախում․ վարչախմբի նյարդայնության պատճառը Ժամանակավորապես կդադարեցվի հետևյալ հասցեների էլեկտրամատակարարումը Տավուշի մարզում Mercedes-ը դուրս է եկել ճանապարհի երթևեկելի հատվածից, բախվել գազատար խողովակին և բռնկվել Ուսումնական տարին սեպտեմբերի 1-ին չի մեկնարկի Գագիկ Ծառուկյանի աջակցությամբ հուշակոթող է տեղադրվել Նոր Նորքի անմահ հերոսների հիշատակինԴոլարի եւ եվրոյի փոխարժեքներն աճել են Հայ-իրանական պետական սահմանի հատվածում ստեղծվել է լարված օպերատիվ իրավիճակ․ Ռուսաստանի ԱԴԾ սահմանապահ վարչություն Թուրքիան նոր ռազմական գործողություն կսկսի. Էրդողանը կրկին սպառնում է