Երևան, 04.Հոկտեմբեր.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Պանթուրքիզմի մեքենան կանգնեցնելու առաջնահերթությունը. ի՞նչ քայլեր պետք է ձեռնարկի Հայաստանը. «Փաստ»

ՎԵՐԼՈՒԾԱԿԱՆ

«Փաստ» օրաթերթը գրում է

Ադրբեջանի լկտի և հանցագործ գործելակերպը նորություն չէ ու վերստին ցույց է տալիս, որ թաշնամու սադրանքները ոչ միայն չեն դադարելու, այլ ավելի ինտենսիվ բնույթ են կրելու։ Պատահական չէ, որ Ադրբեջանում տարբեր օղակներից հայտարարում են, թե սահմանում ընդամենը հումանիտար հրադադար է հաստատվել՝ դրանով կարծես թե փորձելով շեշտել դրա ժամանակավոր բնույթը, իսկ մինչ այդ նոր ագրեսիայի են նախապատրաստվում։ Նույնիսկ ՄԱԿ-ում ՀՀ ներկայացուցիչն է ահազանգում այն մասին, որ Ադրբեջանը Նախիջևանից նոր հարձակում է նախապատրաստում։ Եվ անգամ բացառված չէ, որ միաժամանակ Գեղարքունիքի, Սյունիքի, Վայոց ձորի ուղղությամբ փորձեն առաջ շարժվել, իսկ մյուս կողմից էլ՝ Նախիջևանից, որպեսզի ՀՀ-ի տարածքը կտրեն՝ այն անվանելով «Զանգեզուրի միջանցք», ու պանթուրքական երազանքներն իրականություն կդառնան, որի արդյունքում, ի վերջո, Թուրքիան ցամաքային կապով կմիանա Ադրբեջանին։

Ու մինչ իրավիճակը շարունակում է լարված մնալ, ՌԴ ԱԳՆ ներկայացուցիչ Զախարովան հայտարարում է, թե Հայաստանի և Ադրբեջանի միջև խաղաղության պայմանագրի մշակմանն ուղղված աշխատանքները շարունակվում են։ Հասկանալի է, որ Ադրբեջանը փորձում է ռազմական գործողությունների միջոցով պայմանագրում ամրագրել հայկական կողմի համար այնպիսի դրույթներ, որոնք լիովին անընդունելի են։ Ստացվում է, որ պայմանագրի վերջնական արդյունքը կախված է նրանից, թե արդյոք Հայաստանը կկարողանա դիմագրավել թուրք-ադրբեջանական սադրանքներին։ Իսկ ի՞նչ քայլեր պետք է ձեռնարկի Հայաստանը։ Այս խնդիրը բազմաշերտ է և ունի մի շարք բաղադրիչներ։ Առաջին հերթին հարկավոր է ռազմականորեն պատրաստ լինել էսկալացիային՝ հաշվի առնելով թշնամու գործողությունների ձեռագիրը և նկատի ունենալով, թե ինչ միջոցներ կարելի է կիրառել ադրբեջանական զինուժին հյուծելու համար։

Նորություն չէ, որ թշնամին միջոցների առաջ կանգ չի առնում և թիրախավորում է ոչ միայն ռազմական նշանակության օբյեկտները, այլև քաղաքացիական ենթակառուցվածքները և խաղաղ բնակիչներին՝ անգամ դրա համար գործի դնելով ԱԹՍ-ները, սակայն հայկական կողմն արդեն պետք է այնպիսի մեթոդներ մտածած լիներ, որ թշնամին ի վիճակի չլիներ արդյունավետությամբ անօդաչուները կիրառել, բայց ՀՀ իշխանություններն այսպիսի առաջնահերթ խնդիրներով զբաղվելու փոխարեն այսքան ժամանակ ուղտի ականջում քնած են մնացել։ Մեկ այլ տարբերակ է թշնամու համար ծուղակի լարումը, երբ նրան կթվա, թե առաջընթաց է գրանցում՝ խորանալով ՀՀ տարածքի մեջ, բայց արդյունքում կհայտնվի շրջափակման մեջ ու գլխովին կջախջախվի։ Մյուս կողմից էլ՝ հայկական կողմի համար առկա իրավիճակում ամենակարևոր խնդիրներից մեկն է թույլ չտալ, որ խուճապ առաջանա մեր հասարակության շրջանում, բայց, ինչպես երևում է, ՀՀ իշխանություններն, իրենց սովորության համաձայն, միշտ հակառակն են անում՝ հանրության ներսում բաժանարար գծեր անցկացնելով։

Եվ ամենակարևոր ճակատը, որում պետք է Հայաստանը լարի իր ողջ ուժերը, դիվանագիտականն է։ Անհրաժեշտ է օրուգիշեր բոլոր ուղղություններով աշխատել, որպեսզի Ադրբեջանի գործողությունները դատապարտման արժանանան, իսկ Հայաստանը նախ ստանա քաղաքական ու դիվանագիտական աջակցություն, ապա նաև ռազմական և տնտեսական։ Բայց ինչպես երևում է՝ դիվանագիտական աշխատանքը բավարար չէ: Ճիշտ է, վերջին մի քանի օրերին որոշակի ակտիվություն ու աշխատանք զգացվում է, սակայն խնդիրն այն է, որ շատ դեպքերում դրանք պարզապես հրդեհ հանգցնելու են նման, քանի որ մինչ այս գրեթե ոչինչ չէր արվել:

Թերևս դրա արդյունքում է, որ, օրինակ՝ հրադադարի հաստատումից հետո է միայն պարզ դառնում, որ Իրանի հեղափոխության պահապանների կորպուսը զորք է կուտակում Հայաստանի հետ սահմանին, իսկ ՀՀ-ում Իրանի դեսպանատունն էլ հայտարարում է, թե Իրանը հատուկ դիմադրություն կցուցաբերի ցանկացած սցենարի, որը կվնասի պատմական ուղի հանդիսացող Իրան-Հայաստան սահմանին։ Չէ՞ որ այս ամենը կարող էր տեղի ունենալ ոչ թե հրադադարի պայմանավորվածությունից հետո, այլ հենց էսկալացիայի առաջին օրը, և դրանով որոշակի ուղերձ կհղվեր ադրբեջանական կողմին։ Շատ կարևոր է նաև ռուսական կողմի հետ աշխատանքը։ Հասկանալի է, որ Թուրքիան և Ադրբեջանն օգտվում են նրանից, որ ՌԴ-ն Ուկրաինայում որոշակի անհաջողություններ է կրում, բայց պետք է աշխատել ռուսական էլիտայի հետ՝ ցույց տալու, թե ինչ լուրջ վտանգ կարող է պարունակել ռուսական շահերի համար դաշնակից Հայաստանի թուլացումը՝ ընդհուպ մինչև ՌԴ-ի դուրս մղում տարածաշրջանից։ Միաժամանակ, անհրաժեշտ է գործի դնել ՀԱՊԿ-ի հարթակի ներուժն այնպես, որ այդ կազմակերպության այն անդամները, որոնք պրոադրբեջանական դիրքորոշում ունեն, չկարողանան եղանակ ստեղծել։ Աջակցություն կարելի է ստանալ նաև Հնդկաստանի կողմից՝ մանավանդ, որ այդ երկիրը հակաթուրքական դիրքավորում ունի՝ կապված նրա հետ, որ Թուրքիան ու Ադրբեջանը անընդհատ աջակցություն են հայտնում Պակիստանին։

Հնդկաստանի ներուժը կարող է պետք գալ նաև ռազմական տեխնիկայի համալրումների տեսանկյունից։ Մյուս կողմից էլ՝ Հայաստանը պետք է ձգտի նաև ստանալ Արևմուտքի երկրների սատարումը։ Ճիշտ է՝ ԵՄ երկրները կփորձեն ավելի մեղմ արտահայտվել՝ հաշվի առնելով Թուրքիայով ադրբեջանական գազի ներկրումների ավելացումը, այնուամենայնիվ անհրաժեշտ է նրանց ի ցույց դնել որոշակի վտանգներ հենց ԵՄ-ի համար։ Եթե Թուրքիան ու Ադրբեջանը ռազմական ճանապարհով հաջողության հասան Հարավային Կովկասում, ապա հաջորդ ուղղությունը լինելու է Եվրամիության անդամներ Հունաստանի ու Կիպրոսի նկատմամբ ագրեսիան և ԵՄ-ում իրավիճակի ընդհանուր ապակայունացումը։

Մյուս կողմից էլ՝ պետք է օգտագործել այն հանգամանքը, որ Թուրքիան փորձում է ընդհանրապես դուրս թողնել Արևմուտքին մեր տարածաշրջանից, դրա համար էլ Էրդողանը նախաձեռնել էր հենց «3+3» ձևաչափը, որում որևէ արևմտյան պետություն ներառված չէ։ ԱՄՆ-ին ևս անհանգստացնում է Թուրքիայի ակտիվությունը, քանի որ այդ երկիրը սկսել է տարբեր հարցերում շանտաժի լեզվով խոսել Վաշինգտոնի հետ, իր հարևան պետությունների սահմանների երկայնքով ապակայունացնել իրավիճակը, իսկ Անկարայի շատ հզորացումը և պանթուրքական ծրագրերի իրագործումը կարող են հող նախապատրաստել, որ այդ երկիրն ընդհանրապես դուրս գա արևմտյան քաղաքականության ուղեծրից։ Թերևս դիվանագիտական հզոր ճնշումը Թուրքիայի և նրա արբանյակ Ադրբեջանի վրա կարող է զսպել նրանց ախորժակը, բայց այլ հարց է, թե որքանով Հայաստանին կհաջողվի հասնել նման շրջադարձային կետի։

ԱՐՏԱԿ ԳԱԼՍՏՅԱՆ

Մանրամասները՝ «Փաստ» օրաթերթի այսօրվա համարում

 
Մարզպետներն էլ պատասխան կտան․ «Փաստ»Ռազմարդյունաբերական համալիրում լուրջ դժգոհություններ կան․ «Փաստ»Բայդենի վարչակազմը ձգտում է լրացնել բացը Հարավային ԿովկասումՆԱՏՕ-ն աջակցում է Հայաստանի եւ Ադրբեջանի միջեւ հարաբերությունների կարգավորմանը Նիկոլ Փաշինյանն ու ՔՊ-ն որոշել են զավթել ԿԸՀ-ն. Դանիել Իոաննիսյան Հանրապետության մի շարք հասցեներում կդադարեցվի գազամատակարարումը Էլեկտրաէներգիայի անջատման հասցեները և ժամանակացույցը Չի կարելի երկրորդ անգամ մտնել միևնույն գետը. պետք է հայտարարվի միայն մեկ համազգային օրակարգ. Վարդան Ոսկանյան Ադրբեջանի ԶՈւ ստորաբաժանումները ականանետերից կրակ են բացել հայկական մարտական դիրքերի ուղղությամբ․ ՊՆ Եվրամիության երկրների առաջնորդները մտադիր են Եվրահանձնաժողովին խնդրել սահմանափակել գազի գները Հանրապետության մի շարք հասցեներում կդադարեցվի ջրամատակարարումը Հայաստանը կարող է էկզիստենցիալ սպառնալիքի բախվել․ Հունաստանի ԱԳ նախարար Ցյուրիխյան արձանագրությունների վերաբերյալ Լևոն Տեր-Պետրոսյանի դատողություններն անընդունելի են․ՀՀ 3-րդ նախագահի գրասենյակ Սիսիան-Երևան ավտոճանապարհին բեռնատարին բախված ավտոմեքենաներից մեկի վարորդը հոսպիտալացվել է Ադրբեջանը 44-օրյա պատերազմի ժամանակ հայերին խոշտանգած հանցագործներին պետական մակարդակով հերոսացրել է․ Թաթոյան Երևանում ծեծի են ենթարկել մերսման սրահի տնօրենին, մենեջերին և աշխատակցուհուն Հայ զինծառայողների սպանության տեսանյութը ներկայացվել է ՄԻԵԴ և Արդարադատության միջազգային դատարան Բադալյան եղբայրների նախաձեռնությամբ կվերականգնվի Թալինի սուրբ Կաթողիկե եկեղեցին (տեսանյութ) ՀՀ ՊՆ-ն հայտարարություն է տարածել Արցախը պատրաստ է Ադրբեջանի հետ բանակցել բանակցային լիարժեք ձևաչափի վերականգնման դեպքում․ տեղի է ունեցել Արցախի ԱԽ նիստ ԵՄ-ն եւ Իսրայելը 10 տարվա մեջ առաջին անգամ բարձր մակարդակի բանակցություններ են վարել Իրանում բողոքի ցույցերի ժամանակ 133 մարդ է զոհվել. պնդում են իրավապաշտպանները Սյունիքում բախվել են MAN բեռնատարը, Opel Astra-ն ու VAZ 2106-ը. կա վիրավորԺամանակավորապես կփակվի Մ. Բաղրամյան պողոտան Կասյան փողոցի հետ կապող էստակադանԱմենայն Հայոց Կաթողիկոսն ընդունել է Իտալիայի վճռաբեկ դատարանի պատվիրակությանը «Արամի մարմինը 10 ամիս եղել է Սևանի դիահերձարանում, այդ ողջ ընթացքում ընտանիքը Արամին փնտրել է ամենուր» Ադրբեջանը Հայաստանին է ներկայացրել «խաղաղության պայմանագրի» տարրերը Երեխան ձեռքը մտցրել է էլեկտրական մսաղացի մեջ․ դաստակի եւ մատների անդամահատում է կատարվել. ԲԿ Կադիրովը մտադիր է դիմել Գինեսի ռեկորդների գրքում հայտնվելու համար՝ իր դեմ բազմաթիվ պատժամիջոցների պատճառով Էներգաարդյունավետություն. Ինչպե՞ս ընտրել բնակարան ՊՆ-ն հերքում է Սոթքի ուղղությամբ կրակոցների և քաղաքացիական անձի վիրավորման մասին տեղեկությունըԱԺ հերթական նիստերի օրակարգի նախագծում կընդգրկվի 21 հարց Չեխիան իր քաղաքացիներին հորդորել է լքել Ռուսաստանը Ադրբեջանի հետ մահացու բախումներից հետո Հայաստանն ավելի շատ աջակցություն «գտավ» ԱՄՆ-ի մոտ, քան իր դաշնակից ՌուսաստանիՄոսկվան կոչ է անում Երևանին և Բաքվին` ուսումնասիրել զինծառայողների գնդակահարության տեսանյութը. Զախարովա Վաղը Քաջարան և Մեղրի համայնքներում շչակ է փորձարկվելու Իշխանասարում Ադրբեջանի հարձակման հետեւանքով զոհված Զորիկ Մարգարյանը միակողմանի ծնողազուրկ էր Սևան-Երևան ճանապարհին Nissan Xterra-ն բախվել է արգելապատնեշին. կա տուժածԱդրբեջանի ագրեսիայի հարցով Հայաստանի հ/կ-ները դիմել են ՄԱԿ-ի Մարդու իրավունքների հանձնակատարին «Միլանի» ավագը բաց կթողնի 3 ամիս Հրամանն արդեն գործում է Վեհափառի նախաձեռնած հարթակը կարելի է սպառված համարել․ Լևոն Տեր–Պետրոսյան Հայաստանը ավելի շատ աջակցություն ստացավ ԱՄՆ-ից, քան Ռուսաստանից. Արմեն Գրիգորյան 3 օրում բացահայտվել է 125 հանցագործության դեպք ՌԴ-ին միացած նոր շրջաններում ուկրաիներենը պաշտոնական կարգավիճակ չի ունենա «Սուրմալուի» պայթյունից երկու ամիս անց եռահարկ կիսավեր շենքը քանդելու որոշում է կայացվել Բոլորն ունեն կարծիք, որ տնտեսական աճը, որ ունենք, մեզնից անկախ աճ է, բայց դա այդպես չէ. Վահան Քերոբյան Դոլարն ու եվրոն թանկացել են ՀՀ վարչապետն ընդունել է Իտալիայի Վճռաբեկ դատարանի առաջին նախագահի գլխավորած պատվիրակությանը Դոնեցկի, Լուգանսկի, Խերսոնի և Զապորոժիեի ներառումը ՌԴ կազմ ռուսական հողերի վերամիավորման տրամաբանական շարունակությունն է. Լավրով