Երևան, 08.Դեկտեմբեր.2022,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Փաշինյանը ՌԴ-ից քաղաքական ապահարզանի առաջին քայլն արեց, ինչը հղի է անկանխատեսելի հետևանքներով»․ «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Հայ-ադրբեջանական սահմանին սեպտեմբերի 13-ին տեղի ունեցածը հրադադարի ռեժիմի խախտում էր՝ ռազմական հստակ գործողություններով, որի նպատակը նվազագույնը մարտական դիրքեր, ռազմավարական նշանակություն ունեցող բարձունքներ վերցնելն էր, էական վնաս հասցնելը առաջին հերթին հայկական զինուժին։ «Փաստի» հետ զրույցում այս մասին նշել է ռազմական փորձագետ Հայկ Նահապետյանը։

«Իսկ այն կրակոցները, որոնք տեղի են ունենում հրադադարի ռեժիմը վերականգնելուց հետո, լինելու են մինչև այն պահը, քանի դեռ երկու պետությունները միմյանց նկատմամբ չեն վերցրել պարտավորություն՝ կատարելու խաղաղության պայմանագրի կետերը, որն այս պահին չկա։ Երբ այդ պայմանագիրը լինի, այդ պահից գոնե իրավական առումով կրակոցներ չլինելու երաշխիքներ պետք է լինեն։ Ունենք իրականություն, սակայն, երբ Ադրբեջանը շարունակում է կրակել։ Ու չի բացառվում, որ, հաշվի առնելով աշխարհաքաղաքական իրողությունները կամ Հայաստանի իշխանությունների՝ միջազգային ամբիոններում ոչ կոմպետենտ կեցվածքը, բացթողումները, սխալները, Ադրբեջանը կարող է կրկին առիթից օգտվել ու բարելավել իր դիրքերը»,- նշեց փորձագետը։

Բացի նվազագույն նպատակներից, ըստ Հայկ Նահապետյանի, Ադրբեջանի ռազմաքաղաքական ղեկավարությունն իր առջև նաև այլ խնդիրներ է դրել։ «Առաջին խնդիրը «Զանգեզուրի միջանցք» ունենալն է, երկրորդ խնդիրը հայ- ադրբեջանական սահմանի ամբողջ տարածքում իշխող բարձունքներ վերցնելն է, որը լայնածավալ ռազմական գործողություններից հետո կամ պատերազմի ընթացքում հնարավորություն կտա դյուրին կերպով վերցնել հսկայական տարածքներ։ Այդ խնդիրն, ի դեպ, 2020 թ. նոյեմբերի 9-ից հետո արդեն 3-րդ անգամ է իրականացնում։ Երրորդ խնդիրն այն է, որ Հայաստանն ամբողջովին հրաժարվի Արցախից և ճանաչի Ադրբեջանի տարածքային ամբողջականությունը։ Մյուս խնդիրը հետևյալն է. եթե, այնուամենայնիվ, աշխարհաքաղաքական իրողություններն Ադրբեջանին թույլ տան լայնածավալ ռազմական գործողություններ սկսել ՀՀ ամբողջ տարածքում, անկասկած սկսելու են։ Առավել ևս, որ այդ երկրի ղեկավարը պարբերաբար ու հրապարակավ ասում է, թե իբր «Հայաստանի շատ տարածքներ պատմական Ադրբեջանի տարածքներ են»։ Իր համար այդ տարածքները վերցնելը ևս խնդիր է, էլ չեմ ասում, որ Ալիևը բազմիցս այդ համատեքստում նաև Երևանի մասին է խոսել»:

Որպեսզի թվարկված կետերը կյանքի չկոչվեն, ըստ փորձագետի, Հայաստանն առաջին հերթին պետք է ունենա իրավիճակը համարժեք գնահատող և իրենից կամային կենտրոն ներկայացնող իշխանություններ. «Այդ իշխանությունը պետք է կարողանա որակապես և շատ արագ վերականգնել ԶՈւ-ն, բարձրացնել բանակի բարոյահոգեբանական վիճակը և սպայակազմի միջոցով պատերազմի դաշտում զորքերի կառավարումը հասցնել առավելագույնի։ Սա է այն առաջին և ամենակարևոր կռվանը, որով մենք կարող ենք կանխարգելել կամ ձախողել Ադրբեջանի ռազմաքաղաքական ղեկավարության ցանկացած ռազմատենչ նպատակ կամ գործողություն։ Դաշնակից պետությունները միայն դրանից հետո կարող են իրենց շահերի սպասարկման համատեքստում այս կամ այն չափով մեզ օժանդակել։ Առաջին հերթին մենք մեզ պետք է պաշտպանենք, մեզ մոտ պետք է միակամություն լինի, ինչը իշխանությունների ամենառաջնային խնդիրն է»։

Մեր զրուցակիցը նշեց, որ ներկայիս իշխանությունները այլ ուղղությամբ են շարժվում. «Մի թևավոր խոսք կա` «գետանցման ժամանակ ձիեր չեն փոխում», վտանգ կա, որ փոխելու ժամանակ ջրի հոսքը պարզապես կտանի։ Հիմա սեպտեմբերի 23-ին ՄԱԿ-ի ամբիոնից Փաշինյանը հրապարակավ ոչ միայն ակնարկեց, այլև թիրախային մտքեր արտահայտեց, ըստ որի, ուզում է միջազգային դիտորդական առաքելության խմբեր տեղակայվեն հայ-ադրբեջանական սահմանին։ Խոսքը միջազգային խաղաղապահ ուժերի մասին է, իսկ ՄԱԿ-ի մանդատով դրանք ՆԱՏՕ-ի ստորաբաժանումներն են՝ այլ ստորաբաժանում չկա, կառավարումը, մեծ հաշվով ու չերևացող ձևով իրականացվում է ՆԱՏՕ-ի կողմից։ Փաստորեն, Փաշինյանն այդ ելույթով ՌԴ-ից քաղաքական ապահարզանի առաջին քայլն արեց։ Իր ելույթում բավականին խիստ քննադատեց ՀԱՊԿ-ին ու Ռուսաստանին՝ առանց նշելու ՀԱՊԿ-ի և Ռուսաստանի անունը։ Տարածաշրջանային անվտանգություն ապահովող միջազգային կազմակերպություններից դժգոհություն հայտնեց, իսկ այդ կազմակերպությունն այս պահին ՀԱՊԿ-ն է։ Դե, ստացվում է՝ «գետանցման ժամանակ ձիերին փոխում» է։ Իրականում դա հղի է անկանխատեսելի հետևանքներով։ Մասնավորապես, իրավիճակից կարող է օգտվել Ադրբեջանի ռազմաքաղաքական ղեկավարությունը»։

Ռազմական փորձագետը այդ համատեքստում հիշեցրեց, որ սեպտեմբերի 22-ին Փաշինյանը հանդիպել է ՆԱՏՕ-ի գլխավոր քարտուղար Յենց Ստոլտենբերգի հետ. «Սա ինքնին հուշում է, որ ՆԱՏՕ-ի հետ հիմա բանակցություններ են ընթանում։ Կարծում եմ՝ դրանք նԱՏՕ-ի խաղաղապահ ստորաբաժանումներին միջազգային դիտորդական առաքելություն իրականացնելու անվան տակ հայ-ադրբեջանական սահմանին տեղակայելու մասին են։ Իսկ ինչպե՞ս կարձագանքի այդ քայլին ՌԴ-ն։ Այսօր Ռուսաստանը պատերազմում է ՆԱՏՕ-ի հետ, որի մասին օրեր առաջ հրապարակավ հայտարարեց ՌԴ պաշտպանության նախարարը՝ անդրադառնալով Ուկրաինայում առկա իրավիճակին։ Ստացվում է, որ այսօր Փաշինյանը Ռուսաստանի թշնամի պետության զորքերին ՌԴ-ի ռազմավարական դաշնակից ՀՀ տարածք է հրավիրում։ Եթե ՌԴ-ն համարժեք կեցվածք դրսևորի այդ հայտարարություններին, կարծում եմ, մեզ համար ծանր օրեր են սպասվելու, և Ալիևն այդ առիթը բաց չի թողնելու։ Վերոնշյալ փաստերն արձանագրելով՝ կարող ենք ենթադրել, որ, այնուամենայնիվ, Ռուսաստանի քաղաքական ղեկավարության կողմից կարող են կտրուկ փոփոխություններ լինել ՀՀ-ի նկատմամբ վերցրած պարտավորությունները կատարելու տեսանկյունից»։

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

«Լավ չեմ, ազատեցեք ինձի». Բաքվի բանտից ահազանգել է Վիգեն Էուլջեքյանը Թոշակների բարձրացումը շռայլություն չէ. Նարեկ Մկրտչյան ԱՄՆ Սենատի հանձնաժողովը Ուկրաինայի դեմ Ռուսաստանի գործողությունները ճանաչել է որպես ցեղասպանություն Ինչո՞ւ և ինչպե՞ս. Եգիպտական բուրգերի կառուցման՝ դեռևս անհասկանալի և անբացատրելի ընթացքն ու պատճառները. «Փաստ»ՊԱՏՄՈՒԹՅԱՆ ԱՅՍ ՕՐԸ (8 ԴԵԿՏԵՄԲԵՐԻ). Ստորագրվել է միջին և փոքր հեռահարության հրթիռների լիկվիդացիայի պայմանագիր. «Փաստ»Լույս աշխարհ է եկել 44-օրյա պատերազմի հերոս Վահե Կարապետյանի եղբայրըԿոչ ենք անում ՀՀ ԿԳՄՍ նախարարությանը չստեղծել արհեստական խոչընդտներ. ԲՊՀ ուսանողական խորհրդի հայտարարությունըԱդրբեջանը տեղեկատվական դիվերսիա է սկսել ռուս խաղաղապահների դեմ. «Փաստ»Ռուսները պետք է ադրբեջանցիներին պատժեն, շանսատակ անեն. Գագիկ Մելքոնյան Երկրաշարժ Մախաչկալա քաղաքից 99 կմ հարավ-արևմուտք Արցախում թունավորված անչափահասների թիվն ավելանում է Վերսալի ստվերը Լեռնային Ղարաբաղի վրա. արդյո՞ք Ռիկերը կդառնա ժամանակակից Հարբորդ. «Փաստ»Հայաստանի տնտեսությունում ներդրումներն աճել են գրեթե 5 անգամ. ԵԱՏՀ ղեկավարի ելույթը ԵԱՏՄ գագաթնաժողովին 2023թ-ի բյուջեի նախագիծն ընդունվեց 66 կողմ ձայնով Ուկրաինայում հատուկ ռազմական գործողությունը կարող է տևական գործընթաց դառնալ. Պուտին Ուժգին երկրաշարժ Հայաստանում. Ցնցումները զգացվել են Տավուշում Մինչև երկու տարեկան երեխայի խնամքի նպաստի չափերը կփոփոխվեն. նախագիծ. «Փաստ»Պղինձը թեթեւակի թանկանում է Տոյվո Կլաարը հայտնել է Երևան այցի մասին Երևանի ու Արարտի մի շարք հասցեներում 36 ժամ ջուր չի լինի «Մեր երկիրն աղքատացավ, լուսավորները գնացին, մենք մնացինք խավարի մեջ. Վանիս զոհվելուց հետո չենք ապրում, պարզապես շնչում ենք». «Փաստ»Սատանի կամրջից մինչև Տաթևի վանք ճանապարհահատվածը կցորդով տրանսպորտային միջոցների համար դժվարանցանելի է ՀԱՊԿ-ից օգնություն չենք ընդունի, քանի դեռ չկա Բաքվի ագրեսիային հստակ գնահատական. Փաշինյան Երևանում պայթեցում է լինելու. չանհանգստանալ Ոսկու մեկ ունցիայի արժեքը ցածր է 1 795 դոլարից Այն ամենն, ինչ քննադատում էր, այժմ թույլատրելի է իրեն. «Փաստ»Երկար ժամանակով լույս չի լինելու Երեւանում եւ 8 մարզերում Հայաստանի իշխանությունը կողքից «թամաշա» անելու գործելակերպ է ընտրել, դա ուղղակի թշնամություն է սեփական ժողովրդի նկատմամբ. Տիգրան Աբրահամյան Մերկասառույց, ձյուն, մառախուղ․ ՀՀ տարածքում կան փակ և դժվարանցանելի ավտոճանապարհներ Ամանորյա քանի՞ ոչ աշխատանքային օր կլինի այս տարի Արցախի պետնախարար Վարդանյանը երեխաների թունավորման դեպքի հետ կապված խորհրդակցություն է անցկացրել «Արևիկ» բուժմիավորումումՍուրեն Պապիկյանն աշխատանքային այցով մեկնել է Ռուսաստանի Դաշնություն «Պատրաստ են Արցախից ազատվել, Հայաստանը ծվեն-ծվեն անել, միայն թե իշխանավարությունն ավելի երկարի». «Փաստ»«Մեկ խնդիր է դրված. մեր տեսակը կարողանո՞ւմ ենք պահել, թե՞ լղոզվելու և վերանալու ենք». «Փաստ»Իշխանության «բարեփոխումների» ու նախաձեռնությունների մութ անկյունները. «Փաստ»Ի՞նչ ճակատագիր կունենան աշխատանքի և սոցիալական հարցերի ու առողջապահության նախարարությունները. «Փաստ» Ինչո՞ւ է «Վերածնվող Հայաստան» կուսակցության անդամներից մեկը շարունակում մնալ պատգամավոր. «Փաստ»«Հիմքը պետք է ինքնորոշման իրավունքի իրացման վրա լինի». «Փաստ»Էլեկտրաէներգիայի վաղվա անջատման հասցեները և ժամանակացույցը Կանխվել է 37-ամյա քաղաքացու ինքնասպանության փորձը Դավթաշենի կամրջից Թունավորման ախտանշաններով տեղափոխված երեխաներից ևս 3-ը դուրս է գրվել. Արցախի ԱՆ Երևանում պարեկները անչափահասի մոտ հայտնաբերել են «Մակարով» տիպի ատրճանակ Տղամարդը սպառնում է ցած նետվել Դավիթաշենի կամրջիցՓրկարարներն արգելափակումից դուրս են բերել 26 բեռնատար ավտոմեքենա Ինչու՞ է ալիևն ուզում պատերազմ սկսել Պարսկաստանի դեմՏղամարդը սպառնում է ցած նետվել Դավիթաշենի կամրջից.նա հանդիպում է պահանջում Խաչատուր Սուքիասյանի հետ Ողբերգական դեպք՝ Գեղարքունիքի մարզում. բնակելի շենքի նկուղում հայտնաբերվել է 41-ամյա կախված կնոջ դի Գյումրիի ռուսական ռազմաբազայի զինծառայողները հարգել են Սպիտակի երկրաշարժի զոհերի հիշատակը Համաշխարհային միտումները տանում են դեպի ամբողջովին արևային էներգիայի արտադրության Շվեյցարիայի ՆԳՆ ղեկավար Ալեն Բերսեն ընտրվել է երկրի՝ 2023 թ.-ի նախագահ