Երևան, 05.Փետրվար.2023,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Բանակցային սեղանին հայկական որևէ փաստաթուղթ չկա, մեր կարմիր գծերը չկան». «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է

Կապիտուլ յացիոն պայմանագրի ստորագրումից երկու տարի անց ՀՀ իշխանություններն այդպես էլ չկարողացան բանակցային առարկայից դառնալ բանակցային կողմ: «Փաստի» հետ զրույցում նման կարծիք է հայտնել Արցախի «Արդարություն» կուսակցության համանախագահ Հակոբ Հակոբյանը:

«Բանակցություններն այսօր ընթանում են ոչ թե ՀՀ իշխանությունների մասնակցությամբ, այլ Հայաստանի և Արցախի Հանրապետությունների մասին տրամաբանությամբ, որտեղ ունենք անասելի հետընթաց: Այս ամենն սկսվեց, երբ Նիկոլ Փաշինյանը հայտարարեց, որ «միջազգային հանրությունը պահանջում է Արցախի հարցում նշաձողն իջեցնել»: Ու նշաձողն իջեցնելով՝ հասանք մի կետի, որ այժմ բանակցային սեղանի շուրջ քննարկումներ են ընթանում ոչ թե Արցախի Հանրապետության, ԼՂ հակամարտության մասին, այլ ընդամենը ԼՂ-ում ապրող հայերի իրավունքների մասին: Երկու տարվա ընթացքում Հայաստանի իշխանությունների կողմից անընդունելի գործողություններ իրականացվեցին, ու մենք բանակցային դերակատարության կամ դիրքի բարելավում չտեսանք: Ընդհակառակը՝ յուրաքանչյուր հանդիպումից նորանոր զիջումներ են լինում: Այս ամենին պետք է վերջ դրվի, ու առաջին քայլը պետք է բանակցողի փոփոխությունը լինի»,-ընդգծեց Հ. Հակոբյանը:

Նա կարծում է, որ այս փուլում Արևմուտքի ակտիվացումը պայմանավորված է միայն մեկ նպատակով: «Աշխարհաքաղաքական զարգացումները, դրան գումարած նաև ՌԴՈւկրաինա հակամարտությունը հասել են մի կետի, երբ հավաքական Արևմուտքը՝ ԱՄՆ-ի գլխավորությամբ, ցանկանում է Հարավային Կովկասից դուրս մղել ՌԴ-ին: Այս համատեքստով են թելադրված Արևմուտքի գործողությունները նաև մեզ վերաբերող հարցերում, որոնք ամենևին չեն բխում Հայաստանի շահերից կամ Հայաստանին խաղաղություն պարգևելու նպատակից:

Հավաքական Արևմուտքն ակտիվացել է ու ներկայացնում է խաղաղության պայմանագրի իր տարբերակը, որտեղ հենց այն իջեցված նշաձողն է, որի մասին ավելի վաղ խոսում էր Նիկոլ Փաշինյանը: Որքանով տեղյակ ենք բաց տեղեկություններից, խաղաղության փաստաթղթի «վաշինգտոնյան» տարբերակի մեջ ընդամենը խոսվում է Ղարաբաղում ապրող հայերի իրավունքների մասին, և ոչ մի խոսք չկա Արցախի կարգավիճակի մասին՝ հիմնված ինքնորոշման իրավունքի վրա: Միևնույն ժամանակ, ռուսական կողմն առաջարկում է ՀայաստանԱդրբեջան հարաբերությունների կարգավորման մեջ ԼՂ հակամարտությանն ուղղակի ձեռք չտալ՝ հետագայում այդ հարցին վերադառնալու պայմանով, որ, կարծես թե, ավելի ընդունելի է, քան արևմտյան կողմի տարբերակը, թեպետ նույնպես մեր երազանքների տարբերակը չէ»,-հավելեց մեր զրուցակիցը:

Ըստ նրա, սակայն, խնդիրն այլ է. «Բանակցային սեղանին հայկական որևէ փաստաթուղթ չկա, չկան այն առաջարկները, որոնք հայկական կողմը կաներ: Այո, միգուցե կողմերից և որևէ մեկը չընդուներ այդ առաջարկները, սակայն չի նշանակում, որ մեր՝ հայկական փաստաթղթի տարբերակ չպետք է լիներ: Այդ բանակցությունների սեղանին չկան այն կարմիր գծերը, որոնք մենք կսահմանեինք ու կասեինք, որ այդ գծերից այնկողմ մենք չենք բանակցում: Սա է ամբողջ խնդիրը: Եվ այս համատեքստում է տեղավորվում Փաշինյանի հարցադրումը: Մասնավորապես, երբ թշնամի երկրի ղեկավարին հարցնում է՝ ի՞նչ քարտեզով եք ուզում պայմանագիր կնքել, հետո էլ հարցնում՝ դուք ինչպե՞ս եք պատկերացնում այդ խաղաղության պայմանագիրը: Այսինքն, հայկական կողմից որևիցե նախաձեռնողականություն չկա: Խնդիրն այն է, թե որ ուժը ինչպես կստիպի Փաշինյանին ստորագրել այս կամ այն փաստաթուղթը: Հարցն այն է, որ ՀՀ իշխանությունները չեն կարողանում բանակցել կողմերի հետ ու այդ սեղանի շուրջ ներկայացնել երկրի, ժողովրդի շահերը»:

Այս համատեքստում Հակոբ Հակոբյանը հիշեցրեց՝ դեռ 2018-ից է իրենց կուսակցությունը ժողովրդին բացատրել, որ գունավոր հեղափոխությամբ երկրի իշխանության ղեկին հայտնված Փաշինյանը և նրա շուրջ եղած խումբը Արցախը հանձնելու համար են եկել. «Երբ այդ մասին խոսում էինք, մեզ մեղադրում էին պատերազմով մարդկանց վախեցնելու ու քաղաքական դիվիդենտներ շահելու մեջ: 2018-ից սկսած անընդհատ կրկնել ենք, որ Փաշինյանը ղեկավարվում է որոշակի կենտրոնների կողմից, և հիմնական նպատակն Արցախն Ադրբեջանի կազմում թողնելն է՝ գնալ զիջողականության և դրանով հայկական հարցն ընդհանրապես փակել»:

Հակոբ Հակոբյանն այլ ենթատեքստ է տեսնում իշխանությունների կողմից վերջին օրերին Ադրբեջանին ուղղված մեղադրանքների, սուր ելույթների մեջ. «Կարծում եմ՝ մեզ թերևս հերթական զիջումն է սպասվում, որը կարող է լինել ինչպես ուժի կիրառմամբ, այնպես էլ առանց ուժի կիրառման: Հերթական զիջման նախաշեմին Նիկոլ Փաշինյանը հանդես է գալիս որպես «չտեսնված հայրենասեր» և պարզապես նշում է այն ամենը, ինչին մենք պետք է ականատես լինենք: Սա արվում է, որ հետագայում նորից իր հերթական հարցազրույցներից մեկում ասի, որ այդ զիջումներին գնացել է, որովհետև նման իրավիճակ էր, թշնամին նման առավելապաշտական ցանկություններ է ունեցել: Օրինակ՝ այնպես, ինչպես 2020-ի նոյեմբերի 10ին հայտարարեց, որ այդ պայմանագիրը կնքել է, որ փրկի Ստեփանակերտը կամ փրկի շրջափակման մեջ ընկնելու վտանգի առաջ կանգնած 30 հազար զինվորի:

Այսինքն, Փաշինյանն իր բոլոր ոչ հայանպաստ գործողությունները կատարելուց հետո դրանք որպես պահի թելադրանք է ներկայացնում: Նա Շուշիի հանձնումը և կապիտուլ յացիոն փաստաթուղթ ստորագրելը ներկայացնում է որպես Ստեփանակերտը փրկելու տարբերակ՝ չխոսելով այն մասին, թե ինչպես թշնամին եկավ ու հասավ Շուշի, չխոսելով նաև այն մասին, թե ինչպես հայտնվեցինք այն վիճակում, որ ստիպված էինք կապիտուլ յացիոն փաստաթուղթ ստորագրել: Կարծում եմ՝ վերջին օրերի հայտարարությունները նույնպես հերթական սպասվող իրադարձության նախաշեմի ելույթներ են, որոնց ինքը հետո անդրադառնալու է, քանի որ սիրում է ամեն ինչում իրեն պատասխանատու կարգել՝ հայտարարելով, սակայն, որ մեղավորն ինքը չէ»:

ԱՆՆԱ ԲԱԴԱԼՅԱՆ 

Մանրամասները՝ «Փաստ» օրաթերթի այսօրվա համարում

Մեր բախտը չբերեց, արժանի էինք ոչ-ոքիի․ Անչելոտին՝ Մալյորկայի հետ խաղի մասին Խոշոր հրդեհ՝ Երևանում. սեփական տան ննջասենյակն ու հյուրասրահը վերածվել են մոխրակույտի, կա վիրավոր Հունաստանի առափնյա պահպանության ծառայությունը նավաբեկությունից հետո ավելի քան 40 միգրանտի է փրկել Արցախի իրավապահները միջոցներ են ձեռնարկում սոցցանցերում երկրի ԱԱԾ-ն հիշատակող հրապարակումների վերաբերյալ Կոտայքի մարզում մերկասառույցի պատճառով վրաերթի են ենթարկվել ծառայություն կատարող պարեկները Երևանի Սեբաստիայի փողոցի տներից մեկում հրդեհ է բռնկվել Ծեծկռտուք և խուլիգանություն՝ Երևանի կենտրոնում. բերման ենթարկվածներից մեկը «Շմայս»-ի 22-ամյա որդին է Տաշիր քաղաքում բախվել են ավտոմեքենաներ․ կա տուժած ՀՀ մի շարք շրջաններում ձյուն է տեղում․ Լարսը բաց է բոլոր տեսակի տրանսպորտային միջոցների համար Այրվել է Մարտակերտի Վերին Հոռաթաղի բնակչին պատկանող խանութը Վերջին տարիներին հանրային ու քաղաքական կյանքը Հայաստանում գլխիվայր շուռ է եկել և շուռ է տվել ամեն բան. Արտակ ԶաքարյանՊիրինեյան թերակղզու առաջին հիբրիդային էլեկտրակայանը սկսել է աշխատելՓաստորեն լավ էլ «հասկանում են» իրենց գործողությունների հետևանքները. «Փաստ»Ռուբեն Վարդանյանի գործունեության լավագույն գնահատականներից մեկը տվել են Հայաստանի ԱԺ ամբիոնիցԽոշոր ավտովթար Արարատի մարզում․ 28-ամյա վարորդը Mercedes-ով բախվել է բետոնե էլեկտրասյանը․ կա վիրավոր Սպասվում է ձյուն և մառախուղ Ուկրաինայում հակամարտության ելքից շատ բան է կախված նաեւ Հարավային Կովկասում. Դմիտրի Տրենին Մեսսիի դեմ խաղալով տանջվել եմ, իսկ հիմա նրա կողքին հաճույք եմ ստանում. Ռամոս Փարիզը մտահոգված է Լաչինի միջանցքի փակմամբ և կոչ է անում բացել այն. Ֆրանսիայի ԱԳՆ խոսնակ Պիրինեյան թերակղզու առաջին հիբրիդային էլեկտրակայանը սկսել է աշխատել Հերթական երկրաշարժը՝ Իրանում երջին տարիներին հանրային ու քաղաքական կյանքը Հայաստանում գլխիվայր շուռ է եկել և շուռ է տվել ամեն բան, այդ թվում՝ Արցախում. Արտակ ԶաքարյանԱյլ բան չկա ներկայացնելու, ստիպված զինվորական հանդերձանքի թեման են բարեփոխման անվան տակ հրում. Տիգրան Աբրահամյան Արցախի բուժհաստատություններում շարունակում են դադարեցված մնալ պլանային վիրահատությունները Պեմզաշենում դաժանաբար սպանված ընտանիքի հայրը փակագծեր է բացում Լարսը բաց է Ռուսաստանը և Ուկրաինան գերիներ են փոխանակել Հայտնի է, թե ով է երեկ կալանավորված քրեական հեղինակությունը «ՀՀ-ն նոկաուտի ենթարկված բռնցքամարտիկի վիճակում է․ ասում են՝ կռվի, բայց նույնիսկ գոյատևել չենք կարող» (տեսանյութ) Վթարային ջրանջատում Վայոց Ձորի մարզի Վայք քաղաքում փետրվարի 4-ինՀամոզված եմ, որ համատեղ ջանքերի շնորհիվ կհաջողվի նոր որակ հաղորդել մեր փոխգործակցությանը. Փաշինյանը՝ Շրի Լանկայի վարչապետին Նախագահ Վահագն Խաչատուրյանը ստորագրել է մի շարք օրենքներ Մարգարայի բնակիչները մտահոգություններ ունեն հայ-թուրքական սահմանի հնարավոր բացման առնչությամբ Սուրեն Պապիկյանն այցելել է N ուսումնական զորամաս․ նպատակն է տեղում ծանոթանալ ծառայության կազմակերպման ընթացքին Վարդենիսում ավտոտնակ է այրվել, ներսում` ավտոմեքենա ԵՄ երկրները պայմանավորվել են ռուսական նավթամթերքի գների առավելագույն շեմը սահմանելու շուրջ ԶՊՄԿ-ն և Սյունիքի մարզպետարանը կհամագործակցեն մի շարք ուղղություններով Եթե Կիևը հարվածի Ղրիմին, ամբողջ Ուկրաինան կայրվի. Մեդվեդև Կառավարության նոր որոշումը՝ վարժական հավաքների մասին Թուրքիան և Ադրբեջանը 2023-ին համատեղ 10-ից ավել զորավարժություն են նախատեսել Բլինքենը ԱՄՆ երկնքում հայտնված օդապարիկի պատճառով հետաձգել է այցը Չինաստան Ինչո՞ւ է գունատ «հատուկ հնեցված» կոնյակը. «Փաստ»Կոշում բախվել են թուրքական և հայկական համարանիշներով մեքենաներ․ կան զոհ և վիրավորներ ՊԱՏՄՈՒԹՅԱՆ ԱՅՍ ՕՐԸ (4 ՓԵՏՐՎԱՐԻ). Էսկալատորի ամենախոշոր վթարը, «Ֆեյսբուքի» ստեղծումը, ռետինե կրկնակոշիկների գյուտը. «Փաստ»«Սերգեյ Լավրովը խճճվել է». «Փաստ»Հիմա մեր անելիքներից մեկը նաև Արցախի թեման համաշխարհային հանրության ուշադրության կենտրոնում պահելն է. Ռուբեն Վարդանյան Կարմիր Խաչի միջոցով այսօր Արցախից Հայաստան է տեղափոխվել 6 հիվանդ Եվրոպայում խաղալու ցանկություն ունեմ․ Էդուարդ Սպերցյան Արտաքին քաղաքականությունը պետք է ծառայի ոչ թե չարակամների թիվն ավելացնելուն, այլ, ընդհակառակը, ընկերների թիվը առավելագույնի հասցնելուն. «Փաստ»Արտարժույթների փոխարժեքներն այսօր