Մեր պայքարի արդյունքում որոշակի մոտեցումներ վերանայվել են
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մեր պայքարի արդյունքում ՀՀ կառավարությունը որոշակի մոտեցումներ վերանայել և բարելավել է։ Մասնավորապես, եթե նախքան մեր նախաձեռնության մեկնարկը հայտարարվում էր, որ ապրիլից էականորեն կրճատելու են գործող բնակվարձի աջակցության ծրագիրը, ապա մարտի վերջին կառավարությունը հաստատեց նոր որոշում․ մինչև տարեվերջ նախկին ծրագիրը երկարաձգել՝ ընդլայնելով նաև շահառուների շրջանակը։ Ներառվել են նաև 2020-ի տեղահանվածները, ինչը կարող ենք համարել միջանկյալ կարևոր արդյունք: Այս մասին այսօր՝ ապրիլի 2-ին , «Մեդիա կենտրոնում» հրավիրած մամուլի ասուլիսի ժամանակ հայտարարել է «Արցախի ժողովրդի շահերի ու իրավունքների պաշտպանության միություն» ՀԿ նախագահ Արտակ Բեգլարյանը։
«Այո, Արցախի ժողովրդի կարիքների ապահովման նախաձեռնությունը, որն ավելի քան 4 տասնյակ ՀԿ-ների և ակտիվ անհատների խորհուրդ է, 4 շաբաթվա ընթացքում որոշակի համախմբում կարողացել է ապահովել, արդյունքներ կան, թեև դեռևս աշխատանքներ կան անելու»,- նշել է նա: