Ереван, 18.Июнь.2025,
00
:
00
1 $ = 0 ֏, 1 = 0 ֏, 1 = 0 ֏
ВАЖНО


Exclusive «2 աստղ» նախագծի թեժ ետնաբեմը. Tert.amLife-ի օբյեկտիվում լարված ու հուզված արտիստներն են՝ ելույթից րոպեներ առաջ

ЛАЙФ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

18 տարի անց Հանրային հեռուստաընկերության եթեր է վերադառնում ամենավարկանիշային ու սպասված «2 աստղ» նախագիծը՝ հեռուստադիտողին խոստանալով նոր անակնկալներ:

Մինչ նախագծի մասնակիցներն ու ողջ ստեղծագործական թիմը լարված ու հուզված պատրաստվում են առաջին ելույթներին, Tert.am Life տեսախցիկը ֆիքսել է ետնաբեմի թեժ իրարանցումը:

Րոպեներ անց կմեկնարկեն առաջին թողարկման նկարահանումները, մինչ այդ փորձում ենք զրուցել մասնակիցների հետ, պարզել ինչ էմոցիաներ ու սպասելիքներ ունեն:

Նոր եթերաշրջանում ժյուրին բաղկացած է չորս անդամից․ երեքը մշտական անդամներ են, իսկ չորրորդը՝ հատուկ հյուր, ով փոխվելու է յուրաքանչյուր թողարկման ընթացքում։ Առաջին թողարկման հատուկ հյուրը Նարեկ Դուրյանն է:

Ժյուրիի կազմում են Հրաչ Քեշիշյանը, Լուիզա Ներսիսյանը, Գարիկ Պապոյանը:

Նրանք կգնահատեն մասնակիցների ելույթները՝ առաջնորդվելով իրենց փորձով ու մասնագիտական կարծիքով։

Նախագիծը վարելու են Գրիգն ու Արամ MP3-ին:

Tert.am Life-ի հետ զրույցում Գրիգը խոստովանեց, որ առաջարկը եղավ շատ անսպասելի:

«Ես անգամ չգիտեի, որ «2 աստղ» նախագիծը վերադառնում է եթեր:

Երբ «2 աստղ»-ը եթերում էր, ես դեռ դպրոցական էի: Շատ հետաքրքիր ու պարտավորեցնող է: Շատ սիրված նախագիծը վերադառնում է, իսկ ես մի մասնիկն եմ կազմում»,- նշեց Գրիգը:

Նրա խոսքով՝ շատ հետաքրքիր զույգեր են ընտրված:

«Ինձ թվում է՝ թեժ պայքար է լինելու: Արամի հետ շատ հեշտ ենք աշխատում, վաղուց ենք իրար ճանաչում, կես խոսքից իրար հասկանում ենք:

Քանի որ կինս մասնակցում է, հասկանալի պատճառով ֆավորիտ զույգը պարզ է, որ Սոնան ու Սիմոնն են, բայց հեռուստադիտողը դրա մասին բացարձակ չի զգալու»,- վստահեցեց Գրիգը:

Նրա կարծիքով՝ այս նախագիծն ավելի շատ ոչ թե հաղթելու կամ պարտվելու մասին է, այլ՝ հետաքրքիր երաժշտական տոն է հեռուստադիտողի համար:

Արամ MP3-ին Tert.am Life-ի հետ զրույցում անկեղծացավ՝ իր համար ավելի հետաքրքիր էր ներկայանալ որպես մասնակից, քան հաղորդավար:

«Մասնակցելն ավելի հաճելի է, քանի որ կա էքստրիմ, լարվածություն, պայքար, արցունքներ, ժպիտ ու ծիծաղ: Մի խոսքով՝ երանի նրանց, ովքեր առաջին անգամ են մասնակցում նախագծին, որովհետև իմ հեռուստատեսային պատմության մեջ որպես նախագծի մասնակից ամենատպավորիչ ու հիշարժան նախագիծն է եղել, որն ինձ հետագայում օգնել է իմ գործունեության մեջ, ինձ սկսել են ճանաչել որպես երգիչ: Այս նախագծից հետո շատ մարդիկ կլինեն, որոնց  ճանապարհը լրիվ այլ ուղղությամբ կգնա»,- նշեց Արամ MP3-ին:

Նախագծի զույգերից Պոնչն ու Տոման փորձերին շատ քիչ են հասցրել մասնակցել, քանի որ այս ընթացքում երկրից բացակայել են:

«Անձամբ ես շատ վախեցած ընդունեցի առաջարկը, բայց հիմա հասկանում եմ, որ շատ լավ է, որ համաձայնել եմ, որովհետև այստեղ տոն է տիրում: Մեծ լարվածություն կա, լավ արտիստներ կան, վստահ եմ հանդիաստեսն ուրախ ու հաճույքով է նայելու:

Ընդամենը 1 օր ենք փորձ արել, հուսանք բեմից դա չի երևա»,- անկեղծացավ Պոնչը:

Երգչուհի Լիլիթ Կարապետյանի ու դերասան Ռաֆայել Երանոսյանի առաջին ելույթն անսպասելի կլինի բոլորի համար:

Ներկայանալու են «Մեր բակը» ֆիլմից հայտնի «Երկու քույր ենք, երկուսն էլ մի բոյի» երգով:

«Երբ առաջարկը եղավ, շատ մասնակիցների անուններ հնչեցին, ոմանք գործի բերումով չկարողացան մասնակցել, ինձ տրվեց ընտրության հնարավորություն և այն առանց երկար մտածելու կանգնեց Լիլիթ Կարապետյանի վրա: Ինձ համար նախագծում կարևոր է, որ մարդ լինի տեսակով, հումորով ու մարդկային, իսկ Լիլիթն ունի բոլոր այդ հատկանիշները: Մեզ ավելի շատ հետաքրքիր է մասնակցությունը, այս մթնոլորտն ու խառնաշփոթը»,- նշեց Ռաֆայել Երանոսյանը:

Լիլիթ Կարապետյանն էլ պատմեց, որ ինքն ու Ռաֆոն շատ մտերիմ են: Նա ևս մեծ հաճույքով ու նույն սկզբունքով է մասնակցում նախագծին:  

«Հաղթանակի մասին պետք է մտածել, բայց չպետք է տառապել այդ մոլուցքով: Դու քո ելույթից պետք է հաճույք ստանաս»,- ասաց Լիլիթ Կարապետյանը:

Ռաֆայել Երանոսյանը հավելեց, որ անակնկալներ են սպասվում:

«Փորձելու ենք ամեն ինչ անել, որ լավ տրամադրություն ապահովվենք, ինձ թվում է ամենամեծ գրավականը հենց դա է»,- ամփոփեց նա:

Դերասան, շոումեն Արմուշը նախագծին մասնակցում է երգչուհի Մաշա Մնջոյանի հետ:

«Մեծ սիրով ընդունեցի առաջարկը, երբ հնչեց Մաշա Մնջոյանի անունը, միանգամից ասացի՝ այո:

Փորձերը շատ հետաքրքիր է անցում, Մաշան պրոֆեսինալ երգչուհի է, ինձ մոտ էլ կարծես ստացվում է: Ամենադժվար պահը երևի այն է, որ ես երաժշտությունը կարողանում եմ ընկալել, բայց դժվարությամբ եմ արտաբերում: Մաշայի ջանքերի շնորհիվ ստացվում է:

Շատ ուրախ տեսարաններ է սպասվում հանդիսատեսին, եթե ես կամ, անհնար է առանց հումորի: Երգերին լուրջ ենք մոտենում, բեմադրություններին՝ ավելի ուրախ»,- նշեց Արմուշը:

Դերասան Արսեն Գրիգորյանը Tert.am Life-ի հետ զրույցում նշեց, որ շատ ուրախ է, որ ամենասիրելի նախագիծը վերադառնում է:

«Շատ ոգևորիչ էր նաև զույգի ընտրությունը, Արսեն Գրիգորյանը՝ Ասոն մեր հայկական երաժշտության ամենաամուր ձայներից է, իսկ ինձ համար կարևոր է, որ վստահություն ունենամ, որ երգիչը շատ ուժեղ է:

Նա որպես արտիստ շատ ճկուն է, բաց է ռեժիսորի առաջարկներն ընդունելու առումով, թե՛ կերապարանափոխության, թե՛ պլաստիկայի ու շարժումների առումով: Հեռուստադիտողը նրան նոր ձևով կբացահայտի, թեև Ասոն նախորդ նախագծերին մասկակցել է ու  անսպասելիության վարկանիշը բարձր է եղել:

Դերասանուհի Լիլի Էլբակյանն ու Վանը ևս խոստովանեցին, որ իրենց համար ամենաանսպասելին էր նախագծում հայտնվելը:

«Ես ընդհանրապես չեմ երգում, դրա համար շատ անսպասելի էր առաջարկը»,- նշեց Լիլի Էլբակյանն, իսկ Վանը հավելեց. «Ես էլ առհասարակ «Նեմրա»-ից դուրս չեմ երգում, ինձ համար ևս անսպասելի էր:

«Ինձ համար ամենաբարդը անգլերեն սովորելն ու երգելն է»,- ասաց Լիլի Էլբակյանը:

Իսկ Վանը դժվարանում է հագուստ ընտրելու հարցում:

«Աշխարհի որ ծայրում լինի, ես մի շապիկ հագնում ու գնում եմ երգելու, իսկ այստեղ պետք է տարբեր կերպարների համար հագուստ ընտրենք»,- ասաց Վանը:

Բոլոր մասնակիցները շատ լավն են, բայց Լիլի Էլբակյանի կանխատեսմամբ՝ կհաղթի Բրյունետը:

Իսկ Վանի խոսքով՝ մրցույթն էական չէ, եթերային տոնն ավելի կարևոր է:

««2 աստղ»-ը իմ ամենասիրելի նախագիծն է եղել»,-նշեց Լիլին:

Սոնա- Սիմոն զույգը ևս ուրախ է, որ մասնակցում է նախագծին:

«Երբ իմացա, որ զույգս Սիմոնն է լինելու, շատ վստահ ընդունեցի առաջարկը, որովհետև ինձ չեմ պատկերացնում այնպիսի արտիստի հետ, ով կփակի ինձ: Սիմոնն ինձ ավելի շատ բացում է, որովհետև այն հնարավորությունները որոնք ունեմ, ամբողջությամբ կարողանում եմ ցույց տալ»,- նշեց Սոնան:

«Ավելի համապատասխան զույգ չեմ կարծում, որ հնարավոր է մտածել: Շատ հեշտ ենք միասին աշխատում, իսկ արդյունքը կերևա հեռուստացույցից այն կողմ»,- ասաց Սիմոնը:

Զույգը նշեց, որ թեև առաջին նակարահանման օրն է, բայց լարվածություն չկա:

«Զուտ պատասխանատվության զգացումն է, որ ամեն ինչ լինի սիրուն: Բեմում արհեստական ոչինչ չենք անելու»,- նշեց Սոնան:

Սիմոնն էլ հավելեց, որ բեմադրությունը շատ հետաքրքիր է լինելու:

Անի Արզումանյանի և Ռոբերտ Քոլոյանի համար ևս անականկալ էր նախագծում հայտնվելը:

«Փորձերը շատ թեթև են անցնում, երկուսս էլ բնավորությամբ թեթև ենք, ոչ մի խնդիր չենք ստեղծում, դա շատ լավ է»,- նշեց Անին:

«Շատ ուրախ եմ, որ մասնակցում եմ, դա իմ մանկության երազանքն է եղել, բայց այդ ժամանակ ես նոր սկսում էի երգել: Եթե չեմ սխավլում 3-րդ եթերաշրջանին ներկա եմ եղել: Հիմա շատ ուրախ եմ, որ այստեղ եմ ու զույգս Անին է: Շատ է պարապում ու ամեն օր ավելի լավ է երգում»,- նշեց Ռոբերտը:

Անին էլ հավելեց, որ եթե ելույթը լավ ստացվի, դա Ռոբերտի ներդրումն է:

«Բոլոր չերգիչներից ամենաչերգողը կարծում եմ Դավիթն է, որովհետև բացարձակ կապ չունի բեմի հետ:

Բավականին աշխատասեր է, ինչը շատ է օգնում իրեն: Փորձերի ժամանակ միշտ մաքսիմալն է անում, բավականին լավ է պատրաստվում:

Շատ արագ տվեցի դրական պատասխան, երբ ստացա առաջարկը, սկսեցինք փորձերը: Բավականին ակտիվ ներգրավվածություն է պահանջում, և՛ վոկոլի, և՛ պարի փորձեր ենք ունենում, բարդ է»,- պատմեց Աստղիկ Սաֆարյանը:

Դավիթ Մանոյանի խոսքով՝ ամենաբարդը ժամանակային խնդիրն է:

«Քիչ ժամանակ ունեինք, բայց մաքսիմում փորձել ենք լավ պատրաստվել»,- նշեց Դավիթը:

Զույգը պարային բեմադրությամբ է հանդես գալու:

«Ջանք ու եռանդ չենք խնայում, որպեսզի գեղեցիկ շոու ստանանք»,- վստահեցնում է զույգը:

Հիշեցնենք՝ տարվա գլխավոր երաժշտական մեգանախագիծը կարող եք դիտել ապրիլի 26-ին՝ ժամը 21:50-ին, Առաջին ալիքի եթերում:

Пашинян угрожает: После национализации ЭСА сотрудники компании, которые вынуждают людей ходить на акции, будут уволеныГлава Российской и Ново-Нахичеванской епархии ААЦ пришел поддержать задержанного Самвела КарапетянаРодственники без вести пропавших проводят акцию протеста в Ереване: они недовольны увольнением директора СНБСтепанян: Уголовное преследование Карапетяна- одна из самых печальных страниц нашей новейшей историиХодатайство об аресте Самвела Карапетян рассмотрит судья Артак Карапетян«Грапарак»: Пашинян просто опасен в кресле премьер-министра Пашинян: Созрел момент национализации ЗАО «Электрические сети Армении»ABC: в США заявили о решающих 24-48 часах в конфликте с ИраномВладелец компании «Ташир групп»: Никогда не откажусь от своих принципов и ценностейНефть Brent слабо дешевеет и торгуется у $76,3 за баррельНаглый выпад генсека ПА ОБСЕ: «Зангезурский коридор должен быть открыт, альтернативы этому нет»FT: Трамп был раздражен визитом Макрона в ГренландиюВерховный лидер Ирана двумя словами анонсировал новую фазу конфликта с ИзраилемОбязанности директора Службы национальной безопасности временно будет исполнять Андраник СимонянПервопрестольный Святой Эчмиадзин выступил с заявлениемАзербайджан ждет распада Ирана через этнически-религиозные границы: «Паст»ВТБ (Армения) запустил новый сервис переводов на карты «Мир» всех российских банковКричавший «Кочарян, преступник» был арестован спустя 7 лет по статье о пытках: «Паст»Почему затягивается вопрос о назначении руководителя ИОБПП? «Паст»Idram теперь доступен на TemuСтолкнулся с серьезной дилеммой։ общество, общественные и политические силы рядом с Церковью: «Паст»Нетаньяху заявил, что не исключает возможность убийства верховного лидера ИранаИндия рассматривает Армению как безопасный маршрут для эвакуации своих граждан из ИранаИзраиль выпустил «срочное предупреждение» для округа Тегерана, где проживают более 330 тыс. человекГлава МИД РА представил действующему председателю ОБСЕ процесс урегулирования с АзербайджаномКСИР: Иран ударит по Израилю современным оружием, когда сочтет это нужнымЗамглавы МИД Армении в Анкаре провел встречу с турецким коллегойБок о бок: стартовала новая программа IDBank для женщин, вынужденно переселённых из АрцахаЭрдоган: Турция готова стать посредником в прекращении конфликта с ИзраилемГенпрокурор Армении и посол Нидерландов обсудили вопрос сотрудничестваЦены на нефть продолжают расти на опасениях по поводу поставокВ ходе акции протеста жителей Касаха были задержаны 11 человекМИД Ирана сообщил о гибели более 70 женщин и детей в результате атак ИзраиляГлава МО Израиля пригрозил, что жители Тегерана «скоро заплатят» за обстрелыFT: страны ЕС планируют отказаться от импорта российского урана к 2030 годуЧто не могут «поделить» члены ГД? «Паст»«Придет время, и мы будем очень жесткими с сегодняшним руководством»: «Паст»Для Армении сегодня важно не поддаваться политическим манипуляциям внешних игроков: «Паст»Почему семь лет спустя «вспомнили» об Овике Абрамяне? «Паст»Мегапроект с инвестициями в размере 500 миллионов долларов: о чем речь? «Паст»Депутаты предлагают штрафовать и снимать баллы за громкую музыку в машине, а также выхлопы «спортивных» глушителейСмотрите круглосуточный эфир Euromedia 24 TV на 289 канале Ucom и на 46 канале OVIO (Rostelecom)Reuters: Возрастает риск новых столкновений между Арменией и Азербайджаном«Аякве»: Призываем ВС Армении усилить бдительностьFlydubai приостановила полеты в Россию, Армению, Азербайджан и еще ряд стран СНГКак насладиться летом в полной мереWSJ: Израиль планирует проводить операцию в Иране две неделиСекретарь СБ Армении не отрицает предстоящую встречу Пашиняна и ЭрдоганаUcom запустил сеть 5G в Ереване, построив самую большую сеть 5G в Армении Mehr: Над иранской мечетью Джамкаран подняли красный флаг мести