The Economist. Հռոմի պապը մահից առաջ մարել է մանկական բանտին կից մակարոնի գործարանի հիփոթեքը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մահից կարճ ժամանակ առաջ Հռոմի պապ Ֆրանցիսկոս I-ը իր ունեցած գրեթե ամբողջ գումարը՝ մոտ 200․000 եվրո (225․000 դոլար), ծախսել է Հռոմի անչափահասների բանտին կից գործող մակարոնի գործարանի հիփոթեքային վարկը մարելու համար, հաղորդում է The Economist-ը։

«Սակայն հանգուցյալ պապը նաև հավատքի մարմնացում էր, որտեղ տեղ կար կասկածի և անվստահության համար: Հավանաբար նրա ամենահայտնի մեկնաբանությունն այն էր, որ համասեռամոլության մասին հարցին պատասխանել էր. «Եթե մարդը համասեռամոլ է, փնտրում է Աստծուն և ունի բարի կամք, ո՞վ եմ ես, որ դատեմ նրան»: Նրա ժառանգությունը մեծ տեղ է թողել տարբեր մեկնությունների համար, մասնավորապես այն հարցում, թե արդյոք ամուսնալուծված և վերամուսնացած կաթոլիկները կարող են հաղորդություն ստանալ», - նշում է պարբերականը:

Ինչպես նշում է The Economist-ը, անորոշությունը զայրացրել է պահպանողականներին և այլոց, ովքեր փափագում էին Բենեդիկտոսից և նրա նախորդից՝ Սուրբ Հովհաննես Պողոս II-ից հստակ բարոյական առաջնորդություն ստանալ։

Մոտ մեկ շաբաթից Սիքստինյան կապելայում կոնկլավի համար հավաքվող կարդինալները կկանգնեն ընտրության առաջ՝ ընտրել մի մարդու, որը պատրաստ կլինի ավելի խորը ուսումնասիրել Ֆրանցիսկոսի կողմից ուսումնասիրության համար բացված ոլորտները, թե՞ վերադառնալ իրենից առաջ եղածների ավելի ծանոթ կաթոլիկությանը։

Բենեդիկտոս XVI-ի օրոք աստվածաբանական ուղղափառության պահապան կարդինալ Գերհարդ Լյուդվիգ Մյուլլերը դիվանագիտական ​​զսպվածությամբ ասաց, որ Ֆրանցիսկոսը «որոշակի պահերի մի փոքր երկիմաստ էր», մինչդեռ իր նախորդի օրոք «կատարյալ աստվածաբանական պարզություն» էր տիրում։

Հարցերից մեկը, որի շուրջ կասկածներ են մնում, այն է, թե արդյոք քահանաները կարող են օրհնել միասեռ զույգերին։ Հաջորդ պապը պետք է պարզաբանի այս հարցը, ասել է կարդինալ Մյուլլերը։

Հետևեք մեզ՝ այստեղ